ያቆቤ ኪታ 2:5 - ጋሞ ማጻፋ

⁵ ታ ሲቆ ኢሻቶ! ኣኔ ሲዪቴ፤ ኢስቲ ኣማኖን ዱሬታ ጊዳና ማላ ጾሲ ባና ዶሲዛይታስ ሂዶታ ኢስታስ ኢሚዳ ካዎቴ ኢስቲ ላታና ማላ ሃይሳ ሃ ኣላሜዛን ዲዛ ማንቆታ ዶሪቤኔ?

Geeshsha Maxaafa

⁵ Ta siiqo ishatoo! Ane siyite; istti ammanon dureta gidana mala Xoossi bana dosizaytas hidota isttas immida kawoteththaa istti laattana mala hayssa ha alamezan diza manqota dooribeennee?

Gamo Geesha Maxxafa New Testamen

⁵ Ta siiqo ishato ane siyte; isti ammanon durista gidana mala Xoossi bena dosizaytas ufayssan isttas immida kawotetha istti laattana mala hayssa ha alamezan diza manqota dooribeynee?

ያቆቤ ኪታ 2:5 ပူးပေါင်းရင်းမြစ်များ

1ካዎታ ማጻፋ 22:28

ሚኪያሲ ኢዛስ፥ «ኔኒ ሳሮን ሲሚዛ ጊዲኮ ጎዳይ ታ ዶናራ ሃሳይቤና» ጊዴስ። ቃሴካ ሚኪያሲ፥ «ሃይሳን ዲዛ ኣሳይ ሃይሳ ታ ጊዛ ቃላ ዎዚናን ዎቴ» ጊዴስ።

ኢዮቤ ማጻፋ 34:10

«ኣኬኪዛ ኣሳቶ ኣኔ ታና ኤዝጊቴ! ኢታ ኦሶይ ጾሳፌ፤ ባላ ኦሶይ ኡባ ዳንዳይዛ ጾሳፌ ሃኮ!

ኢዮቤ ማጻፋ 34:19

ኡባቲካ ኢዛ ሜታታ ጊዲዳ ጊሻስ ኢዚ ሹሜታ ሻኪ ማዴና፤ ዱሬታካ ማንቆታፔ ሻኬና።

ኢዮቤ ማጻፋ 38:14

ዎንታ ፖኦይ ቢታ ቃላምኤቲ ዲዛ ማይኦ ማላ ቤታና ማላ ኦስ፤ ማና ሚሻ ቦላ ዲዛ ማታሜ ማላ ቆንጬን ቤሴስ።

ኬሳ ማጻፋ 20:6

ቃሴ ታኒ ታና ሲቂዛይታሲኔ ታ ኣዛዞ ናጊዛይታስ ዳሮ ሺ ዬሌቴ ጋካናስ ታኒ ታ ሲቆ ቤሲዛ ጾሳ።

ሌሚሶ ማጻፋ 13:7

ኣይኮይ ባይንዳ ባና ዱሬ ሚሳቲሲዛ ኣሲ ዴስ፤ ሃራ ባጋራ ባስ ዳሮ ኣቆታይ ዲሺን ማንቆ ሚሳቲ ቤቲዛ ኣሲ ዴስ።

ሌሚሶ ማጻፋ 7:24

ታ ናዞ! ኣኔ ሃኢ ሲያ፤ ታ ዶናፔ ኬዚዛ ቃላካ ኤዝጋ።

ሌሚሶ ማጻፋ 8:32

«ሃኢካ ታ ናይቶ! ታኒ ጊዛይሳ ኤዝጊቴ፤ ታ ኦጌ ናጊዛይቲ ኣንጄቲዳይታ።

ኢሳያሳ ቲንቢቴ 14:32

ሄ ካዎቴታፔ ኪቴቲ ዪዛ ቃስታኔታስ ኣይ ጊ ዛራኔ? ‹ጎዳይ ጺዮኔ ሚን ኤሲዴስ፤ ዋዬ ኤኪዳ ዴሬይ ኢዚ ጋርሳን ሼምፖሶ ዴሚዴስ› ጊ ዛሮ።»

ኢሳያሳ ቲንቢቴ 29:19

ኣሽኬቲ ጎዳን፥ ሂዬሳቲ ኢስራኤሌ ጌሻን ዛሪ ዛሪ ኡፋዬታና።

ሶፎናሳ ቲንቢቴ 3:12

ጎዳ ሱንን ኣማኔቲዛ፤ ኣሽኬታኔ ባንታና ካዉሺዛይታ፤ ታ ኢንቴ ጊዶን ኣሻና።

ዛካራሳ ቲንቢቴ 11:11

ሄ ጋላስ ካሴ ጫቆዚ ላሌቲዴስ፤ ኡንኤቲ ኡቲዲ ታና ጼሊዛ ዶርሳቲ ሄሲ ጎዳ ቃላ ጊዲዳይሳ ኤሪዳ።

ዛካራሳ ቲንቢቴ 11:7

ሄሳ ጊሻስ ታኒ ባይዚዛይታሲኔ ሻሚዛይታስ ቃጻሬታ ሹኬታናስ ዶሬቲዳ ዶርሳታ ሄሚዛዴ ጊዳዲስ፤ ዶርሳታካ ሄማሼ ናምኡ ጉፌታ ኤካዳ ኢሳ፥ «ኪያቴ» ናምኣንዛ፥ «ኢሲፌቴ» ጋ ሱንዲስ።

Maatosa 11:5

ቆቄቲ ጼሌቴስ፤ ዎቤቲ ሄሜቴቴስ፤ ኢንቺራቻ ሃርጊዛይቲ ፓጼቴስ፤ ቱሌቲ ሲዬቴስ፤ ሃይቂዳይቲ ሃይቆፔ ፓጺ ዴንዴቴስ፤ ማንቆታስ ሚሺራቾ ቃላይ ዮቴቴስ።

Maatosa 25:34

ሄ ዎዴ ካዎይ ኡሻቻ ባጋራ ዲዛይታ፥ ‹ኢንቴኖ! ታ ኣዋይ ኢንቴና ኣንጂዳይቲ ሃ ዪቴ! ኣላሜይ ሜቶሶፔ ኢንቴስ ጊጌቲዳ ካዎቴ ላቲቴ! ጋና።

Maatosa 5:3

«ኣያናን ባና ካዉሺዛይቲ ኣንጄቲዳይታ፤ ኣይስ ጊኮ ሳሎ ካዎቴ ኢስታሳ።

ማርቆሳ ሚሺራቾ 7:14

ቃሴካ ዬሱሲ ኣሳ ባኮ ጼይጊዲ፥ «ዉሪካ ታ ጊዛ ሲዪቴኔ ዎዚናን ዎቴ።

ሉቃሳ ሚሺራቾ 12:21

«ሄሳ ጊሻስ ጾሳ ኣቻን ዱሬ ጊዶንታ ባስ ሚሼ ሺሺዛ ኣሳ ዉርሴካ ሄሳ ማላ» ጊ ሌሚሶን ዮቲዴስ።

ሉቃሳ ሚሺራቾ 12:32

«ኢንቴኖ ጉ ዉዴ ሜሄ ማላ ጊዲዳይቶ! ካዎቴ ኢንቴስ ኢማናስ ኢንቴ ኣዋስ ሎኦ ቆፋ ጊዲዳ ጊሻስ ባቦፍቴ።

ሉቃሳ ሚሺራቾ 16:22

«ሄ ማንቆ ኣዴዚ ሃይቂን ሳሎ ኪታንቻቲ ኣብራሃሜ ኪኦ ኤኪ ቢዳ፤ ቃሴ ዱሬ ኣዴዚካ ሃይቂዲ ሞጌቲዴስ።

ሉቃሳ ሚሺራቾ 16:25

«ጊዶ ኣቲን ኣብራሃሜይ፥ ‹ታ ናዞ ኔኒ ቢታ ቦላ ዳሼ ሎኦ ዱስ ዴኢዳይሳ ማላ ኣላዛሬይ ካሴ ዋዬ ቤኢዳይሳ ኔ ቆፓ፤ ጊዶ ኣቲን ሃኢ ኢዚ ኡፋዬቲሺን ኔኒ ዋዬታሳ።

ሉቃሳ ሚሺራቾ 22:29

ታ ኣዋይ ታና ካዎዳይሳ ማላ ታኒካ ታ ካዎቴን ኢንቴና ካዎና።

ሉቃሳ ሚሺራቾ 6:20

ዬሱሲካ ባና ካሊዛይታስ፥ «ጾሳ ካዎቴይ ኢንቴስ ጊዲዳ ጊሻስ ኢንቴኖ ማንቆቶ! ኢንቴ ኣንጄቲዳይታ፤

ዮሃኒሳ ሚሺራቾ 7:48

ዳናታፔ ዎይኮ ፋርሳዌታፔ ኢዛ ኣማኒዳይቲ ዲዞሻ?

ሃዋሬታ ኦሶ 7:2

ኢስቲፋኖሲካ፥ «ታ ኢሻቶ! ታ ኣዋቶ! ታ ጊዛይሳ ሲዪቴ! ኑ ኣዋ ኣብራሃሜይ ካራኔ ጌቴቲዛሶ ያናፔ ካሴ ቡሮ ሜስጴጾሚያን ዲሺን ቦንቾ ጎዳይ ኢዛስ ቆንጪዲ፥

ኦሮሜ ኣሳስ 8:17

ኑኒ ጾሳ ናይታ ጊዲኮ ኢዛ ላቲዛይታ። ኑ ኪርስቶሳ ቦንቾዛ ላቲዛይታ ጊዳና ማላ ኣዳፌካ ኢዛራ ኢዛ ሜቶዛ ጊሼቲዛይታ ጊዲኮ ኑ ጾስ ላቲዛይታ፤ ኪርስቶሳራካ ኢሲፌ ላቲዛይታ።

1ቆሮንቶሴ ኣሳስ 2:9

ጊዶ ኣቲን ጌሻ ማጻፋን፥ «ኣሳ ኣይፌይ ቤኦንታዝ፥ ኣሳ ሃይ ሲዮንታዝ፥ ኣሳ ዎዚናይካ ቆፖንታዝ ጾሲ ባ ዶሲዛይታስ ጊግሲዴስ» ጌስ።

2ቆሮንቶሴ ኣሳስ 4:15

ዳሮ ኣሳ ጋኪሼ ዲዛ ኪያቴ ጾሳ ቦንቾስ ጋላታ ቦላ ጋላታ ጉጃና ማላ ሃይሲ ዉሪካ ኢንቴና ጎኣናስ ሃኒዴስ።

2ቆሮንቶሴ ኣሳስ 6:10

ሙዞይ ኑና ጋኪኮካ ኡባ ዎዴ ኡፋዬቶስ፤ ኑኒ ማንቆኮ ሺን ዳሮ ማንቆታ ዱሬ ኬሶስ፤ ኑስ ኣይኮይካ ባይንዳይታ ሺን ዉሪካ ኑስ ዴስ።

2ቆሮንቶሴ ኣሳስ 8:9

ኢንቴ ኑ ጎዳ ዬሱስ ኪርስቶሳ ኪያቴ ኤሬታ።

ኤፌሶኔ ኣሳስ 1:18

ሄሳካ ኢንቴ ኢዛን ጼይጌቲዳ ኡፋይሳይ ሄሲካ ኣማኒዛይታ ኣቻን ዲዛ ኢዛ ዱሬቴ ኣዛኮኔ ኢንቴ ኤራና ማላ ኢንቴ ዎዚና ኣይፌይ ፖኣና ማላ ዎሳይስ።

ኤፌሶኔ ኣሳስ 3:8

ታ ቃሴ ሃንኮ ኣማኒዛ ኣሳፔ ላፋ ጊዲኮካ ኦኒካ ዛዋይ ባይንዳ ኪርስቶሳ ዱሬቴ ኣይዛቤታስ ሳባካና ማላ ጾሳ ኪያቴን ሃይሲ ታስ ኢሜቲዴስ።

1ታሶሎንቄ ኣሳስ 2:12

ኢንቴ ኢንቴና ባ ካዎቴሲኔ ባ ቦንቾስ ጼይጊዳ ጾሳስ ቤሲዛ ማላ ኢንቴ ዳና ማላ ኑ ኢንቴና ሚንዶስ፤ ሎኤ ዞሪዶሲኔ ሃዳራ ጊዶስ።

2ታሶሎንቄ ኣሳስ 1:5

ሄሲ ዉሪካ ጾሳ ፒርዳይ ሱሬ ጊዲዳይሳ ቤሴስ፤ ሄሳ ጋሶን ዋዬ ቤኢዛ ኢንቴ ጾሳ ካዎቴስ ቤሲዛይታ ጊዲ ቤቲዴታ።

1ጺምቶሳስ 6:18

ሎኦ ኦና ማላኔ ሎኦ ኦሶን ዱሬታ ጊዳና ማላ፥ ኪያታኔ ሻኪ ኢማናስ ዶሲዛይታ ጊዳና ማላ ኣሳ ኣዛዛ።

2ጺምቶሳስ 4:18

ጎዳይ ኢታ ዮኦ ኡባፌ ታና ኣሻና፤ ጌዴ ባ ሳሎ ካዎቴስ ታና ሳሮራ ጋና፤ ኢዛስ ሜርናፔ ሜርና ጋካናስ ቦንቾይ ጊዶ። ኣሚን።

2ጺምቶሳስ 4:8

ሲንፌ ታስ ኣኪሊሌይ ጊጊ ኡቲዴስ፤ ሄሲካ ጺሎቴ፤ ሄሳካ ቱሙ ፒርዲዛ ጎዳይ ሄ ጋላስ ታስ ኢማና፤ ሄሲካ ታስ ጻላ ጊዶንታ ኢዛ ዩሳ ላሞቲዛይታስ ኡባሲካ ኢማና።

Ibirawe 11:26

ጊብጼ ዴሬን ዲዛ ሃሮፔ ቦላራ ኪርስቶሳ ጊሻስ ዋዬ ኤኮይ ዳሮ ኣዛ ሃሮ ጊዲዳይሳ ዩሺ ቆፒዴስ፤ ጋሶይካ ኢዚ ሲንፌ ኤካናይሳ ቡሮ ሃሆን ቤኢዳ ጊሻሳ።

ያቆቤ ኪታ 1:12

ፓጬን ሚኒ ኤቂዳዴይ ኢዚ ኣንጄቲዳዴ፤ ጋሶይካ ኢዚ ፓጬራ ኤቄቲሺን ጾሲ ባና ዶሲዛይታስ ኢሚዳ ሂዶታ ዴኦ ኣኪሊሌ ኢዚ ኤካና።

ያቆቤ ኪታ 1:16

ታ ሲቆ ኢሻቶ! ኢንቴ ባሌቶፍቴ።

ያቆቤ ኪታ 1:19

ዶሴቲዳ ታ ኢሻቶ! ሃይሳ ዩሺ ቆፒቴ፤ ኣሲ ዉሪካ ሲያናስ ኤሶቶ፤ ሃሳያሲኔ ሃንቆስ ኤሶቶፖ።

ያቆቤ ኪታ 1:9

ካሴ ዚቃ ዱሳን ዲዛዴ ጾሲ ቁ ሂስታና ጊሻስ ኡፋዬቶ።

1ጴጽሮሳ ኪታ 1:4

ኢዚ ዮንታ፥ ሞሬቶንታኔ ጬጎንታ ላታሶ ኢንቴስ ሳሎን ጊግሲ ዎዴስ።

2ጴጽሮሳ ኪታ 1:11

ኢንቴ ሄሳ ሃንኮ ሜርናፔ ሜርናስ ዲዛ ኑ ጎዳ ዬሱስ ኪርስቶሳ ካዎቴን ጌላናስ ኢንቴስ ኩሜ ማታይ ኢሜታና።

ዮሃኒሳ ኣጁታ 2:9

ታኒ ኔ ዋዬዛኔ ኔ ማንቆቴ ኤራይስ፤ ጊዲኮካ ኔኒ ዱሬኮ። ኣይሁዳ ጊዶንታ ዲሼ ባና ኑኒ ኣይሁዳኮ ጊዛ ጻላኤ ማባራ ጊዲዳይቲ ሄይቲ ኔ ሱን ሞሮይሳ ታ ኤራይስ።

ዮሃኒሳ ኣጁታ 21:7

ጾኒዳዴይ ሃይሳ ላታና፤ ታኒካ ኢዛዴስ ጾስ ጊዳና፤ ኢዚካ ታስ ና ጊዳና።

ዮሃኒሳ ኣጁታ 3:18

ኔ ዱሬ ጊዳና ኮይኮ ታፔ ታማን ፓጬቲዳ ዎርቃ ሻማና ማላ ኔኒ ኔ ካሎቴ ዬላቴ ካማናስ ቦ ማይኦ ማይኣና ማላኔ ጼላናስካ ዳንዳያና ማላ ኣይፌ ሌ ሻማዳ ኔ ቲዬታና ማላ ታ ኔና ዞራይስ።

ዳናታ ማጻፋ 9:7

ኢዮኣታሜይ ሄሳ ሲዪ ቢዲ ጋሪዛኔ ዙማ ሁኤ ኬዚዲ ባ ቃላ ቁ ሂስቲዲ፥ «ኢንቴኖ ሴኬሜ ኣሳቶ! ኢንቴ ታ ጊዛይሳ ሲዪዛ ጊዲኮ ጾሲ ኢንቴ ጊዛይሳ ሲያና።

1ሳሜላ ማጻፋ 2:30

«ሄሳ ጊሻስ ጎዳ ኢስራኤሌ ጾሳይ፥ ‹ኔ ኬኔ ኔ ኣዋ ኬ ኣሳይ ታ ሲንን ሜርናስ ሃጋዛና ማላ ሂዶታ ቃላ ኢማዲስ፤ ሃኢ ጊዲኮ ጎዳይ ሃኒፌ ጉዬ ታ ሃይሳ ኦኬ፤› ታና ቦንቺዛይታ ታካ ቦንቻና፤ ታና ካዛይቲ ሙሌራካ ካታና።

1ሳሜላ ማጻፋ 2:8

ኢዚ ማንቆ ጉዱላፌ ዴንስ፤ ኣይኮይካ ባይንዳ ማንቆዛ ቁ ቁ ሂስቴስ፤ ባ ሹሜታራካ ኢሲፌ ኡቲሴስ፤ ቦንቾ ኣራታካ ላቲሴስ። ጋሶይካ ቢታ ዮቻቲ ጎዳሳ፤ ኢዚ ኣላሜ ኢስታ ቦላ ዎዴስ።