ኢሳያሳ ቲንቢቴ 9:18 - ጋሞ ማጻፋ

¹⁸ ዴራ ኢታቴ ኪንዲቾኔ ኣጉን ጹጊዛ ታማ ማላ፤ ፒ ጊዳ ዎራይ ጹጌቲሺን ኬዚዛ ጩዋ ቱሳ ማላ ሲቲ ጊዲ ፑዴ ኬዜስ።

Geeshsha Maxaafa

¹⁸ Deraa iitateththi kindichchonne agunth xuuggiza tama mala; dhippi gida woray xuugettishin keziza cuwa tuussa mala sitti giidi pude kezees.

ኢሳያሳ ቲንቢቴ 9:18 ပူးပေါင်းရင်းမြစ်များ

1ካዎታ ማጻፋ 16:21

ሄ ዎዴ ኢስራኤሌ ኣሳይ ናምኡ ኬዚ ሻኬቲዴስ። ኣሳፔ ባጋይ ጊናቴ ና ቲቢኔ ካዎና ኮዪን ባጋይ ቃሴ ኦሚሬ ካዎናስ ኮዪዴስ።

ዬ ማጻፋ 37:20

ኢታ ኣሳቲ ጊዲኮ ሃይቃና፤ ጎዳ ሞርኬቲ ባዞ ጪሻ ማላ ቆካና፤ ጩዋ ማላካ ጮ ያና።

ዬ ማጻፋ 68:2

ጩዋይ ጫርኮን ላሌቲዛ ማላ ኔኒ ኢስታ ላላ፤ ሙቃዳይ ታማን ሴሪዛ ማላ፥ ኢታቲ ጾሳ ሲንፌ ሴሪ ዬቶ።

ዬ ማጻፋ 83:14

ጻራጋይ ዎራ ሚዲ ዉርሲዛ ማላ፥ ታማ ላጮይ ዙማ ማይኢዛ ማላ፥

ኢሳያሳ ቲንቢቴ 1:31

ሚኖ ኣሲ ሃፓ ማላ፤ ኢዛ ኦሶይካ ፒልኢ ጊዛ ላጮ ማላ ጊዳና፤ ናምኣይካ ኢሲ ቦላ ጹጌታና፤ ሄ ታማ ቶይሳና ኣሲካ ዴና» ጊዴስ።

ኢሳያሳ ቲንቢቴ 1:7

ኢንቴ ዴሬይ ኣይኮይ ባይንዳ ባዞ ጊዳና፤ ኢንቴ ካታማቲ ታማን ጹጌታና፤ ኢንቴ ኣይፌይ ጼሊሺን ኢንቴ ቢታ ኣላጋይ ቦንቂ ኤካና፤ ኢስቲ ኢንቴ ቢታ ቡላ ኬሳና።

ኢሳያሳ ቲንቢቴ 26:11

ኣቤት ጎዳዉ! ኔ ቄሴይ ቁ ቁ ጊዴስ። ኢስቲ ጊዲኮ ቤኤቴና፤ ኔ ኣሳስ ኔ ሚሼቲዛይሳ ቤኤቶኔ ዬላቴቶ፤ ኔ ሞርኬታስ ጊጊዳ ታማይ ኢስታ ሞ።

ኢሳያሳ ቲንቢቴ 27:4

ታኒ ሃንቄቲኬ፤ ታናራ ኦሌታናስ ኣጉንኔ ኪንዲቾይ ኬዚዳኮ ታ ኢስታ ኢሲ ቦላ ጹጋና!

ኢሳያሳ ቲንቢቴ 3:5

ዴሬይ ዴሬ ቦላ፥ ኣሲ ኢሶይ ኢሳ ቦላ፥ ሾሮይ ሾሮ ቦላ፥ ዬላጋ ናይቲ ጪማታ ቦላ፥ ሹፉሮይ ቦንቼቲዳይታ ቦላ ዴንዳና።

ኢሳያሳ ቲንቢቴ 30:30

ጎዳይ ኤጺዛ ሃንቆኒኔ ሚዛ ታማን፥ ጎቴ ጫርኮኒኔ ዳዳን፥ ሻቻ ሹቻን፥ ቴማይ ኩሚዳ ባ ጬንጉርሳ ኣሳ ሲሳና፤ ዎሼ ባ ቄሳ ኢዚ ቤሳና።

ኢሳያሳ ቲንቢቴ 30:33

ቤኒ ዎዴፔ ዶሚዲ ቶፌቴ ጌቴቲዛ ጹጊዛሶይ ጊጌቲ ኡቲዴስ፤ ካዎዛሲካ ጊጌቲ ኡቲዴስ፤ ጹጋና ጎንጎሎዚካ ኣሆኔ ጪማ፤ ኢዛ ጊዶን ዳሮ ታማይኔ ኤጻና ሚ ዴስ፤ ጎዳ ፔኖይ ዲኔ ታማ ማላ ኤ ኬሳና።

ኢሳያሳ ቲንቢቴ 33:12

ዴሬይ ቦቂንታ ኬዚዛ ሹቻ ማላ ታማን ጹጌታና፤ ቃሴካ ኣጉን ቱሻ ማላ ታማን ኤጻና።

ኢሳያሳ ቲንቢቴ 33:14

ጺዮኔን ዲዛ ናጋራንቻቲ ዳጋሚዳ፤ ጾሲ ኢስታስ ባይንዳይቲ ባቢዲ፥ «ኑ ጋርሳፌ ጹጊዛ ታማራ ዳና ዳንዳይዛይ ኦኔ? ሜርና ታማራ ዳና ዳንዳይዛይ ኦኔ?» ጊዳ።

ኢሳያሳ ቲንቢቴ 5:24

ኢስቲ ኡባፌ ዎልቃማ ጎዳ ዎጋ ኢጺዳ ጊሻስ፥ ኢስራኤሌ ጌሻ ቃላካ ካዳ ጊሻስ፥ ታማ ላጮይ ቡጻ ኦይኪዛ ማላኔ ሜላ ማታይ ኤጺ ይዛ ማላ ኢስታ ጻጶይ ዎቃና፤ ኢስታ ጪሻይካ ቡሄ ማላ ላሌቲ ያና፤

ኢሳያሳ ቲንቢቴ 50:11

ሃኢ ጊዲኮ ኢንቴ ታማ ኤዲ፥ ላጪዛ ኢንቴ ጾምፔ ጾምፔ ኦይኪዳ ኡባቲ ኢንቴ ፖኦን ቢቴ፤ ኢንቴ ኦይዳ ጾምፔ ፖኦን ሲሜሬቲቴ፤ ኢንቴ ታ ኩሼፔ ኤካናይሲ ሃይሳ፤ ኢንቴ ኢታ ሜቶን ኩንዳና።

ኤርማሳ ቲንቢቴ 9:3

ጎዳይ፥ «ኢስቲ ባንታ ኢንጻርስ ዎርዶ ሃሳያናስ ዎንዳፌ ማላ ጊግሲዳ፤ ቱማን ጊዶንታ ዎርዶራ ቢታይ ቦላ ሚኒዳ፤ ኢስቲ ኢታ ቦላ ኢታ ጉጂ ጉጂ ቢዳ፤ ታናካ ኤሬቴና» ጌስ።

ሆሴኤ ቲንቢቴ 13:3

ሄሳ ጋሶን ኢስቲ ዎንታ ማላዶ ሻራ ማላ ጮ ቲምኢ ጋና፤ ማላዶ ጻዛ ማላካ ጮ ዎ ያና፤ ዎይኮ ባንጋ ቡኪዛ ባሌፔ ጎቴ ጫርኮይ ኤፊዛ ሱላ ማላ ጊዳና፤ ዎይኮ ኬፌ ኬዚዲ ቤቲሼ ጮ ይዛ ጩዋ ማላ ጊዳና።

ኢዩኤሌ ቲንቢቴ 2:20

ፑዴሃፔ ያና ኦላንቻታ ታ ኢንቴፌ ሃሳና፤ ዱጌ ባዞ ዛራ ጎዳና፤ ሲንቲ ዪዛይታ ዱጌ ሃይቆ ኣባን ዬዳና፤ ጉዬራ ዪዛይታ ሜዲቴራኔ ኣባን ዬዳና፤ ሄን ኢስታ ኣሃይ ዜቃና፤ ቱማፔ ታኒ ጎዳይ ጊታ ሚሽ ኦዲስ።

ኢዩኤሌ ቲንቢቴ 2:3

ሄ ቦሌቲ ባ ሲንን ቤቲዳዚ ኡባ ታማ ማላ ማና፤ ታማ ላጮ ማላ ጹጋና፤ ቡሮ ኢስታ ጋኮንታ ቢታይ ኤዴኔ ጋናቴ ማላ ጪሊላ ቢታ ሺን ኢስቲ ጋኪ ኣዳ ቢታይ ኣይኮይ ባይንዳ ባዞ ቢታ ጊዳና፤ ቦሌቲ ሚሺን ኣቲዳ ሚሺካ ቤቴና።

ኣሞጼ ቲንቢቴ 7:4

ኡባፌ ዎልቃማ ጎዳይ ታና ኣጁታ ቤሲዴስ፤ ጎዳይ ቃጻያናስ ታማ ፒርዳ ዬዲዴስ፤ ታማዚካ ዎጋ ጊታ ኣባ ሚቺዲ ቢታ ሙስ ኦይኪዴስ።

ኣብዲዩ ቲንቢቴ 1:18

ያቆቤ ዜሬቲ ታማ ማላ፥ ዮሴፌ ዜሬቲ ታማ ላጮ ማላ ጊዲን ኤሳዌ ዜሬቲ ኡቱላ ማላ ጊዳና፤ ታማይ ኡቱላ ሚዛ ማላ ያቆቤ ዜሬቲኔ ዮሴፌ ዜሬቲ ኤሳዌ ዜሬታ ይሳና።

ናሆሜ ቲንቢቴ 1:10

ኢስቲ ኣጉንን ቃጼታና፤ ባ ዎይኔ ኡሻን ኢስቲ ማታና፤ ታማይ ኢስታ ቡጻ ማላ ማና።

ናሆሜ ቲንቢቴ 1:6

ኢዛ ሃንቆራ ኤቄታና ዳንዳይዛይ ኦኔ? ኢዛ ሃንቆ ሚኖዛ ቶካና ዳንዳይዛይ ኦኔ? ኢዛ ሃንቆይ ታማ ማላ ኤጺዴስ፤ ዛላቲካ ኢዛ ሲንፌ ዛኢዳ።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

Maatosa 25:41

«ቃሴካ ሃዲርሳ ባጋራ ዲዛይታስ፥ ‹ኢንቴኖ ቃንጌቲዳይቶ! ታፔ ሻኬቲዲ ዳቡሎሳሲኔ ኢዛ ኪታንቻታስ ጊጌቲዳ ሜርና ታማን ቢቴ ጋና።

ዛሬ ማጻፋ 32:22

ታ ሃንቆይ ታማ ማላ ኤጻና፤ ቢታኔ ቢታ ቦላ ዲዛ ኡባ ጹጋና፤ ሄ ታማይ ሲኦሌ ጪማ ጋካናስ ኤጻና፤ ታማዚ ዙማስ ዮች ጋካናስ ማና።

Ibirawe 6:8

ጊዶ ኣቲን ኣጉንኔ ኦዶሮይ ሞኪዛ ቢታያ ጎኣይ ባይንዳሮ ጊዳና፤ ሄ ቢታይስ ቃንጌቴ ማታን ዴስ፤ ኢዚ ዉርሴ ታማን ጹጌቴ ጊዳና።

ዮሃኒሳ ኣጁታ 14:11

ኢስቲ ኢዛን ጹጌቲዛ ታማፔ ኬዚዛ ጩዋዚ ሜሪፔ ሜርናስ ፑዴ ኬዚሼ ዳና፤ ሄ ዶኣዛሲኔ ኢዛ ሚስሌዛስ ጎይኒዛይቲ ዎይኮ ኢዛ ሱን ማላታ ባ ቦላ ዎዳይቲ ዉሪካ ዎንታኒኔ ቃማን ኢስታስ ሼምፖይ ዴና።»