ኢሳያሳ ቲንቢቴ 9:14 - ጋሞ ማጻፋ

¹⁴ ሄሳ ጊሻስ ጎዳይ ሁኤኔ ጎይና፥ ዛምባ ሃጋኔ ማቃ ኢስራኤሌፔ ኢሲ ጋላስ ቄጻና።

Geeshsha Maxaafa

¹⁴ Hessa gishshas GODAY hu7enne goyna, zamba hagganne maqqa Isra7eeleppe issi gallas qeexana.

ኢሳያሳ ቲንቢቴ 9:14 ပူးပေါင်းရင်းမြစ်များ

ኢሳያሳ ቲንቢቴ 10:17

ኢስራኤሌ ፖኦይ ታማ ጊዳና፤ ጌሻዚካ ታማ ላጮ ጊዳና፤ ኢሲ ጋላሳን ኢዛ ኣጉንኔ ኪንዲቾዛ ታማይ ማና።

ኢሳያሳ ቲንቢቴ 19:15

ካጬ ዎይኮ ጎይና፥ ዛምባ ዎይኮ ሻጫ ሄይቲ ኡባይ ጊብጼስ ኣይኮካ ማዴቴና።

ኢሳያሳ ቲንቢቴ 30:13

ሃይሲ ሃ ናጋራዚ ጳልቄቲ ኩንዳናኔ ቆፖንታ ዲሺን ኩንዲዛ ጊታ ጊምቤ ማላ ኢስታስ ጊዳና።

ኤርማሳ ቲንቢቴ 6:21

ሄሳ ጊሻስ ጎዳይ፥ «ታኒ ሃ ዴራ ሲንን ጲዛ ሚሽ ዎና፤ ኣዋቲኔ ኣቱማ ናይቲ ኢዛን ጴታና፤ ሾሮቲኔ ላጌቲ ያና» ጌስ።

ኤርማሳ ቲንቢቴ 8:12

ቱና ኦሶ ኦዲ ዬላቲዶ? ቺ! ሙሌካ ዬላቲቤቴና። ኢስቲ ዬላይ ኣዛኮካ ኤሬቴና። ሄሳ ጊሻስ ኢስቲካ ኩንዲዳይታራ ኢሲፌ ኩንዳና፤ ታ ኢስታ ቃጻዪዛ ዎዴ ኢስቲ ካዉያና» ጌስ።

ኤርማሳ ዚላስ 4:16

ኢስታ ላሊዳይ ጾሳ፤ ሃይሳፌ ጉዬ ኢዚ ኢስታስ ቆፔና፤ ኢስታ ቄሴታስ ቦንቾይ ኢሜቴና፤ ጪማታስካ ፑላይ ዴና።

ሆሴኤ ቲንቢቴ 1:4

ሄሳፌ ጉዬ ጎዳይ ሆሴኤስ፥ «ኢዩኔ ኢዛ ዜሬቲ ኢዝራኤሌን ዎዳ ኣሳታ ጌዶን ኢዩ ዜሬታ ታ ቃጻያና ዎዴይ ሃሆ ጊዴና፤ ኢስራኤሌ ካዎቴ ሃይሳፌ ጉዬ ኩንዳና ማላ ታ ኦና።

ሆሴኤ ቲንቢቴ 1:6

ጎሜራ ቃሴካ ቃንታዳ ማጫ ና ዬላዱስ። ጎዳይካ ሆሴኤስ፥ «ታኒ ሃይሳፌ ጉዬ ኢስራኤሌ ኣሳስ ቃቲኬ፤ ታ ኢስታ ማሪኬ፤ ሄሳ ጊሻስ ኔኒ ኢዚ ሱን፥ ‹ሎሩሃማ› ጋ ሱን።

ሆሴኤ ቲንቢቴ 1:9

ጎዳይካ ሆሴኤ፥ «ሃይሳፌ ጉዬ ኢስራኤሌ ኣሳይ ታ ዴሬ ጊዴና፤ ታኒካ ኢስታ ጾስ ጊዲኬ። ሄሳ ጊሻስ ኔኒ ኔ ናዛ ሱን፥ ‹ሎኣሚ› ጋ ጼይጋ» ጊዴስ።

ሆሴኤ ቲንቢቴ 10:15

ቤቴሌ! ኔ ኢታቴ ጊታ ጊዲዳ ጊሻስ ኔ ቦላካ ሄሳ ሃናና፤ ሄ ጋላሳያ ጋኪዛ ዎዴ ኢስራኤሌ ካዎይ ሙሌራ ያና» ጌስ።

ሆሴኤ ቲንቢቴ 13:3

ሄሳ ጋሶን ኢስቲ ዎንታ ማላዶ ሻራ ማላ ጮ ቲምኢ ጋና፤ ማላዶ ጻዛ ማላካ ጮ ዎ ያና፤ ዎይኮ ባንጋ ቡኪዛ ባሌፔ ጎቴ ጫርኮይ ኤፊዛ ሱላ ማላ ጊዳና፤ ዎይኮ ኬፌ ኬዚዲ ቤቲሼ ጮ ይዛ ጩዋ ማላ ጊዳና።

ሆሴኤ ቲንቢቴ 4:5

ኢንቴ ኦማርሲኔ ጋላስ ጴቴታ፤ ናቤቲካ ኢንቴናራ ጴቴቴስ። ሄሳ ጊሻስ ታኒ ኢንቴ ኣዮ ኢስራኤሌ ይሳና።

ሆሴኤ ቲንቢቴ 8:8

ኢስራኤሌይ ሃራ ካዎቴታ ጊዶን ሂራይሶ ሚሻ ማላ ጊዲዳ።

ኣሞጼ ቲንቢቴ 3:12

ጎዳይ፥ «ሄንንቻይ ጋሞ ዶናፔ ዶርስ ዎ ኤኪዛ ዎዴ ዶርሳስ ናምኡ ጌዳታ ዎይኮ ዱጻ ሃይታ ዎ ኤኪዛ ማላ ሳማሪያ ቢታን ኢሻሎን ኡቲዳ ኢስራኤሌ ኣሳፔ ጉቲ ጻላ ኣታና» ጌስ።

ኣሞጼ ቲንቢቴ 6:11

ጎዳ ኣዛዞን ዎጋ ኬቲ ላሌታና፤ ጉ ኬቲካ ላሌቲ ኣታና።

ኣሞጼ ቲንቢቴ 7:17

ሄሳ ጊሻስ ኣማሲያሳ! ኔ ጊሻስ ጎዳይ፥ ‹ኔ ማቼያ ካታማ ጊዶን ላይማ ማጫስ ጊዳና፤ ኔስ ማጫ ናይቲኔ ኣቱማ ናይቲካ ኦላን ሃይቃና፤ ኣላጋቲ ኔ ቢታ ዎዶሮን ዋ ጊሼቲ ኤካና፤ ኔኒካ ኣላጋ ቢታን ሃይቃና፤ ኢስራኤሌ ኣሳይ ባ ቢታፌ ዲኤቲዲ ኣላጋ ዴሬ ባና› ጌስ» ጊ ዮቲዴስ።

ዮሃኒሳ ኣጁታ 18:10

ኢዚ ዋዬዛስ ባቢዳ ጊሻስ ሃሆን ኤቂዲ፥ «ሃኔ ጊታ ካታማዬ! ሃኔ ሚኖ ካታማዬ ባቢሎኔ! ኔ ፒርዳይ ሜጺ ኢሲ ሳቴ ጊዶን ዪዳ ጊሻስ ኔስ ኣዬ ኣና! ኣዬ ኣና!» ጋና።

ዮሃኒሳ ኣጁታ 18:17

ሄሳ ማላ ሃሮይ ኢሲ ሳቴ ጋርሳን ይዴስ» ጋና። ማርካቤ ኣዛዚዛይቲ ዉሪ ማርካቤን ቢዛይቲ ዉሪ ማርካቤ ጊዶን ኦዛይቲ ዉሪካ ኣባ ጊዶን ዛልኣንቻቲ ዉሪካ ሃሆን ኤቃና።

ዮሃኒሳ ኣጁታ 18:8

ሄሳ ጊሻስ ኢዚ ቦላ ቦሻይ ዉሪካ ኢሲ ጋላስ ጋካና፤ ሃይቆይ፥ ሙዞቴኔ ጋፋይ ኢዞ ጋካና፤ ኢዛ ታማን ጹጌታና፤ ኢዚ ቦላ ፒርዲዛ ጎዳይ ጾሲ ኢዚ ሚኖ» ጊሺን ታኒ ሲያዲስ።