ኢሳያሳ ቲንቢቴ 7:14 - ጋሞ ማጻፋ

¹⁴ ሂስቲኮ ጎዳይ ባርካ ኢንቴስ ማላታ ቤሳና፤ ጌላኦይ ሻራና፤ ኣቱማ ና ዬላና፤ ኢዛ ሱንካ፥ ‹ኣማኑኤሌ› ጋዳ ሱንና።

Geeshsha Maxaafa

¹⁴ Histtiko GODAY barkka inttes malata bessana; geela7oy shaarana; attuma naa yelana; iza sunththaaka, ‹Amanu7eele› gaada sunththana.

ኢሳያሳ ቲንቢቴ 7:14 ပူးပေါင်းရင်းမြစ်များ

ሜቴ ማጻፋ 16:11

ቃሴካ ጎዳ ኪታንቻይ ኢዞ፥ «ሃኢ ኔኒ ቃንታዳሳ፤ ኔኒ ኣቱማ ና ዬላና፤ ዬላዳ ኢዛ ኢስማኤሌ ጋዳ ሱንና፤ ጋሶይካ ጾሲ ኔ ዋሳ ሲዪዴስ።

ሜቴ ማጻፋ 29:32

ሊያይ ሻራዳ ኣቱማ ና ዬላዱስ፤ ኢዛ ሱንካ ኦሮቤሌ ጋ ሱንዱስ፤ ኣይስ ጊኮ ኢዛ፥ «ጎዳይ ታ ሜቶ ቤኢዴስ፤ ሃኢ ቱሙ ታና ታ ኣዚናይ ሲቃና» ጋዱስ።

ሜቴ ማጻፋ 3:15

ታኒ ኔሲኔ ማጫሳይስ፥ ኔ ዜሬሲኔ ኢዚ ዜሬስ ጊዶን ሞርኬቴ ሜና፤ ኢዚ ኔ ሁኤ ቆጻና፤ ኔኒካ ኢዛ ቂርጴ ዱካና» ጊዴስ።

ሜቴ ማጻፋ 30:6

ሂስቲን ኤራሄላ፥ «ጾሲ ታስ ፒርዲዴስ፤ ታ ዎሳካ ሲዪዲ ታስ ኣቱማ ና ኢሚዴስ» ጋዱስ፤ ሄሳ ጊሻስ ዬሌቲዳ ናዛ፥ «ዳኔ» ጋ ሱንዱስ።

ሜቴ ማጻፋ 30:8

ኤራሄላካ፥ «ታኒ ታ ሚቼይራ ዎልቃማ ባጼ ባጼታዳ ጾናዲስ» ጋሼ ናዛ ኒፍታሌሜ ጋ ሱንዱስ።

ሜቴ ማጻፋ 4:25

ኣዳሜይ ባ ማቼይራ ኣቂን ሃራ ና ዬላዱስ። ዬላዳ፥ «ቃዬሌይ ዎዳ ኣቤሌ ጊሻስ ጾሲ ታስ ሃራ ና ኢሚዴስ» ጋሼ ኢዛ ሴቴ ጋዳ ሱንዱስ።

1ካዎታ ማጻፋ 13:3

ሄ ጋላስ ጾሳ ኣሲ ማላታ ኢሚዲ፥ «ጎዳይ ዮቲዳ ማላታይ ሃይሳ፤ ‹ሃ ያርሾሶዚ ጳልቄታና፤ ኢዛ ቦላን ዲዛ ቢዲንይካ ዎራ ላሌታና› » ጊዴስ።

ዬ ማጻፋ 46:8

ሃ ዪቴ፤ ጎዳ ኦሶ ጼሊቴ፤ ኢዚ ሳኣ ዎስቲ ቡላሲዳኮ ቤኢቴ።

ኢሳያሳ ቲንቢቴ 38:7

ኢሳያሲ ጉጂዲካ፥ «ጎዳይ ኔስ ጊዳ ቃላ ፖላናይሳስ ማላታይ ሃይሳፌ ካሊዛይሳ፤

ኢሳያሳ ቲንቢቴ 8:10

ኦላስ ዞሬቲቴ፤ ጊዶ ኣቲን ኢንቴስ ሱሬና፤ ሃልቾ ኬሲቴ፤ ጊዶ ኣቲን ኢንቴስ ሚኔና። ጋሶይካ ጾሳይ ኑናራ ዴስ።

ኢሳያሳ ቲንቢቴ 8:8

ቡሪ ኤኪዲ ዱጌ ዩሁዳ ዎና፤ ቢታ ኩሚዲ ኣና፤ ቆ ጋካናስ ሚታና» ጊዴስ። ጊዶ ኣቲን ኣማኑኤሌ! ሚጬቲዳ ኢዛ ቄፌይ ኔ ቢታ ጋጻፔ ጋጻ ጋካናስ ካሚ ኦይኪዴስ።

ኢሳያሳ ቲንቢቴ 9:6

ሄኮ ኑስ ናይ ዬሌቲዴስ! ኣቱማ ናይካ ኑስ ኢሜቲዴስ! ሃላቃቴ ኢዛ ሃሼ ቦላ ጊዳና፤ ኢዛ ሱን፥ «ማላሊሲዛ ዞራንቻ፥ ዎልቃማ ጾሳ፥ ሜርና ኣዋ፥ ሳሮቴ ሃላቃ» ጌቴታና።

ኤርማሳ ቲንቢቴ 23:6

ኢዛ ካዎቴ ላይን ዩሁዳይ ኣታና፤ ኢስራኤሌይካ ሳሮን ዳና፤ ኢዛ ሱን፥ ‹ጎዳይ ኑስ ጺሎቴ› ጌቴታና።

ኤርማሳ ቲንቢቴ 31:22

ሃኔ ካዲዳ ናዬ! ኔ ኣይዴ ጋካናስ ቶይላታኔ? ጎዳይ ሳኣ ቦላ ኦራ ሚሽ ሜና፤ ሄሲካ ማጫይ ኣዴ ዶዳና» ጌስ።

ኤርማሳ ቲንቢቴ 44:29

«ታኒ ኢንቴና ሃ ሶሆን ቃጻያናሲኔ ታኒ ኢንቴ ቦላ ኤሃና ጊዳ ኢታ ሚሺ ፖሌታናይሳ ኢንቴ ኤራና ማላ ታ ሃይሳን ኢንቴና ቃጻያናይሳስ ሃይሳፌ ካሊዛይሲ ኢንቴስ ማላታ ጊዶ።

ሚኪያሳ ቲንቢቴ 5:2

ሃኔ ኔ ቃሴ ቤቴሊሄሜ ኤፍራታ፥ ዩሁዳ ዛርኬታፔ ኔኒ ጉ ጊዲኮካ ኢዛስ ኬሳይ ካሴ ቤኒ ዎዴፔ ጊዲዳ ኢስራኤሌ ሃሪዛዴይ ኔ ጊዶፌ ታስ ኬዛና።

ሉቃሳ ሚሺራቾ 1:31

ኔኒ ቃንታና፤ ኣቱማ ናካ ዬላና፤ ሱንካ ዬሱሳ ጋዳ ሱንና።

ሉቃሳ ሚሺራቾ 1:35

ኪታንቻይካ ማራሚስ፥ «ጺሎ ኣያናይ ኔ ቦላ ዎና፤ ኡባፌ ቦላ ጾሳ ዎልቃይ ኔ ቦላ ኩዋሳና፤ ሄሳ ጊሻስ ዬሌታና ናዚ ጌሻ ጾሳ ና ጌቴታና።

ሉቃሳ ሚሺራቾ 2:12

ጫርቃራ ጻጼቲ ኢቺዳ ጋጪኖ ና ዴማንዴታ፤ ሄሲካ ኢንቴስ ማላታ ጊዶ» ጊዴስ።

ሉቃሳ ሚሺራቾ 20:44

ሂስቲኮ ዳዊቲ ኢዛ፥ ‹ጎዳ› ጊ ጼይጊሼ ዋኒ ኢዛስ ና ጊዳኔ?» ጊዴስ።

ዮሃኒሳ ሚሺራቾ 1:14

ቃላይካ ኣስ ጊዲዴስ፤ ጾሳ ኪያቴኒኔ ቱማን ኩሚዲ ኑናን ኣቂዴስ፤ ኢሲ ናስ ኣዋ ማታን ዲዛ ቦንቾ ሚሳቲዛ ኢዛ ቦንቾ ኑ ቤኢዶስ።

ኦሮሜ ኣሳስ 9:5

ካሴ ኣዋቲካ ኢስታ ባጋ፤ ኪርስቶሲ ኢስታ ዜሬ ዛርኬን ቆዴቴስ፤ ኢዚካ ኡባፌ ቦላ ጊዲዳ ሜርናስ ጋላቴቲዳ ጾሳ። ኣሚን።

1ጺምቶሳስ 3:16

ቱሙ ኣያና ዱሳ ጹራይ ሲይ ባይንዳ ጊታ፤ ኢዚካ፥ «ኣሴ ጊዲዴስ፤ ኢዛ ጺሎቴ ጺሎ ኣያናን ቆንጪዴስ፤ ኪታንቻታስ ቤቲዴስ፤ ዴሬ ኡባስ ሳባኬቲዴስ፤ ኣላሜን ዲዛይታን ኣማኔቲዴስ፤ ቦንቾራ ፑዴ ዴንዲ ቢዴስ» ጊዛይሳ።

ዳናታ ማጻፋ 6:36

ሄሳፌ ጉዬ ጌዶኒ ጾሳ፥ «ታኒ ኢስራኤሌ ኣሳ ኣሻና ማላ ኔኒ ታና ዶሪዳይሳ ታስ ዮታዳሳ።

1ሳሜላ ማጻፋ 1:20

ሂስቲን ሃናይ ቃንታዱስ፤ ኢዚስ ዎዴይ ዉሪን ኣቱማ ና ዬላዱስ፤ ናዛ ሱንካ፥ «ጎዳፔ ዎሳዳ ዴማዲስ ጋሼ ሳሜላ» ጋ ሱንዱስ።

1ሳሜላ ማጻፋ 4:21

ጾሳ ጫቆ ቃላ ታቦታይ ዲኤቲዳ ጊሻስ ኢዚ ኣዚናይኔ ኣዚናዛ ኣዋይ ሃይቂዳ ጊሻስ፥ «ቦንቾይ ኢስራኤሌፔ ሻኬቲዴስ» ጋሼ ናዛ፥ «ኢካቦዴ» ጋ ሱንዱስ።