ኢሳያሳ ቲንቢቴ 66:19 - ጋሞ ማጻፋ

¹⁹ ታኒ ኢስታ ጊዶን ማላታ ኦና፤ ኢስታፌ ኣቲዳ ኢሲ ኢሲኔታ ጌዴ ካዎቴታኮ፥ ታርሴሴ፥ ፑጼ፥ ዎንዳፌን ኦሌቲዛ ኤሬቲዳ ሉዴታኮ፥ ቱባሌኔ ያዋኔ ሄሳካ ታ ጎባቴ ሲዮንታይታኮኔ ታ ቦንቾ ቤዮንታይታኮ ሃኮን ዲዛ ኣባ ጊዶን ዲዛ ሃሩሮታኮ ታ ዬዳና፤ ታ ቦንቾ ካዎቴታ ጊዶን ዮታና።

Geeshsha Maxaafa

¹⁹ Tani istta giddon malata ooththana; isttafe attida issi issineta gede kawoteththatakko, Tarseese, Puuxe, wondafen olettiza erettida Luudetakko, Tubaalenne Yaawaane hessaththoka ta goobateththaa siyonttaytakkonne ta bonchcho beyonttaytakko haakon diza abba giddon diza harurotakko ta yeddana; ta bonchcho kawoteththata giddon yootana.

ኢሳያሳ ቲንቢቴ 66:19 ပူးပေါင်းရင်းမြစ်များ

ሜቴ ማጻፋ 10:13

ጊብጼይ ሉዲሜታ፥ ኣናሜታ፥ ላሃቤታ፥ ናፍቱሄታ፥ ጳጺሮሴታ፥ ካሲሉሄታኔ ፊሊስጼሜታ ዬሊዳ ካፍቶሬታ ኣዋ።

ሜቴ ማጻፋ 10:2

ያፌቴ ኣቱማ ናይቲ ጎሜሬ፥ ማጎጌ፥ ማዳዬ፥ ያዋኔ፥ ቱባሌ፥ ሜሼኬኔ ቲራሴ

ሜቴ ማጻፋ 10:22

ሴሜ ኣቱማ ናይቲ ኤላሜ፥ ኣሶሬ፥ ኣርፋኪሲዴ፥ ሉዴኔ ኣራሜ።

ሜቴ ማጻፋ 10:4

ያዋኔ ኣቱማ ናይቲ ኤሊሼ፥ ታርሴሴ፥ ኪቲሜኔ ኤሮዴ።

ሜቴ ማጻፋ 9:27

ጾሲ ያፌቴ ቢታ ኣሶ! ያፌቴ ዜሬቲ ሴሜ ዜሬታራ ዴቶ! ካናኔይ ያፌቴ ኣይሌ ጊዶ!» ጊዴስ።

1ታሪኬ ማጻፋ 1:11

ሚጺራይሜይ ሉዲሜታ፥ ኣናሜታ፥ ላሃቤታ፥ ናፍቱሄታ፥

1ታሪኬ ማጻፋ 1:7

ያዋኔ ናይቲ ኤሊሼ፥ ታርሴሴ፥ ኪቲሜኔ ኦሮዳሂሜ።

1ታሪኬ ማጻፋ 16:24

ካዎቴታስ ኢዛ ቦንቾ ኣዋጂቴ፤ ኢዚ ኦዳ ማላሊሲዛ ሚሻታ ዴሬ ኡባስ ዮቲቴ።

ዬ ማጻፋ 72:10

ታርሴሴ ካዎቲኔ ሃሩሮታ ካዎቲ ኢዛስ ጊራ ኤሃና። ሳባኔ ሳባ ካዎቲ ኢዛስ ኩሼ ጌን ኤሃና።

ኢሳያሳ ቲንቢቴ 11:12

ካዎቴታስ ማላታ ኤሳና፤ ቁ ኦዲ ዴንና፤ ኢስራኤሌፔ ጎዴቲ ቢዳይታ ዛሪ ኤሃና፤ ላሌቲዳ ዩሁዳ ኣሳ ኦይዱ ባጋ ቢታ ጋጻፔ ኢዚ ሺሻና።

ኢሳያሳ ቲንቢቴ 18:3

ኢንቴኖ ሳኣ ቦላ ዲዛ ኣስ ኡባቶ! ዙማታ ቦላ ማላታይ ካቄቲሺን ኢንቴ ቤኣና፤ ዛዬይ ፑኔቲሺን ኢንቴ ሲያና።

ኢሳያሳ ቲንቢቴ 18:7

ሄ ዎዴ ጎዳስ ኡባፌ ዎልቃማ ጾሳስ ኣዱሳኔ ሊቆ ኣሳፔ፥ ማታፔ ሃሆፔ ያዪዛ ዴሬፔ፥ ዎልቃማኔ ኢዛ ቃላይ ኤሬቶንታ ዴሬፔ፥ ሻፋቲ ሻኪ ቢዛ ካዎቴፌ ኢሞታይ ያና፤ ሜቴ ጎዳይ ዲዛሶ ፑዴ ጺዮኔ ዙማ ቦላ ያና።

ኢሳያሳ ቲንቢቴ 2:16

ታርሴሴ ማርካቤታኔ ቦንቾ ዎጎሎታ ኡባ ኢዚ ካዉሻና ዎዴይ ዴስ።

ኢሳያሳ ቲንቢቴ 29:24

ኣያናን ባሊዳይቲ ሲሚዲ ኣኬካና፤ ዙዙሚዛይቲካ ቲሚርቴ ኤካና» ጌስ።

ኢሳያሳ ቲንቢቴ 42:12

ኢስቲ ቦንቾ ጎዳስ ኢሜቶ፤ ኢዛ ጋላታይካ ሃሩሮታን ኣዋጄቶ።

ኢሳያሳ ቲንቢቴ 42:4

ኢዚ ቢታ ቦላ ሱሬ ፒርዳ ኤሃና ጋካናስ ዳቡሬና፤ ሂዶታካ ቃንጼና፤ ሃሩሮቲ ኢዛ ዎጋን ኣማኔታና» ጌስ።

ኢሳያሳ ቲንቢቴ 43:6

ታኒ ፑዴሃ ባጋ፥ ‹ሃማ› ዱጌሃ ባጋካ፥ ‹ዬዳ› ጋና፤ ታ ኣቱማ ናይታ ሃሆፔ፥ ታ ማጫ ናይታካ ቢታ ጋጻፔ፥

ኢሳያሳ ቲንቢቴ 49:1

ኢንቴኖ ሃሩሮቶ፥ ታ ጊዛይሳ ሲዪቴ። ኢንቴኖ ሃሆን ዲዛ ካዎቴቶ፥ ሃይሳ ኤዝጊቴ። ታኒ ታ ኣዪ ኡሎን ዲሺን ጎዳይ ታና ጼይጊዴስ፤ ታ ዬሌቶንታ ዲሺን ታና ታ ሱንን ጼይጊዴስ።

ኢሳያሳ ቲንቢቴ 49:12

ሄኮ ኢስቲ ሃሆ ዴሬፔ ያና፤ ኢሲ ኢሲኔቲ ፑዴሃፔ፥ ባጋይቲ ኣርሼይ ዉሊዛ ባጋፌ፥ ሃንኮ ኣቲዳይቲ ሲኒሜፔ ያና» ጌስ።

ኢሳያሳ ቲንቢቴ 49:22

ኡባ ሃሪዛ ጎዳይ፥ «ቤኣ፥ ታኒ ካዎቴታ ማላታን ጼይጋና፤ ታኒ ታ ባንዲራ ኣሳስ ቁ ሂስታ ኤሳና፤ ኔ ኣቱማ ናይታ ኢስቲ ኢዲሚ ኤሃና፤ ኔ ማጫ ናይታካ ባንታ ሃሼን ቶኪዲ ኤሃና።

ኢሳያሳ ቲንቢቴ 51:5

ታ ጺሎቴይ ኤሶቲ ዬ ቦላ፥ ታ ኣቶቴይ ማቲሼ ዴስ፤ ታ ቄሴይ ካዎቴታስ ቱማ ፒርዳ ኤሃና፤ ሃሩሮቲ ታኮ ጼላና፤ ታ ቄሴካ ሂዶታ ኦና።

ኢሳያሳ ቲንቢቴ 52:10

ጎዳይ ባ ጌሻ ቄሳ ካዎቴታ ኡባ ሲንን ቆንጪሳና፤ ቃሴ ቢታ ጋጻን ዲዛ ኡባይካ ኑ ጾሳ ኣቶቴ ቤኣና።

ኢሳያሳ ቲንቢቴ 52:15

ሄሳ ጊሻስ ኢዚ ዳሮ ካዎቴታ ማላሊሳና፤ ኢዛ ጋሶን ካዎቴቲ ባንታ ዶና ኦይካና፤ ኢስታስ ዮቴቶንታይሳ ኢስቲ ቤኣና፤ ኢስቲ ሲዪ ኤሮንታ ሚሽ ኣኬካና» ጌስ።

ኢሳያሳ ቲንቢቴ 55:5

ቤኣ፥ ኔኒ ኤሮንታ ካዎቴታ ጼይጋና፤ ኔና ኤሮንታ ካዎቴቲ ኔኮ ኤሶን ያና። ጋሶይካ ጎዳ ኔ ጾሳይ ኢስራኤሌ ጌሻይ ባ ቦንቾን ኔና ቁ ቁ ሂስቲዴስ» ጌስ።

ኢሳያሳ ቲንቢቴ 60:9

ቱሙካ ሃሩሮቲ ታናን ሂዶታ ኦቴስ፤ ኢዚ ኔና ባ ቦንቾ ማይዚዳ ጊሻስ፥ ጎዳ ኔ ጾሳ ቦንቾስ፥ ኢስራኤሌ ጌሻስ ሃኮፔ ኔ ኣቱማ ናይታ፥ ኢስታ ቢራራኔ ዎርቃራ ጋ ኤሃናስ ታርሴሴ ማርካቤቲ ሲንቲ ኬዛና።

ኢሳያሳ ቲንቢቴ 62:10

ኣቴ! ኢዛ ፔንጌታ ባጋራ ካን ቢቴ፤ ዴራስ ኦጌ ባሲቴ፤ ጊግሲቴ፤ ሹቻታ ዲጊቴ፤ ካዎቴታስ ማላታ ኤሲቴ።

ኢሳያሳ ቲንቢቴ 65:1

ጎዳይ፥ «ታና ዎሶንታይታስ ታ ቆንጫዲስ፤ ታና ኮዮንታይታስ ቤታዲስ። ታ ሱን ጼይጎንታ ካዎቴስ፥ ‹ዬ! ዬ!› ጋ ኮያዲስ።

ኤርማሳ ቲንቢቴ 46:9

ፓራቶ ጉፒ ኬዚቴ፤ ፓራ-ጋሬቶ ኣዳራሲቴ፤ ጎንዳሌ ኦይኪዳ ቶጵያ ኣሳይኔ ፑጼ ኣሳይ፥ ዎንዳፌ ዋጺ ኦይኪዳ ሚኖ ጊዲዳ ሉዲሜ ኣሳቲ፥ ኢንቴ ሚኖ ኦላንቻቲ ኦላስ ዴንዲቴ።

ሂዚቄላ ቲንቢቴ 27:10

«ፓሪሴ፥ ሉዴኔ ፑጼ ኣሳቲ ዎታዳራ ጊዲዲ ኔ ኦላንቻታ ጊዶን ኔና ሃጋዜቴስ፤ ኔስ ቴማ ጊዳና ማላ ባንታ ጎንዳሌኔ ባንታ ቢራታ ቆቤ ኔ ጎዳ ቦላ ካቂዳ።

ሂዚቄላ ቲንቢቴ 27:13

«ያዋኔይ፥ ቱባሌይኔ ሜሼኬይ ኔናራ ኢሲፌ ዛልኤቴስ፤ ኣይሌታኔ ጻርቂማላፔ ኦሴቲዳ ሚሻታ ሻቃጬራ ላሜቴስ።

ሂዚቄላ ቲንቢቴ 30:5

«ቶጵያይኔ ፑጼይ፥ ሉዴይኔ ኣራቤይ፥ ሊቢያይኔ ጫቆ ቃላ ቢታ ኣሳይ ጊብጼራ ኢሲፌ ማሻን ዉራና።

ሂዚቄላ ቲንቢቴ 32:26

«ሜሼኬይኔ ቱባሌ ዱፎይ ባንታ ኦላንቻታ ዱፎን ዶዴቲ ኡታና፤ ኢስቲ ኡባይካ ኣማኖንታይታ ጊዲ ኡቲዲ ሼምፖራ ፓጻ ዲዛይታ ቢታን ባ ሺሮ ዴንዳ ጊሻስ ማሻን ሃይቂዳ።

ሂዚቄላ ቲንቢቴ 39:1

«ኡባ ሃሪዛ ጎዳይ፥ ‹ሃይሶ ኣሳ ናዉ! ጎጌ ቦላ ቲንቢቴ ዮታ። ሜሼኬሲኔ ቱባሌስ ዋና ሃላቃ ጊዲዳ ሃይሶ ጎጌ ታ ኔ ቦላ ዴንዳዲስ።

ሂዚቄላ ቲንቢቴ 39:6

ማጎጌ ቢታኒኔ ኣባ ዶናን ሂርጋይ ባይንዳ ባ ጊ ዲዛይታ ቦላ ታኒ ታማ ዬዳና። ታኒ ጎዳ ጊዲዳይሳ ኢስቲ ሄሳን ኤራና።

ዳኔላ ቲንቢቴ 11:18

ሄሳፌ ጉዬ ኣባ ኣቻን ዲዛ ዴሬታ ቦላ ሜቶ ጋዲ ኢስታ ሃራና፤ ጊዶ ኣቲን ኦላንቻታ ሃላቃይ ኢዛ ኦቶሬቴ ፑርሺሳና፤ ኢዚ ኦዳ ኡባ ኢዛ ቦላ ዛራና።

ሶፎናሳ ቲንቢቴ 2:11

ጎዳይ ሄ ቢታ ኤቃ ጾሳታ ኡባ ይሲዛ ዎዴ ኢዚ ኢስታ ያሺሲዛይሳ ጊዳና፤ ኣባ ኣቻን ዲዛ ዴሬቲ ኡባይ ኢሶይ ኢሶይ ባ ዲዛሶን ዲሼ ኢዛስ ጎይናና።

ሶፎናሳ ቲንቢቴ 3:10

ቶጵያ ሻፋታፔ ሄ ፒንን ላሌቲ ዲሼ ታስ ጎይኒዛ ታ ዴሬይ ታስ ያርሾ ኤሃና።

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

ማርቆሳ ሚሺራቾ 16:15

ኢስታስካ፥ «ኣላሜ ኡባሶ ቢቴ፥ ሚሺራቾ ቃላ ሜቴ ኡባስ ሳባኪቴ።

ሉቃሳ ሚሺራቾ 2:34

ሲሞኒካ ኢስታ ኣንጂዴስ፤ ማራሞካ፥ «ዳሮ ኣሳ ዎዚና ቆፋይ ቆንጫና ማላ ሃይሲ ኢስራኤሌን ዲዛ ዳሮታስ ዮሲኔ ኣቶቴሳ፤ ኢዛ ኢጺዛይታስ ቃሴ ማላታ ጊዳና ማላ ዶሬቲዴስ።

ኦሮሜ ኣሳስ 15:21

ሃራፔካ፥ «ኢዛ ጊሻስ ኢስታስ ዮቴቶንታይቲ ኢዛ ቤያና፤ ሲዪ ኤሮንታይቲ ኣኬካና» ጌቴቲ ካሴ ጌሻ ማጻፋን ጻፌቲዳ ማላ ሃኒዴስ።

ኤፌሶኔ ኣሳስ 3:8

ታ ቃሴ ሃንኮ ኣማኒዛ ኣሳፔ ላፋ ጊዲኮካ ኦኒካ ዛዋይ ባይንዳ ኪርስቶሳ ዱሬቴ ኣይዛቤታስ ሳባካና ማላ ጾሳ ኪያቴን ሃይሲ ታስ ኢሜቲዴስ።