ኢሳያሳ ቲንቢቴ 66:15 - ጋሞ ማጻፋ

¹⁵ ሄኮ ጎዳይ ታማ ላጮን ያና፤ ኢዛ ፓራ-ጋሬቲ ጎቴ ጫርኮ ማላ፤ ኢዚ ባ ዪሎ ሃንቆን፥ ባ ሴራ ታማ ላጮን ቆንጪሳና።

Geeshsha Maxaafa

¹⁵ Hekko GODAY tama lacon yaana; iza para-gaareti gote carko mala; izi ba yiillo hanqon, ba seera tama lacon qonccisana.

ኢሳያሳ ቲንቢቴ 66:15 ပူးပေါင်းရင်းမြစ်များ

ዬ ማጻፋ 11:6

ጎዳይ ኢታታ ቦላ ኤጺዛ ታማ ቦንቆኔ ዲኔ ታማ ቡኪሳና። ይሲዛ ጎቴ ጫርኮን ኢስታ ቃጻያና።

ዬ ማጻፋ 18:9

ሳሎ ጳልቂዲ ዎዴስ፤ ሄ ዎዴ ኢዛ ቶሆ ጋርሳራ ፒ ጊዳ ሻራይ ዴስ።

ዬ ማጻፋ 21:9

ኔኒ ቆንጪዛ ዎዴ ጮጬን ኤጺዛ ታማ ማላ ኔ ኢስታ ጹጋና፤ ጎዳይ ባ ሃንቆዛ ሱሌን ኢስታ ጹጋና፤ ኢዛ ታማይካ ኢስታ ሚ ይሳና።

ዬ ማጻፋ 50:3

ኑ ጾሲ ያና፤ ኢዚ ጮኡ ጌና። ሚዛ ታማይ ኢዛ ሲንና፤ ዎልቃማ ጎቴይ ኢዛ ዩሾና።

ዬ ማጻፋ 68:17

ጾሳ ፓራ-ጋሬቲ ዳሮ ሺያን ቆዴቲዛይታ፤ ጎዳይ ሲና ዙማፔ ባ ጌሻሶሆ ዪዴስ።

ዬ ማጻፋ 97:3

ታማይ ኢዛፔ ሲንራ ቤስ፤ ኢዛ ዩሾን ዲዛ ሞርኬታካ ጹጌስ።

ኢሳያሳ ቲንቢቴ 10:17

ኢስራኤሌ ፖኦይ ታማ ጊዳና፤ ጌሻዚካ ታማ ላጮ ጊዳና፤ ኢሲ ጋላሳን ኢዛ ኣጉንኔ ኪንዲቾዛ ታማይ ማና።

ኢሳያሳ ቲንቢቴ 26:11

ኣቤት ጎዳዉ! ኔ ቄሴይ ቁ ቁ ጊዴስ። ኢስቲ ጊዲኮ ቤኤቴና፤ ኔ ኣሳስ ኔ ሚሼቲዛይሳ ቤኤቶኔ ዬላቴቶ፤ ኔ ሞርኬታስ ጊጊዳ ታማይ ኢስታ ሞ።

ኢሳያሳ ቲንቢቴ 30:30

ጎዳይ ኤጺዛ ሃንቆኒኔ ሚዛ ታማን፥ ጎቴ ጫርኮኒኔ ዳዳን፥ ሻቻ ሹቻን፥ ቴማይ ኩሚዳ ባ ጬንጉርሳ ኣሳ ሲሳና፤ ዎሼ ባ ቄሳ ኢዚ ቤሳና።

ኢሳያሳ ቲንቢቴ 30:33

ቤኒ ዎዴፔ ዶሚዲ ቶፌቴ ጌቴቲዛ ጹጊዛሶይ ጊጌቲ ኡቲዴስ፤ ካዎዛሲካ ጊጌቲ ኡቲዴስ፤ ጹጋና ጎንጎሎዚካ ኣሆኔ ጪማ፤ ኢዛ ጊዶን ዳሮ ታማይኔ ኤጻና ሚ ዴስ፤ ጎዳ ፔኖይ ዲኔ ታማ ማላ ኤ ኬሳና።

ኢሳያሳ ቲንቢቴ 31:9

ሚኖ ሚጻይ ሺሮ ጋሶን ኩንዳና፤ ኦላ ጋዳዋቲካ ኦላ ባንዲራ ቤኢዲ ዳጋማን ኩማና» ጌስ ታማይ ጺዮኔን፥ ታማ ጮጬይ ዬሩሳላሜን ዲዛ ጎዳይ።

ኢሳያሳ ቲንቢቴ 5:25

ጎዳ ሃንቆይ ኢዛ ዴራ ቦላ ኤጺ ኬኢዴስ፤ ኢዚ ባ ኩሼ ዴንዲ ኢስታ ሾጪዴስ። ዙማቲ ቃጺዳ፤ ሃይቂዳ ኣሳ ኣሃይ ኦጌ ቦላ ፒቲ ዬጊዳ ቡራ ማላ ጊዲዴስ፤ ሂስቲ ፔኢንካ ኢዛ ሃንቆይ ሲሚቤና፤ ኢዛ ኩሼይ ሃኢካ ዴንዲዳ ማላ ዴስ።

ኢሳያሳ ቲንቢቴ 5:28

ኢስታ ዪሻይ ሆጼ፤ ኢስታ ዎንዳፌይካ ዋጼቲ ኡቲዴስ። ኢስታ ፓራታ ቂንጫፊሌይ ዛላ ሹቻ ማላ፤ ኢስታ ፓራ-ጋሬታ ኤርዞይካ ጎቴ ማላ።

ኢሳያሳ ቲንቢቴ 51:20

ኔ ኣቱማ ናይቲ ዳቡርዳ፤ ዎጺማዴን ኦይኬቲዳ ጌኔሳ ማላ ኦጌ ጋጻን ኡባን ኢቺዳ። ጎዳ ሃንቆይኔ ኔ ጾሳ ሴራይ ኢስታ ቦላ ኩሚዴስ።

ኤርማሳ ቲንቢቴ 25:37

ጎዳ ሃንቆ ሴላ ጋሶን ሳሮ ቢታይ ቡላ ጊዳና።

ኤርማሳ ቲንቢቴ 4:13

ቤኢቴ! ሞርኬይ ሻራ ማላ ቢታ ኩሚዴስ፤ ኢዛ ፓራ-ጋሬቲካ ጎቴ ጫርኮ ማላ ዬቴስ፤ ኢዛ ፓራቲካ ጎሌ ካፎታ ማላ ኤሶቴቴስ፤ ኣዬ ኣና ኑ ያና ጎስ!

ኤርማሳ ቲንቢቴ 4:3

ጎዳይ ዩሁዳ ኣሳሲኔ ዬሩሳላሜን ዲዛይታስ፥ «ኦ ጋዴ ጎዪቴ፤ ኣጉን ጊዶን ዜሮፒቴ።

ኤርማሳ ቲንቢቴ 46:15

ዎልቃማ ጊዲዳ ኣጵሴ ጌቴቲዛ ኤቃ ጾሳይ ኣይስ ኩንዲዴ? ጎዳይ ኢዛ ሱጊ ዬጊዳ ጊሻስ ኤቃና ዳንዳይቤና።

ሂዚቄላ ቲንቢቴ 38:17

«ኡባ ሃሪዛ ጎዳይ፥ ‹ታ ቤኒ ዎዴ ታ ኣይሌ ኢስራኤሌ ናቤታ ባጋራ ኢዛ ጊሻስ ዮቲዳ ሄ ቢታኔይ ኔና ጊዲኪ? ኢስቲ ሄ ዎዴ ታኒ ኔና ኢስታ ቦላ ኤሃናይሳ ዳሮ ላይታን ቲንቢቴ ዮቲዳ› ጌስ።

ሂዚቄላ ቲንቢቴ 5:15

ሃንቆኒኔ ቦሻን ቃሴካ ዪሎኒኔ ሃንቆን ታ ኔ ቦላ ፒርዳ ኤሂዛ ዎዴ ኔ ዩሾን ዲዛ ካዎቴታስ ኔኒ ቂሲኔ ሚቻስ፥ ሴራሲኔ ዳጋማስ ማላታ ጊዳና። ታኒ ጎዳይ ሃይሳ ዮታዲስ።

ዳኔላ ቲንቢቴ 11:40

«ዉርሴ ዎዴይ ጋኪሺን ዱጌሃ ባጋ ካዎይ ፑዴሃ ባጋ ካዎዛ ቦላ ኦላስ ዎራጃና፤ ፑዴሃ ባጋ ካዎይ ፓራ-ጋሬን፥ ቶጋኒኔ ማርካቤታን ጎኤቲዲ ኦላ ኤቄታና፤ ዲኦ ሃ ማላ ዳሮ ዴሬታ ዎራጂ ኦይካና።

ዳኔላ ቲንቢቴ 7:10

ኢዛ ሲንራ ታማ ሃ ፑልቲ ጎጌስ፤ ኢዛስ ዳሮ ሺያን ቆዴቲዛ ኦሳንቻቲ ዴቴስ፤ ቆዳይ ባይንዳ ዴሬይ ኢዛ ሲንን ኤቂዴስ፤ ፒርዳ ሺሎታይካ ኡቲዴስ፤ ማጻፋቲካ ዶዬቲዳ።

ሆሴኤ ቲንቢቴ 8:7

ኢስቲ ጫርኮ ዜሪዲ ጎቴ ሺሻና፤ ቡጻ ቦላ ኣይፌይ ዴና፤ ሌይካ ቤቴና፤ ኣይፊኮካ ኣላጋቲ ማና።

ኣሞጼ ቲንቢቴ 7:4

ኡባፌ ዎልቃማ ጎዳይ ታና ኣጁታ ቤሲዴስ፤ ጎዳይ ቃጻያናስ ታማ ፒርዳ ዬዲዴስ፤ ታማዚካ ዎጋ ጊታ ኣባ ሚቺዲ ቢታ ሙስ ኦይኪዴስ።

ናሆሜ ቲንቢቴ 1:6

ኢዛ ሃንቆራ ኤቄታና ዳንዳይዛይ ኦኔ? ኢዛ ሃንቆ ሚኖዛ ቶካና ዳንዳይዛይ ኦኔ? ኢዛ ሃንቆይ ታማ ማላ ኤጺዴስ፤ ዛላቲካ ኢዛ ሲንፌ ዛኢዳ።

ኢምባቆ ቲንቢቴ 3:8

ጎዳዉ! ኔ ሃታ ቦላ ሃንቄታዲ? ኔ ሃንቆይ ሃ ፑልቶታ ቦላ ዲዜ? ኔኒ ኔ ፓራታኔ ጾኒዛ ፓራ-ጋሬታ ቶጋዳ ካሌዳ ዎዴ ኣባ ቦላ ሃንቄታዲ?

ዛካራሳ ቲንቢቴ 6:1

ቃሴካ ሃራ ኣጁታን ኦይዱ ፓራ-ጋሬቲ ናምኡ ጻርቂማላ ዙማታ ጊዶራ ዪዛይታ ቤኣዲስ።

Maatosa 22:7

«ካዎይካ ሃንቄቲዲ ዎታዳራታ ዬዲዲ ኣሽካራዛ ዎዳይታ ይሲዴስ፤ ኢስታ ካታማ ጹጊዴስ።

ዛሬ ማጻፋ 28:20

ኔኒ ኢታ ኦሶን ጎዳ ኣጊዳ ጊሻስ ኔ ኦዛ ኦሶን ኡባን ኔ ሙሌራ ያና ጋካናስ ቃንጌ፥ ሂርጋኔ ካዉሻቴ ጎዳይ ኔ ቦላ ኤሃና።

2ጴጽሮሳ ኪታ 3:7

ሄሳካ ሃኢ ዲዛ ሳሎይኔ ቢታይ ናጋራንቻቲ ያና ዲዛ ፒርዳ ጋላስ ጋካናስ ታማስ ጊጊ ኡቲዳ።