ኢሳያሳ ቲንቢቴ 65:6 - ጋሞ ማጻፋ

⁶ «ቤኢቴ፥ ታ ሲንን ጻፌቲ ኡቲዴስ፤ ታ ጮኡ ጊኬ፤ ጊዶ ኣቲን ኢዛ ኦሶ ኦሶ ማላ ታ ኢዛስ ኢማና፤ ኢስታ ሃኖ ማላ ታ ኢስታስ ጪጋና።

Geeshsha Maxaafa

⁶ «Be7ite, ta sinththan xaafetti uttides; ta co7u giikke; gido attiin iza ooso ooso mala ta izas immana; istta hano mala ta isttas ciggana.

ኢሳያሳ ቲንቢቴ 65:6 ပူးပေါင်းရင်းမြစ်များ

ዬ ማጻፋ 107:17

ኢስታፌ ኢሶቲ ኢሶቲ ባ ማካላቴ ጋሶን ኤያ ጊዲዳ፤ ባ ናጋራ ጋሶንካ ሜቶን ጌሊዳ።

ዬ ማጻፋ 109:14

ኢዛ ኣዋታ ናጋራይ ጎዳ ሲንን ቆፌቶ፤ ኢዛ ኣዬይ ናጋራይ ሙሌካ ቁጬቶፎ!

ዬ ማጻፋ 50:21

ኔኒ ሃይሳ ኡባ ኦዛ ዎዴ ታኒ ጮኡ ጋዲስ፤ ሄሳ ጊሻስ ኔኒ ታና ኔ ማላ ጋዳ ቆፓዳሳ፤ ጊዶ ኣቲን ሃኢ ታኒ ኔና ዋላሳይስ፤ ቃሴካ ታ ኔና ቆንጬን ሴራይስ።

ዬ ማጻፋ 50:3

ኑ ጾሲ ያና፤ ኢዚ ጮኡ ጌና። ሚዛ ታማይ ኢዛ ሲንና፤ ዎልቃማ ጎቴይ ኢዛ ዩሾና።

ዬ ማጻፋ 56:8

ኔኒ ታ ዬሆ ቤያዳሳ፤ ታ ኣፉን ማካዳሳ፤ ኡባቲካ ኔ ማዝጋባን ጻፌቲዳ።

ዬ ማጻፋ 79:12

ኣቤት ጎዳዉ! ኑ ሾሮቲ ኔና ቂዳይሳ ሃሎ ላፑን ኩሼ ኢስታስ ዛራ።

ኬሳ ማጻፋ 17:14

ሄሳፌ ጉዬ ጎዳይ ሙሴስ፥ «ታኒ ኣማሌቄ ኣሳይ ቆፌቶንታ ማላ ኢስታ ቢታ ቦላፌ ኩሜ ይሳና። ሃይሲ ኡባ ዎዴ ቆፌታና ማላ ማጻፋን ጻፋዳ ኢያሶስ ናባባ ሲሶንታ ኣጎፋ» ጊዴስ።

ኢሳያሳ ቲንቢቴ 26:21

ቢታ ቦላን ዲዛ ኣሳ ኢስታ ናጋራ ጊሻስ ቃጻያናስ፥ ጎዳይ ባ ዴኢዛሶፔ ኬዚዲ ዬስ። ቢታይካ ባ ቦላን ጉኪዳ ሱ ቆንጪሳና፤ ሃይቂዳይታካ ሃይሳፌ ጉዬ ቆቱኩ።

ኢሳያሳ ቲንቢቴ 3:11

ኢታታስ ኣዬ ኣና! ኢስታ ቦላ ኢታ ሚሺ ያና፤ ኣይስ ጊኮ ኢስቲ ባንታ ኦሶ ማላ ኤካና።

ኢሳያሳ ቲንቢቴ 42:14

ጎዳይ፥ «ታኒ ኣዱሳ ዎዴሶፌ ጮኡ ጋዲስ፤ ሲርጲ ጋዲስ፤ ታና ቁምኣ ኦይካዲስ፤ ሃኢ ጊዲኮ ሚጻ ኦይኬቲዳ ማጫሳ ማላ ዋሳይስ፤ ሼኖታይሲኔ ባናካይስ።

ኢሳያሳ ቲንቢቴ 59:18

ኢስታ ኦሶ ማላ ሃንቆ ባ ባልጋራታስ፥ ፒርዳ ባ ሞርኬታስ ኢዚ ቃንጻና። ሃሩሮ ቢታታስ ኢስታ ኦሶ ኦሶ ማላ ኢማና።

ኢሳያሳ ቲንቢቴ 64:12

ኣቤት ጎዳዉ፥ ሃይሲ ኡባይ ሃኒንካ ኔ ሲሚኪ? ኔኒ ጮኡ ጋዳ ኑና ዛዋይ ባይንዳ ቂጻቴ ቃጻያይ?

ኢሳያሳ ቲንቢቴ 66:6

ሄሳ ካታማን ዲዛ ዋሶዛ ሲዪቴ፤ ጾሳ ኬን ዲዛ ጫባ ሲዪቴ፤ ሄሲካ ጎዳ ጬንጉርሳ፤ ኢዚ ባ ሞርኬታስ ቤሲዛ ዋጋ ቃንጻና።

ኤርማሳ ቲንቢቴ 16:18

ኢስቲ ታ ቢታ ኣሃ ማላ ጊዲዳ ሃራሲዛ ኤቃ ጾሳታን ቱኒሲዳ ጊሻሲኔ ታ ጺንጾካ ዬላቺዛ ሚሻታን ኩንዳ ጊሻስ ታኒ ኢስቲ ኦዳ ቆሆዛ ጊሻሲኔ ናጋራ ጊሻስ ናምኡ ኩሼ ቃጻያና» ጌስ።

ሂዚቄላ ቲንቢቴ 11:21

ጊዶ ኣቲን ባንታ ዎዚና ቱኒዳ ሚስሌታኮኔ ሃራሲዛ ኦሶታኮ ዛሪዳይታስ ኢስታ ኦሶ ማላ ታ ኢስታስ ኢማና» ጊዴስ።

ሂዚቄላ ቲንቢቴ 22:31

ሄሳ ጊሻስ ታ ሃንቆ ታ ኢስታ ቦላ ጉሳና፤ ታ ዎልቃማ ሃንቆዛን ታ ኢስታ ጹጋና፤ ኢስቲ ኦዳይሳ ታ ጌዴ ኢስታ ቦላ ዛራና ጌስ ኡባ ሃሪዛ ጎዳይ» ጊዴስ።

ሂዚቄላ ቲንቢቴ 9:10

ሄሳ ጊሻስ ታኒ ኢስታስ ኢስታ ሃኖ ማላ ኢማና ኣቲን ታ ኢስታስ ቃቲኬ፤ ኢስታ ቦላ ዪዛ ሜቶፔ ታ ኢስታ ኣሺኬ» ጊዴስ።

ኢዩኤሌ ቲንቢቴ 3:4

ኢንቴኖ ጺሮሴ፥ ሲዶናኔ ፊሊስጼሜ ኣሳቶ! ኢንቴ ኣይ ኦሼ ዴቲ? ኢንቴ ታ ቦላ ሃሎ ኬሳና ቆፔቲ? ኢንቴ ሄሳ ማላ ቆፒኮ ታኒካ ካሴታዳ ኢንቴ ቦላ ሃሎ ኬሳና።

ሚልካሳ ቲንቢቴ 3:16

ሄ ዎዴ ጎዳስ ባቢዛ ኣሳቲ ባ ጋርሳን ኢሶይ ኢሳራ ሃሳዬቲዳ ጎዳ ጾሲካ ኢስቲ ጊዛይሳ ሎኤ ሲዪዴስ፤ ጎዳስ ባቢዛይታስ ቃሴካ ኢዛ ሱን ቦንቺዛይታስ ኢስቲ ኦሶይ ባሌቶንታ ማላ ቆፍሲዛ ማጻፋይ ኢዛ ሲንን ጻፌቲዴስ።

ሉቃሳ ሚሺራቾ 6:38

ኢሚቴ! ኢንቴስካ ኢሜታና፤ ኢንቴስ ኢንቴ ማኪዳ ሚሻን ሲሚዲ ማኬታና፤ ሃራፔካ ናቂ ባቄቲዲ ዪጌቲ ኩሚዲ ዎራ ጉካናሼ ሎኦ ማኪዛ ሚሻን ማኬቲዲ ኢንቴስ ኢሜታና» ጊዴስ።

ዛሬ ማጻፋ 32:34

«ሃይሳ ታኒ ዶጋዲና? ታ ማዝጋባን ጻፌቲ ኡቲዴስ።

ዮሃኒሳ ኣጁታ 20:12

ሄ ኣልጋዛ ሲንን ሃይቂዳ ጪማታኔ ናቴታ ቤያዲስ፤ ማጻፋቲካ ዶዬቲዳ፤ ሃራ ዴኦ ማጻፋይካ ዶዬቲዴስ፤ ሃይቂዳይቲካ ማጻፋታን ካሴ ጻፌቲ ዲዛ ባ ኦሶ ኦሶ ማላ ፒርዳ ኤኪዳ።