ኢሳያሳ ቲንቢቴ 65:23 - ጋሞ ማጻፋ

²³ ኢስታ ዳቡራይ ሃዳ ኣቴና፤ ቃዳ ኢታ ናካ ዬሌቴና፤ ኢስቲኔ ኢስታ ዜሬ ጎዳይ ኣንጂዳ ዴሬ ጊዳና።

Geeshsha Maxaafa

²³ Istta daaburay hada attenna; qaada iita naakka yelettenna; isttinne istta zereththi GODAY anjjida dere gidana.

ኢሳያሳ ቲንቢቴ 65:23 ပူးပေါင်းရင်းမြစ်များ

ሜቴ ማጻፋ 12:2

«ታኒ ኔና ጊታ ካዎቴ ኦና፤ ቃሴካ ኣንጃና፤ ኔ ሱን ጊታሳና፤ ኔካ ሃራታስ ኣንጆ ጊዳና።

ሜቴ ማጻፋ 17:7

ታኒ ታፔኔ ኔፔ፥ ኔፔ ጉዬ ኔ ዜሬ ጊዶን፥ ዬሌታፔ ዬሌታ ጋካናስ ታ ጌሊዳ ጫቆ ቃላ ሚንና፤ ሃ ጫቆይካ ታኒ ኔሲኔ ኔፔ ጉዬ ኔ ዜሬስ ጾስ ጊዳና።

ኢዮቤ ማጻፋ 21:8

ኣይስ ኢስታ ናይቲኔ ናይታ ናይቲ ዲጪዲ ሎኢ ዲሺን ቤዪዞ?

ኢሳያሳ ቲንቢቴ 44:3

ታኒ ሳሜቲዳ ቢታን ሃ ጉሳና፤ ሜላ ቢታንካ ሻፋ ጎጊሳና። ታኒ ታ ኣያና ኔ ዜሬ ቦላ፥ ታ ኣንጆ ኔስ ና ና ቦላ ጉሳና።

ኢሳያሳ ቲንቢቴ 49:4

ጊዶ ኣቲን ታኒ፥ «ታኒ ሜላ ጮ ዳቡራዲስ፤ ጎኣይ ባይንዳ ጮ ሃዳ ሚሻን ታ ዎልቃ ዉርሳዲስ፤ ጊዲኮካ ታ ኦሶዛስ ኩሼ ዛራናይ ጎዳ፤ ታ ዋጋይካ ታ ጾሳ ማታና» ጋዲስ።

ኢሳያሳ ቲንቢቴ 55:2

ጎኦንታ ካስ ኣይስ ኢንቴ ሚሽ ይሴቲ? ኢንቴና ካልሶንታ ሚሻስ ኣይ ኤካናስ ኢንቴ ዎልቃ ዉርሴቲ? ሲዪቴ፤ ታ ጊዳዝ ሲዪቴ፤ ሎኦ ጊዲዳዝ ሚቴ፤ ሎኦ ቁማን ኢንቴና ኡፋይሲቴ።

ኢሳያሳ ቲንቢቴ 61:9

ኢስታ ዛሬቲ ካዎቴታ ጊዶን፥ ኢስታ ናይቲ ዴሬ ጊዶን ኤሬቲዳይታ ጊዳና፤ ኢስቲ ቤኢዛ ኡባይ ጎዳይ ኣንጂዳ ዴሬ ጊዲዳይሳ ኤራና፤

ኢሳያሳ ቲንቢቴ 66:22

ጎዳይ፥ «ታኒ ሜና ኦራ ሳሎቲኔ ኦራ ሳኣይ ታ ሲንን ሚኒ ዳናይሳ ኢንቴ ሱንኔ ኢንቴ ዜሬ ሱን ሄሳ ሚኒ ዳና።

ሂዚቄላ ቲንቢቴ 36:29

ኢንቴ ቱናቴፌ ታ ኢንቴና ጌሻና፤ ካ ታ ሙሩቲሳናኔ ዳርሳና፤ ኮሻካ ኢንቴ ቦላ ኤሂኬ።

ሌዌታ ማጻፋ 26:20

ኢንቴ ዎልቃይ ጮ ሃዳ ዉራና፤ ጋሶይካ ኢንቴ ቢታይ ካ ኢሜና፤ ሚቲካ ኣይፌቴና።

ሌዌታ ማጻፋ 26:22

ኢታ ዶኣታ ታ ኢንቴ ጊዶ ዬዳና፤ ሄ ዶኣቲ ኢንቴ ናይታ ዋና፤ ኢንቴ ሚዛታካ ኡባ ይሳና፤ ኢንቴፌ ጉ ኣሳቲ ጻላ ኣታና፤ ካሴ ኢንቴ ሄሜቲዛ ኦጌይ ሳማና።

ሌዌታ ማጻፋ 26:29

ኢንቴ ኮሻ ዳሮፔ ዴንዲዳይሳን ኢንቴ ናይታ ኣሾ ማና።

ሃጌ ቲንቢቴ 1:6

ዳሮ ዜሪዴታ ሺን ጉ ማጺ ሺሺዴታ። ሚዴታ ሺን ካሊቤኬታ፤ ኡዪዴታ ሺን ኣሊቤኬታ፤ ማይኢዴታ ሺን ማይኦይ ኢንቴና ሆኢቤና፤ ዳሞዛ ኤኪዴታ ሺን ኢንቴ ኤኪዳ ዳሞዛይ ዳኬ ካራጺቴን ዎዳይሳ ማላ» ጌስ።

ሃጌ ቲንቢቴ 2:19

ሃኢ ዜሬስ ጊዲዛ ካ ጎታራን ይኮ፥ ቃሴካ ዎይኔይኔ ባላሴ ሚ፥ ኦሮማኔይኔ ዎጋራ ሚ ኡባይ ሃች ጋካናስ ኣይፌ ኣይፎንታ ኣጊኮካ፥ ሃቺፌ ዶማዳ ታኒ ኢንቴና ኣንጃና› ጌስ» ጊዴስ።

ሚልካሳ ቲንቢቴ 3:10

ታ ኬን ሚዛ ካ ዳና ማላ ኢንቴካ ታና ሃይሳን ፓጫናስ ኣኔ ታማፌ ኢሲኖ ኡባ ሃ ታ ጎታራን ጌልቴ፤ ታ ኢንቴስ ሳሎ ማስኮቴ ዶዮንታ ኣጊኮኔ ኢንቴስ ዎዛሶይ ያና ጋካናስ ታ ኢንቴስ ኣንጃ ፓላሂሶንታ ኣጊኮ ቤያንዴታ» ጌስ ኡባፌ ዎልቃማ ጎዳ ጾሳይ።

ሃዋሬታ ኦሶ 2:39

ኡፋይሳ ቃላይ ኢንቴሲኔ ኢንቴ ናይታሳ፤ ቃሴካ ጎዳ ጾሲ ባኮ ጼይጊዛ ሃሆን ዲዛይታሳራ ኡባሳ» ጊዴስ።

ኦሮሜ ኣሳስ 4:16

ሄሳ ጊሻስ ሂዶታይ ኣማኖን ዪዴስ፤ ሄሲካ ኢዛ ሂዶታይ ኢዛ ኪያቴን ጊዳና ማላኔ ኣብራሃሜ ዜሬ ኡባስ ኣማኔቲዛይሳ ጊዳና ማላ ሃኒዴስ፤ ሄሲካ ዎጋን ኢዛይታ ጊዲዳይታስ ጻላላ ጊዶንታ ኣማኖን ኣብራሃሜ ናይታ ጊዲዳይታስ ኡባታሳ፤ ኢዚካ ኑስ ኡባሲካ ኣዋ።

1ቆሮንቶሴ ኣሳስ 15:58

ሄሳ ጊሻስ ታ ሲቆ ኢሻቶ! ሚኒ ኤቂቴ፤ ኣይ ሚሻንካ ያርክ ያርኮፍቴ፤ ጎዳ ኦሶስ ኢንቴ ዳቡርዛ ዳቡርሳይ ሃዳ ጊዶንታይሳ ኤሪዲ ኡባ ዎዴ ፓጬይ ባይንዳ ጎዳስ ኦናስ ሚኔቲቴ።

ጋላቲያ ኣሳስ 3:29

ኢንቴ ኪርስቶሳይታ ጊዲኮ ኢንቴ ኣብራሃሜ ዜሬታ፤ ካሴ ኢሜቲዳ ሂዶታ ቃላ ማላ ኢንቴ ላታናይታ።