ኢሳያሳ ቲንቢቴ 60:6 - ጋሞ ማጻፋ

⁶ ጋሜላ ማራቲ፥ ሚዲያሜፔኔ ኤፋፔ ዪዳ ጋሜላ ማራቲ ኔ ቢታ ካማና። ዎርቃኔ ኤጻኔ ኤኪዲ ሳባፔ ዪዛይቲ ጎዳ ጋላታ ኣዋጃና።

Geeshsha Maxaafa

⁶ Gaamella marati, Midiyaameppenne Eefappe yida gaamella marati ne biittaa kammana. Worqqanne exaane ekkidi Saabappe yizayti GODAA galata awajjana.

ኢሳያሳ ቲንቢቴ 60:6 ပူးပေါင်းရင်းမြစ်များ

ሜቴ ማጻፋ 10:7

ኩሼ ኣቱማ ናይቲ ሴባ፥ ሃዊላ፥ ሳቢቴ፥ ኤራኢሜኔ ሳቢቴካ። ኤራኢሜ ኣቱማ ናይቲ ሳባኔ ዳዳኔ።

ሜቴ ማጻፋ 25:13

ኢስማኤሌ ናይቲ ባ ሱንኒኔ ባ ዬሌታ ማራን ሃይታንታ፤ ሄይታንቲካ ኔባዮቴ፥ ቄዳሬ፥ ኣዲቢኤሌ፥ ሚቢሳሜ፥

1ካዎታ ማጻፋ 10:2

ጊታ ኣዣባን ሺቶ፥ ኬሂ ዳሮ ዎርቃኔ ኣልኦ ሹቻ ዳሮ ጋሜላታን ጫናዳ ዬሩሳላሜ ጋኪዳፔ ጉዬ ሶሎሞኔኮ ጌላዳ ባ ዎዚናን ዲዛ ኦይሻ ኡባ ሺሻዱስ።

2ካዎታ ማጻፋ 8:9

ኣዛሄሌይካ ዳማስቆን ዲዛ ሎኦ ሚሻታ ኡባፌ ኦይዱ ታሙ ጋሜላን ጫኒ ኤኪዲ ኤልሳኤራ ጋይታናስ ቢዴስ፤ ኢዛ ሲንን ቢ ኤቂዲ፥ «ኔ ና ኣራሜ ካዎ ቤኒ-ሃዳዴይ፥ ‹ሃይሳ ሃ ሃርጌዛፔ ታ ፓጻኔ?› ጊዲ ታና ኔኮ ዬዲዴስ» ጊዴስ።

1ታሪኬ ማጻፋ 1:33

ሚዲያኔይካ ኤፋ፥ ኤፌሬ፥ ሄኖኬ፥ ኣቢዳኤኔ ኤልዳኤ ጌቴቲዛ ኢቻሹ ኣቱማ ናይታ ዬሊዴስ፤ ሃይቲ ኡባይ ኬጹራ ዜሬታ።

2ታሪኬ ማጻፋ 9:1

ሳባ ካዎያ ሶሎሞኔ ጎባቴ ሲያዳ፥ ዴጾ ኦይሻታ ኤካዳ ኢዛ ፓጫናስ ሳዎ፥ ኬሂ ዳሮ ዎርቃኔ ኣልኦ ሹቻታ ጋሜላታን ጫናዳ ዳሮ ኣዣባራ ዬሩሳላሜ ጋካዳ ሶሎሞኔ ሲን ኣዱስ። ሂስታዳ ባ ዎዚናን ዲዛይሳ ኡባ ሶሎሞኔስ ዮታዱስ።

ዬ ማጻፋ 67:4

ኔኒ ኣሳስ ሱሬቴን ፒርዲዛ ጊሻስ ሳኣ ቦላካ ኔ ዴራ ካሌዛ ጊሻስ ካዎቴቲ ኡፋዬቴቶ፤ ኢሊሊሼካ ኔስ ዬጼቶ።

ዬ ማጻፋ 72:10

ታርሴሴ ካዎቲኔ ሃሩሮታ ካዎቲ ኢዛስ ጊራ ኤሃና። ሳባኔ ሳባ ካዎቲ ኢዛስ ኩሼ ጌን ኤሃና።

ዬ ማጻፋ 72:15

ካዎይ ሼምፖ ጋምኦ፤ ሳባ ቢታ ዎርቃይ ኢዛስ ኢሜቶ። ፓጬይ ባይንዳ ኢዛስ ዎሴቶ፤ ጋላስ ኡባን ኢስቲ ኢዛ ኣንጄቶ።

ኢሳያሳ ቲንቢቴ 30:6

ኔጌቤን ዲዛ ሜዶሳታ ጊሻስ ጎዳይ ዮቲዳ ቃላይ ዎዳላ ጋሞቲኔ ማጫ ጋሞቲ ዲዛሶን፥ ማርዜራ ዲዛ ሾሻቲኔ ጾንጌቲዛ ሾሻቲ ዲዛሶን፥ ሜቶይኔ ጬጬይ ኩሚዳ ቢታራ ኣ ቢዲ፥ ኢስቲ ጎኦንታ ዴሬታኮ፥

ኢሳያሳ ቲንቢቴ 42:10

ኢንቴኖ ዱጌ ኣባን ዎዛይቶ፥ ሄን ዲዛ ኡባቶ! ኢንቴኖ ሃሩሮቶ! ሄንካ ዲዛ ኡባቶ! ጎዳሲ ኦራ ማዛሙሬ ዬጺቴ፤ ቢታ ጋጻፔ ዶሚዲ ኢዛስ ጋላታ ማዛሙሬ ሺሺቴ።

ኢሳያሳ ቲንቢቴ 45:14

ጎዳይ፥ «ጊብጼ ዱሬቴኔ ቶጵያ ዛልኤይ፥ ቃሴ ጌሳን ኣዱስ ጊዲዳ ሳባ ኣሳቲካ ኔኮ ያና፤ ኔይታ ጊዳና። ኢስቲ ኔና ካላና፤ ሳንሳላታን ቃሼቲ ኔኮ ዪዲ ኔስ ጎይናና፤ ኢስታስ፥ ‹ቱማፔ ጎዳይ ኔናራ ዴስ፤ ኢዛፔ ኣቲን ሃራ ጾሲ ዴና› ጊዲ ዎሳና» ጌስ።

ኢሳያሳ ቲንቢቴ 60:9

ቱሙካ ሃሩሮቲ ታናን ሂዶታ ኦቴስ፤ ኢዚ ኔና ባ ቦንቾ ማይዚዳ ጊሻስ፥ ጎዳ ኔ ጾሳ ቦንቾስ፥ ኢስራኤሌ ጌሻስ ሃኮፔ ኔ ኣቱማ ናይታ፥ ኢስታ ቢራራኔ ዎርቃራ ጋ ኤሃናስ ታርሴሴ ማርካቤቲ ሲንቲ ኬዛና።

ኢሳያሳ ቲንቢቴ 61:6

ኢንቴ ቃሴ፥ «ጎዳ ቄሴታ» ጌቴቲ ጼይጌታና፤ ኣሳይካ ኢንቴና፥ «ኑ ጾሳ ኦሳንቻታ» ጊዲ ጼይጋና፤ ኢንቴ ካዎቴታ ኣቆታ ማና፤ ኢስታ ዱሬቴንካ ኢንቴ ጬቄታና።

ኤርማሳ ቲንቢቴ 6:20

ኤጻኔይ ሳባ ቢታፌ ሳዊዛ ቂማሜይ ሃኮ ቢታፌ ዪኮ ታና ኣይ ጋኔ? ጹጌቲዛ ኢንቴ ያርሾዛካ ታ ኤኪኬ፤ ኢንቴ ሺሺዛ ሃራ ያርሾይካ ታና ኡፋይሴና» ጌስ።

ሂዚቄላ ቲንቢቴ 27:22

«ሳባ ዛልኣንቻቲኔ ኤራኢሜ ዛልኣንቻቲ ኔናራ ዛልኤቴቴስ፤ ዶሬቲዳ ቂማሜ ኡባ፥ ኣልኦ ሹቺኔ ዎርቃ ሺሺዲ ሻቃጬን ኔናራ ዛልኤቴቴስ።

ሶፎናሳ ቲንቢቴ 3:10

ቶጵያ ሻፋታፔ ሄ ፒንን ላሌቲ ዲሼ ታስ ጎይኒዛ ታ ዴሬይ ታስ ያርሾ ኤሃና።

ዛካራሳ ቲንቢቴ 14:16

ሄሳፌ ጉዬ ዬሩሳላሜ ኦላና ኬዚዳ ካዎቴታፔ ሃይቆንታ ኣቲዳ ኡባይ ኡባፌ ዎልቃማ ጎዳስ ጎይናናሲኔ ዳሴ ባኣሌ ቦንቻናስ ላይን ላይን ዬሩሳላሜን ሺቃና።

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

Maatosa 2:11

ኬ ጌሊዲ ጉ ናዛ ኢዛ ኣዮ ማራሚራ ዴሚዲኔ ጉልባቲዲ ኢዛስ ጎይኒዳ፤ ባ ሳጺኔ ሳጺኔ ዶይዲ ዎርቃ፥ ኤጻኔኔ ካርቤ ጌቴቲዛ ሚሽ ኢዛስ ኢሚዳ።

ኦሮሜ ኣሳስ 15:9

ሄሳካ ኣይዛቤቲ ኢዛ ማሮቴ ጊሻስ ጾስ ጋላታና ማላ፤ ሄሲካ፥ «ታ ኔና ዴሬ ጊዶን ጋላታና፤ ኔ ሱንስካ ጋላታ ማዛሙሬ ዬጻና» ጌቴቲ ጌሻ ማጻፋን ጻፌቲዳ ማላ።

ዛሬ ማጻፋ 32:43

«ኢንቴኖ ካዎቴቶ! ጎዳይ ባ ኦሳንቻታ ሱ ኣጫና፤ ሞርኬታ ቦላ ሃሎ ኬሳና፤ ባና ኢጺዛይታ ቃጻያና፤ ባ ዴሬዛ ናጋራ ዉርሳና፤ ቢታዮካ ቱናቴፌ ጌሻና፤ ሄሳ ጊሻስ ኢንቴ ኢዛ ኣሳራ ኢሲፌ ኡፋዬቲቴ» ጊዲ፥

ፒሊጲሲዮሴ ኣሳስ 2:17

ቃሴካ ኢንቴስ ጎዳን ዲዛ ኣማኖይ ኢንቴ ጾሳስ ሺሺዳ ዱማ ያርሾ ማላ ታ ሼምፖይ ኢንቴ ያርሾራ ኢሲፌ ያርሾ ማላ ጉኪዛኮ ኢንቴናራ ታኒካ ኡፋዬታና።

1ጴጽሮሳ ኪታ 2:5

ኢንቴ ጎዳ ዬሱሳኮ ሺቃናይካ ዴኦ ሹቻ ማላ ጺሎ ኣያና ዱሳሶ ጊዳና ማላ ኦሴቴታ፤ ሄሳካ ኢንቴ ዬሱስ ኪርስቶሳ ባጋራ ኡፋይሲዛ ኣያና ያርሾ ጾሳስ ሺሻናስ ጌሻ ቄሴታ ጊዳንዴታ።

1ጴጽሮሳ ኪታ 2:9

ኢንቴ ጊዲኮ ማፔ ጌዴ ዳሮ ማላሊሲዛ ኢዛ ፖኦኮ ጼይጊዳ ማላሊሲዛ ጾሳ ኦሶ ኣዋጃናስ ዶሬቲዳ ዬሌታታ፥ ካዎ ቄሴታ፥ ጾሲ ኢንቴና ባስ ሂስቲዳ ኢንቴ ዱማ ዴሬታ።

ዳናታ ማጻፋ 6:5

ባንታ ሜሄታኔ ባንታ ዱንካኔታ ኤኪዲ ቦሌይ ዪዛ ማላ ዳሪዲ ዬቴስ፤ ኢስታኔ ኢስታ ጋሜላታ ቆዳናስ ዳንዳዬቴና፤ ኢስታ ዩሳይካ ቢታ ይሳናሳ።

ዳናታ ማጻፋ 7:12

ሄ ዎዴ ቦሌ ማላ ጮራቲዳ ሚዲያሜ ኣሳይ ኣማሌቄ ኣሳይኔ ኣርሼ ኬሳ ባጋራ ዲዛ ኣሳይ ኡባይ ሾባ ጊዶን ዱንካኒ ኡቲዴስ። ኢስታ ጋሜላቲ ኣባ ዶናን ዲዛ ኣጬ ማላ ቆዳፔ ዳሮ።