ኢሳያሳ ቲንቢቴ 60:5 - ጋሞ ማጻፋ

⁵ ሄ ዎዴ ኔ ቤኣናኔ ጶላና፤ ኔ ዎዚናይ ኡፋይሳን ኩማና፤ ኣባን ዲዛ ኣቆታይ ኔኮ ያና፤ ካዎቴታ ዱሬቴ ኔስ ጊዳና።

Geeshsha Maxaafa

⁵ He wode ne be7ananne phoollana; ne wozinay ufayssan kumana; abban diza aqotay neekko yaana; kawoteththata dureteththi nees gidana.

ኢሳያሳ ቲንቢቴ 60:5 ပူးပေါင်းရင်းမြစ်များ

ዬ ማጻፋ 119:32

ኔኒ ታ ዎዚና ኣሲዳ ጊሻስ ታኒ ኔ ኣዛዞ ኦጌን ዎጻይስ።

ዬ ማጻፋ 34:5

ኢዛኮ ጼሊዛ ኡባ ሲንይ ፖኤስ፤ ኢስቲ ሙሌካ ዬላቴቴና።

ኢሳያሳ ቲንቢቴ 23:18

ጊዲኮካ ኢዛ ዴሚዳ ኡባይኔ ዎይ ጎዳስ ዱማታና፤ ዳጋቴናኔ ሱዴና፤ ኢዚ ዎይ ጎዳ ሲንን ዴኢዛይታስ ፓላሂዳ ካኔ ሎኦ ማይኦ ጊዳና።

ኢሳያሳ ቲንቢቴ 54:2

ኔ ዱንካኔ ኤሳናሶ ኣሳ፤ ኔ ዱንካኔ ማጋላሻታካ ኣሳ ቶላ፤ ጹንፋ፤ ኔ ዎዶሮታ ኣዱሳ፤ ሽኬታካ ሚን ኤሳ።

ኢሳያሳ ቲንቢቴ 60:11

ኔ ፔንጌቲ ኡባቶ ዶያ ዴኣና፤ ጋላስ ጊዲን ኦማርስ ሙሌካ ጎርዴቴቴና፤ ሄሲካ ኣሳይ ካዎቴታ ዱሬቴ ኔኮ ኤሃናሳ፤ ኢስታ ካዎቲካ ጾኖን ኔኮ ጌላና ማላሳ።

ኢሳያሳ ቲንቢቴ 61:6

ኢንቴ ቃሴ፥ «ጎዳ ቄሴታ» ጌቴቲ ጼይጌታና፤ ኣሳይካ ኢንቴና፥ «ኑ ጾሳ ኦሳንቻታ» ጊዲ ጼይጋና፤ ኢንቴ ካዎቴታ ኣቆታ ማና፤ ኢስታ ዱሬቴንካ ኢንቴ ጬቄታና።

ኢሳያሳ ቲንቢቴ 66:12

ጎዳይ፥ «ቤኢቴ፥ ታኒ ኢዚስ ሳሮቴ ጊታ ሻፋ ማላ ጎጊሳና፤ ካዎቴታ ኣቆታ ሻፋ ሃ ማላ ጎጊሳና ኢንቴ ኢዚ ኪኦን ኢዲሜቲ ማና፤ ኢዚ ኪኦን ኡቲዲ ኢንቴ ጉፓና።

ኤርማሳ ቲንቢቴ 33:9

ሄሳፌ ጉዬ ሃና ሃ ካታማያ ታ ኢዚስ ኦዳ ሎኦ ሚሽ ኡባ ሲዪዛ ካዎቴታ ኡባ ሲንን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴፌኔ ሳሮቴፌ ዴንዲዳይሳን ኣሳይ ኢዚስ ያሻን ኮኮራና» ጌስ።

ሆሴኤ ቲንቢቴ 3:5

ሄሳፌ ጉዬ ኢስራኤሌ ዴሬይ ጎዳ ባ ጾሳኮኔ ባ ካዎ ዳዊቴኮ ሲማና። ዉርሴ ዎዴ ኢስቲ ያሻን ኮኮሪሼ ጎዳኮኔ ኢዛ ኣንጆኮ ያና።

Maatosa 25:16

ኢቻሹ ሺ ቢራ ኤኪዳ ኣዴዚ ሄራካ ሚሻን ዛልኤ ኦይኪዲ ሃራ ኢቻሹ ሺ ቢራ ዎሲዴስ።

ሃዋሬታ ኦሶ 10:45

ቃጻሬቲዳይታ ባጋፌ ጴጽሮሳራ ዪዳ ኣማኒዛይቲ ጺሎ ኣያና ኢሞቴ ኣይዛቤታ ቦላ ዎሺን ቤኢዲ ማላሌቲዳ።

ሃዋሬታ ኦሶ 11:17

ሄሳ ጊሻስ ኑኒ ጎዳ ዬሱስ ኪርስቶሳ ኣማኒሺን ኑስ ኢሚዳ ጺሎ ኣያና ጾሲ ኢስታስ ኢሚኮ ሂስቲን ጾሳራ ኤቄታናስ ታኒ ኦኔ?» ጊዴስ።

ሃዋሬታ ኦሶ 24:17

«ታ ዬሩሳላሜፔ ኬዚን ታስ ዳሮ ላይ ጊዲዳፔ ጉዬ ታ ዴሬ ኣሳስ ማዶ ሚሼኔ ጾሳስ ኢሜቲዛ ሚሼ ኤካ ያዲስ።

ኦሮሜ ኣሳስ 11:25

ታ ኢሻቶ! ኢንቴ ጪንጫ ኣስ ጊዲዳይሳ ኢንቴስ ሚሳቶንታ ማላ ሃይሳ ጊዶ ጹራ ዮኦዛ ኢንቴ ኤሮንታ ኣታና ማላ ታ ኮይኬ። ሄሲካ ኣይዛቤታፔ ጼይጌቲዳይቲ ዉሪ ኣማናና ጋካናስ ኢስራኤሌ ናይታ ዎዚናይ ሙሚዴስ።

ኦሮሜ ኣሳስ 15:26

ጋሶይካ ማቂዶኒያኒኔ ኣካያን ዲዛ ማንቆታ ማዳና ጾሳ ዴሬይ ዴንዲዴስ።

2ቆሮንቶሴ ኣሳስ 10:15

ሄሳ ጊሻስ ጾሲ ኑስ ኢሚዳ ዛዋፔ ኣዲ ሃራ ኣሳታ ኦሶን ጌሊዲ ዎጋፔ ኣ ጬቄቶኮ፤ ሄሳፌ ቦላራ ኢንቴ ኣማኖይ ዲጫና ማላኔ ኑ ኦሶይካ ጾሲ ኑስ ኢሚዳ ዛዋን ኢንቴ ጊዶን ኣካናይሳ ናጎን ዶስ።

ዛሬ ማጻፋ 33:19

ኢስቲ ዴሬዛ ፑዴ ዙማ ቦላ ጼይጊዲ ሄን ጺሎቴ ያርሾ ያርሻና፤ ባንታስ ኣቆታኔ ዱሬቴ ኣባፌኔ ሻሚንታፌ ዴማና» ጊዴስ።

ዮሃኒሳ ኣጁታ 21:24

ዴሬቲ ኢዚ ፖኦዛን ሲሜሬታና፤ ቢታ ካዎቲ ዉሪካ ባ ቦንቾ ኢዚስ ኤሃና።

ዮሃኒሳ ኣጁታ 21:26

ሃራ ካዎታ ጊታቴኔ ቦንቾይ ኢዚስ ያና።

1ሳሜላ ማጻፋ 2:1

ሃናይ፥ «ታ ዎዚናይ ጎዳን ኡፋዬቲዴስ፤ ታ ካጬይ ጾሳን ቁ ቁ ጊዴስ፤ ኔኒ ታና ኣሺዳ ኣሾን ታኒ ኡፋዬቲዳ ጊሻስ ታ ዶናይ ታ ሞርኬታ ቦላ ዶዬቲዴስ።