ኢሳያሳ ቲንቢቴ 59:6 - ጋሞ ማጻፋ

⁶ ኢስታ ቃጪናይ ማይኦ ጊዴና፤ ኢስቲ ኦዳይሳን ባንታ ቦላ ካማና ዳንዳዬቴና፤ ኢስታ ኦሶይ ኢታ፤ ኢስታ ኩሼታን ማካላ ኦሶይ ኩሚዴስ።

Geeshsha Maxaafa

⁶ Istta qacinay may7o gidenna; istti ooththidayssan bantta bolla kammana dandayettenna; istta oosoy iita; istta kushetan makkalla oosoy kumides.

ኢሳያሳ ቲንቢቴ 59:6 ပူးပေါင်းရင်းမြစ်များ

ሜቴ ማጻፋ 6:11

ሄ ዎዴ ቢታ ቦላ ዲዛ ኣሲ ዉሪ ጾሳ ሲንን ቱኒዴስ፤ ቢታይ ዉሪ ማካላን ኩሚዴስ።

ኢዮቤ ማጻፋ 16:17

ሃይሲ ኡባይ ሃንሺን ታ ኦዳ ቆሆይ ዴና፤ ታኒ ታ ዎሳ ጾሳኮ ሺሺዛይ ዎዚና ጌሻቴና።

ዬ ማጻፋ 55:11

ባሺ ኢዚ ጊዶን ዴስ፤ ጌኔይኔ ጪሞይ ኢዚ ዱቡሻታፔ ሻኬቴና።

ዬ ማጻፋ 58:2

ኣካይ! ኢንቴ ዎዚናን ኢታ ሚሽ ሃልቼታ፤ ኢንቴ ኩሼይ ቢታ ቦላ ማካላ ኦሶ ኦስ።

ኢሳያሳ ቲንቢቴ 30:1

ጎዳይ፥ «ማካላንቻ ጊዲዳ ናይታስ ኣዬ ኣና! ታፔ ጊዶንታ ቆፋ ካሌቴስ፤ ታ ኣያናፔ ጊዶንታ ጫቆ ጫቄቴስ፤ ናጋራ ቦላ ናጋራ ጉጄቴስ።

ኢሳያሳ ቲንቢቴ 5:7

ኡባፌ ዎልቃማ ጎዳ ዎይኔ ቶኪዛ ጋዴይ ኢስራኤሌ ኣሳ። ዩሁዳ ኣሳይ ኢዚ ኡፋዬቲዛ ኣታኪልቴ። ኢስቲ ሱሬ ፒርዳ ፒርዳና ጊዲ ናጊዴስ፤ ጊዶ ኣቲን ሱ ጉሲሺን ቤዪዴስ። ኢዚ ጺሎቴ ኮዪዴስ፤ ጊዶ ኣቲን ሜቶ ዋሶ ሲዪዴስ።

ኢሳያሳ ቲንቢቴ 57:12

ታኒ ኔ ጺሎቴኔ ኔ ኦሶ ቆንጪሳና፤ ኢስቲካ ኔና ጎኤቴና።

ኢሳያሳ ቲንቢቴ 58:4

ኢንቴ ጾማይ ኦሻኒኔ ፓላማን፥ ጌኔ ኦሶኒኔ ዋታን ፖሌቴስ፤ ሃይሳፌ ሲንን ኢንቴ ጾሚዛይሳ ማላ ሃቺፌ ጉዬ ኢንቴ ዎሳይ ሳሎን ሲዬታና ጊዲ ሂዶታ ኦፍቴ።

ኢሳያሳ ቲንቢቴ 64:6

ኑኒ ኡባይካ ቱና ኣሳ ማላ ጊዲዶስ፤ ኑ ጺሎቴ ኦሶ ኡባይ ቱኒዳ ጫርቃ ማላ። ኑኒ ኡባይካ ቦንጮ ማላ ቆኪዶስ፤ ኑ ናጋራይ ኑና ጫርኮ ማላ ፒቲ ኤፊዴስ።

ኤርማሳ ቲንቢቴ 6:7

ኦላፌ ሃ ፑልቲዛ ማላ ኢዛካ ባ ኢታቴ ፑልቲሳዉስ፤ ማካላ ሚሺኔ ባሻ ሚሺ ኢዚ ጊዶን ሴቴቴስ፤ ኡባ ዎዴ ኢዚ ሳኮይኔ ማዱን ታስ ቤቴስ።

ሂዚቄላ ቲንቢቴ 18:12

ሂዬሳኔ ሜቶቴቲዳዴ ኡንኤኮ፥ ዎልቃራ ዳፊ ኤኪኮ፥ ኦይሶ ኤኪዳይሳ ዛሮንታ ኢጺኮ፥ ኤቃ ጾሳታኮ ሲሚኮ፥ ሃራሲዛ ኦሶታ ኦኮ፥

ሂዚቄላ ቲንቢቴ 7:11

ማካላይ ዲጫዳ ኢታቴ ሾጪዛ ጉፌ ጊዳዱስ፤ ኣሳፔ ኣይኮይካ ኣቴና፤ ኢስታ ጮራቴፌ፥ ኢስታ ኣቆታፔኔ ኢስታ ቦንቾፌ ኣይኮይካ ኣቴና።

ሂዚቄላ ቲንቢቴ 7:23

« ‹ሱሬ ፒርዳይ ዪን ቢታይ ሱ ጉኮን ኩሚዳ ጊሻስ፥ ካታማያካ ማካላ ኦሶን ኩሚዳ ጊሻስ ኔኒ ሳንሳላታ ጊጊሳ።

ሂዚቄላ ቲንቢቴ 9:9

ኢዚ ዛሪዲ ታስ፥ «ኢስራኤሌ ኬ ናጋራይኔ ዩሁዳ ኬ ናጋራይ ኬሂ ዳሪዴስ፤ ቢታያ ሱ ጻላ ጊዳዱስ፤ ቃሴ ካታማያ ጌላቴን ኩማዱስ፤ ጋሶይካ ኣሳይ፥ ‹ጎዳይ ቢታ ኣጊዴስ፤ ጎዳይ ቤኤና› ጌቴስ።

ኣሞጼ ቲንቢቴ 3:10

ጎዳይ፥ «ሃይቲ ዴሬቲ ሎኦ ኦሶ ኤሬቴና። ማካላኒኔ ጌኔን ኤኪዳ ሚሻን ባ ሚጻ ኩንቴስ።

ኣሞጼ ቲንቢቴ 6:3

ኢንቴ ቃሴ፥ «ኢታ ጋላሲ ኤሌ ጋኬና» ጊዛ ቆፋን ኢንቴ ዳናቴን ጌኔ ኦሶ ኤሶሴታ።

ሚኪያሳ ቲንቢቴ 2:8

ዉርሴን ኢንቴ ታ ዴሬታ ቦላ ሞርኬ ጊዲ ዴንዲዴታ፤ ኢስታስ ኦላ ቆፋይ ባይንዳ ዲሺን ሳሮቴራ ኣዛይታ ቦላፌ ሴሎ ማይኦ ኢንቴ ቃሪ ኤኪዴታ።

ሚኪያሳ ቲንቢቴ 6:12

ኢዚ ዴሬን ዱሬ ኣሳቲ ኣስ ቆሂዛዴንታ፤ ኢዚን ዲዛ ኣሳይ ዎርዳንቻ ጻላ፤ ኢስታ ኢንጻርሳይ ባሌዛ ኢንጻርሳ።

ሶፎናሳ ቲንቢቴ 1:9

ሄ ዎዴ ኣላጋ ጾሳታ ፔንጌን ጉፒዛይታ፥ ባንታ ጎዳታ ኬ ማካላቴኒኔ ባሌን ኩንዛይታ ታ ቃጻያና» ጌስ ጎዳይ።

ሶፎናሳ ቲንቢቴ 3:1

ማካላንቻይሲኔ ቱኒዳሪስ፥ ኣስ ኡንኤዛይታ ካታማይስ ኣዬ ኣና!

ሚልካሳ ቲንቢቴ 2:16

«ኣይስ ጊኮ ታኒ ጎዳ ኢስራኤሌ ጾሳይ ኣዚናይ ባ ማቾ ኣንጂ ዬዲዛይሳ ኢጻይስ፤ ኢንቴፌ ኢሳዴይካ ሄሳ ማላ ጌኔ ኦሶ ኦኮ ታ ሄሳ ኢጻይስ፤ ሄሳ ጊሻስ ኢንቴ ኢንቴ ማቼታራ ጫቄቲዳ ቃላ ላሞንታ ማላ ናጌቲቴ» ጌስ ጎዳ ኢስራኤሌ ጾሳይ።