ኢሳያሳ ቲንቢቴ 59:18 - ጋሞ ማጻፋ

¹⁸ ኢስታ ኦሶ ማላ ሃንቆ ባ ባልጋራታስ፥ ፒርዳ ባ ሞርኬታስ ኢዚ ቃንጻና። ሃሩሮ ቢታታስ ኢስታ ኦሶ ኦሶ ማላ ኢማና።

Geeshsha Maxaafa

¹⁸ Istta ooso mala hanqo ba baalgaaratas, pirda ba morkketas izi qanxxana. Haruro biittatas istta ooso ooso mala immana.

ኢሳያሳ ቲንቢቴ 59:18 ပူးပေါင်းရင်းမြစ်များ

ኢዮቤ ማጻፋ 34:11

ጾሲ ኣሳስ ኢዛዴ ኦሶ ማላ ኢሜስ፤ ኢዛስ ኢዛዴ ሄሜ ማላ ኦስ።

ዬ ማጻፋ 62:12

ሜርና ሲቆይ ጾሳሳ።» ኣቤት ጎዳዉ! ኔኒ ኣስ ኡባስ ኢዛ ኦሶ ኦሶ ማላ ኢማና።

ኢሳያሳ ቲንቢቴ 1:24

ሄሳ ጊሻስ ጎዳይ፥ ኡባፌ ዎልቃማ ጎዳ ኢስራኤሌ ጾሳይ፥ «ታኒ ታ ሞርኬታ ቦላ ታ ሃንቆ ጉሳና፤ ታና ኮሚዛይታ ቦላካ ታኒ ሃሎ ኬሳና።

ኢሳያሳ ቲንቢቴ 35:4

ዎዚናን ያሻይ ዲዛይታ «ሚኒቴ! ያዮፍቴ! ኢንቴ ጾሲ ዪዲ ሃሎ ኬሳና፤ ኢዚ ኢንቴና ኣሻናሲኔ ሃሎ ኬሳናስ ያና» ጊቴ።

ኢሳያሳ ቲንቢቴ 40:10

ሄኮ ኡባ ሃሪዛ ጎዳይ ዎልቃራ ዬስ፤ ኢዛ ቄሴይ ኢዛ ጊሻስ ሃራና። ቤኢቴ ኢዛ ዎይቶይ ኢዛራ ዴስ፤ ኢዚ ጪጋና ኦሶ ዋጋይካ ኢዛራ ዴስ።

ኢሳያሳ ቲንቢቴ 49:4

ጊዶ ኣቲን ታኒ፥ «ታኒ ሜላ ጮ ዳቡራዲስ፤ ጎኣይ ባይንዳ ጮ ሃዳ ሚሻን ታ ዎልቃ ዉርሳዲስ፤ ጊዲኮካ ታ ኦሶዛስ ኩሼ ዛራናይ ጎዳ፤ ታ ዋጋይካ ታ ጾሳ ማታና» ጋዲስ።

ኢሳያሳ ቲንቢቴ 63:3

«ጉምኢዛሶሆዛን ዎይኔ ታኒ ታርካ ዬዲስ፤ ካዎቴታፔ ኦኒካ ታናራ ዴና፤ ታኒ ኢስታ ታ ሃንቆን ዬዲስ፤ ታ ባሻንካ ኢስታ ዲርጼሬዲስ፤ ኢስታ ሱ ታ ሴሎ ማይኦ ቦላ ጬቲዴስ፤ ታ ማይኦይ ኡባይ ሞሬቲዴስ።

ኢሳያሳ ቲንቢቴ 63:6

ታ ሃንቆን ካዎቴታ ዬዲስ፤ ታ ባሻን ኢስታ ማሳዲስ፤ ኢስታ ሱካ ቢታን ጉሳዲስ» ጋና።

ኢሳያሳ ቲንቢቴ 65:6

«ቤኢቴ፥ ታ ሲንን ጻፌቲ ኡቲዴስ፤ ታ ጮኡ ጊኬ፤ ጊዶ ኣቲን ኢዛ ኦሶ ኦሶ ማላ ታ ኢዛስ ኢማና፤ ኢስታ ሃኖ ማላ ታ ኢስታስ ጪጋና።

ኢሳያሳ ቲንቢቴ 65:7

ኢንቴ ናጋራ ሃሎኔ ኢንቴ ኣዋታ ናጋራ ሃሎ ታ ኬሳና። ኢስቲ ዙማታ ቦላ ጹጌቲዛ ያርሾ ሺሺዳ ጊሻስ፥ ዙምቡላታ ቦላ ታና ጫዪዳ ጊሻስ፥ ኢስቲ ማኪዳ ሚሻን ኢስታስ ዛሪ ማኬታና፤ ኢስቲ ካሴ ኦዳ ኦሶ ኩሼ ዛሪ ኤካና» ጌስ።

ኢሳያሳ ቲንቢቴ 66:14

ኢንቴ ሄሳ ቤኢዛ ዎዴ ኢንቴ ዎዚናይ ኡፋዬታና፤ ኢንቴ ሜቄይካ ማታ ማላ ጪሊላና፤ ቃሴ ጎዳ ኩሼይ ኢዛ ኣይሌታ ቦላ ዲዛይሲ ኤሬታና፤ ኢዛ ሃንቆይ ጊዲኮ ኢዛ ሞርኬታ ቦላ ቆንጫና።

ኢሳያሳ ቲንቢቴ 66:15

ሄኮ ጎዳይ ታማ ላጮን ያና፤ ኢዛ ፓራ-ጋሬቲ ጎቴ ጫርኮ ማላ፤ ኢዚ ባ ዪሎ ሃንቆን፥ ባ ሴራ ታማ ላጮን ቆንጪሳና።

ኢሳያሳ ቲንቢቴ 66:6

ሄሳ ካታማን ዲዛ ዋሶዛ ሲዪቴ፤ ጾሳ ኬን ዲዛ ጫባ ሲዪቴ፤ ሄሲካ ጎዳ ጬንጉርሳ፤ ኢዚ ባ ሞርኬታስ ቤሲዛ ዋጋ ቃንጻና።

ኤርማሳ ቲንቢቴ 17:10

ታኒ ጎዳይ ኣስ ኡባስ ኢዛ ኦጌ ማላኔ ኢዛ ኦሶ ማላ ኢማናስ ኣሳ ዎዚና ፒልጋይሲኔ ኢዛ ካሃ ፓጫይስ» ጌስ።

ኤርማሳ ቲንቢቴ 32:19

ኔ ሃልቾይ ጊታ፤ ኔኒ ኔ ኦሶን ሚኖ፤ ኔ ኣይፌቲ ኣሳ ኦጌ ኡባ ጼሌቴስ፤ ኢሳስ ኢሳስ ኢዛ ኦጌ ማላኔ ኢዛ ኦሶ ማላ ኔ ኢማና።

ኤርማሳ ቲንቢቴ 50:15

ኡባ ባጋራካ ኢዚ ቦላ ማጉሊቴ! ኢዛ ኢንቴስ ኩሼ ኢማና፤ ኢዚ ሚጻቲኔ ጊምቤቲ ላሌታና፤ ሃይሲ ጎዳይ ሃሎ ኬሲዛ ኦጌ ጊዲዳ ጊሻስ ኢንቴ ኢዚ ቦላ ሃሎ ኬሲቴ፤ ኢዛ ሃራታ ቦላ ኦዳ ማላ ኢንቴ ኢዚ ቦላ ኦቴ።

ኤርማሳ ቲንቢቴ 50:29

«ዎንዳፌን ኦሊዛይታ ባቢሎኔ ቦላ ጼይጊቴ፤ ኢሳዴይካ ኬሲ ኤኪ ቦንታ ማላ ኢስታ ጊዶዲ ዱንካኒቴ፤ ጎዳ ኢስራኤሌ ጌሻ ካዉሺዳ ጊሻስ ኢዚ ኦሶ ማላ ኢዚስ ዛሪቴ፤ ኢዛ ሃራታ ቦላ ኦዳይሳ ኢዚ ቦላ ኦቴ።

ኤርማሳ ዚላስ 4:11

ጾሲ ባ ዎልቃማ ሃንቆዛ ቆንጪሲዴስ፤ ጺዮኖ ዲፒ ሂስቲ ይሲዛ ታማ ኦይሴዴስ።

ሂዚቄላ ቲንቢቴ 23:49

ኢንቴ ኢንቴ ዚታ ጋቴ ኤካና፤ ኢንቴ ኤቃ ጾሳታ ጎይኖን ኦዳ ናጋራ ቂጻቴ ኢንቴ ቶካና፤ ታኒ ኡባ ሃሪዛ ጎዳ ጊዲዳይሳ ኢንቴ ሄ ዎዴ ኤራና» ጊዴስ።

ሂዚቄላ ቲንቢቴ 38:18

«ሄ ዎዴ ኡባ ሃሪዛ ጎዳይ፥ ‹ጎጌይ ኢስራኤሌ ቢታ ኦሊዛ ዎዴ ሚኖ ታ ሃንቆይ ሱላና።

ሂዚቄላ ቲንቢቴ 5:13

«ሄሳፌ ጉዬ ታ ሃንቆይ ዶቻና፤ ኢስታ ቦላ ቦሻይካ ሲማና፤ ታ ኢስታ ቦላ ሃሎ ኬሲኮ ታስ ዎፑ ጋና፤ ታ ኢስታ ቦላ ባሻ ጋዳፔ ጉዬ ታኒ ጎዳይ ዚልኤታ ሃሳይዳይሳ ኢስቲ ኤራና።

ሂዚቄላ ቲንቢቴ 6:12

ሃሆን ዲዛይቲ ኢታ ሃርጌን ሃይቃና፤ ማታን ዲዛይቲ ማሻን ኩንዳና፤ ቃሴ ሼምፖራ ፓጻ ኣቲዳይቲ ኮሻን ዉራና፤ ታ ሃንቆዛ ሃይሳ ማላን ኢስታ ቦላ ፖላና።

ኢዩኤሌ ቲንቢቴ 3:4

ኢንቴኖ ጺሮሴ፥ ሲዶናኔ ፊሊስጼሜ ኣሳቶ! ኢንቴ ኣይ ኦሼ ዴቲ? ኢንቴ ታ ቦላ ሃሎ ኬሳና ቆፔቲ? ኢንቴ ሄሳ ማላ ቆፒኮ ታኒካ ካሴታዳ ኢንቴ ቦላ ሃሎ ኬሳና።

ሌዌታ ማጻፋ 26:28

ታ ኢንቴ ቦላ ሃንቆን ዴንዳና፤ ኢንቴ ናጋራ ጊሻስ ታ ኢንቴና ላፑን ዳኮ ቃጻያና።

ናሆሜ ቲንቢቴ 1:2

ጎዳይ ዚልኤቲዛኔ ሃሎ ኬሲዛ ጾሳ፤ ጎዳይ ሃሎ ኬሲዛኔ ሃንቆን ኩሚዳ ጾሳ። ጎዳይ ሃሎ ኬሲዛዴኔ ፓላ ሚሺ ኢዛን ኩሚዳዴ። ጎዳይ ባ ባልጋራታ ቦላ ሃሎ ኬሴስ፤ ባ ሞርኬታ ቦላ ባ ሃንቆ ኤሄስ።

Maatosa 16:27

ኣሳ ናይ ባ ኣዋ ቦንቾራኔ ሳሎ ኪታንቻታራ ያና፤ ኢሳስ ኢሳስ ኢዛ ኦሶ ማላ ኢዛዴ ዋጋ ኢማና።

ሉቃሳ ሚሺራቾ 21:22

ጻፌቲዳይሲ ዉሪ ፖሌታናስ ሃና ሃሎ ኬሲዛ ዎዴ።

ኦሮሜ ኣሳስ 2:6

ጾሲ ኢሳስ ኢሳስ ኢዛ ኦሶ ማላ ኢማና።

ዛሬ ማጻፋ 32:41

ዋዋጪ ጊዛ ታ ጊ ማሻ ሌፋና፤ ታ ኩሼይ ፒርዳስ ኦይካና፤ ታ ሞርኬታ ቦላ ሃሎ ኬሳና፤ ታና ኢጺዛይታስ ታ ኢስታ ኦሶ ማላ ኢስታስ ኢማና።

ዛሬ ማጻፋ 7:10

ጊዶ ኣቲን ባና ኢጺዛይታ ባ ሃሎ ኬሳና፤ ኢስታ ቦላ ባ ሃሎ ኬሳናስ ጋምኤና።

ዮሃኒሳ ኣጁታ 16:19

ዎጋ ካታማያ ሄ ኬዛ ሻኬታ ዎዱስ፤ ኣይዛቤታ ካታማቲ ላሌቲዳ ጾሲ ዎጋ ካታማዮ ባቢሎኔ ዛሪ ቆፒዴስ፤ ሚኖ ሃንቆ ጹኣን ኩሚ ኣቲዳ ዎይኔ ጫጄ ኡሹ ኡያና ማላ ኦዴስ።

ዮሃኒሳ ኣጁታ 19:15

ኣይዛቤታ ኢዛራ ቃንጺዛ ቃራ ማሻይ ኢዛ ዶናፔ ኬዜስ፤ ኢዚ ኢስታ ቢራታ ጉፌራ ሃራና፤ ኢዚ ዉርሲካ ዳንዳይዛ ጾሳ ሚኖ ሃንቆ ቆንጪሲዛ ዎይኔ ጫጄ ዬዛሶን ኢስታ ዬና።