ኢሳያሳ ቲንቢቴ 59:17 - ጋሞ ማጻፋ

¹⁷ ኢዚ ጺሎቴ ጹሩሬ ማላ ቲራን ማይኢዴስ፤ ኣቶቴ ቢራታ ቆቤ ማላ ባ ሁኤ ቦላ ዎዴስ። ማይኦ ጋርሳራ ማይኢዛ ማላ ሃሎ ኬሶ ማይኢዴስ፤ ማይኦ ጎጲ ማይኢዛ ማላ ቃናቴ ቦላራ ጎጲዴስ።

Geeshsha Maxaafa

¹⁷ Izi xilloteththa xurure mala tiran may7ides; atoteththaa birata qoobe mala ba hu7e bolla woththides. May7o garsara may7iza mala halo keso may7ides; may7o gophi may7iza mala qanaate bollara gophides.

ኢሳያሳ ቲንቢቴ 59:17 ပူးပေါင်းရင်းမြစ်များ

ኢዮቤ ማጻፋ 29:14

ጺሎቴ ማይኦ ማላ ማይኣዲስ፤ ሱሬ ፒርዳካ ካባ ማላ ጎጳ ማይኣዲስ፤ ቆቤ ማላካ ሁኤን ዎዲስ።

ዬ ማጻፋ 69:9

ታኒ ኔ ኬስ ሚሼቲዛ ሚሾይ ታና ታማ ማላ ጹጌስ፤ ኣሳይ ኔና ጫዪዳ ጫሻይ ታና ጋኪዴስ።

ዬ ማጻፋ 94:1

ኣቤት ጎዳዉ! ኔኒ ሃሎ ኬሲዛ ጾሳ፤ ኣቤት ሃሎ ኬሲዛ ጾሳዉ! ኔ ቦንቾ ቆንጪሳ።

ኢሳያሳ ቲንቢቴ 11:5

ጺሎቴ ኢዛስ ጼሳ ዳንጮ ጊዳና፤ ኣማኔቴይ ኢዛስ ዳባላ ዳንጮ ጊዳና።

ኢሳያሳ ቲንቢቴ 26:11

ኣቤት ጎዳዉ! ኔ ቄሴይ ቁ ቁ ጊዴስ። ኢስቲ ጊዲኮ ቤኤቴና፤ ኔ ኣሳስ ኔ ሚሼቲዛይሳ ቤኤቶኔ ዬላቴቶ፤ ኔ ሞርኬታስ ጊጊዳ ታማይ ኢስታ ሞ።

ኢሳያሳ ቲንቢቴ 37:32

ኣቲዳ ጫሻቲ ዬሩሳላሜፔ፥ ሼምፖራ ፓጻ ኣቲዳይቲ ጺዮኔፔ ኬዛና። ኡባፌ ዎልቃማ ጎዳ ዚልኤቴ ሄሳ ኦና።

ኢሳያሳ ቲንቢቴ 42:13

ጎዳይ ኦላ ቃራ ማላ ኬዛና፤ ኦላንቻ ማላ ሆኤቲ ዴንዳና። ጬቄቴ ጋይሮ ሲሳና፤ ባ ሞርኬታካ ኦሊ ጾናና።

ኢሳያሳ ቲንቢቴ 51:9

ኣቤት ጎዳ ቄሴይ ዴንዳ፤ ዎልቃ ማይኣ፤ ካሴ ኣዳ ዎዴታን፥ ሚሚንቴ ቃንጼሬዳይ፥ ጊታ ዳዌዛ ጫዲዳይ ኔና ጊዲኪ?

ኢሳያሳ ቲንቢቴ 63:15

ኣቤት ጎዳዉ፥ ዱማቲዳ፥ ቦንቼቲዳኔ ቁ ጊዳ ኔ ኣራታፔ ሳሎፔ ዱጌ ጼላ፤ ኔ ዎልቃይኔ ኔ ሚሼቲዛ ሚሾይ ኣዋኔ? ኔ ኣሽኬቴይኔ ኔ ቃቴ ኑፔ ሃኪዴስ።

ኢሳያሳ ቲንቢቴ 63:2

ኔ ሴሎ ማይኦይ ዎይኔ ጉምኢዛ ኣሳታ ማይኦ ማላ ኣይስ ዞኢዴ?

ኢሳያሳ ቲንቢቴ 63:3

«ጉምኢዛሶሆዛን ዎይኔ ታኒ ታርካ ዬዲስ፤ ካዎቴታፔ ኦኒካ ታናራ ዴና፤ ታኒ ኢስታ ታ ሃንቆን ዬዲስ፤ ታ ባሻንካ ኢስታ ዲርጼሬዲስ፤ ኢስታ ሱ ታ ሴሎ ማይኦ ቦላ ጬቲዴስ፤ ታ ማይኦይ ኡባይ ሞሬቲዴስ።

ኢሳያሳ ቲንቢቴ 9:7

ኢዛ ካዎቴ ኣኮቴሲኔ ኢዛ ሳሮቴስ ዛዋይ ዴና፤ ሃቺፌ ዶሚዲ ሜርና ጋካናስ ባ ካዎቴ፥ ሱሬ ፒርዳኒኔ ጺሎቴን ኤሳና፤ ሎኤ ኦይኪዲ ሚንና፤ ዳዊቴ ካዎቴ ኣራታን ኢዚ ኡታና፤ ዴራ ኡባ ሃራና፤ ኡባፌ ዎልቃማ ጎዳ ቃናቴይ ሄሳ ፖላና።

ሂዚቄላ ቲንቢቴ 5:13

«ሄሳፌ ጉዬ ታ ሃንቆይ ዶቻና፤ ኢስታ ቦላ ቦሻይካ ሲማና፤ ታ ኢስታ ቦላ ሃሎ ኬሲኮ ታስ ዎፑ ጋና፤ ታ ኢስታ ቦላ ባሻ ጋዳፔ ጉዬ ታኒ ጎዳይ ዚልኤታ ሃሳይዳይሳ ኢስቲ ኤራና።

ዛካራሳ ቲንቢቴ 1:14

ቃሴካ ታናራ ሃሳይዛ ኪታንቻዚ፥ «ሃይሳ ቃላ ዮታ፤ ኡባፌ ዎልቃማ ጎዳይ፥ ‹ታኒ ጺዮኔሲኔ ዬሩሳላሜስ ኬሃ ቃታይስ።

ዮሃኒሳ ሚሺራቾ 2:17

ሄ ዎዴ ኢዛ ካሊዛይቲ፥ «ኔ ኬ ሚሻይ ታና ታማ ማላ ጹጌስ» ጌቴቲ ጻፌቲዳ ቃላ ቆፓ።

2ቆሮንቶሴ ኣሳስ 6:7

ቱማ ቃላኒኔ ጾሳ ዎልቃና፤ ኑ ኢዛን ጌዴ ኦሊ ጾኒዛ ኦላ ሚሺኔ ካሜቲ ኣቲዛ ጎንዳሌይ ጺሎቴ።

ኤፌሶኔ ኣሳስ 6:14

ሄሳ ጊሻስ ኢንቴ ጼሳን ቱማ ዚናሬ ማላ ዳንጬቲዲ ጺሎቴ ጹሩሬታ ማላ ቲራን ማይኢዲ፥

ኤፌሶኔ ኣሳስ 6:17

ኣቶቴ ቢራታ ቆቤ ማላ ሁኤን ዎቴ፤ ኣያና ጊ ማሻ ኦይኪቴ፤ ሄሲካ ጾሳ ቃላ።

1ታሶሎንቄ ኣሳስ 5:8

ኑኒ ጊዲኮ ጋላሳ ኣሳታ ጊዲዳ ጊሻስ ኣማኖኔ ሲቆ፥ ቲራን ማይኢዛ ጹሩሬ ማይኦ ማላ ማይኢዲ ኣቶቴ ሂዶታ ሁኤን ዎዛ ቢራታ ቆቤ ማላ ሁኤን ዎዲ ኣኔ ኑናቴ ሃሪዲ ዴኦስ።

2ታሶሎንቄ ኣሳስ 1:8

ሄ ዎዴ ጾስ ኤሮንታ ኣሳታኔ ጎዳ ዬሱስ ኪርስቶሳ ሚሺራቾ ቃላስ ኣዛዜቶንታ ኣሳታ ቦላ ኢዚ ባ ሃሎ ኬሳና።

Ibirawe 10:30

«ታኒ ኢዛስ ሃሎ ኬሳና፤ ኢዛዴ ኦሶ ማላ ኢዛዴስ ታ ዛራና» ጊዳይሳ ኑ ኤሮስ። ቃሴካ፥ «ጎዳይ ባ ዴሬዛ ቦላ ፒርዳና» ጌስ ጎዳይ።

ዮሃኒሳ ኣጁታ 19:11

ሄሳፌ ጉዬ ሳሎይ ዶዬቲዳይሳ ታ ቤያዲስ፤ ቃሴካ ቦ ፓራካ ቤያዲስ፤ ሄ ፓራዛ ቶጊዳይሲ ኣማኔቲዳዴኔ ቱማንቻ ጌቴቲዛዴ፤ ኢዚ ቃሴ ቱማ ፒርዴሲኔ ኦሌቴስ።