ኢሳያሳ ቲንቢቴ 59:10 - ጋሞ ማጻፋ

¹⁰ ቆቄ ማላ ጊምቤዛ ቦላ ጋንዲጋርዶስ። ኑ ሄሜታይ ኣይፌይ ባይንዳ ኣሳ ማላ ታታፌቴ ጊዲዴስ፤ ኣርሼይ ዉሊሺን ሃኒዛ ሴታ ጋላስ ጴቲዶስ። ቃሴ ሚኖ ኣሳታ ጊዶን ኑኒ ሃይቂዳ ኣሳ ማላ ጊዲዶስ።

Geeshsha Maxaafa

¹⁰ Qooqe mala gimbeza bolla gandigardos. Nu hemetay ayfey baynda asa mala tattafeteth gidides; arshey wullishin haniza seeta gallas dhuphettidos. Qasse mino asata giddon nuni hayqqida asa mala gididos.

ኢሳያሳ ቲንቢቴ 59:10 ပူးပေါင်းရင်းမြစ်များ

ኢዮቤ ማጻፋ 5:14

ጋላሳይ ኢስታስ ማ ጊዴስ፤ ቡሮ ሴታ ጋላሳን ኦማርስ ማ ጊዶን ዲዛ ማላ ኢስቲ ታታፌታና።

ሌሚሶ ማጻፋ 4:19

ጊዶ ኣቲን ናጋራንቻታ ኦጌይ ሳካና ማ ማላ፤ ኢስቲ ኣዛን ጴታናኮካ ኤሬቴና።

ኢሳያሳ ቲንቢቴ 28:13

ሄሳ ጊሻስ ጎዳ ቃላይ ኢስቲ ቢዲ ጉዬ ኩንዳና ማላ፥ ማዱንጻና ማላኔ ዎጺማዴን ኦይኬታና ማላ፥ ዲኤታና ማላ ኣዛዞ ቦላ ኣዛዞ፥ ኣዛዞ ቦላ ኣዛዞ፥ ዎጋ ቦላ ዎጋ፥ ዎጋ ቦላ ዎጋ ጊዲዲ፥ ሃን ጉራ፥ ሄን ጉራ ሃናና።

ኢሳያሳ ቲንቢቴ 8:14

ኢዚ ጌሻሶሆ ጊዳና፤ ጊዶ ኣቲን ኢዚ ዩሁዳ ቢታ ኣሳሲኔ ኢስራኤሌ ኬ ኣሳስ ጲዛ ሹቺኔ ኩንዲሲዛ ዛላ ጊዳና፤ ዬሩሳላሜን ዲዛ ኣሳስ ኢዚ ጊቴኔ ዎጺማዴ ጊዳና።

ኢሳያሳ ቲንቢቴ 8:15

ኢስታፌ ዳሮቲ ጴታና፤ ኩንዲዲካ ሜቃና፤ ዎጺማዴን ጌሊ ኦይኬታና» ጊዴስ።

ኤርማሳ ቲንቢቴ 13:16

ኢዚ ማ ኤሆንታ ዲሺን ሚዳ ዙማታ ቦላ ኢንቴ ቶሆይ ጴቶንታ ዲሺን ጎዳስ ኢንቴ ጾሳስ ቦንቾ ኢሚቴ፤ ኢንቴ፥ «ፖኦይ ያና» ጊዲ ናጌታ፤ ጊዶ ኣቲን ኢዚ ማን ላማና፤ ሳካና ማ ኦና።

ኤርማሳ ዚላስ 3:6

ሃይቂዲ ጋምኢዳ ኣሳ ማላ ታኒ ማን ዳና ማላ ኦዴስ።

ኤርማሳ ዚላስ 4:14

ቆቄ ኣሳ ማላ ኢስቲ ኦጌ ቦላ ጋዲጋዳና፤ ኢስቲ ሱን ቱኒዳ ጊሻስ ኢስታ ማይኦ ቦቻናስ ጻሊዛዴይ ዴና።

ሂዚቄላ ቲንቢቴ 21:15

ዎዚና ኡባይ ታሃና ማላ፥ ኩንዲዛይቲ ዳራና ማላ፥ ታኒ ኢስታ ፔንጌታ ኡባን ፖፖልኡ ጊዛ ማሻ ዎዲስ። ኣዬ ኣና፥ ፖፖልኡ ጋና ማላ ቁጬቲዴስ፤ ሲፋናስካ ኮሆፔ ሾዴቲዴስ።

ኣሞጼ ቲንቢቴ 8:9

ኡባፌ ዎልቃማ ጎዳይ፥ «ሄ ዎዴ ታኒ ጋላሳ ሴታን ኣዋ ኣርሼ ዉልሳና፤ ጋላሳ ሴታን ጋዴ ሚሳና።

ሚኪያሳ ቲንቢቴ 3:6

ሄሳ ጊሻስ ኢስታ ቦላ ቃማይ ቤቶንታ፥ ማይ ኤሮንታ ጋኪ ዎና፤ ናቤታ ቦላ ኣርሼይ ጌላናኔ ጋላሳይ ኢስታስ ቃማና።

ዮሃኒሳ ሚሺራቾ 12:35

ዬሱሲ ኢስታስ፥ «ሃኢ ጉ ዎዴስ ኢንቴናራ ፖኦይ ዴስ፤ ጋዴይ ሞንታ ፖኦራ ሄሜቲቴ፤ ቃማራ ሄሜቲዛዴይ ኢዚ ኣዋ ቢዛኮ ኤሬና።

ዮሃኒሳ ሚሺራቾ 12:40

«ኢስቲ ባ ኣይፌን ቤኢዲ፥ ባ ዎዚናን ዩሺ ቆፒዲ፥ ሲሞንታ ማላኔ ኢዚ ኢስታ ፓንታ ማላ ጾሲ ኢስታ ኣይፌ ቆቂሲዴስ፤ ኢስታ ዎዚናካ ሙሚሲዴስ» ጊ ጻፊዳ ጊሻሳ።

ዛሬ ማጻፋ 28:29

ጋላሳ ሴታን ኔኒ ቆቄይ ታታፌቲዛ ማላ ታታፌታና፤ ኔ ኦዛ ኡባይ ኔስ ጊጎንታ ኢጻና፤ ኔኒ ኔ ዴኦ ኡባን ኡንኤታሼኔ ቦንቄታሼ ዳና፤ ኔና ማዲዛ ኣሴካ ዴማካ።

1ዮሃኒሳ ኪታ 2:11

ጊዶ ኣቲን ባ ኢሻ ኢጺዛዴይ ጊዲኮ ማ ጊዶን ዴስ፤ ማን ሲሜሬቴስ፤ ማይ ኢዛ ቆቂሲዳ ጊሻስ ኢዚ ኣዋ ቢዛኮኔ ባ ቢዛሶ ኤሬና።