ኢሳያሳ ቲንቢቴ 57:13 - ጋሞ ማጻፋ

¹³ ኔኒ ማዶ ዴማናስ ዋሲዛ ዎዴ፥ ኣኔ ኔ ሺሺዳ ኤቃ ጾሳቲ ኔና ኣሼቶ! ኢስታ ኡባካ ጫርኮይ ኤኪ ኤፋና፤ ጉ ፔኖይ ኢስታ ላሊ ይሳና፤ ጊዶ ኣቲን ታና ባስ ባቃታሶ ኦዳ ኣሲ ቢታዮ ላታና፤ ታ ጌሻ ዙማዮ ባስ ሚሽ ኦና» ጌስ።

Geeshsha Maxaafa

¹³ Neni maado demmanaas waassiza wode, ane ne shiishshida eeqa xoossati nena ashshetto! istta ubbaaka carkoy ekki efana; guuththa peenoy istta laalli dhayssana; gido attiin tana baas baqataso ooththida asi biittayo laattana; ta geeshsha zumayo baas miish ooththana» gees.

ኢሳያሳ ቲንቢቴ 57:13 ပူးပေါင်းရင်းမြစ်များ

2ካዎታ ማጻፋ 3:13

ኤልሳኢካ ኢስራኤሌ ካዎስ፥ «ኔና ኑናራ ጋዛ ሚሺ ኣዚ ዲን ያዲ? ኔ ሃኢ ካሴ ኔ ኣዋ ናቤቲኔ ኔ ኣዬይ ናቤቲ ዲዛሶ ባ» ጊዴስ። ኢስራኤሌ ካዎዚ ኢዛስ ዛሪዲ፥ «ሄሲ ሃኔና፤ ሞኣቤ ኩሼን ኑና ኣ ኢማናስ ሄ ካዎታ ኢሲ ቦላ ጼይጊዳይ ጎዳ» ጊዴስ።

ኢዮቤ ማጻፋ 21:18

ኢስቲ ሃፓ ማላ ጫርኮን ቢዳሶይ ጉዱላ ማላ ጎቴ ጫርኮን ኢስቲ ፒቴቲ ይዳ ዎዴይ ዲዜ?

ዬ ማጻፋ 1:4

ጊዶ ኣቲን ኢታቲ ሄሳ ማላ ጊዴቴና፤ ጫርኮይ ፒቲ ኤፊዛ ሱላ ማላ።

ዬ ማጻፋ 118:8

ኣሳን ኣማኔቴፌ ጎዳን ኣማኔቴይ ሎኦ።

ዬ ማጻፋ 125:1

ጎዳን ኣማኔቲዛይቲ ሜርናስ ቃጾንታ ዲዛ ጺዮኔ ዙማ ማላ።

ዬ ማጻፋ 37:11

ጊዶ ኣቲን ኣሽኬቲ ቢታ ላታና፤ ኢስቲ ጊታ ሳሮቴን ኡፋዬቲ ዳና።

ዬ ማጻፋ 37:22

ጎዳን ኣንጄቲዳይቲ ቢታ ላታና፤ ጊዶ ኣቲን ኢዚ ቃንጊዳይቲ ጮ ያና።

ዬ ማጻፋ 37:29

ጺሎቲ ቢታዮ ላታና፤ ኢዚን ሜርናስ ዴኣና።

ዬ ማጻፋ 37:3

ኔኒ ጎዳን ኣማኔታ፤ ሎኦ ኦሶካ ኦ፤ ሂስቲኮ ኔኒ ቢታ ቦላ ፓላሂን ዳና።

ዬ ማጻፋ 37:34

ጎዳ ሂዶታ ኦ፤ ኢዛ ኣዛዞካ ናጋ፤ ኢዚ ኔና ቢታ ላቲሳና፤ ዛሪዲካ ቦንቻና፤ ኢታ ኣሳቲ ሚ ይሺን ኔ ቤያና።

ዬ ማጻፋ 37:9

ኢታ ኦዛይቲ ቃሌቲ ያና፤ ጊዶ ኣቲን ጎዳን ሂዶታ ኦዛይቲ ቢታ ላታና።

ዬ ማጻፋ 58:9

ኣጉን ታማይ ኦቶ ሱሊሶንታ ይዛ ማላ ናጋራንቻታ ኔ ኤሶን ይሳ።

ዬ ማጻፋ 84:12

ኣቤት ኡባፌ ዎልቃማ ጎዳዉ! ኔናን ኣማኔቲዛይቲ ኣንጄቲዳይታ።

ሌሚሶ ማጻፋ 28:25

ዪቄይ ኣሲ ኦሽ ዴንስ፤ ጊዶ ኣቲን ጎዳን ኣማኔቲዛይ ኣንጄቴስ።

ኢሳያሳ ቲንቢቴ 11:9

ጌሺ ጊዲዳ ታ ዙማ ቦላ ቆሄቴና ዎይኮ ኦኒካ ዬና፤ ሃ ኣባ ኩሚዛ ማላ ሳኣ ኡባይ ጎዳ ኤሮን ኩማና።

ኢሳያሳ ቲንቢቴ 14:32

ሄ ካዎቴታፔ ኪቴቲ ዪዛ ቃስታኔታስ ኣይ ጊ ዛራኔ? ‹ጎዳይ ጺዮኔ ሚን ኤሲዴስ፤ ዋዬ ኤኪዳ ዴሬይ ኢዚ ጋርሳን ሼምፖሶ ዴሚዴስ› ጊ ዛሮ።»

ኢሳያሳ ቲንቢቴ 25:4

ኔኒ ሂዬሳታስ ዜምፖ፤ ሜቶታንቻታስ ሜቶ ዎዴ ኔኒ ዜምፖ፤ ጎቴ ጫርኮፌ ጌሚ ኣቲዛሶ፤ ኣዋ ሴላፔ ኩዋቲዛሶ ጊዳዳሳ። ጋሶይካ ሜንጼ ኢታታ ፔኖይ ኬ ጎዳራ ኢጬቲዛ ጎቴ ጫርኮ ማላ።

ኢሳያሳ ቲንቢቴ 40:24

ኢስቲ ቶኬቲዲ ጋምኦንታ ዲሺን፥ ዜሬቲዲ ታኮንታ ዲሺን፥ ቡሮ ጻጶ ዬዶንታ ዲሺን ኢስታ ቦላ ጫርኮ ዬዲን ሜሊዳ፤ ጎቴይ ኢስታ ሱላ ማላ ፒቲ ኤፊዴስ።

ኢሳያሳ ቲንቢቴ 41:16

ኔኒ ኢስታ ሱራጋና፤ ጫርኮይ ኢስታ ፒቲ ኤፋና፤ ጎቴይካ ኢስታ ላላና። ጊዶ ኣቲን ኔኒ ጎዳን ኡፋዬታና፤ ቃሴ ኢስራኤሌ ጌሻን ቦንቼታና።

ኢሳያሳ ቲንቢቴ 45:20

«ኢንቴኖ ካዎቴታፔ ቤቲዳይቶ! ኢሲፌ ሺቂዲ ሃዪቴ፤ ማታ ሺቂቴ። ሚፌ ኦሴቲዳ ኤቃ ጾሳ ቶኪዛይታሲኔ፥ ኣሻናዉ ዳንዳዮንታ ጾሳ ዎሲዛይታስ ኤራቴ ዴና።

ኢሳያሳ ቲንቢቴ 49:8

ጎዳይ፥ «ታኒ ዶሪዳ ዎዴ ኔ ኦይሻ ዛራና፤ ኣቶቴ ጋላስ ታኒ ኔና ማዳና፤ ዴራስ ጫቆ ቃላ ጊዳና ማላ፥ ቢታዮካ ኔ ዛራ ኤሳና ማላ፥ ካሴ ቢታ ዬጊ ይዳይታስ ኢስታ ጺንጾ ኔ ዛራ ኢማና ማላ፥ ታ ኔና ማዳና፤ ታ ኔስ ኦና።

ኢሳያሳ ቲንቢቴ 56:7

ታኒ ታ ጌሻ ዙማ ቦላ ኢስታ ኤሃና፤ ታ ዎሳ ኬ ጊዶን ታ ኢስታ ኡፋይሳና። ታስ ያርሾ ያርሺዛሶዛ ቦላን ኢስቲ ሺሺዛ ጹጌቲዛ ያርሾኔ ሃራ ያርሾታ ታ ኤካና፤ ጋሶይካ ታ ኬይ ኡባ ኣሳ ዎሳ ኬ ጌቴታና» ጌስ።

ኢሳያሳ ቲንቢቴ 60:21

ኔ ኣሳይ ኡባይ ጺሎ ጊዳና፤ ቢታዮካ ሜርናስ ላታና፤ ኢስቲ ታ ቦንቾ ቆንጪሳናስ ታኒ ቶኪዳ ፑቴታኔ ታ ኩሼ ኦሶታ።

ኢሳያሳ ቲንቢቴ 65:11

ጊዶ ኣቲን ጎዳ ኣጊዳ ኢንቴስ፥ ታ ጌሻ ዙማ ዶጊዳ ኢንቴስ፥ ‹ታ ባሶ› ጌቴቲዛ ኤቃ ጾሳስ ሶሆ ጊጊሲዳ ኢንቴስ፥ ‹ጋዴ› ጌቴቲዛ ኤቃ ጾሳስ ዋላኬቲዳ ዎይኔ ኡሹ ዋንጫን ኩንዳ ኢንቴስ፥

ኢሳያሳ ቲንቢቴ 65:25

ካና ሱይቴይኔ ዶርሳ ላቃይ ኢሲፌ ማና፤ ጋሞይ ቦራ ማላ ማታ ማና፤ ሾሺ ጉዱላ ላጫና፤ ታ ጌሻ ዙማ ቦላ ኢስቲ ቆሄቴቴና፤ ባሺካ ኢስታ ቦላ ዬና» ጌስ።

ኢሳያሳ ቲንቢቴ 65:9

ታኒ ያቆቤ ዜሬታፔኔ ዩሁዳ ዜሬፌ ታ ዙማታ ላታናይታ ታ ኤሃና፤ ዶሬቲዳ ታ ዴሬይ ኢስታ ላታና፤ ታ ኣሽካራቲካ ሄን ዳና።

ኢሳያሳ ቲንቢቴ 66:20

ጎዳስ ያርሾ ጊዳና ማላ ኢንቴ ኢሻታ ኡባታ ካዎቴታፔ ቦንቼቲዳ ታ ዙማ ዬሩሳላሜ ፓራን፥ ፓራ-ጋሬኒኔ ጋሬን፥ ባቁሎኒኔ ጋሜላን ኢስታ ኤሃና። ኢስራኤሌ ኣሳይ ካ ያርሾ ዎጋን ዲዛ ማላ ጌሻ ሚሻን ዎዲ ጎዳ ኬ ሺሺዛ ማላ ሃይታካ ሺሻና።

ኤርማሳ ቲንቢቴ 2:28

ሂስቲን ኣኔ ኢንቴ ኢንቴስ ሜዳ ጾሳቲ ኣዋን ዲዞ? ዩሁዳ፥ ኢንቴ ሜቶቲዛ ዎዴ ኢስቲ ኢንቴና ኣሻናስ ዳንዳይኮ ኣኔ ኢንቴና ዪዲ ኣሼቶ! ኢንቴኖ ዩሁዳ ኣሳቶ! ኢንቴ ጾሳቲ ኢንቴ ካታማታ ማላ ጮራ» ጊዴስ።

ኤርማሳ ቲንቢቴ 22:20

ጎዳይ ዬሩሳላሜ፥ «ፑዴ ሊባኖሴ ባዳ ዋሳ፤ ኔ ቃላካ ባሳኔን ሲሳ፤ ኣባሪሜን ኤቃዳ ዋሳ፤ ጋሶይካ ኔስ ኦላ ላጌቲ ኡባይ ዉሪዳ።

ኤርማሳ ቲንቢቴ 22:22

ኔ ሄንንቻታ ኡባ ጫርኮይ ኤፋና፤ ኔ ላጌቲ ኡባይ ዲኤቲ ባና፤ ኔ ኢታቴ ኡባ ጋሶን ዬላታናኔ ካዉያና።

ኤርማሳ ቲንቢቴ 30:14

ኢንቴ ላጌቲ ኡባይ ኢንቴና ዶጊዳ፤ ኢስቲ ኢንቴ ጊሻስ ዉዴቴቴና፤ ታኒ ኢንቴና ሞርኬ ሾጪዛ ማላ ሾጫዲስ፤ ሜንጼ ኢታ ኣሳ ማላ ታ ኢንቴና ቃጻያዲስ። ጋሶይካ ኢንቴ ቆሆይ ጊታ፤ ኢንቴ ናጋራይካ ዳሮ።

ሂዚቄላ ቲንቢቴ 20:40

ታ ጌሻ ዙማ ቦላ፥ ቁ ጊዳ ኢስራኤሌ ዙማ ቦላ ሄን ኢስራኤሌ ኣሳይ ኡባይ ታስ ኡባ ሃሪዛ ጎዳስ ጎይናና። ታኒካ ሄን ኢንቴና ሞካ ኤካና፤ ኢንቴ ካ ያርሾ፥ ኢንቴ ባይራ ኢሞታኔ ጌዪዳ ኢንቴ ያርሾታ ኡባ ታኒ ሄን ኮያይስ።

ሆሴኤ ቲንቢቴ 13:3

ሄሳ ጋሶን ኢስቲ ዎንታ ማላዶ ሻራ ማላ ጮ ቲምኢ ጋና፤ ማላዶ ጻዛ ማላካ ጮ ዎ ያና፤ ዎይኮ ባንጋ ቡኪዛ ባሌፔ ጎቴ ጫርኮይ ኤፊዛ ሱላ ማላ ጊዳና፤ ዎይኮ ኬፌ ኬዚዲ ቤቲሼ ጮ ይዛ ጩዋ ማላ ጊዳና።

ኢዩኤሌ ቲንቢቴ 3:17

«ኢስራኤሌ ኣሳዉ! ሄ ዎዴ ታኒ ጎዳ ኢንቴ ጾሳ ጊዲዳይሳ ኢንቴ ኤራና፤ ታኒ ጌሽ ጊዲዳ ታ ዙማ ጺዮኔ ቦላ ዴኣና፤ ዬሩሳላሜይ ኣንጄቲዳ ካታማ ጊዳና፤ ሄሳፌ ጉዬ ሃራ ኣላጋ ዎታዳራይ ኢዞ ዎራጄና።

ዛካራሳ ቲንቢቴ 7:13

‹ታ ኢስታ ጼይጊሺን ኢስታ ሲዪቤቴና፤ ሄሳ ጊሻስ ኢስቲ ታና ጼይጊሺን ታኒካ ሲዪኬ› ጌስ ኡባፌ ዎልቃማ ጎዳይ።

ዳናታ ማጻፋ 10:14

ቢዲ ኢንቴ ዶሪዳ ጾሳታስ ዋሲቴ፤ ኢንቴ ሜቶቲዳ ዎዴ ኢስቲ ኢንቴና ኣሼቶ» ጊዲ ዛሪዴስ።