ኢሳያሳ ቲንቢቴ 55:7 - ጋሞ ማጻፋ

⁷ ኢታ ኣሲ ባ ኦጌ፥ ቆሂዛይካ ባ ቆፋ ኣጎ፤ ጎዳኮ ሲሞ። ኢዚካ ኢዛ ማራና፤ ኢዛ ማሮቴይ ዳሮ ጊዲዳ ጊሻስ ኢዚ ኑ ጾሳኮ ሲሞ።

Geeshsha Maxaafa

⁷ Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ኢሳያሳ ቲንቢቴ 55:7 ပူးပေါင်းရင်းမြစ်များ

ሜቴ ማጻፋ 6:5

ጎዳይ ሄ ዎዴ ቢታ ቦላን ዲዛ ኣሳ ኢታቴ ዳሪዳይሳኔ ኢስቲ ባ ዎዚናን ቆፒዛይሲ ዉሪ ኡባ ዎዴካ ኢታ ጻላላ ጊዲዳይሳ ቤኢዴስ፤

2ታሪኬ ማጻፋ 15:2

ኢዚካ ኣሳራ ጋይታናስ ቢዲ፥ «ኣሳ፥ ዩሁዳ ኣሳዉ! ቢኒያሜ ኣሳዉ ኢንቴ ኡባይካ ሲዪቴ! ኢንቴ ጎዳራ ኢሲፌ ዴኢኮ ኢዚካ ኢንቴናራ ዴኣና። ኢንቴ ኢዛ ኮይኮ ኢዚ ኢንቴስ ቤታና፤ ኢንቴ ኢዛ ኣጊኮ ኢዚካ ኢንቴና ኣጋና።

2ታሪኬ ማጻፋ 15:4

ጊዶ ኣቲን ባንታና ሜቶይ ጋኪዳ ዎዴ ኢስቲ ጎዳ ኢስራኤሌ ጾሳኮ ሲሚዲ ኢዛ ኮዪን ኢዚ ኢስታስ ቤቲዴስ።

2ታሪኬ ማጻፋ 30:6

ካዎዚኔ ኢዛ ሹሜቲ ኣዛዚን ኪቴቲዳይቲ ኢስራኤሌ ዴራሲኔ ዩሁዳ ዴራስ ኡባስ፥ «ኢስራኤሌ ኣሳዉ! ኣሶሬ ካዎታ ኩሼፔ ኬሲ ኤኪዲ ኣቲዳ ኢንቴኮ ጾሲ ሲማና ማላ ኢንቴካ፥ ጎዳ ኣብራሃሜ፥ ዪሳቃኔ ያቆቤ ጾሳኮ ሲሚቴ!

2ታሪኬ ማጻፋ 33:13

ሚናሴይ ጾሳ ዎሲዳ ዎዴ ጾሳይ ኢዛስ ዎሴቲዴስ፤ ኢዛ ዋትዋቶዛካ ሲዪዴስ፤ ሂስቲዲ ዬሩሳላሜን ኢዛ ካዎቴን ዛሪ ዎዴስ። ሄሳን ጎዳይ ኢዚ ጾስ ጊዲዳይሳ ሚናሴይ ኤሪዴስ።

2ታሪኬ ማጻፋ 7:14

ታ ሱንን ጼይጌቲዳ ታ ኣሳይ ባንታናቴ ካዉሺዲ ዎሲኮ፥ ኢስቲ ታና ኮዪዲ ባንታ ኢታ ኦጌፔ ሲሚኮ፥ ታኒ ሳሎን ዳዳ ኢስታ ዎሳ ሲያና፤ ሂስታዳ ኢስታ ናጋራ ኣቶ ጋና፤ ኢስታ ቢታካ ታ ፓና።

ኢዮቤ ማጻፋ 22:23

ኔናቴ ኡባ ዳንዳይዛ ጾሳኮ ኔ ዛሪዳኮ፥ ኔ ካሴ ማላ ሃናና፤ ኔ ሶፔ ኢታ ኦሶ ዲጋ።

ዬ ማጻፋ 130:4

ጊዶ ኣቲን ኑኒ ኔና ቦንቻና ማላ ኔኒ ኑ ናጋራ ኣቶ ጋሳ።

ዬ ማጻፋ 130:7

ጎዳ ኣቻን ሲቆይኔ ማሮቴ ዲዛ ጊሻስ ኢስራኤሌ ኣሳዉ! ጎዳን ሂዶታ ኦቴ።

ዬ ማጻፋ 51:1

ኣቤት ጾሳዉ! ኔ ሜርና ሲቆዛ ማላ ታና ማራ፤ ኔ ቃታ ዳሮን ታ ሞሮዛ ቁጫ።

ዬ ማጻፋ 66:18

ታኒ ታ ዎዚናን ናጋራ ጌንዳኮ፥ ጎዳይ ታ ዎሳ ሲዬና።

ሌሚሶ ማጻፋ 28:13

ባ ናጋራ ጌንዛ ኣሲ ኣጬና፤ ጊዶ ኣቲን ፓጺዛይኔ ናጋራ ኣጊዛይ ማሬታና።

ኢሳያሳ ቲንቢቴ 1:19

ኢንቴ ታስ ኤኖ ጊ ኣዛዜቲኮ ቢታ ኣንጆ ማና።

ኢሳያሳ ቲንቢቴ 14:1

ጎዳይ ያቆቤስ ናምኣን ቃታና፤ ኢስራኤሌካ ዛሬዲ ዶራና። ኢስታ ኢስታ ቢታን ዎና፤ ኢማቲ ዪዲ ያቆቤሶ ኣሳራ ዋላኬታና።

ኢሳያሳ ቲንቢቴ 21:12

ናጊዛይሲ ዛሪዲ፥ «ዎንታና፤ ጊዶ ኣቲን ሲሚዲ ቃማና፤ ኦይቻና ኮይኮ ኦይቺቴ፤ ጊዶ ኣቲን ሲሚዲ ሃ ዪቴ» ጊዴስ።

ኢሳያሳ ቲንቢቴ 31:6

ኢንቴኖ ኢስራኤሌ ኣሳዞ! ኢንቴ ኬሂፔ ማካሊዳይሳኮ ሲሚቴ።

ኢሳያሳ ቲንቢቴ 32:7

ዎጋይ ባይንዳ ኣሳታ ሂላቴ ኢታ፤ ሜቶታንቻታ ማጋናይ ሱሬ ጊዲኮካ ሂዬሳታ ዎርዶራ ይሳናስ ኢታቴን ዩሺ ቆፔስ።

ኢሳያሳ ቲንቢቴ 40:2

ዬሩሳላሜስካ ሹጎ ቃላራ ዮቲቴ፤ ኢዚስ ኣዋጂቴ፤ ኢዛ ኣይሌቴን ኦዛ ዎዴይ ዉሪዴስ፤ ኢዚ ናጋራ ዋጋይ ጪጌቲዴስ፤ ኢዛ ባ ናጋራ ኡባ ጊሻስ ጎዳፔ ናምኡ ኩሼ ቂጻቴ ኤካዱስ» ጌስ።

ኢሳያሳ ቲንቢቴ 43:25

«ታ ጊሻስ ጋዳ ኔ ቆሆዛ ይሲዛይ ታኒ ታና፤ ኔ ናጋራ ታ ቆፒኬ።

ኢሳያሳ ቲንቢቴ 44:22

ታኒ ኔ ሞሮ ሻራ ማላ፥ ኔ ናጋራካ ማላዶ ቱላላ ማላ ቁጫ ይሳዲስ፤ ታኒ ኔና ዎዚዳ ጊሻስ ሃ ታኮ ሲማ› » ጌስ።

ኢሳያሳ ቲንቢቴ 54:10

ዙማቲ ቃጺኮ፥ ዙምቡላቲ ባ ዲዛሶፔ ኪቺኮካ፥ ኔስ ዲዛ ታ ሲቆይ ቃጼና፤ ኔናራ ታ ጫቂዳ ሳሮቴ ቃላይ ላሌቴና» ጌስ ኔና ማሪዛ ጎዳይ።

ኢሳያሳ ቲንቢቴ 54:8

ታ ጉ ዎዴስ ኬሃ ሃንቄቲዳ ጊሻስ፥ ታ ኣይፌሶ ኔፔ ጌንዲስ፤ ጊዶ ኣቲን ታ ሜርና ኪያቴን ኔስ ቃታና» ጌስ ኔና ዎዚዛ ጎዳይ።

ኢሳያሳ ቲንቢቴ 58:6

«ቤኢቴ ታኒ ዶሪዳ ጾማይ፥ ኡንኤቲዳይታ ሳንሳላታ ኢንቴ ዱና ማላ፥ ቃምባራ ዎዶሮ ኢንቴ ቢርሻና ማላ፥ ኡንኤቲዳይታ ኢንቴ ላኣ ዬዳና ማላ፥ ቶሆ ጊዲዳ ቃምባራ ኢንቴ ሜንና ማላ ጊዴኔ?

ኢሳያሳ ቲንቢቴ 59:7

ኢስታ ቶሆቲ ናጋራኮ ዎጼቴስ፤ ጺሎ ሱ ጉሳናስ ኤሶቴቴስ፤ ኢስቲ ኢታ ቆፋ ቆፔቴስ። ባሺኔ ቆሆይ ኢስቲ ኣዳ ኦጌ ኡባስ ማላታ።

ኤርማሳ ቲንቢቴ 3:14

ቃሴካ ጎዳይ፥ «ኢንቴኖ ኣማኔቶንታ ኣሳቶ፥ ሲሚቴ፤ ታኒ ኢንቴስ ኣዚና፤ ታኒ ኢንቴ ጊዶፌ ኢሲ ካታማፔ ኢሳ፥ ኢሲ ቆሞፌ ናምኣታ ዶራዳ ጺዮኔ ኤሃና።

ኤርማሳ ቲንቢቴ 3:3

ሄሳ ጊሻስ ፑሴይካ ፑሶንታ ማላ ዲጌቲዴስ፤ ባልጎ ኢራይካ ቡኮንታ ኣጊዴስ፤ ኔ ጊዲኮ ሃኖ ጋካናስ ላይማቴ ኣጋቤካ፤ ኔኒ ዬላቶንታካ ኢጻዳሳ።

ኤርማሳ ቲንቢቴ 4:14

ኔኖ ዬሩሳላሜ! ኔ ኣታና ኮይኮ ኔ ዎዚና ኢታቴ ሜጬታ፤ ኢታ ቆፋይ ኔ ዎዚናን ኣይዴ ጋካናስ ጋምኣኔ?

ኤርማሳ ዚላስ 3:40

ሄሳ ኣጊዲ ኑኒ ኑ ኦጌ ኣኔ ፒልጊ ጼሎስ፤ ጎዳኮካ ሲሞስ።

ሂዚቄላ ቲንቢቴ 14:6

«ሄሳ ጊሻስ ኢስራኤሌ ኣሳስ፥ ‹ኡባ ሃሪዛ ጎዳይ፡ ማሬቲቴ! ኢንቴ ኤቃ ጾሳታፔ ሲሚቴ! ሃራሲዛ ኢንቴ ኦሶ ኡባ ኣጊቴ!

ሂዚቄላ ቲንቢቴ 33:11

ኔኒ ኢስታስ ኡባ ሃሪዛ ጎዳይ፥ ‹ታኒ ታ ዴኦን ጫቃይስ፤ ኢስቲ ባ ኦጌፔ ሲሚዲ ሼምፖራ ፓጻ ዳና ማላ ኣቲን ኢታ ኣሳታ ሃይቆን ታ ኡፋዬቲኬ፤ ሲሚቴ! ኢንቴ ኢታ ኦጌፔ ሲሚቴ! ኢስራኤሌ ኬ ኣሳቶ ኣይስ ሃይቄቲ?› ጋዳ ዮታ።

ዳኔላ ቲንቢቴ 4:27

ሄሳ ጊሻስ ካዎ! ታኒ ታ ባጋራ ኔና ዞሪዛይሳ ሲያ፤ ኔኒ ናጋራ ኦሶ ኣጋ፤ ሱሬ ኦሶ ኡባ ዎዴ ኦ፤ ኔ ኢታ ኦሶ ኣጋዳ ቆሄቲዛይታስ ቃታ፤ ሄሳ ኔ ኦኮ ኔ ሳሮን ዱሳ ላይይ ኣዱቆንታ ኣጌና» ጊዴስ።

ዮናሳ ቲንቢቴ 3:10

ኢስቲ ባ ኢታ ኦጌፔ ሲሚዳይሳ ጾሳይ ቤኢዲ ኢስታስ ቃቲዲ ኢስታ ቦላ ኤሃና ጊዳ ፒርዳ ኣጊዴስ።

ዛካራሳ ቲንቢቴ 8:17

ኢሶይ ኢሳ ቆሃናስ ጌኔ ቆፖፍቴ፤ ዎርዶ ማርካቶፍቴ፤ ታ ሃይታንታ ኡባ ኢጻይስ» ጌስ ጎዳይ።

Maatosa 9:13

ሄሳ ጊሻስ፥ ‹ኢንቴ ቢዲ ያርሾ ጊዶንታ ማሮቴ ዶሳይስ› ጊዛ ቃላ ቢርሼ ታማርቴ። ናጋራንቻታ ጼይጋና ያዲስ ኣቲን ጺሎታ ጼይጋናስ ያቤኬ» ጊዴስ።

ማርቆሳ ሚሺራቾ 7:21

ኣሳ ዎዚና ጊዶፌ ኬዚዛይ ኢታ ቆፋታ፥ ላይማ ኣሞኔ ካይሶቴ፥ ኣሴ ዎ፥ ላይማቴ፥

ማርቆሳ ሚሺራቾ 7:23

ሃይቲ ኢታ ሃኖቲ ዉሪ ኣሳፔ ኬዜቴሲኔ ኣሴ ቱኒሴቴስ» ጊዴስ።

ሉቃሳ ሚሺራቾ 15:10

ታ ኢንቴስ ዮታይስ፤ ‹ሄሳካ ማሮታን ጌሊዛ ኢሲ ናጋራንቻ ኣሳን ጾሳ ኪታንቻታ ኣቻን ኡፋይስ ጊዳና።›

ሉቃሳ ሚሺራቾ 15:24

ሃይሲ ታ ናዚ ሃይቂዴስ ሺን ፓጺዴስ፤ ይዴስ ሺን ቤቲዴስ› ጊዴስ፤ ሄሳፌ ጉዬ ኡፋዬቴ ኦይኪዳ።

ሉቃሳ ሚሺራቾ 7:47

«ሄሳ ጊሻስ ታ ኔና ጊዛይ ኢዛ ታና ኬሃ ዶሲዳ ጊሻስ ኢዛ ባ ዳሮ ናጋራፔ ማሬታዱስ፤ ጉራ ማሬቲዛ ኣሳ ሲቆይካ ጉ» ጊዴስ።

ሃዋሬታ ኦሶ 26:20

ጊዶ ኣቲን ታ ካሴታዳ ዳማስቆን ዲዛ ኣሳ ካሌዳ ዬሩሳላሜኒኔ ዩሁዳ ዴሬ ኡባን ዲዛይታ ቃሴካ ኣይዛቤቲካ ናጋራ ኦጌፔ ጾሳኮ ሲሚዲ ማሬታና ማላ ኤሪሳዲስ፤ ኢስቲ ናጋራፔ ሲሚዳይሳ ቤሲዛዝ ኦና ማላ ታ ኢስታስ ዮታዲስ።

ሃዋሬታ ኦሶ 3:19

ሄሳ ጊሻስ ኢንቴ ናጋራይ ቁጬቲ ያና ማላ ማሮቴን ጌሊቴ፤ ኢንቴ ቢዛ ኦጌፔ ሲሚቴ፤ ጎዳ ማታፔ ኢንቴ ኦራጻና ዎዴይ ኢንቴስ ያና።

ያቆቤ ኪታ 1:15

ኣሞይ ቃንቲዲ ናጋራ ዬሌስ፤ ናጋራይካ ዲጪዳፔ ጉዬ ሃይቆ ዬሌስ።