ኢሳያሳ ቲንቢቴ 5:6 - ጋሞ ማጻፋ

⁶ ታኒ ሄ ሶሆዛ ማጎ ቢታ ኦና። ሄ ቱራይ ጹንቄቴናኔ ቡልኤቴና፤ ሂስቲን ኪንዲቾይኔ ኣጉን ኢዛን ሞካና። ኢራይ ኢዛን ቡኮንታ ማላ፥ ታኒ ሻራታ ኣዛዛና» ጊዴስ።

Geeshsha Maxaafa

⁶ Tani he sohoza mago biitta ooththana. He turay xunqqettenanne bul7ettenna; Histtiin kindichchoynne agunththi izan mokkana. Iray izan bukkontta mala, tani shaarata azazana» gides.

ኢሳያሳ ቲንቢቴ 5:6 ပူးပေါင်းရင်းမြစ်များ

1ካዎታ ማጻፋ 17:1

ጋላኣዴን ቴሲቤ ጌቴቲዛሶፔ ዪዳ ናቤ ኤላሲ ካዎ ኣካቤስ፥ «ታኒ ኢዛስ ኦዛ ጎዳ ኢስራኤሌ ጾሳይ ቤዪን ሃይሳፌ ያና ላይታን ታኒ ዮቶንታ ዲሺን ሳኣን ኢራይ ቡኬና ዎይኮ ጻዛይካ ጻዛቴና» ጊዴስ።

1ካዎታ ማጻፋ 8:35

«ኔ ኣሳይ ኔ ቦላ ኦዳ ናጋራ ጋሶን ሳሎይ ጎርዴቲን ኢራይ ቡኮንታ ኢጺኮ፥ ኢስቲ ሃይሳ ኬኮ ሲሚ ኔ ሱን ጼይጊ ዎሲኮ፥ ኢስቲ ባንታ ናጋራፔ ሲሚኮ ኔኒ ኢስታ ዎሳ ሳሎን ዳሼ ሲያ።

ኢዮቤ ማጻፋ 31:40

ሄ ታ ጎዪዛ ጎሻሶን ዲዛ ጊስቴ ጊሻስ ኣጉን፥ ባንጋ ጊሻስ ሻራፋይ ሞኮ» ጊዴስ። ኢዮቢ ባ ሃሳያ ሃይሳን ፖሊዴስ።

ሌሚሶ ማጻፋ 24:31

ኡባሶን ኣጉን ሞኪዴስ፤ ጋዳ ሻራፋይ ጎዚዴስ፤ ጊምቤይካ ላሌቲዴስ።

ኢሳያሳ ቲንቢቴ 24:12

ካታማያ ሙሌራ ላሌታዱስ፤ ፔንጌቲካ ሜቄሬቲ ኩንዲዳ።

ኢሳያሳ ቲንቢቴ 30:23

ኔ ዜሪዳ ካስ ኢዚ ኢራ ኢማና፤ ቢታፌ ሞኪዳ ካይ ሙሩታኔ ዳሮ ጊዳና። ሄ ዎዴ ኢንቴ ሜሄይ ኣሆ ዴምባን ሄሜታና።

ኢሳያሳ ቲንቢቴ 32:10

ላይይ ቡሮ ኣዳ ማላ፥ ኢንቴ ባ ጊ ኡቲዳይቲ ኮኮራና፤ ዎይኔ ቱራይ ኣይፌ ኢሜና ዱማ ዱማ ኣይፌ ኢንቴ ሺሺዛ ዎዴይ ዬና።

ኢሳያሳ ቲንቢቴ 49:19

«ኔ ላሌታዳ ቡላ ጊዲኮካ፥ ኔ ቢታይ ሙሌራ ይኮካ፥ ሃች ኔኒ ኔ ዴሬዛስ ጹን ጊዲኮካ፥ ኔና ሚቲዳይቲ ኔፔ ሃካና።

ኢሳያሳ ቲንቢቴ 55:13

ኣጉን ጊሻስ ጺዳይ፥ ኪንዲቾ ጊሻስ ባርሲኔቴ ጌቴቲዛ ሚ ሞካና፤ ሄሲካ ጎዳ ሃሳኢሲዛ ሚሺ ዮንታ ማላ ሜርናስ ማላታ ጊዳና» ጌስ።

ኢሳያሳ ቲንቢቴ 7:19

ኢስቲ ኡባይካ ዪዲ ባዞ ሾባን፥ ሹቻ ጎንጎሎን፥ ኣጉን ቱሻኒኔ ሃ ኦላታን ጋዉኣና።

ኤርማሳ ቲንቢቴ 14:1

ጎዳይ ኮሻ ጊሻስ ኤርማሳስ ዮቲዳ ቃላይ ሃይሳፌ ካሊዛይሳ፤

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ኤርማሳ ቲንቢቴ 25:11

ሃ ቢታይ ሙሌራ ቡላኔ ካይስ ጊዳና፤ ሃ ካዎቴቲካ ባቢሎኔ ካዎስ ላፑን ታሙ ላይ ሃሬታና።

ኤርማሳ ቲንቢቴ 45:4

ጎዳይ፥ «ታኒ ቢታ ቦላ ኬጺዳይሳ ላላና፤ ታ ቶኪዳይሳካ ሾዳና።

ኤርማሳ ዚላስ 2:6

ኢዚ ባ ኬ ካ ጊዶን ዲዛ ጋባ ሾዲዛ ማላ ሾዲ ኦሊዴስ፤ ጾሲ ጺዮኖ ኢዛ ላይን ላይን ቦንቺዛ ባኣሌታኔ ሳምባታታ ዲጊዴስ፤ ኢዚ ባ ሚኖ ሃንቆን ካዎዛኔ ቄሴዛ ካዉሺዴስ።

ሆሴኤ ቲንቢቴ 3:4

ሄሳካ ኢስራኤሌ ኣሳይ ካዎይ ባይንዳ ዎይኮ ካሌዛዴይ ባይንዳ፥ ያርሾይ ባይንዳ ዎይኮ ኤቃ ጾሳታ ሃዉልቴይ ባይንዳ፥ ቄሴቴ ማይኦይ ባይንዳ ዎይኮ ኤቃ ጾሳታ ሚስሌይ ባይንዳ ዳሮ ዎዴ ዴኣና።

ሆሴኤ ቲንቢቴ 9:6

ኢስቲ ባሻፌ ኣታናስ ቤቲኮካ ጊብጼይ ኢስታ ሺሻና፤ ሜምፒሳ ጌቴቲዛሶን ኢስታ ሞጋና፤ ኢስቲ ሃሪዳ ቢራይ ዉሪካ ሻራፋ ማይኢ ኣታና፤ ኢስታ ዱሳሶ ኡባ ኣጉን ላታና።

ኢዩኤሌ ቲንቢቴ 1:7

ታ ዎይኔ ሚ ኣይፌዛ ሙሌራ ይሲዴስ፤ ባላሴ ጌቴቲዛ ሚ ኡባ ሜንሬዴስ፤ ሚ ሃጋቲ ሙሌራ ቦጻና ጋካናስ ፖቆዛ ሙሌራ ፖቂ ዴንቺዴስ።

ኣሞጼ ቲንቢቴ 4:7

ኢንቴ ካይ ጋካናፔ ቡሮ ሄ ኣጊናይ ዲሺን ሲንታ ታ ኢንቴስ ኢራይ ቡኮንታ ማላ ዲጋዲስ፤ ኢሲ ካታማን ቡኪሺን ሃራ ካታማን ቡኮንታ ማላ ዲጋዲስ፤ ኢሲ ጋዴን ቡኪሺን ሃንኮ ኢሳ ጋዴን ኢራይ ዪን ሜሊዴስ።

ሉቃሳ ሚሺራቾ 21:24

ባጋ ኣሳይ ማሻን ሃይቃና፤ ባ ዴሬፔ ሃራ ዴሬ ዲኤታና፤ ዬሩሳላሜይካ ጾስ ኤሮንታ ዴሬታ ዎዴይ ፖሌታና ጋካናስ፥ ጾስ ኤሮንታ ኣሳታን ዬቲዳሮ ጊዳና።

ዛሬ ማጻፋ 29:23

ሄ ቢታያ ሙሌራ ጹጌቲዳ ማጺኔኔ ዲኔ ጌቴቲዛ ቢዲን ጊዳና፤ ኢሲ ሚሺካ ኢዚን ቶኬቴና፤ ኣይ ሚሺካ ኢዚን ሞኬና፤ ኢዚን ፑዴ ዲጪዛ ሚሺ ቤቴና፤ ኢዚ ቦላ ጋካና ኩንዴ ጎዳይ ኬሂ ሼኔቲዲ ሙሌራ ይሲዳ ሶዶሜ ማላኔ ጋሞራ ማላ፥ ኣዳማ ማላኔ ጻቦይሜ ማላ ጊዳና።

ዮሃኒሳ ኣጁታ 11:6

ኢስቲ ቲንቢቴ ዮቲዛ ሄ ጋላሳታን ኢራይ ቡኮንታ ማላ ሳሎ ጎርዳናስ ማታይ ኢስታስ ዴስ። ሄሳካ ሃታ ሱን ላማናስ ኮይኮካ ሃራ ኣይ ማላ ቦሻንካ ቢታ ሾጫናስ ዎልቃይ ኢስታስ ዴስ።