ኢሳያሳ ቲንቢቴ 5:25 - ጋሞ ማጻፋ

²⁵ ጎዳ ሃንቆይ ኢዛ ዴራ ቦላ ኤጺ ኬኢዴስ፤ ኢዚ ባ ኩሼ ዴንዲ ኢስታ ሾጪዴስ። ዙማቲ ቃጺዳ፤ ሃይቂዳ ኣሳ ኣሃይ ኦጌ ቦላ ፒቲ ዬጊዳ ቡራ ማላ ጊዲዴስ፤ ሂስቲ ፔኢንካ ኢዛ ሃንቆይ ሲሚቤና፤ ኢዛ ኩሼይ ሃኢካ ዴንዲዳ ማላ ዴስ።

Geeshsha Maxaafa

²⁵ GODAA hanqoy iza deraa bolla eexxi ke7ides; izi ba kushe denththidi istta shocides. Zumati qaaxxida; hayqqida asaa ahay oge bolla pitti yeggida buura mala gidides; histti pe7iinkka iza hanqoy simmibeenna; iza kushey ha7ikka dendida mala dees.

ኢሳያሳ ቲንቢቴ 5:25 ပူးပေါင်းရင်းမြစ်များ

1ካዎታ ማጻፋ 14:11

ኢዮርባኣሜ ዛሬፔ ካታማን ሃይቂዳይታ ካናይ ማና፤ ጋጻሬን ሃይቂዳይታ ካፎይ ማና፤ ሃይሳ ዮቲዳይ ታና ጎዳ!› ጊዴስ።

1ካዎታ ማጻፋ 16:4

ባሼ ዛሬ ካታማን ሃይቂዛ ኦናካ ካናይ ማና፤ ቃሴ ጋጻሬን ሃይቂዛ ኦናካ ካፎይ ማና» ጊዴስ።

1ካዎታ ማጻፋ 21:24

ኣካቤ ዛሬፔ ካታማ ጊዶን ሃይቂዳ ኦናካ ካናይ ማና፤ ቃሴ ጋጻሬን ሃይቂዳይታ ሳሎ ካፎቲ ማና» ጊዴስ።

2ካዎታ ማጻፋ 13:3

ጎዳ ሃንቆይ ኢስራኤሌ ቦላ ታማ ማላ ኤጺዴስ፤ ሄሳ ጊሻስ ኣራሜ ካዎ ኣዛሄሌይኔ ኢዛ ና ቤኒ-ሃዳዴይ ዲዛ ዎዴ ኡባን ጎዳይ ኢስራኤሌታ ኢስታ ኩሼን ኣ ኢሚዴስ።

2ካዎታ ማጻፋ 9:37

ኢዚ ኣሾይ ኢዝራኤሌ ቢታን ጎሻ ጋዴስ ኢጊሳ ጊዳና፤› ሄሳ ጊሻስ ኣይ ኣሲካ፥ ‹ሃና ኤልዛቤሎ ጋናስ ዳንዳዬና› ጊ ዮቲዳ ቃላይ ሃይሳ» ጊዴስ።

2ታሪኬ ማጻፋ 36:16

ጊዶ ኣቲን ጾሳ ሃንቆይ ኢስታ ቦላ ዪን ፓጻቴ ኢስታስ ቤቶንታ ኢጻናሼ ጋካናስ ኢስቲ ጎዳይ ኪቲዳይታ ቂዳ፤ ኢዛ ቃላ ካዳኔ ናቤታካ ካዉሺዳ።

ኢዮቤ ማጻፋ 9:13

ጾሳይ ባ ሃንቆዛፔ ጉዬ ሲሜና፤ ኤራኣቤ ጌቴቲዛ ኣባ ጊዶ ዶኣታ ማዲዛይቲካ ኢዛ ቶሆ ጋርሳን ጉልባታና።

ዬ ማጻፋ 106:40

ሄሳ ጊሻስ ጎዳ ሃንቆይ ኢዛ ኣሳ ቦላ ኤጺ ኬኢዴስ፤ ኢዚ ባይታ ሃራሴቲዴስ።

ዬ ማጻፋ 114:7

ሃኔ ቢታዬ! ጎዳ ሲንን ያቆቤ ጾሳ ሲንን ኮኮራ።

ዬ ማጻፋ 18:7

ጾሲ ሃንቄቲዳ ጊሻስ ቢታይ ቃጺዴስ፤ ዙማታ ጻጶይ ኮኮሪዴስ።

ዬ ማጻፋ 68:8

ሲና ጾሳ ሲንን፥ ኢስራኤሌ ጾሳ ሲንን ቢታይ ቃጺዴስ፤ ሳሎቲ ኢራ ዱጌ ቲጊዳ።

ዬ ማጻፋ 77:18

ኔ ዳዳ ጉንይ ጎቴ ጫርኮ ጊዶን ኮሺሚዴስ፤ ኔ ዎልቃን ጶሌ ሳኣ ፖኢሲዴስ፤ ቢታይካ ቃጺ ኮኮሪዴስ።

ዬ ማጻፋ 78:38

ጊዶ ኣቲን ኢዚ ኢስታ ማሪዛዴ ጊዲዳ ጊሻስ ኢስታ ኢታቴ ኣቶ ጊዴስ፤ ኢስታካ ይሲቤና፤ ዳሮ ዎዴ ባ ሃንቆዛ ኢስታ ቦላፌ ቴቂዴስ፤ ባ ሃንቆዛ ቦሻ ኡባ ኢስታ ቦላ ዬዲቤና።

ዬ ማጻፋ 83:10

ኢስቲ ኤን-ዶሬ ጌቴቲዛሶን ይዳ፤ ኢስታ ኣሃይ ሞጌቶንታ ቢታ ቦላ ዎቂዴስ።

ኬሳ ማጻፋ 7:19

ጎዳይ ሙሴስ፥ «ኔኒ ኣሮኔስ፥ ‹ኔ ጉፌ ኦይካዳ ጊብጼ ሃታ ቦላ፥ ሻፋታ ቦላ፥ ዛራ ሃታ ቦላኔ ኤሊዳ ሃ ዲዛሶ ኡባ ቦላ ኔ ኩሼ ፒዲሳ› ጋ፤ ኢዚ ባ ኩሼ ፒዲሲኮ ሃ ዉሪ ሱን ላሜታና፤ ጊብጼ ቢታ ኡባን፥ ሃራይ ኣቶሺን፥ ሚፌኔ ሹቻፌ ዎጪ ኬሲዳ ሃ ቲጊዛ ሚሻታ ኡባን ሱ ኩማና» ጊዴስ።

ኢሳያሳ ቲንቢቴ 10:4

ቃሼቲዳ ኣሳራ ኢሲፌ ቃሼቴፌ ሹኬቲዛ ኣሳራ ኢሲፌ ሹኬቴፌ ኣቲን ሃራይ ኢንቴስ ኣታናሶይ ዴና። ሄሲ ኡባይ ሃኒንካ ጎዳ ሃንቆይ ዶቺቤና፤ ቃጻያናስ ኢዚ ባ ኩሼ ዴን ዎዴስ።

ኢሳያሳ ቲንቢቴ 10:6

ኢስታ ኣቆታ ቦንቃና ማላ፥ ባንታስ ዲኦ ቡሪ ሺሻና ማላ፥ ኢስቲ ኦጌ ኡርቃ ዬታና ማላ፥ ጾስ ኤሮንታ ካዎቴ ቦላ ኪታና። ታና ሃንቄዳ ኣሳ ቦላ ታኒ ኣሶሬታ ዬዳና።

ኢሳያሳ ቲንቢቴ 14:19

ኔ ጊዲኮ ኮዬቶንታ ሃጋ ማላ ዱፎፔ ዎራ ኦሌታዳሳ፤ ማሻን ጫዴቲዳይታን፥ ዱጌ ጪማ ሹቻ ኦላን ዎዳይታን፥ ኣሳ ኩሼን ሃይቂዳይታን ካሜታዳሳ፤ ኔኒ ቶሆን ዬቲዳ ኣሃ ማላ ጊዳዳሳ።

ኢሳያሳ ቲንቢቴ 23:11

ጎዳይ ባ ኩሼዛ ኣባ ቦላ ሚጪዴስ፤ ኢዚ ካዎቴታካ ዳጋንዴስ፤ ካናኔ ሚጻቲ ላሌታና ማላ ኣዛዚዴስ።

ኢሳያሳ ቲንቢቴ 25:11

ሃ ዋዛይ ባ ኩሼ ሚጪዛ ማላ ኢዛ ጊዶን ዲዛይቲ ባንታ ኩሼ ሚጫና፤ ጾሲ ኢስታ ጌኔ ኦሶ ባሌቶንታ ኢስታ ኦቶሬቴ ካዉሻና።

ኢሳያሳ ቲንቢቴ 29:2

ጊዶ ኣቲን ታኒ ኣርኤሌ ካታማዮ ጊዶና፤ ኢዛ ዬካናኔ ዋሳና፤ ኢዛ ታስ ያርሾ ያርሺዛሶ ጊዳና።

ኢሳያሳ ቲንቢቴ 42:25

ሄሳ ጊሻስ ኤጺዛ ባ ሃንቆዛ፥ ኢታ ኦላ ኢስታ ቦላ ዬዲዴስ፤ ታማ ላጮን ኢስታ ጊዶዴስ፤ ኢስቲ ጊዲኮ ሄሳ ኣኬኪቤቴና፤ ኢስታ ጹጊዴስ ሺን ኢስቲ ዎዚናን ዎቤቴና።

ኢሳያሳ ቲንቢቴ 51:20

ኔ ኣቱማ ናይቲ ዳቡርዳ፤ ዎጺማዴን ኦይኬቲዳ ጌኔሳ ማላ ኦጌ ጋጻን ኡባን ኢቺዳ። ጎዳ ሃንቆይኔ ኔ ጾሳ ሴራይ ኢስታ ቦላ ኩሚዴስ።

ኢሳያሳ ቲንቢቴ 64:3

ካሴካ ኔኒ ኑ ቆፖንታ ያሺሲዛ ሚሽ ኔ ኦዳ ዎዴ ኔ ዎን ዙማቲ ኮኮሪዳ።

ኢሳያሳ ቲንቢቴ 66:15

ሄኮ ጎዳይ ታማ ላጮን ያና፤ ኢዛ ፓራ-ጋሬቲ ጎቴ ጫርኮ ማላ፤ ኢዚ ባ ዪሎ ሃንቆን፥ ባ ሴራ ታማ ላጮን ቆንጪሳና።

ኢሳያሳ ቲንቢቴ 66:24

ኢስቲ ኬዚዲ ታ ቦላ ማካሊዳ ኣሳታ ኣሃ ቤኣና። ኢስታ ሚዛ ጉጹኔይካ ሃይቄና፤ ኢስታ ሚዛ ታማይካ ቶኤና። ኢስቲ ኣሳ ዜሬ ኡባስ ሃራሲዛዝ ጊዳና» ጌስ።

ኢሳያሳ ቲንቢቴ 9:11

ሄሳ ጊሻስ ጎዳይ ኤራሶኔ ሞርኬታ ሚንና፤ ኢስታ ሞርኬታ ኢስታ ቦላ ዴንዲ ኤሃና።

ኢሳያሳ ቲንቢቴ 9:16

ሃይሳ ዴራ ካሌዛይቲ ባሌቴስ፤ ካሊዛ ዴሬይካ ኦጌፔ ካሬ ኬዚዲ ቶይላቴስ።

ኢሳያሳ ቲንቢቴ 9:17

ሄሳ ጊሻስ ጎዳይ ናቴ ናይታን ኡፋዬቴና፤ ዪኦታሲኔ ኣምኤታስ ቃቴና፤ ኡባይካ ኢታ ኦዛይታኔ ጾሳ ያሻቴ ባይንዳይታ፤ ኡባ ኣሳ ዶናፔ ሃራሲዛ ቃላይ ኬዜስ፤ ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኢሳያሳ ቲንቢቴ 9:20

ኡሻቻ ባጋራ ቱጻና፤ ጊዶ ኣቲን ጋፋ ቴቄና። ሃዲርሳ ባጋራ ማና፤ ጊዶ ኣቲን ካሌቴና። ኢሶይ ኢሶይ ባ ዬሊዳ ናይታ ማና።

ኢሳያሳ ቲንቢቴ 9:21

ሚናሴይ ኤፍሬሜ ማና፤ ኤፍሬሜይካ ሚናሴ ማና፤ ኢስቲ ኢሲፌ ጊዲዲ ዩሁዳ ቦላ ዴንዳና። ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኤርማሳ ቲንቢቴ 15:3

«ጎዳይ፥ ‹ታኒ ኦይዱ ቆሞ ባሽ ኢስታ ቦላ ኤሃና፤ ሄይቲካ ኢስታ ዎናስ ማሻ፥ ኢስታ ኣሃ ጎቻናስ ካናታ፥ ኢስታ ኣሾዛ ሚዲ ይሳናስ ሳሎ ካፎታኔ ሳኣ ዶኣታ።

ኤርማሳ ቲንቢቴ 16:4

«ኢስቲ ኢታ ሃርጌን ሃይቃና፤ ኢስታስ ዬሆይ ዴና፤ ሞጎካ ሞጌቴቴና፤ ኢስታ ኣሃይ ቢታ ቦላን ቡራ ማላ ዬጌቲ ኣታና፤ ኢስቲ ማሻኒኔ ኮሻን ዉራና፤ ኢስታ ኣሃይ ሳሎ ካፎታሲኔ ዎራ ዶኣታስ ቁማ ጊዳና» ጊዴስ።

ኤርማሳ ቲንቢቴ 17:4

ኔ ሞሮ ጋሶን ታ ኔስ ኢሚዳ ጺንጾዛፔ ኔ ሜላ ኣታና፤ ኔና ታኒ ኔ ኤሮንታ ቢታን ኔ ሞርኬታስ ኣይሌሳና። ጋሶይካ ሜርናስ ታማ ማላ ኤጺዛ ታ ሃንቆዛ ኔ ዴንዳሳ» ጌስ።

ኤርማሳ ቲንቢቴ 4:24

ታኒ ዙማታ ጼላዳ ኢስቲ ኮኮሪሺኒኔ ዙምቡላቲ ኡባይ ዮንኢዮንኢሺን ቤኣዲስ።

ኤርማሳ ቲንቢቴ 4:8

ሄሳ ጊሻስ ማቃ ማይኢቴ፤ ካዮቲሼ፥ ‹ዉ! ዉይ› ጊ ዬኪቴ። ኣይስ ጊኮ ጎዳ ሃንቆ ሴላይ ኑ ቦላፌ ሲሚቤና» ጌስ።

ኤርማሳ ቲንቢቴ 6:12

ታኒ ሄ ቢታን ዲዛይታ ቦላ ታ ኩሼ ዬዲዛ ዎዴ ኢስታ ኬቲ፥ ኢስታ ጋዴቲኔ ኢስታ ማቼቲካ ኣቶንታ ኡባይ ሃራታስ ጊዳና» ጌስ።

ኤርማሳ ቲንቢቴ 8:2

ሂስቲዲ ኢስቲ ሲቂዳ፥ ኪቴቲዳ፥ ካሊዳ፥ ዞሬ ኦይቺዳኔ ጎይኒዳ ኣርሼ ሲንን፥ ኣጊና ሲንኒኔ ሳሎ ጾሊንቴታ ኡባ ሲንን ሚጬታና። ኢስታ ሜቄይ ሺቄና ዎይኮ ሞጌቴና፤ ጊዶ ኣቲን ቢታ ቦላ ኦሌቲዳ ቡራ ማላ ጊዳና።

ኤርማሳ ቲንቢቴ 9:22

ሄሳ ጊሻስ ጎዳይ ታና፥ « ‹ኣሳ ኣሃይ ቡራ ማላ ዴምባን ላሌታና፤ ካ ሺሺዛይቲ ጉዬን ኣጊዳ ፑሹሎ ማላ ኣታና፤ ኢስታ ኦኒካ ሺሼና› ጋ» ጊዲ ኣዛዚዴስ።

ኤርማሳ ዚላስ 5:22

ኔ ሄሳ ኦንታ ኣጊኮ ኑና ሙሌራ ኣጋዲ? ኔ ሃንቆዛስካ ዛዋይ ባዌ?

ሂዚቄላ ቲንቢቴ 15:6

«ሄሳ ጊሻስ ኡባ ሃሪዛ ጎዳይ፥ ‹ታኒ ዎራ ሚ ጊዶን ዲዛ ዎይኔ ኣኖ ታማን ኤጻና ማላ ታ ኣ ኢሚዳይሳ ዬሩሳላሜን ዲዛይታካ ኣ ኢማና።

ሂዚቄላ ቲንቢቴ 30:25

ባቢሎኔ ካዎ ቄሴ ታ ሚንና፤ ጊዶ ኣቲን ፓሮኔ ቄሴይ ዳቡራና፤ ታኒ ታ ማሻ ባቢሎኔ ካዎ ኩሼን ኦይን ኢዚካ ቃሺን ታኒ ጎዳ ጊዲዳይሳ ኢስቲ ኤራና።

ሂዚቄላ ቲንቢቴ 6:14

ታኒ ታ ኩሼዛ ኢስታ ቦላ ዴንና፤ ኢስቲ ዲዛሶሆታ ዱጌሃን ባዞ ቢታፌ ቢዲ ፑዴሃን ዲቢላ ጋካናስ ቡላ ሂስታና፤ ታኒ ጎዳ ጊዲዳይሳ ኢስቲ ሄ ዎዴ ኤራና» ጊዴስ።

ዳኔላ ቲንቢቴ 9:16

ኣቤት ጎዳዉ! ኔኒ ካሴ ኦዳ ጺሎ ኦሶዛ ጊሻስ ጋዳ ኔ ካታማ ዬሩሳላሜፔ፥ ኔ ጌሻ ዙማፔ ኔ ሃንቆዛ ዛራ፤ ኑ ናጋራኔ ኑ ኣዋታ ቆሆ ጋሶን ዬሩሳላሜይኔ ኔ ዴሬይ ኑ ዩሾን ዲዛ ዴራ ጊዶን ቂስ ኣቲዶስ።

ሆሴኤ ቲንቢቴ 14:4

ጎዳይ፥ «ታ ሃንቆይ ኢስታ ቦላፌ ሲሚዳ ጊሻስ ታስ ኣማኔቶንታ ኢጺዳ ታ ዴራ ታ ፓና፤ ታ ኢስታ ጮ ሜላ ሲቃና።

ኣሞጼ ቲንቢቴ 8:8

ሃይሳ ጌዶን ቢታይ ቡሮ ቃጻና፤ ቢታይ ቦላ ዲዛይ ዉሪካ ዬካና፤ ኣባዬ ሻፋይ ኪጺዲ ጉሚዛይሳ ቢታ ኡባይ ቃ ዮሺኩዮሺካና» ጊዲ ባርካ ባናን ጫቂዴስ።

ሚኪያሳ ቲንቢቴ 1:4

ሙቃዳይ ታማ ቤኢዲ ሴሪዛ ማላኔ ሃ ኣፎራ ዱጌ ጎጊዛ ማላ ሄ ዎዴ ዙማቲ ኢዛ ቶሆ ጋርሳን ሴራና፤ ሾባቲካ ጳልቄቲ ዎና።

ናሆሜ ቲንቢቴ 1:5

ዙማቲ ኢዛ ሲንን ኮኮሪዳ፤ ዙምቡላቲካ ሴሪዳ። ኢዛ ሲንን ቢታይ፥ ኣላሜይኔ ኢዚን ዲዛ ኡባቲ ቃጺዳ።

ኢምባቆ ቲንቢቴ 3:10

ዙማቲ ኔና ቤኢዲ ማኒዳ፤ ሃ ዳምባላይ ኣ ቢዴስ፤ ኣባይ ጬቄቲዴስ፤ ኣባ ዳምባላካ ፑዴ ዴንዴስ።

ሶፎናሳ ቲንቢቴ 1:17

ኣሳይ ቆቄ ሄሜታና ማላ ኣሳ ቦላ ታኒ ጬጬ ዬዳና፤ ኣሳይ ጎዳ ቦላ ናጋራ ኦዳ ጊሻስ ኢስታ ሱ ዲኦ ማላ ጉካና፤ ኢስታ ኣሃይካ ቡራ ማላ ኦሌታና።

ዛሬ ማጻፋ 31:17

ሄሳ ሃኒዛ ዎዴ ታኒ ኢስታ ቦላ ሃንቄታዳ ኢስታፌ ሻኬታና፤ ታ ኢስታስ ዞኮ ዛራና፤ ኢስቲካ ኡባይ ያና፤ ኢስታ ቦላ ኢታ ሜቶይኔ ቦሻይ ያና፤ ሄ ዎዴ ኢስታስ፥ ‹ሃይሲ ሜቶዚ ኑ ቦላ ጋኪዳይ ኑ ጾሳይ ኑ ጊዶን ዶንታ ኣጊን ጊዴኔ?› ጋና።

ዛሬ ማጻፋ 31:18

ኢስቲ ኤቃ ጾሳታስ ጎይኒዲ ኢስቲ ኦዳ ናጋራ ጊሻስ ታኒ ሄ ዎዴ ኢስታስ ዞኮ ዛራና።

1ታሶሎንቄ ኣሳስ 2:16

ሄሲካ ኣይዛቤቲ ሲዪዲ ኣታና ቃላ ኑ ኢስታስ ዮቶንታ ማላ ዲጋናሳ፤ ሄሳ ማላ ኦሶን ባ ናጋራ ኡባ ዎዴ ባ ቦላ ዉርሴ ጋካናስ ጉጂ ጉጂ ቤቴስ፤ ጾሳ ሃንቆይካ ኢስታ ቦላ ዎዴስ።

ዮሃኒሳ ኣጁታ 20:11

ሄሳፌ ጉዬ ኢሲ ጊታ ቦ ኣልጋኔ ሄ ኣልጋ ቦላ ኡቲዳይሳ ቤያዲስ፤ ቢታይኔ ሳሎይ ኢዛ ሲንፌ ባቃቲዳ ሺን ኢስቲ ቢዲ ጌላናሶይ ቤቲቤና።