ኢሳያሳ ቲንቢቴ 5:24 - ጋሞ ማጻፋ

²⁴ ኢስቲ ኡባፌ ዎልቃማ ጎዳ ዎጋ ኢጺዳ ጊሻስ፥ ኢስራኤሌ ጌሻ ቃላካ ካዳ ጊሻስ፥ ታማ ላጮይ ቡጻ ኦይኪዛ ማላኔ ሜላ ማታይ ኤጺ ይዛ ማላ ኢስታ ጻጶይ ዎቃና፤ ኢስታ ጪሻይካ ቡሄ ማላ ላሌቲ ያና፤

Geeshsha Maxaafa

²⁴ Istti Ubbaafe Wolqqama GODAA wogaa ixxida gishshas, Isra7eele Geeshshaa qaalaakka kadhida gishshas, tama lacoy buuxa oykkiza malanne mela maatay eexxi dhayza mala istta xaphoy wooqqana; istta ciishshayka buhe mala laaletti dhayana;

ኢሳያሳ ቲንቢቴ 5:24 ပူးပေါင်းရင်းမြစ်များ

2ካዎታ ማጻፋ 19:22

ሂስቲን ኔ ጫዪዳይኔ ካዉሺዳይ ኦኔ? ኔኒ ኔ ቃላ ቁ ሂስቲዳይ ኦና ቦላ? ኔ ኦቶሬቴን ዴሬቃ ጼሊዛይ ኦና ቦላ? ኢስራኤሌ ጌሻዛ ቦላዬ!

ናሂሚያ ማጻፋ 9:26

«ጊዶ ኣቲን ኢስቲ ኔ ቦላ ማካሊዳ፤ ‹ኔ ቃላስካ ኣዛዜቶኮ› ጊዳ፤ ኔ ዎጋ ሲዮኮ ጊዲ ኔስ ዞኮ ዛሪዳ፤ ቃሴ ኢስቲ ኔኮ ዛራና ጊዲ ሴሪ ታማርሲዳ ናቤታ ዎዳ፤ ኡባ ዎዴ ኔ ቦላ ጫሻ ቃላ ሃሳይዳ።

ኢዮቤ ማጻፋ 18:16

ጻጶፔ ሜሊዛ ሚ ማላኔ ሃጋቲካ ሜቄሬቲዛ ሚ ማላ ጊዳና።

ኢዮቤ ማጻፋ 8:17

ጻጶዛ ሹቻ ሙሄ ጊዶን ዬዴስ፤ ዛላ ዛኣን ጻጴስ።

ዬ ማጻፋ 50:17

ኔ ታ ሴራ ኢጻሳ፤ ታ ቃላታካ ካሳ።

ኬሳ ማጻፋ 15:7

ኔ ጊታ ዎልቃን ኔናራ ኤቄቲዳይታ ኩንዲሳዳሳ። ኤጺዛ ኔ ሃንቆ ኔ ዬዳዳሳ፥ ኢዚካ ኢስታ ጋፌ ማላ ሚዴስ።

ኬሳ ማጻፋ 5:12

ሂስቲን ኣሳይ ኡቱላ ሺሻናስ ጊብጼ ቢታ ኡባን ላሌቲዴስ።

ኢሳያሳ ቲንቢቴ 1:31

ሚኖ ኣሲ ሃፓ ማላ፤ ኢዛ ኦሶይካ ፒልኢ ጊዛ ላጮ ማላ ጊዳና፤ ናምኣይካ ኢሲ ቦላ ጹጌታና፤ ሄ ታማ ቶይሳና ኣሲካ ዴና» ጊዴስ።

ኢሳያሳ ቲንቢቴ 1:4

ኢንቴኖ ናጋራንቻ ካዎቴቶ! ቆሆን ኩሚዳይቶ! ኢታ ኦዛ ዜሬቶ! ኢንቴ ኣዋታ ቱናቴ ካሊዛ ናይቶ! ኢንቴና ኣዬ ኣና! ጎዳ ኣጋጊዴታ፤ ኢስራኤሌ ጌሻዛ ዬጊ ኣጊዴታ፤ ዞኮካ ኢዛስ ዛሪዴታ።

ኢሳያሳ ቲንቢቴ 24:6

ሄሳ ጊሻስ ቃንጌ ቢታ ሜስ፤ ኢዚን ዴኢዛ ዴሬቲ ባንታ ሞሮን ቃጻዬታና ቤሴስ፤ ሄሳ ጊሻስ ሳኣ ቦላ ዲዛ ኣሳቲ ጹጌቲዳ፤ ኢስታፌ ቆዳን ጉ ኣሳቲ ኣቲዳ።

ኢሳያሳ ቲንቢቴ 26:11

ኣቤት ጎዳዉ! ኔ ቄሴይ ቁ ቁ ጊዴስ። ኢስቲ ጊዲኮ ቤኤቴና፤ ኔ ኣሳስ ኔ ሚሼቲዛይሳ ቤኤቶኔ ዬላቴቶ፤ ኔ ሞርኬታስ ጊጊዳ ታማይ ኢስታ ሞ።

ኢሳያሳ ቲንቢቴ 30:12

ሄሳ ጊሻስ ኢስራኤሌ ጌሻይ፥ «ኢንቴ ሃ ቃላ ካዳ ጊሻስ፥ ጌኔን ኢንቴ ኣማኔቲዳ ጊሻሲኔ ባሌን ዜምፒዳ ጊሻስ፥

ኢሳያሳ ቲንቢቴ 30:9

ሃይቲ ጎዳ ኣዛዞ ሲያና ኮዮንታይቲ፥ ማካላንቻ ዴሬኔ ባሌዛ ናይታ።

ኢሳያሳ ቲንቢቴ 47:14

ሄኮ ኢስቲ ሃፓ ማላ፤ ታማይ ኢስታ ማና። ታማ ላጮፔ ዴንዲዳይሳን ባና ኣሻናስ ዳንዳዬቴና። ኣሲ ሆኣና ቦንቆይ ዴና፤ ኡቲዲ ሆኣና ታማይካ ዴና።

ኢሳያሳ ቲንቢቴ 7:9

ቃሴ ሳማሪያይ ኤፍሬሜ ቢታስ ሁኤ፤ ኤሮሜሊዮ ናይ ሳማሪያስ ሁኤ፤ ኢንቴ ኢንቴ ኣማኖን ሚኒዲ ኤቆንታ ኢጺኮ ሙሌካ ኤቃናስ ዳንዳዬኬታ» ጌስ።

ኢሳያሳ ቲንቢቴ 8:6

«ሃ ዴሬይ ጮኡ ጊ ጎጊዛ ሴሊሆሜ ሃታ ኣጊዲ ኤራሶኔኒኔ ኤሮሜሊዮ ናዛን ኡፋዬቲዴስ።

ኢሳያሳ ቲንቢቴ 9:18

ዴራ ኢታቴ ኪንዲቾኔ ኣጉን ጹጊዛ ታማ ማላ፤ ፒ ጊዳ ዎራይ ጹጌቲሺን ኬዚዛ ጩዋ ቱሳ ማላ ሲቲ ጊዲ ፑዴ ኬዜስ።

ኢሳያሳ ቲንቢቴ 9:19

ኡባፌ ዎልቃማ ጎዳ ሃንቆን ቢታይ ጹጌታና፤ ዴሬይካ ታማን ጌሊዛ ሚ ማላ ጊዳና፤ ኢሻይ ኢሻስ ቃቴና።

ኤርማሳ ቲንቢቴ 6:19

ቢታዬ ሲያ! ኢስቲ ታ ቃላ ሲዮንታ ኢጺዳ ጊሻሲኔ ታ ዎጋካ ካዳ ጊሻስ ታኒ ዴራ ቦላ ኢስታ ኢታ ቆፋ ማላ ባሽ ኤሃና።

ኤርማሳ ቲንቢቴ 8:9

ኣ ኤራንቻቲ ዬላታና፤ ኢስቲ ካዉያናኔ ዎጺማዴን ኦይኬታና። ጎዳ ቃላራ ኢስቲ ኤቄቲቺን ኢስታስ ኣዛ ኤራቴ ዲዜ?

ሂዚቄላ ቲንቢቴ 15:6

«ሄሳ ጊሻስ ኡባ ሃሪዛ ጎዳይ፥ ‹ታኒ ዎራ ሚ ጊዶን ዲዛ ዎይኔ ኣኖ ታማን ኤጻና ማላ ታ ኣ ኢሚዳይሳ ዬሩሳላሜን ዲዛይታካ ኣ ኢማና።

ሆሴኤ ቲንቢቴ 11:9

ታኒ ኢንቴ ጊዶን ዲዛ ጌሻ ጾሳ ኣቲን ኣስ ጊዲኬ። ታ ሃንቆራ ኢንቴኮ ዪኬ፤ ታ ቦሻ ሃንቆ ኢንቴ ቦላ ዬዲኬ፤ ኤፍሬሜ ዛራዳ ይሲኬ።

ሆሴኤ ቲንቢቴ 5:12

ሄሳ ጊሻስ ታኒ ኢስራኤሌ ኣሳ ፒኖ ማላ፥ ዩሁዳ ኣሳስ ቃሴ ቁኖ ማላ ጊዳና።

ሆሴኤ ቲንቢቴ 9:16

ኤፍሬሜይ ሾጬቲዴስ፤ ኢስታስ ጻጶይካ ሜሊዴስ፤ ኢስቲ ኢሻሎን ዲቺዳ ናይታ ታ ዎና» ጌስ።

ኢዩኤሌ ቲንቢቴ 2:5

ፓራ-ጋሬ ጊሪሳ ማላ ጊሪስ ሲሲሼ ዙማታ ቦላራ ጉፔቴስ፤ ታማይ ቡራ ሚዛ ማላ ቤቲዳ ሚሻ ኡባ ጹጋና፤ ጊጌቲዳ ሚኖ ኦላንቻታ ሳልፌ ማላ ጊሬቴስ።

ኣሞጼ ቲንቢቴ 2:4

ጎዳይ ዩሁዳ፥ «ዩሁዳ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ፤ ኢስቲ ታ ዎጋ ካዳ፤ ታ ኣዛዞታካ ናጎንታ ኢጺዳ፤ ካሴ ኢስታ ኣዋቲ ጎይኒዳ ኤቃ ጾሳታ ካሊዲ ኢስቲ ባሌቲዳ።

ኣሞጼ ቲንቢቴ 2:9

«ኢስታስ ኣዱሳቴይ ዚጋ ሚ ማላ፤ ሚኖቴይካ ጺዳ ማላ ጊዲዳ ኣሞሬ ኣሳ ታኒ ኢንቴ ሲንፌ ይሳዲስ፤ ኣይፎንታ ማላ ጻጶፔ ሾዳ ዲጋዲስ።

ናሆሜ ቲንቢቴ 1:10

ኢስቲ ኣጉንን ቃጼታና፤ ባ ዎይኔ ኡሻን ኢስቲ ማታና፤ ታማይ ኢስታ ቡጻ ማላ ማና።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

Maatosa 3:12

ካ ሱራጊዛ ላይዳይ ኢዛ ኩሼን ዴስ፤ ኢዚካ ባ ካ ባሌዛ ፒቲ ጌሻና፤ ባ ጊስቴዛካ ዲኤን ቆላና፤ ሃፓ ጊዲኮ ቶኦንታ ታማን ጹጋና» ጊዴስ።

ሉቃሳ ሚሺራቾ 10:16

«ኢንቴ ጊዛይሳ ሲዪዛ ኣሲ ታና ሲዬስ፤ ኢንቴና ኤኮንታ ኣሲ ታናካ ኤኬና፤ ታና ኤኮንታይካ ታና ኪቲዳይሳ ኤኬና» ጊዴስ።

ሉቃሳ ሚሺራቾ 3:17

ባሌዛን ዲዛ ካ ጋፌዛፔ ጌሻናስ ካ ሱራጊዛ ላይዳይ ኢዛ ኩሼን ዴስ። ባሌዛ ኩሜ ጌሻና፤ ጊስቴዛ ቃሴ ዲኤን ቆላና፤ ጋፌዛካ ቶኦንታ ታማን ጹጋና» ጊዴስ።

ሉቃሳ ሚሺራቾ 7:30

ፋርሳዌቲኔ ሙሴ ዎጋ ኤራንቻቲ ዮሃኒሳ ኩሼን ጻማቄቶንታ ጊሻስ ጾሲ ኢስታስ ዋና ቆፋ ኦዲ ሺሺዳይሳ ሂራይሲዳ።

ዮሃኒሳ ሚሺራቾ 12:48

ታና ኮዮንታዴኔ ታ ቃላ ኤኮንታዴ ቦላ ፒርዳናዴይ ዴስ፤ ታ ኢዛስ ዮቲዳ ቃላይ ዉርሴ ጋላስ ኢዛ ቦላ ፒርዳና።

ዛሬ ማጻፋ 28:24

ጎዳይ ኔ ቢታን ቡኪዛ ኢራ ቡሄኔ ጉዱላ ኬሳና፤ ኔኒ ቢታፌ ያና ጋካናስ ጉዱላይ ሳሎፔ ዱጌ ቡካና።

1ታሶሎንቄ ኣሳስ 4:8

ሄሳ ጊሻስ ሃይሳ ሃ ዞሬዛ ካዲ ኤኮንታዴይ ጺሎ ኣያና ኢዛስ ኢሚዳ ጾሳ ካስ ኣቲን ኣስ ካዛዴ ጊዴና።

1ሳሜላ ማጻፋ 15:23

ማካላይ ማሮ ማላ ናጋራ፤ ኣጋ ኢጻይ ኤቃ ጾሳስ ጎይኖ ማላ ኢታ፤ ኔኒ ጎዳ ቃላ ካዳ ጊሻስ ኢዚካ ኔኒ ካዎ ጊዶንታ ማላ ኔና ካዴስ» ጊዴስ።

1ሳሜላ ማጻፋ 15:26

ጊዶ ኣቲን ሳሜሊ ኢዛስ፥ «ታ ኔናራ ሲማ ቢኬ፤ ኔኒ ጎዳ ቃላ ካዳሳ፤ ጎዳይካ ኔ ኢስራኤሌ ቦላ ካዎቶንታ ማላ ኔና ካዴስ» ጊዴስ።