ኢሳያሳ ቲንቢቴ 49:7 - ጋሞ ማጻፋ

⁷ ካቲዳይሳሲኔ ካዎቴን ኢጼቲዳይሳስ፥ ዴሬ ሃሪዛይታ ኣሽካራ ጊዲዳ ኔስ፥ ጎዳይ፥ ኢስራኤሌ ኣሺዛ ጌሻይ፥ «ካዎቲ ኔና ቤኢዲ ዴንዲ ኤቃና፤ ካዎ ናይቲ ኔና ቤኢዲ ኔስ ዚጋና፤ ጋሶይካ ኔና ዶሪዳ ጎዳይ፥ ኢስራኤሌ ጌሻይ ኣማኔቲዳዴ» ጌስ።

Geeshsha Maxaafa

⁷ Kadhettidayssassinne kawoteththan ixettidayssas, dere haarizayta ashkara gidida nees, GODAY, Isra7eele ashshiza Geeshshay, «Kawoti nena be7idi dendi eqqana; kawo nayti nena be7idi nees ziggana; gaasoykka nena doorida GODAY, Isra7eele Geeshshay ammanettidaade» gees.

ኢሳያሳ ቲንቢቴ 49:7 ပူးပေါင်းရင်းမြစ်များ

ሜቴ ማጻፋ 27:29

ካዎቴቲ ኔስ ሃሬቴቶ፤ ኣሲ ዉሪ ኔስ ጉልባቶ፤ ኔኒ ኔ ኢሻታስ ጎዳ ጊዳ፤ ኔ ኣዬይ ዜሬ ኔስ ጉልባቶ፤ ኔና ቃንጊዛይ ቃንጌቲዳዝ ጊዶ፤ ኔና ኣንጂዛይ ኣንጄቲዳይሳ ጊዶ» ጊዴስ።

ዬ ማጻፋ 47:9

ካዎቴታ ካሌዛ ዳናቲ ኣብራሃሜ ጾሳ ኣሳራ ኢሲፌ ሺቂዳ፤ ዴሬ ኡባ ካዎቲ ጾሳሳ፤ ኢዚ ኡባፌካ ቦላራ ቃ።

ዬ ማጻፋ 68:31

ጊታ ኣሳቲ ጊብጼፔ ያና፤ ቶጵያይ ባ ኩሼ ጾሳኮ ሚጫና።

ዬ ማጻፋ 69:19

ታ ቦላ ጋኪዳ ጫሻ፥ ዬላቴኔ ካዉሻቴ ኔ ኤራሳ፤ ታ ሞርኬታካ ሁኤን ሁኤን ኔ ዴማሳ።

ኢሳያሳ ቲንቢቴ 14:1

ጎዳይ ያቆቤስ ናምኣን ቃታና፤ ኢስራኤሌካ ዛሬዲ ዶራና። ኢስታ ኢስታ ቢታን ዎና፤ ኢማቲ ዪዲ ያቆቤሶ ኣሳራ ዋላኬታና።

ኢሳያሳ ቲንቢቴ 19:21

ጎዳይ ባና ጊብጼታስ ቆንጪሳና፤ ኢስቲካ ሄ ጋላስ ጎዳ ኤራና፤ ያርሾኒኔ ካ ያርሾን ኢዛ ጎይናና። ኢስቲ ጎዳስ ኣዲኔታና፤ ባ ኣዲኔቲዳይሳካ ጋና።

ኢሳያሳ ቲንቢቴ 19:23

ሄ ዎዴ ጊብጼፔ ኣሶሬ ጋካናስ ዎጋ ኦጌይ ኦሴታና፤ ኣሶሬቲ ጊብጼ፥ ጊብጼ ኣሳይ ኣሶሬ ባና፤ ቃሴ ጊብጼቲኔ ኣሶሬቲ ኢሲ ቦላ ጎይናና።

ኢሳያሳ ቲንቢቴ 27:13

ሄ ጋላስ ጊታ ዛዬይ ፑኔታና፤ ኣሶሬን ዲኤቲዳይቲኔ ጊብጼን ኡንኤቲዳይቲ ጉዬ ዬሩሳላሜ ሲሚ ዪዲ ጌሻ ዙማ ቦላ ጎዳስ ጎይናና።

ኢሳያሳ ቲንቢቴ 42:1

ጎዳይ፥ «ታኒ ካ ኦይኪዳ ታ ኣሽካራይ፥ ታ ኢዛን ኡፋዬቲዛ ሙሩታይ ሃይሳ፤ ታኒ ታ ኣያና ኢዛ ቦላ ዎዲስ፤ ኢዚ ካዎቴታስ ሱሬ ፒርዳ ኤሃና።

ኢሳያሳ ቲንቢቴ 48:17

ጎዳይ ኔና ዎዚዳ ኢስራኤሌ ጌሻይ፥ «ታኒ ጎዳ ኔ ጾሳይ፥ ኔና ጎኢዛዝ ታማርሲዛይሳ፥ ባናስ ቤሲዛ ኦጌራ ኔና ካሌዛይ ታና።

ኢሳያሳ ቲንቢቴ 48:7

ሄይቲ ሃኢ ሜቲዳ ኣቲን ካሴ ጊዴና፤ ኢስታ ጊሻስ ኔ ሃቺፌ ኣቲን ካሴ ሲያቤካ፤ ሄሳ ጊሻስ፥ ‹ኤ፥ ታ ኢስታ ጊሻስ ኤራይስ› ጋና ዳንዳያካ።

ኢሳያሳ ቲንቢቴ 49:1

ኢንቴኖ ሃሩሮቶ፥ ታ ጊዛይሳ ሲዪቴ። ኢንቴኖ ሃሆን ዲዛ ካዎቴቶ፥ ሃይሳ ኤዝጊቴ። ታኒ ታ ኣዪ ኡሎን ዲሺን ጎዳይ ታና ጼይጊዴስ፤ ታ ዬሌቶንታ ዲሺን ታና ታ ሱንን ጼይጊዴስ።

ኢሳያሳ ቲንቢቴ 49:23

ካዎቲ ኔና ዲቺዛ ኣዋታ ጊዳና፤ ኢስታ ማቼቲ ኔና ዲቺዛ ኣዬታ ጊዳና፤ ኢስቲ ጉፋኒዲ ኔስ ጎይናና፤ ኔ ቶሆ ቦላፌ ባናካ ላጫና፤ ኔካ ታኒ ጎዳ ጊዲዳይሳ ኤራና፤ ታናን ሂዶታ ኦዛይቲ ዬላቴቴና» ጌስ።

ኢሳያሳ ቲንቢቴ 49:26

ኔና ኡንኤዛይቲ ባንታርካ ባ ኣሾ ማና፤ ዎይኔ ኡሻን ማቲዛ ማላ ባንታርካ ባ ሱን ማታና፤ ሄሳፌ ጉዬ ኣሳ ዜሬ ኡባይ፥ ታኒ ጎዳ፥ ኔና ኣሺዛይሳ፥ ኔና ዎዚዛይሳኔ ያቆቤ ዎልቃማ ጊዲዳይሳ ሄሳን ኤራና» ጌስ።

ኢሳያሳ ቲንቢቴ 50:6

ታ ዞኮ ሾጪዛይታስ፥ ታ ቡቻ ሾዲዛይታስ ኣ ኢማዲስ፤ ታ ኣይፌሶ ጩቻፌ ጌንቤኬ።

ኢሳያሳ ቲንቢቴ 52:15

ሄሳ ጊሻስ ኢዚ ዳሮ ካዎቴታ ማላሊሳና፤ ኢዛ ጋሶን ካዎቴቲ ባንታ ዶና ኦይካና፤ ኢስታስ ዮቴቶንታይሳ ኢስቲ ቤኣና፤ ኢስቲ ሲዪ ኤሮንታ ሚሽ ኣኬካና» ጌስ።

ኢሳያሳ ቲንቢቴ 53:3

ኢዚ ኣሳን ካቲዳዴኔ ኢጼቲዳዴ፤ ኢዚ ሃርጌፌኔ ሜቶፔ ሻኬቲ ኤሮንታ ኣሳ፤ ኢዚ ኣሲ ኢዛ ቤኣናፔ ባ ኣይፌሶ ሃራሶ ዛሪዛ ኣሳ ማላ ካቲዳዴ ጊዲዴስ፤ ኑኒካ ኢዛ ቦንቺቤኮ።

ኢሳያሳ ቲንቢቴ 60:10

«ኣላጋቲ ኔ ጊምቤ ጊምባና፤ ኢስታ ካዎቲ ኔስ ሃጋዛና፤ ታ ሃንቆን ታ ኔና ሾጪዳ ጊዲኮካ፥ ታ ቃታ ሲቆ ኔና ቤሳና።

ኢሳያሳ ቲንቢቴ 60:16

ኔኒ ካዎቴታ ማ ኡያና፤ ካዎታ ንካ ማና። ሄሳፌ ጉዬ ታኒ ጎዳይ ኔና ኣሺዛይሳ፥ ኔና ዎዚዛይሳኔ ያቆቤ ዎልቃማ ጊዲዳይሳ ኔኒ ኤራና።

ኢሳያሳ ቲንቢቴ 60:3

ካዎቴቲ ኔ ፖኦኮ፥ ካዎቲካ ኔ ዎንታ ጻልቄኮ ያና።

ኢሳያሳ ቲንቢቴ 66:23

ኣጊና ጼሮፔ ቢዲ ሃራ ኣጊናይ ጼራና ጋካናስ፥ ኢሲ ሳምባታፔ ቢዲ ሃራ ሳምባታ ጋካናስ፥ ኣስ ጊዲዳ ኡባይ ታስ ጎይናና ያና።

ዛካራሳ ቲንቢቴ 11:8

ኢሲ ኣጊና ጊዶን ሜሄ ሄሚዛ ሄታ ዲጋዲስ፤ ኢስቲካ ታና ኢጺዳ ጊሻስ ታኒካ ኢስታ ሳሌታዲስ።

Maatosa 20:28

ኣሳ ናይ ኣሳይ ኢዛስ ኦና ማላ ጊዶንታ ኢዚ ኣሳስ ኦናሲኔ ባ ሼምፖ ዳሮታ ጊሻስ ኣ ኢማናስ ዪዴስ» ጊዴስ።

Maatosa 26:67

ሄ ዎዴ ዬሱሳ ኣይፌሶን ጩቲሼ ኢዛ ኢጪዳ፤ ባጋይቲ ኢዛ ባቂሼ፥

ሉቃሳ ሚሺራቾ 22:27

ቁማ ኤቂዲ ሚዚዳዴፌኔ ኡቲዲ ሚዛዴፌ ኦኒ ኣዜ? ኡቲዲ ሚዛዴ ጊዴኔ? ታኒ ቃሴ ኢንቴ ጊዶን ኣሽካራ ማላ ዳይስ።

ሉቃሳ ሚሺራቾ 23:18

ዴሬይ ዉሪካ ኢሲ ቦላ፥ «ባርባኔ ቢርሻዳ ሃይሳ ኣዴዛ ዲጋ!» ጊዲ ዋሲዴስ።

ሉቃሳ ሚሺራቾ 23:23

ኣሳይካ ቃላ ቁ ሂስቲዲ ዬሱሲ ካቄታና ማላ ጲላጾሳ ኬሂ ዎሲሼ ዋሲዴስ።

ሉቃሳ ሚሺራቾ 23:35

ሄሲ ሃኒሺን ኣሳይ ዉሪ ኤቂ ጼሊዴስ፤ ዳናቲካ፥ «ኢዚ ሃራ ኣሳ ኣሺዴስ ሺን ጾሳፌ ዶሬቲዳ ኪርስቶሲ ኢዛ ጊዲኮ ኣኔ ሃኢ ባና ኣሾ» ጊዲ ቂዳ።

ዮሃኒሳ ሚሺራቾ 18:40

ኢስቲ ጊዲኮ፥ «ኑስ ባርባኔ ቢርሻ ኣቲን ሃይሳ ዴና!» ጊዲ ዋሲዳ፤ ባርባኔይ ባ ሁኤስ ፓንጋ።

ዮሃኒሳ ሚሺራቾ 19:15

ጊዶ ኣቲን ኢስቲ ቃሴ፥ «ጌዴ ዲጋ! ጌዴ ዲጋ! ካቃ!» ጊሼ ዋሲዳ። ጲላጾሲካ፥ «ታ ኢንቴ ካዎ ካቆ?» ጊዴስ። ቄሴታ ሃላቃቲ ዛሪዲ፥ «ኑስ ቄሳሬፔ ሃራ ካዎይ ዴና» ጊዳ።

ዮሃኒሳ ሚሺራቾ 19:6

ቄሴታ ሃላቃቲኔ ኢስታ ኣሽካራቲ ዬሱሳ ቤኢዲ፥ «ኔ ኢዛ ካቃ! ካቃ!» ጊሼ ዋሲዳ። ጲላጾሲ ቃሴ፥ «ታኒ ታ ባጋራ ኢዛ ቦላ ኢሲ ሞሮካ ዴማቤኬ፤ ኮይኮ ኢንቴ ኤፊዲ ካቂቴ» ጊዴስ።

1ቆሮንቶሴ ኣሳስ 1:9

ኢዚ ባ ናዛ ኑ ጎዳ ዬሱስ ኪርስቶሳ ኢሲፌቴኮ ኢንቴና ጼይጊዳ ጾሲ ኢዚ ኣማኔቲዳ ጾሳ።

ዛሬ ማጻፋ 7:9

ሄሳ ጊሻስ ጎዳ ኢንቴ ጾሳይ ሙሌራ ኣማኔቲዳ ጾሳ ጊዲዳይሳ ኢንቴ ዩሺ ቆፒቴ፤ ኢዚ ባ ጫቂዳ ቃላ ናጌስ፤ ኢዛ ዶሲዛይታሲኔ ኢዛ ኣዛዞ ፖሊዛይታስ ኡባስ ሺ ዬሌታ ጋካናስ ኢዚ ባ ሜርና ሲቆ ቤሳና።

1ጴጽሮሳ ኪታ 2:4

ሄሳ ጊሻስ ጌዴ ዴኦ ሹች ጊዲዳ ዬሱሳኮ ሺቂቴ፤ ሄ ሹቻይ ኣሳይ ሌቂ ኣጊዳይሳ ሺን ጾሳ ኣቻን ጊዲኮ ዶሬቲዳይሳኔ ቦንቾ ዋጋይ ዲዛይሳ።

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።

ዮሃኒሳ ኣጁታ 3:7

«ፊላዴልፊያ ዎሳ ኬ ኪታንቻስ፥ ሃይሲ ጌሺኔ ቱማንቻ ጊዲዳይሳፌ ዳዊቴ ኬ ቁልፔ ኦይኪዳይሳፌ ዮቴቲዳይሳ፤ ኢዚ ዶይዳይሳ ኦኒካ ጎርዴና፤ ኢዚ ጎርዲዳይሳ ኦኒካ ዶዬና።