ኢሳያሳ ቲንቢቴ 48:17 - ጋሞ ማጻፋ

¹⁷ ጎዳይ ኔና ዎዚዳ ኢስራኤሌ ጌሻይ፥ «ታኒ ጎዳ ኔ ጾሳይ፥ ኔና ጎኢዛዝ ታማርሲዛይሳ፥ ባናስ ቤሲዛ ኦጌራ ኔና ካሌዛይ ታና።

Geeshsha Maxaafa

¹⁷ GODAY nena Wozzida Isra7eele Geeshshay, «Tani GODAA ne Xoossay, nena go7izaaz tamaarsizayssa, baanaas bessizaa ogera nena kaaleththizay tana.

ኢሳያሳ ቲንቢቴ 48:17 ပူးပေါင်းရင်းမြစ်များ

ሜቴ ማጻፋ 24:48

ሄሳፌ ጉዬ ታኒ ጉልባታዳ ጎዳስ ጎይናዲስ፤ ታኒ ጎዳ ታ ጎዳ ኣብራሃሜ ጾሳ፥ ታ ጎዳ ኢሻ ናዮ ኢዛ ኔስ ኤካናስ ታና ሊኬ ኦጌ ካሌዳይሳ ጋላታይስ።

1ካዎታ ማጻፋ 8:36

ሂስታዳ ኔ ኣሽካራ ኢስራኤሌ ዴራ ናጋራ ኣቶ ጋ፤ ኢስቲ ሄሜታናስ ቤሲዛ ሎኦ ኦጌ ኢስታ ታማርሳ፤ ሄሳፌ ጉዬ ኔኒ ኔ ዴራ ላቲሲዳ ቢታን ኢራ ቡኪሳ።

ኢዮቤ ማጻፋ 36:22

«ጾሳ ዎልቃይ ኣይ ማላ ጊታኮ ኣኬካ፤ ጾሲ ኡባፌ ኣ ኣስታማሬ።

ዬ ማጻፋ 25:12

ጎዳስ ያዪዛ ኣሲ ኦኔ? ኔ ዶራዳ ባና ኦጌዛ ኢዚ ኔና ታማርሳና።

ዬ ማጻፋ 32:8

ጎዳይ፥ «ታኒ ኔና ታማርሳና፤ ኔኒ ባናስ ቤሲዛ ኦጌካ ኔና ኤሪሳና፤ ታኒ ኔና ዞራናኔ ናጋና።

ዬ ማጻፋ 71:17

ኣቤት ጾሳዉ! ኔኒ ታና ዬላጋቴፌ ዶማዳ ታማርሳዳሳ፤ ታኒካ ሃኖ ጋካናዉ ማላሊሲዛ ኔ ኦሶዛ ኣዋጃይስ።

ዬ ማጻፋ 73:24

ኔ ዞሬን ታና ካሌዳሳ፤ ሄሳፌ ጉዬ ኔኒ ታና ቦንቾስ ኤፋና።

ኢሳያሳ ቲንቢቴ 2:3

ዳሮ ኣሳይ ዪዲ፥ «ዎጋይ ጺዮኔፔ፥ ጎዳ ቃላይ ዬሩሳላሜፔ ኬዚዛ ጊሻስ ሃ ዪቴ! ጎዳ ዙማ፥ ያቆቤ ጾሳ ኬ ኣኔ ፑዴ ኬዞስ። ኢዚ ኮይዛይሳ ኑኒ ባና ማላ ኢዚ ኑና ባ ኦጌ ታማርሳና» ጋና።

ኢሳያሳ ቲንቢቴ 28:9

ኢስቲ፥ «ኢዚ ኦና ታማርሲዜ? ኪታካ ኦስ ቆንጪሲዜ? ማ ኣጊዳ ናይታሴዬ ን ዱሶ ናይታሴ?

ኢሳያሳ ቲንቢቴ 30:20

ጎዳይ ኢንቴስ ዋዬ ካኔ ሜቶ ሃ ኢሚኮካ ሃይሳፌ ጉዬ ኢንቴ ኣስታማሬይ ኢንቴፌ ቆቴቴና፤ ኢንቴ ኣይፌቲካ ኢንቴ ኣስታማሬዛ ቤኣና።

ኢሳያሳ ቲንቢቴ 30:21

ኢንቴ ሃዲርስ ዎይኮ ኡሻች ጊኮ ኢንቴ ጉዬራ፥ «ኦጌዚ ሃይሳ፤ ኢዛራ ቢቴ» ጊዛይሳ ኢንቴ ሃይ ሲያና።

ኢሳያሳ ቲንቢቴ 41:14

ኔኖ ጉጹኔዞ ያቆቤ፥ ኔኖ ቄሪ ኢስራኤሌ፥ ‹ያዮፋ ታኒ ኔና ማዳና› ጌስ። ኔና ዎዚዛይ ኢስራኤሌ ጌሻዛ።

ኢሳያሳ ቲንቢቴ 43:14

ጎዳይ ኢንቴና ዎዚዛ ኢስራኤሌ ጌሻይ፥ «ኢንቴ ጊሻስ ባቢሎኔ ቦላ ኦላንቻታ ኪታና፤ ኢስቲ ጬቄቲዛ ማርካቤታን፥ ባቢሎኔታ ኡባ ቤታና ማላ ኦና።

ኢሳያሳ ቲንቢቴ 43:16

ኣባ ጊዶራ ኦጌ፥ ዎልቃማ ሃ ጊዶራ ኣዛሶ ኬሲዳ ጎዳይ፥

ኢሳያሳ ቲንቢቴ 45:11

«ኢስራኤሌ ጌሻይ፥ ኢዛ ሜዳ ጎዳይ ሲንፌ ሃናና ሃኖታ ጊሻስ፥ ‹ታ ናይታ ጊሻስ ታና ኦይቼቲ? ታ ኩሼ ኦሶታ ጊሻስ ኣዛዜቲ?

ኢሳያሳ ቲንቢቴ 48:20

ባቢሎኔ ቢታፌ ኬዚቴ፤ ባቢሎኔ ኣሳፔ ባቃቲቴ! ሃይሳ ኢሊሊሳን ኤሪሲቴ፤ ኣዋጂቴ፤ ቢታ ጋጻ ጋካናስ ዮቲቴ፤ «ጎዳይ ባ ኣሽካራ ያቆቤ ዎዚዴስ» ጊቴ።

ኢሳያሳ ቲንቢቴ 49:26

ኔና ኡንኤዛይቲ ባንታርካ ባ ኣሾ ማና፤ ዎይኔ ኡሻን ማቲዛ ማላ ባንታርካ ባ ሱን ማታና፤ ሄሳፌ ጉዬ ኣሳ ዜሬ ኡባይ፥ ታኒ ጎዳ፥ ኔና ኣሺዛይሳ፥ ኔና ዎዚዛይሳኔ ያቆቤ ዎልቃማ ጊዲዳይሳ ሄሳን ኤራና» ጌስ።

ኢሳያሳ ቲንቢቴ 49:7

ካቲዳይሳሲኔ ካዎቴን ኢጼቲዳይሳስ፥ ዴሬ ሃሪዛይታ ኣሽካራ ጊዲዳ ኔስ፥ ጎዳይ፥ ኢስራኤሌ ኣሺዛ ጌሻይ፥ «ካዎቲ ኔና ቤኢዲ ዴንዲ ኤቃና፤ ካዎ ናይቲ ኔና ቤኢዲ ኔስ ዚጋና፤ ጋሶይካ ኔና ዶሪዳ ጎዳይ፥ ኢስራኤሌ ጌሻይ ኣማኔቲዳዴ» ጌስ።

ኢሳያሳ ቲንቢቴ 54:13

ኔ ኣቱማ ናይቲ ኡባይ ጎዳፔ ታማርዳይታ ጊዳና፤ ኔ ናይታ ሳሮቴካ ዳራና።

ኢሳያሳ ቲንቢቴ 54:5

ኔና ሜዳይሲ ኔስ ኣዚና፤ ኢዛ ሱንይካ ኡባፌ ዎልቃማ ጎዳ። ኔና ዎዚዳይ ኢስራኤሌ ጌሻ፤ ኢዚ ቢታ ኡባ ጾሳ ጌቴቴስ።

ኢሳያሳ ቲንቢቴ 54:8

ታ ጉ ዎዴስ ኬሃ ሃንቄቲዳ ጊሻስ፥ ታ ኣይፌሶ ኔፔ ጌንዲስ፤ ጊዶ ኣቲን ታ ሜርና ኪያቴን ኔስ ቃታና» ጌስ ኔና ዎዚዛ ጎዳይ።

ኤርማሳ ቲንቢቴ 6:16

ጎዳይ፥ «ዳጋላ ኦጌ ቦላ ኤቂ ጼሊቴ፤ ቤኒ ኦጌዮ ኦይቺቴ፤ ሎኦ ኦጌይ ኣዋሪ? ኢዚራ ቢቴ፤ ኢንቴ ኢንቴ ሼምፖስ ሼምፖ ዴማና፤ ኢንቴ ጊዲኮ፥ ‹ኑ ኢዚራ ቦኮ!› ጊዴታ።

ሚኪያሳ ቲንቢቴ 4:2

ዳሮ ካዎቴቲ ኢዛኮ ዪዲ፥ «ጾሳ ዙማኮ ሃ ዪቴ፤ ያቆቤ ጎዳኮ ኣኔ ቦስ፤ ኑ ኢዛ ኦጌራ ባና ማላ ኑና ኢዚ ባ ኦጌ ታማርሳና» ጊዳ፤ ዎጋይ ጺዮኔፔ፥ ጾሳ ቃላይ ቃሴ ዬሩሳላሜፔ ያና።

ዮሃኒሳ ሚሺራቾ 6:45

ናቤታ ማጻፋታን ኣሳይ ዉሪ ጾሳፌ ታማርዳዴ ጊዳና ጌቴቲ ጻፌቲዴስ። ሄሳ ጊሻስ ኣዋፔ ሲዪዲ ታማርዳ ኣሲ ዉሪ ታኮ ያና።

ኤፌሶኔ ኣሳስ 4:21

ኤ ቱሙካ ኢንቴ ኢዛ ጊሻስ ሲዪዴታኔ ዬሱሳን ዲዛ ቱማ ኢዛፔ ታማርዴታ።

ኢያሶ ማጻፋ 3:4

ኢንቴ ካሴ ሄ ኦጌራ ቢ ኤሮንታ ጊሻስ ኢንቴ ባና ኦጌ ኢስቲ ኢንቴና ቤሳና፤ ጊዶ ኣቲን ጫቆ ቃላ ታቦታኮ ሺቆፒቴ፤ ጫቆ ቃላ ታቦታፔ 2,000 ዋ ጊዲዛይሳ ማላ ሃሆን ኤቂቴ» ጊ ኣዛዞ ኢሚዳ።