ኢሳያሳ ቲንቢቴ 45:23 - ጋሞ ማጻፋ

²³ ጉልባቴይ ኡባይ ታ ሲንን ጉልባታና፤ ኢንጻርስ ኡባይካ ታናን ጫቃና፤ ታኒ ታርካ ታ ሁኤን ጫቃዲስ፤ ጉዬ ሲሞንታ ቃላይ ታ ዶናፔ ጺሎቴን ኬዚዴስ።

Geeshsha Maxaafa

²³ Gulbatey ubbay ta sinththan gulbatana; inxars ubbayka tanan caaqqana; Tani tarkka ta hu7en caaqqadis; guye simmontta qaalay ta doonappe xilloteththan kezides.

ኢሳያሳ ቲንቢቴ 45:23 ပူးပေါင်းရင်းမြစ်များ

ሜቴ ማጻፋ 31:53

ኣብራሃሜ ጾሲ፥ ናኮሬ ጾሲ፥ ኢስታ ኣዋ ጾሲ፥ ኢዚ ኑ ጊዶን ፒርዶ» ጊዴስ። ያቆቤይ ባ ኣዋ ዪሳቂ ጎይኒዳ ጾሳ ሱንን ጫቂዴስ።

ናሂሚያ ማጻፋ 10:29

ባና ካሌዛይታራ ኢሲፌ ጊዲዲ ጾሳ ኣይሌ ሙሴ ባጋራ ኢሜቲዳ ኣዛዞታ፥ ፒርዳኔ ዎጋ ናጋና ጊዲ ቃላ ጌሊዳ፤ «ሄሳ ኦንታ ኣጊኮ ኑና ጎሞ፤

ዬ ማጻፋ 132:2

ጎዳዉ! ኢዚ ኔስ ጫቂዳ ቃላ፥ ዎልቃማ ያቆቤ ጾሳስካ ኣዲኔቲዳ ኣዲና ቆፓ።

ዬ ማጻፋ 63:11

ጊዶ ኣቲን ካዎይ ጾሳን ኡፋዬታና፤ ጾሳ ሱንን ጫቂዛ ኡባይ ኢዛ ጋላታና፤ ዎርዶ ሃሳይዛይታ ዶናይ ጊዲኮ ጎርዴታና።

ዬ ማጻፋ 98:2

ጎዳይ ባ ኣሺዛይሳ ኤሪሲዴስ፤ ኢዚ ባ ጺሎቴካ ካዎቴስ ቆንጪሲዴስ።

ኢሳያሳ ቲንቢቴ 21:17

ቄዳሬ ቢታን ዎንዳፌን ዱኪዛ ዎልቃማ ኦላንቻታፔ ጉቲ ኣታና፤ ሄሳ ጎዳ ኢስራኤሌ ጾሳይ ዮቲዴስ» ጊዴስ።

ኢሳያሳ ቲንቢቴ 45:19

ታ ማ ቢታን ጌማን ዮታቤኬ፤ ያቆቤ ዜሬታስ፥ «ታና ጮ ሃዳ ኮዪቴ» ጋቤኬ። ታኒ ጎዳይ ቱማ ሃሳያይስ፤ ሱሬ ዮኦ ኣዋጃይስ።

ኢሳያሳ ቲንቢቴ 48:1

ጎዳይ፥ «ኢንቴኖ ኢስራኤሌ ሱንን ጼይጌቲዳ፥ ያቆቤሶ ኣሳቶ! ዩሁዳ ዛሬፔ ቤቲዳይቶ! ኢንቴኖ ጎዳ ሱንን ጫቂዛይቶ! ቱማቴኒኔ ጺሎቴን ጊዶንታ፥ ኢስራኤሌ ጾሳ ጼይጊዛይቶ! ሃይሳ ሲዪቴ።

ኢሳያሳ ቲንቢቴ 49:18

ኣኔ ቁ ጋዳ ኔ ዩሾ ጼላ፤ ኔ ናይቲ ኡባይ ኢሲፌ ሺቂዲ ኔኮ ያና። ታኒ ጎዳይ ታ ዴኦን ጫቃይስ፤ ኔኒ ኢስታ ኡባ ኣሌቆ ማላ ማይኣና፤ ኔ ኢስታ ሚሺራ ማይኦ ማላ ማይኣና» ጌስ።

ኢሳያሳ ቲንቢቴ 55:11

ታ ዶናፔ ኬዚዛ ቃላይካ ጮ ሃዳ ሃ ታኮ ሲሜና፤ ጊዶ ኣቲን ኢዚ ታኒ ኮዪዳይሳ ኦስ፤ ባ ኪቴቲዳ ዋና ቆፋካ ፖሌስ።

ኢሳያሳ ቲንቢቴ 60:14

ኔና ኡንኤዳይታ ኣቱማ ናይቲ ዚጊሼ ኔኮ ያና፤ ኔና ካዳ ኡባቲ ኔ ቶሆ ቦላ ኩንዳና፤ ‹ሃኔ ጎዳ ካታማዬ! ኢስራኤሌስ ጌሻ ሚሽ ጊዲዳ ጺዮኔ› ጊ ጼይጋና።

ኢሳያሳ ቲንቢቴ 61:11

ቢታይ ጫሬች ጫሪሲዛ ማላ፥ ኣታኪልቴሶሆይ ፑቴ ፑቲሲዛ ማላ፥ ኡባ ሃሪዛ ጎዳይ ካዎቴታ ኡባ ሲንን ጺሎቴኔ ጋላታ ጫሪሳና።

ኢሳያሳ ቲንቢቴ 62:8

ጎዳይ ባ ኡሻቻ ኩሼኒኔ ባ ዎልቃማ ቄሴን፥ «ሃይሳፌ ጉዬ ታ ኢንቴ ካ ኢንቴ ሞርኬታስ ቁማ ጊዳና ማላ ኢሚኬ፤ ቃሴ ኢንቴ ዳቡሪ ኬሲዳ ኦራ ኡሻ ኣላጋቲ ኡዬቴና።

ኢሳያሳ ቲንቢቴ 65:16

ሄሳ ጊሻስ ቢታይ ቦላ ኣንጆ ኮይዛዴይ ቱማ ጾሳ ሱንን ኣንጄታና፤ ቢታይን ጫቂዛ ኣሲ ቱማ ጾሳ ሱንን ጫቃና፤ ካሴ ኣዳ ሜቶቲ ዶጌቲዳ፤ ታ ኣይፌፔካ ጌሚዳ» ጌስ።

ኤርማሳ ቲንቢቴ 22:5

ጊዶ ኣቲን ኢንቴ ታ ኣዛዞታ ናጎንታ ኢጺኮ፥ ‹ሃ ካዎቴ ኬይ ሙሌራ ያና› ጋዳ ታኒ ታርካ ታናን ጫቃይስ» ጊዴስ።

ኤርማሳ ቲንቢቴ 4:2

ኢንቴ ቱማን፥ ሱሬቴኒኔ ጺሎቴን፥ ‹ዴኦ ጎዳይ ቤዪን!› ጊዲ ጫቂኮ፥ ሄ ዎዴ ካዎቴቲ ኢዛን ኣንጄታናኔ ቦንቼታና» ጌስ።

ኤርማሳ ቲንቢቴ 49:13

ቦጺራይ ላሌታዳ ዳጋማስ፥ ቂሲኔ ቃንጌስ ማላታ ጊዳና ማላ ታኒ ታናን ጫቃዲስ፤ ኢዚ ካታማቲ ኡባይ ሜርናስ ኣይኮይ ባይንዳ ቡላ ጊዳና» ጌስ።

ኣሞጼ ቲንቢቴ 6:8

ጎዳይ ሳሎ ጾሳይ፥ «ኢስራኤሌ ኣሳ ኦቶሬቴ ታኒ ሃራሴታዲስ፤ ኢስታ ሚጻቲካ ታና ሹኔቴስ፤ ሄሳ ጊሻስ ታኒ ካታማዮኔ ኢዚን ዲዛይታ ኡባ ሞርኬስ ኣ ኢማና» ጊዲ ባርካ ባናን ጫቂዴስ።

ዛካራሳ ቲንቢቴ 14:9

ሄ ዎዴ ጎዳይ ቢታ ኡባ ቦላ ካዎታና፤ ሄ ዎዴ ጎዳይ ኢሳ ጻላ፤ ኢዛ ሱንይካ ኢሳ ጊዳና።

ታይቦ ማጻፋ 23:19

ጾሲ ኣሳ ማላ ዎርዶቴና፤ ኢዛ ቆፋይ ኣሳ ቆፋ ማላ ላሜቴና፤ ኢዚ ባ ኢሚዳ ሂዶታ ኡባ ፖሌስ፤ ኢዚ ባ ዮቲዳ ኡባ ኦስ።

ኦሮሜ ኣሳስ 11:4

ጾሲ ኢዛስ፥ «ባኣሌ ጌቴቲዛ ኤቃስ ጎይኖንታይታ ላፑን ሺ ኣስ ታኒ ታስ ኣሻዲስ» ጊ ዛሪዴስ

ዛሬ ማጻፋ 6:13

ኢንቴ ጎዳ ጾሳስ ያዪቴ፤ ኢዛስ ጻላ ጎይኒቴኔ ኢዛ ሱንን ጻላ ጫቂቴ።

ፒሊጲሲዮሴ ኣሳስ 2:10

ሄሲካ ሳሎኒኔ ሳኣን፥ ሳኣፔ ጋርሳንካ ዲዛ ሜቴኔ ጉልባቴይ ዉሪ ዬሱሳ ሱንስ ጉልባታና ማላሳ።