ኢሳያሳ ቲንቢቴ 45:21 - ጋሞ ማጻፋ

²¹ ኣኔ ኢንቴ ሞቶ ዮቲቴ፤ ሺሺቴ፤ ኢስቲ ኣኔ ኢሲፌ ሺቂዲ ዞሬቴቶ። ሃይሳ ኮይሮቲዲ ኣዋጂዳይ ኦኔ? ቤኒ ዮቲዳይ ኦኔ? ታና ጎዳ ጊዲኪና? ጺሎይኔ ኣሺዛ ጾሲ ታፔ ኣቲን ሃራይ ዴና።

Geeshsha Maxaafa

²¹ Ane intte mooto yootite; shiishshite; istti ane issife shiiqidi zoretetto. Hayssa koyrottidi awajjiday oonee? Beni yootiday oonee? Tana GODAA gidikkinaa? Xilloynne Ashshiza Xoossi taappe attiin haray deenna.

ኢሳያሳ ቲንቢቴ 45:21 ပူးပေါင်းရင်းမြစ်များ

ዬ ማጻፋ 26:7

ጋላታ ማዛሙሬ ዬጻይስ፤ ኔኒ ኦዳ ሚሽ ኡባካ ዮታይስ።

ዬ ማጻፋ 83:18

ኔ ሱንይ ጎዳ ጊዲዳይሳኔ ሳኣ ኡባ ቦላ ኔኒ ጻላ ኡባፌ ቃ ጾሳ ጊዲዳይሳ ኢስቲ ኤሬቶ።

ዬ ማጻፋ 96:10

ካዎቴታ ጊዶን፥ «ጎዳይ ካዎቲዴስ! ሳኣይ ሚኒ ኤቂዴስ፤ ሙሌካ ቃጼና፤ ኢዚ ኣስ ኡባስ ኢሲ ጊና ፒርዳና» ጊቴ።

ኢሳያሳ ቲንቢቴ 19:20

ሄሲ ኡባፌ ዎልቃማ ጎዳስ ጊብጼ ቢታን ማላታኔ ማርካ ጊዳና፤ ኢስቲ ባንታና ኡንኤዛይታፔ ዴንዲዳይሳን ጎዳኮ ዋሲዛ ዎዴ ኢዚ ኢስታ ኣሺዛዴኔ ማዲዛዴ ኪቲዲ ኢስታ ኣሻና።

ኢሳያሳ ቲንቢቴ 41:26

ኑኒ ኤራና ማላ ኮይሮቲ ኑስ ኣዋጂዳይ፥ ‹ኢዚ ሊኬ› ኑ ጋና ማላ ኑስ ካሴቲ ዮቲዳይ ኦኔ? ኦኒካ ዮቲቤና፤ ሲንቲዲ ዮቲዳይ ዴና፤ ኢንቴፌ ኣይ ቃላ ሲዪዳይካ ዴና።

ኢሳያሳ ቲንቢቴ 43:11

ታና፤ ታኒ ጎዳ፤ ታፔ ኣቲን ሃራ ኣሺዛይ ዴና።

ኢሳያሳ ቲንቢቴ 43:3

ጋሶይካ ታኒ ጎዳ ኔ ጾሳይ፥ ኢስራኤሌ ጌሻይ ኔስ ሌ፤ ታ ኔ ጊሻስ ጊብጼ ዎዞ ኢማና፤ ቶጵያኔ ሴባ ኔ ጊሻስ ኣ ኢማና።

ኢሳያሳ ቲንቢቴ 43:9

ካዎቴቲ ኡባይ ኢሲፌ ሺቄቶ፤ ኣሳይካ ኢሲ ቦላ ሺቆ፤ ኢስታፌ ካሴቲዲ ሃይሳ ኑስ ዮቲዳይ ኦኔ? ቤኒ ሚሽ ኑስ ኣዋጂዳይ ኦኔ? ሃራቲ ሲዪዲ፥ «ሃይሲ ቱማ» ጋና ማላ፥ ኢስታ ቱማቴይካ ቆንጫና ማላ ባንታ ማርካታ ኤሄቶ።

ኢሳያሳ ቲንቢቴ 45:14

ጎዳይ፥ «ጊብጼ ዱሬቴኔ ቶጵያ ዛልኤይ፥ ቃሴ ጌሳን ኣዱስ ጊዲዳ ሳባ ኣሳቲካ ኔኮ ያና፤ ኔይታ ጊዳና። ኢስቲ ኔና ካላና፤ ሳንሳላታን ቃሼቲ ኔኮ ዪዲ ኔስ ጎይናና፤ ኢስታስ፥ ‹ቱማፔ ጎዳይ ኔናራ ዴስ፤ ኢዛፔ ኣቲን ሃራ ጾሲ ዴና› ጊዲ ዎሳና» ጌስ።

ኢሳያሳ ቲንቢቴ 45:18

ሳሎታ ሜዳይ ኢዚ ጎዳ፤ ቢታ ጊግሲዲ ሜዳይ፥ ሳኣስ ዮች ዬጊዳይ፥ ኢዛ ኣሳ ዱሳሶ ጊዳና ማላ ኣቲን ጮ ሜላ ዎናስ ሜንታ ጎዳይ፥ ታኒ ጎዳ፤ ታፔ ሃራይ ዴና።

ኢሳያሳ ቲንቢቴ 45:25

ጊዶ ኣቲን ኢስራኤሌ ዜሬ ኡባይ ጎዳን ጺላና፤ ቦንቾካ ዴማና።

ኢሳያሳ ቲንቢቴ 45:5

ታኒ ጎዳ፤ ታፔ ሃራይ ኦኒካ ዴና፤ ታፔ ሃራ ጾሲ ዴና፤ ኔ ታና ኤሮንታ ኣጊኮካ ታ ኔና ሚንና።

ኢሳያሳ ቲንቢቴ 48:14

«ኢንቴ ኡባይካ ኢሲ ቦላ ሺቂዲ ሲዪቴ፤ ኤቃ ጾሳታፔ ካሴ ሃይታንታ ዮቲዳይ ኦኔ? ጎዳስ ዶሬቲዳ ላጌይ ኢዚ ባቢሎኔ ቦላ ሃልቺዳይሳ ፖላና፤ ኢዛ ቄሴይካ ባቢሎኔታ ቦላ ጊዳና።

ኢሳያሳ ቲንቢቴ 48:3

«ካሴ ሃኒዳ ሚሻታ ታኒ ዳሮ ዎዴፔ ሲንን ዮታ ዎዲስ፤ ታ ዶናፔ ኬዚዴስ። ኢስቲ ኤሬታና ማላካ ታኒ ኦዲስ፤ ታ ዲንጋቴ ኦን ኢስቲካ ፖሌቲዳ።

ኢሳያሳ ቲንቢቴ 60:16

ኔኒ ካዎቴታ ማ ኡያና፤ ካዎታ ንካ ማና። ሄሳፌ ጉዬ ታኒ ጎዳይ ኔና ኣሺዛይሳ፥ ኔና ዎዚዛይሳኔ ያቆቤ ዎልቃማ ጊዲዳይሳ ኔኒ ኤራና።

ኢሳያሳ ቲንቢቴ 63:1

ኤዶሜ ቢታን ዲዛ ቦጺራ ካታማፔ ዞኦ ሴሎ ማይኦ ማይኢዲ ዪዛይ ሄሲ ኢዚ ኦኔ? ሃይሲ ቦንቾ ማይኢዲ ባ ዎልቃ ጊታቴን ሄሜቲሼ ዪዛይ ኢዚ ኦኔ? «ጺሎ ሃሳይዛይኔ ኣሻናስ ዎልቃይ ዲዛይ ታና ጊዲኪና!» ጌስ ጎዳይ።

ኤርማሳ ቲንቢቴ 50:2

«ካዎቴታ ኡባ ጊዶን ኣዋጂቴ! ባንዲራ ቁ ሂስቲ ኦይኪዲ ኣዋጂቴ! ኣይኮካ ኣሾንታ ዲሼ፥ ‹ሄኮ ባቢሎኔይ ኦይኬታና፤ ቤሌይ ካዉያና፤ ማርዱኬይ ሺሮን ኩማና፤ ኢዚ ኤቃ ጾሳቲ ካዉያና፤ ኢዚ ኤቃ ሚስሌቲ ሜቄሬታና› ጊቴ።

ሆሴኤ ቲንቢቴ 13:4

ጎዳይ፥ «ኔና ጊብጼፔ ኬሲዳይ ታና ጎዳ ኔ ጾሳ፤ ኔስ ታፔ ኣቲን ሃራ ጾሲ ዴና፤ ኔና ኣሺዳይ ታፔ ኣቲን ሃራ ጾስ ጊዴና።

ሶፎናሳ ቲንቢቴ 3:17

ጎዳ ኔ ጾሳይ ኔናራ ዴስ፤ ኢዚ ኣሺዛ ሚኖ ኦላንቻ። ኢዚ ኔናን ዳሮ ኡፋዬቴስ፤ ኢዚ ባ ሲቆን ኔና ዎፒሳና፤ ኔ ዬን ኢዚ ቦንቼቲዲ ኡፋዬታና› ጋና።

ሶፎናሳ ቲንቢቴ 3:5

ኢዚን ዲዛ ጎዳይ ኢዚ ጺሎ። ሙሌካ ባሌቲ ኤሬና፤ ማላዶ ማላዶ ሱሬ ፒርዴስ፤ ኡባ ጋላሲካ ዳቡሪ ኤሬና፤ ጊዶ ኣቲን ማካላንቻታስ ዬላይ ዴና።

ዛካራሳ ቲንቢቴ 14:7

ሄ ጋላሳይ ጋላሲኔ ቃማይ ባይንዳ ጎዳይ ኤሪዛ ዱማ ጋላስ ጊዳና፤ ሄ ጋላሲ ፖኦይ ፖኦሺን ዴኣና።

ዛካራሳ ቲንቢቴ 14:9

ሄ ዎዴ ጎዳይ ቢታ ኡባ ቦላ ካዎታና፤ ሄ ዎዴ ጎዳይ ኢሳ ጻላ፤ ኢዛ ሱንይካ ኢሳ ጊዳና።

ዛካራሳ ቲንቢቴ 9:9

ሃኔ ጺዮኔ ናዬ ኬሃ ኡፋዬታ። ሃኔ ዬሩሳላሜ ናዬ ኡፋይሳን ኢሊላ፤ ጺሎኔ ኣሺዛ ኔ ካዎይ ኣሽኬ ጊዲዲ ሃሬዮኔ ሃሬይ ጉቴ ቶጊዲ ኔኮ ዬስ።

ሃዋሬታ ኦሶ 15:18

ሃይሳ ኮይሮፔካ ኤሪሲዳ ጾሲ ታና› ጌስ።