ኢሳያሳ ቲንቢቴ 44:18 - ጋሞ ማጻፋ

¹⁸ ኢስቲ ኣይኮካ ኤሬቴናኔ ኣኬኬቴና፤ ኢስቲ ጼሎንታ ማላ ኢስታ ኣይፌይ ጎዜቲዴስ፤ ኢስቲ ዩሺ ቆፖንታ ማላ ኢስታ ዎዚናይ ጎርዴቲዴስ።

Geeshsha Maxaafa

¹⁸ Istti aykkoka erettennanne akeekettenna; istti xeellontta mala istta ayfey goozettides; istti yuushshi qoppontta mala istta wozinay gordettides.

ኢሳያሳ ቲንቢቴ 44:18 ပူးပေါင်းရင်းမြစ်များ

ዬ ማጻፋ 81:12

ሄሳ ጊሻስ ታኒ ኢስቲ ባ ዎዚና ሙሜቴ ባ ዶሶይሳ ሃናና ማላ ኣጋጋዲስ።

ዬ ማጻፋ 92:6

ሄሳ ኤያ ኣሲ ኤራናዉ ዳንዳዬና፤ ዳማ ኣሲካ ኣኬካናዉ ዳንዳዬና።

ሌሚሶ ማጻፋ 28:5

ኢታ ኣሳታስ ሱሬ ፒርዳይ ጌሌና፤ ጊዶ ኣቲን ጎዳስ ጎይኒዛይቲ ኡባካ ኤሬቴስ።

ኢሳያሳ ቲንቢቴ 1:3

ቦራይ ባ ጎዳ ኤሬስ፤ ሃሬይ ኢዛ ጎዳይ ኢዛስ ጊግሲዳ ዜካ ኤሬስ፤ ኢስራኤሌይ ጊዲኮ ታና ኤሬና፤ ታ ዴሬይካ ኣኬኬና» ጊዴስ።

ኢሳያሳ ቲንቢቴ 26:11

ኣቤት ጎዳዉ! ኔ ቄሴይ ቁ ቁ ጊዴስ። ኢስቲ ጊዲኮ ቤኤቴና፤ ኔ ኣሳስ ኔ ሚሼቲዛይሳ ቤኤቶኔ ዬላቴቶ፤ ኔ ሞርኬታስ ጊጊዳ ታማይ ኢስታ ሞ።

ኢሳያሳ ቲንቢቴ 27:11

ኢዚ ጼራይ ሜሊዲ ሜቃና፤ ማጫሳቲካ ሚጺ ኤና፤ ኣኬካይ ባይንዳ ዴሬ ጊዲዳ ጊሻስ ኢዛ ሜዳይ ኢዛስ ቃቴና፤ ኦዳይሲካ ኢዛ ማሬና።

ኢሳያሳ ቲንቢቴ 29:10

ጎዳይ ኢንቴ ቦላ ዎልቃማ ስኮ ዬጊዴስ፤ ኢንቴ ናቤታ ኣይፌ ጎዚዴስ፤ ኣጁታ ቤኢዛይታ ሁኤ ጉሉንቲሲዴስ።

ኢሳያሳ ቲንቢቴ 44:19

ኦኒካ ታኪ ጊ ቆፒቤና፤ ኤራቴ ዎይኮ ኣኬካይ ባይንዳ ጊሻስ፥ «ባጋ ታማን ኤዲስ፤ ኢዛ ቦንቆን ካ ካዲስ፤ ኢዛን ኣሾ ጺጻዳ ማዲስ፤ ሂስቲን ኣቲዳይሳን ዎስታዳ ታኒ ሃራሲዛ ሚሽ ኦኔ? ሚ ኣኖስ ታኒ ጎይናና ቤሲዜ?» ጋናስ ዳንዳይቤና።

ኢሳያሳ ቲንቢቴ 44:20

ኤያ ዎዚናይ ኢዛ ባሌን ኢዚ ቢዲን ቃምኤስ፤ ባና ኣሻና ዳንዳዬና፤ «ሃይሲ ታስ ኡሻቻ ኩሼን ዲዛይ ዎርዶ ጊዴኔ? ጋናስ ዳንዳይቤና።»

ኢሳያሳ ቲንቢቴ 44:9

ኤቃ ሚስሌታ ሜዛይቲ ኡባቲ ሃዳ፤ ሚስሌታ ኢስታፌ ኦዛ ሚሻቲካ ሃዳ፤ ኢስታስ ዮቲዛይቲካ ቆቄ፤ ኢስታስ ኤራቴ ዴና፤ ኢስቲ ዬላታና።

ኢሳያሳ ቲንቢቴ 45:20

«ኢንቴኖ ካዎቴታፔ ቤቲዳይቶ! ኢሲፌ ሺቂዲ ሃዪቴ፤ ማታ ሺቂቴ። ሚፌ ኦሴቲዳ ኤቃ ጾሳ ቶኪዛይታሲኔ፥ ኣሻናዉ ዳንዳዮንታ ጾሳ ዎሲዛይታስ ኤራቴ ዴና።

ኢሳያሳ ቲንቢቴ 56:11

ኢስቲ ጋንጃማ ካና ማላ፤ ሚዲ ካሊ ኤሬቴና። ኢስቲ ኣኬካይ ባይንዳ ሄንንቻታ፤ ኢስቲ ኡባይ ባንታ ኦጌ ኦጌ ቤቴስ፤ ኢሶይ ኢሶይ ባ ጎኣ ጻላ ጼሌስ።

ኤርማሳ ቲንቢቴ 10:14

ኣሲ ኡባይ ኤራ ይዲ ዳሚዴስ፤ ዎርቃ ሴሪሲዛ ኣሲ ኡባይ ባ ኦዳ ኤቃ ጾሳታን ዬላቲዴስ። ጋሶይካ ኤቃ ጾሳቲ ዎርዶ፤ ኢስታስ ሼምፖይ ዴና።

ኤርማሳ ቲንቢቴ 10:8

ሃዳ ጊዲዳ ሚፌ ማሴቲዳ ኤቃ ጾሳታፔ ቲሚርቴ ታማርዛ ኡባይ ኤያኔ ዳማ።

ኤርማሳ ቲንቢቴ 5:21

ኢንቴኖ ኣይፌይ ዲሺን ዴሞንታይቶ! ሃይ ዲሺን ሲዮንታይቶ! ኤያኔ ዩሺ ቆፖንታይቶ! ሃይሳ ሲዪቴ!

ኤርማሳ ቲንቢቴ 51:17

«ኣስ ኡባይ ዳማኔ ኤራቴ ባይንዳይሳ ጊዲዴስ፤ ዎርቃ ሴሪሲዛይቲ ኡባይ ባ ኦዳ ኤቃ ሚስሌታን ዬላቲዳ፤ ኢስቲ ጊግሲዳ ሚስሌቲ ዎርዶኔ ሼምፖይ ባይንዳይታ።

ሂዚቄላ ቲንቢቴ 12:2

«ሃይሶ ኣሳ ናዉ! ኔኒ ማካላንቻ ዴራ ጊዶን ዳሳ። ኢስቲ ማካላንቻ ጊዲዳ ጊሻስ ኢስታስ ኣይፌይ ዴስ ሺን ዴሜቴና፤ ኢስታስ ሃይ ዴስ ሺን ሲዬቴና።

ዳኔላ ቲንቢቴ 12:10

ዳሮቲ ቆሬታና፥ ጋጬቲ ጌያናኔ ኢስታ ቦላ ዎሶይ ባይንዳይታ ጊዳና፤ ኢታቲ ጊዲኮ ባንታ ኢታቴ ጉጂ ጉጂ ባና፤ ኢታታፔ ኢሶይካ ኣኬኬና፤ ጊዶ ኣቲን ኣ ኤራንቻቲ ኣኬካና።

ሆሴኤ ቲንቢቴ 14:9

ኣ ኤራንቻይ ሃ ዮኦታ ኣኬካና። ኣኬኪዛዴይ ሃ ዮኦታ ኤራና፤ ጎዳ ኦጌይ ሱሬ፤ ጺሎቲ ኢዛን ሄሜቴቴስ። ናጋራንቻቲ ጊዲኮ ኢዛን ጴቴቴስ።

Maatosa 12:34

ኢንቴኖ ማርዜራ ዲዛ ሾሻቶ! ኢንቴ ኢታታ ጊዲ ኡቲዲ ዋኒ ሎኦ ሃሳያናስ ዳንዳዬቲ? ኡሎ ጊዶን ኩሚዳዚ ዶናራ ሃሳዬቴስ።

ዮሃኒሳ ሚሺራቾ 5:44

ኢንቴ ኢንቴ ጊዶን ኢሶይ ኢሳፌ ቦንቾ ኮይዛይቶ! ኢሲ ጾሳፌ ቤቲዛ ቦንቾ ኮዮንታይቶ ኢንቴ ዋኒዲ ታና ኣማናና ዳንዳዬቲ?

ዮሃኒሳ ሚሺራቾ 8:43

ታ ዮቲዛይሳ ኣይስ ዩሺ ቆፔኬቲ? ጋሶይካ ኢንቴ ታ ቃላ ሲያና ኮዮንታ ጊሻሳ።

ሃዋሬታ ኦሶ 14:16

ኢዚ ካሴ ኣዳ ዬሌታይኔ ዴሬይ ዉሪካ ባ ኮዪዳ ማላ ሃናናስ ዬዲ ቤሲዴስ።

ኦሮሜ ኣሳስ 1:28

ቃሴካ ኢስቲ ባ ቆፋራ ጾስ ኤሮይ ኑና ማዴና ጊዳ ጊሻስ ኢስቲ ኦናስ ቤሶንታይሳ ኦና ማላ ጾሲ ኢስታ ጎኦንታ ቆፋስ ኣ ኢሚዴስ።

2ጴጽሮሳ ኪታ 2:14

ኢስታስ ናጋራ ኦሶፔ ናጌቶንታ ኣሞቲዛ ኣይፌይ ዴስ፤ ኢስታስ ናጋራ ኦሶ ሲቂዛ ኣሞቴ ኣይ ዎዴካ ሲሜና። ኣማኖን ቡሮ ሚኒ ኤቆንታ ኣሳታ ባሌቴስ፤ ሚሻስ ጋጲጋጴቴስ፤ ኢስቲ ቃንጌቲዳይታ።