ኢሳያሳ ቲንቢቴ 43:2 - ጋሞ ማጻፋ

² ኔኒ ሃ ጊዶራ ፒኒዛ ዎዴ፥ ታኒ ኔናራ ጊዳና። ኔኒ ፒኒሺን ሻፋይ ኔና ሚቴና፤ ኔኒ ታማ ጊዶራ ቢሺን ኔና ጹጌና፤ ታማ ላጮይካ ኔና ሜና።

Geeshsha Maxaafa

² Neni haaththa giddora pinniza wode, tani nenara gidana. Neni pinnishin shaafay nena mittenna; neni tama giddora bishin nena xuuggenna; tama lacoykka nena meenna.

ኢሳያሳ ቲንቢቴ 43:2 ပူးပေါင်းရင်းမြစ်များ

ኢዮቤ ማጻፋ 5:19

ኡሱፑን ቆሞ ቦሻፔ ኔና ኣሺ ኤካና፤ ላፑንዛንካ ኣይ ቆሆይካ ኔ ቦላ ጋኬና።

ዬ ማጻፋ 23:4

ኔኒ ታ ጎዳይ ታናራ ዲዛ ጊሻስ ታኒ ጊርዲ ጊዳ ማ ሾባ ጊዶራ ቢኮካ ኢታ ሚሻስ ባቢኬ። ኔ ጉፌይኔ ጋቱማይ ታና ሚንስ።

ዬ ማጻፋ 32:6

ሄሳ ጊሻስ ጺሎ ኣሲ ኔኒ ቤቲዛ ዎዴ ኔና ዎሶ፤ ዲኦይ ኢዚ ዲዛ ሄራ ሜጪ ኤፊኮካ ኢዛ ቦቼና።

ዬ ማጻፋ 66:10

ኣቤት ጾሳዉ! ኔኒ ኑና ፓጫ ጼላዳሳ፤ ቢራ ሴሪሲ ጌሺዛ ማላ ኑና ጌሻዳሳ።

ዬ ማጻፋ 66:12

ኑ ሞርኬቲ ኑና ሁኤራ ዱጌ ዬና ማላ ኦዳሳ፤ ኑኒ ሃ ጊዶራኔ ታማ ጊዶራ ካንዶስ፤ ጊዶ ኣቲን ሃኢ ኑና ኢሻሎ ሶሆ ኤሃዳሳ።

ዬ ማጻፋ 91:15

ኢዚ ታና ጼይጊዛ ዎዴ ታኒ ኢዛስ ኮያና፤ ኢዚ ሜቶቲዳ ዎዴ ታኒ ኢዛራ ኢሲፌ ጊዳና፤ ታኒ ኢዛ ኣሻናኔ ቦንቻና።

ኬሳ ማጻፋ 14:29

ጊዶ ኣቲን ኢስራኤሌ ኣሳይ ሃ ኢስታስ ኡሻቻራኔ ሃዲርሳራ ጎዳ ማላ ኤቂ ዲሺን ኣባ ጊዶራ ሜላ ቢታ ቦላራ ሄሜቲ ቢዴስ።

ኬሳ ማጻፋ 3:12

ጾሲካ ኢዛ፥ «ታኒ ኔናራ ጊዳና፤ ቃሴ ታኒ ኔና ኪቲዳይሳስ ማላታይ ሃይሳ፤ ኔኒ ሄ ኣሳ ጊብጼፔ ኬሲዳ ዎዴ ሃይሳ ዙማ ቦላን ኢንቴ ታስ ጾሳስ ጎይናና» ጊዴስ።

ኢሳያሳ ቲንቢቴ 29:6

ኡባፌ ዎልቃማ ጎዳይ ዳዳን፥ ቢታ ቃን፥ ጊታ ጬንጉርሳን፥ ጎቴ ጫርኮኒኔ ዎልቃማ ኣባ ዳምባላን ኡባ ሚዛ ታማ ላጮን ያና።

ኢሳያሳ ቲንቢቴ 30:27

ቤኢቴ፥ ጎዳ ሱንይ ኤጺዛ ሃንቆራ፥ ሻራ ማላ ፒ ጊዳ ጩዋራ ሃኮፔ ያና፤ ኢዛ ሜቴርሻቲ ሃንቆን ኩሚዳ፤ ኢዛ ኢንጻርሳይካ ጹጊዛ ታማ ማላ።

ኢሳያሳ ቲንቢቴ 41:10

ታኒ ኔናራ ዲዛ ጊሻስ ያዮፋ፤ ታኒ ኔ ጾሳ ጊዲዳ ጊሻስ ዳጋሞፋ። ታኒ ኔና ሚንናኔ ማዳና። ታ ጺሎቴ ኡሻቻ ኩሼን ዜምፒሳ ኦይካና።

ኢሳያሳ ቲንቢቴ 41:14

ኔኖ ጉጹኔዞ ያቆቤ፥ ኔኖ ቄሪ ኢስራኤሌ፥ ‹ያዮፋ ታኒ ኔና ማዳና› ጌስ። ኔና ዎዚዛይ ኢስራኤሌ ጌሻዛ።

ኢሳያሳ ቲንቢቴ 43:5

«ታኒ ኔናራ ዲዛ ጊሻስ ያዮፋ፤ ታኒ ኔ ናይታ ኣርሼይ ሞኪዛ ባጋፌ ኤሃና፤ ኔና ኣርሼይ ዉሊዛ ባጋፌ ሺሻና።

ኤርማሳ ቲንቢቴ 42:11

ኢንቴ ሃኢ ባቢሲዳ ባቢሎኔ ካዎስ ባቦፍቴ! ታ ኢንቴና ኢዛ ኩሼፔ ዎ ኤካናሲኔ ኣሻናስ ኢንቴናራ ዲዛ ጊሻስ ያዮፍቴ!

ኤርማሳ ቲንቢቴ 46:28

ታ ኔናራ ዲዛ ጊሻስ ታ ኦሳንቻ ያቆቤ ባቦፋ። ታ ኔና ኢዛን ላሊዳ ካዎቴ ኡባ ሙሌራ ይሲኮካ ኔና ጊዲኮ ሙሌራ ይሲኬ። ታ ኔስ ቤሲዛ ቂጻቴ ቃጻያና ኣቲን ሜላ ኣጊኬ» ጌስ ጎዳይ።

ዳኔላ ቲንቢቴ 3:23

ሄ ሄ ኣሳቲ ጊዲኮ ኢስቲ ሚን ቃቺን ላጪዛ ኢቶኔ ታማን ዬጌቲዳ።

ሃጌ ቲንቢቴ 1:13

ቃሴካ ጎዳይ ኪቲዳ ሃጌይ ሄሳ ጎዳ ኪታ ዴሬዛስ፥ «ጎዳይ ታ ኢንቴናራ ዳይስ» ጌስ ጊዲ ዮቲዴስ።

ዛካራሳ ቲንቢቴ 13:9

ሄ ኣቲዳ ኢሲ ኩሼ ኣሳ ታ ጌዴ ታማን ዬጋና፤ ቢራ ታማን ጌሺዛ ማላ ታ ጌሻና፤ ዎርቃ ማላካ ፓጫና፤ ኢስቲ ታ ሱን ጼይጋና፤ ታኒካ ኢስታስ ኮያና፤ ታ ኢስታስ፥ ‹ታ ዴሬታ› ጋና፤ ኢስቲካ፥ ‹ኑ ጎዳ› ጋና» ጊዴስ።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

2ጺምቶሳስ 4:17

ጊዶ ኣቲን ቃላ ኪታይ ታ ባጋራ ኩሜ ዮቴታና ማላኔ ዴሬ ኣሳይ ዉሪ ሲያና ማላ ጎዳይ ታ ኣቻን ኤቂዲ ታና ሚንዴስ፤ ጋሞ ዶናፔካ ታና ኣሺዴስ።

2ጺምቶሳስ 4:22

ጎዳይ ኔናራ ጊዶ፤ ጎዳ ኪያቴ ኢንቴናራ ጊዶ።

Ibirawe 11:29

ኢስራኤሌ ኣሳይ ሜላ ቢታ ቦላ ሄሜቲዛ ማላ ዞኦ ኣባ ጊዶራ ኣማኖን ፒኒዴስ፤ ጊብጼ ኣሳይ ቃሴ ኢስታ ሃናና ጊሼ ኣባን ሚቴቲዴስ።

ኢያሶ ማጻፋ 1:5

ኔኒ ዲዛ ዎዴ ኡባን ኔናራ ኦኒካ ኤቄታና ዳንዳዬና፤ ታኒ ካሴ ሙሴራ ጊዲዳ ማላ ኔናራካ ጊዳና፤ ሙሌካ ታ ኔና ዬጊኬኔ ኣጊኬ።

ኢያሶ ማጻፋ 1:9

ኔኒ ቢዛሶን ኡባን ጎዳ ኔ ጾሳይ ኔናራ ዲዛ ጊሻስ ኣይኮይ ባ፥ ሚና፥ ያዮፋ፥ ዳጋሞፋ ጋዳ ታ ኔና ኣዛዛቤኪና!» ጊዴስ።