ኢሳያሳ ቲንቢቴ 43:1 - ጋሞ ማጻፋ

¹ ሃኢ ጊዲኮ ያቆቤ፥ ኔና ሜዳይ፥ ኢስራኤሌ! ኔና ጊግሲዳ ጎዳይ፥ «ታኒ ኔና ዎዚዳ ጊሻስ ያዮፋ። ታኒ ኔና ኔ ሱንን ጼይጋዲስ፤ ኔኒ ታሳ።

Geeshsha Maxaafa

¹ Ha7i gidikko Yaaqoobe, nena medhdhiday, Isra7eele! Nena giigsida GODAY, «Tani nena wozzida gishshas yayyofa. Tani nena ne sunththan xeygadis; neni taassa.

ኢሳያሳ ቲንቢቴ 43:1 ပူးပေါင်းရင်းမြစ်များ

ሜቴ ማጻፋ 32:28

ኣዴዚካ ኢዛ፥ «ሃይሳፌ ሲንን ኔ ሱን ኢስራኤሌ ጌቴቶ ኣቲን ያቆቤ ጌቴቶፎ፤ ኣይስ ጊኮ ኔኒ ጾሳራኔ ኣሳራ ባጼታዳ ጾናዳሳ» ጊዴስ።

ዬ ማጻፋ 100:3

ጎዳይ ጾሳ ጊዲዳይሳ ኤሪቴ፤ ኑና ሜዳይ ኢዛ፤ ኑኒ ኢዛይታ፤ ኑኒ ኢዛ ኣሳቲ ኢዚ ሄሚዛ ዶርሳ ዉዴታ።

ዬ ማጻፋ 102:18

ቡሮን ዬሌታናይ ጎዳ ጋላታና ማላ ሃይሲ ዪዛ ዬሌታስ ጻፌቶ።

ኬሳ ማጻፋ 15:13

«ኔ ዎዚዳ ኔ ኣሳ ዉሮንታ ኔ ሲቆን ካሌዳሳ። ኔኒ ኔ ዎልቃን ኢስታ ኔ ኣቂዛ ጌሻ ሶ ጌልዳሳ።

ኬሳ ማጻፋ 15:16

ኣቤት ጎዳዉ! ዳጋማይኔ ሂርጋይ ኢስታ ኦይካና። ኢስቲ ኔ ዎልቃ ጊታቴ ቤኢዲ፥ ኔ ኣሳይ ኣና ጋካናስ፥ ኔኒ ዎዚዳ ኣሳይ ኣና ጋካናስ፥ ሹቻ ማላ ቶሌቲ ኤቃና።

ኬሳ ማጻፋ 33:17

ሂስቲን ጎዳይ ሙሴ፥ «ታ ኔናን ሳቤቲዳ ጊሻሲኔ ኔና ኔ ሱንን ኤሪዛ ጊሻስ ኔኒ ታና ኦይቺዳይሳ ቃሴካ ታኒ ኦና» ጊዴስ።

ኢሳያሳ ቲንቢቴ 27:11

ኢዚ ጼራይ ሜሊዲ ሜቃና፤ ማጫሳቲካ ሚጺ ኤና፤ ኣኬካይ ባይንዳ ዴሬ ጊዲዳ ጊሻስ ኢዛ ሜዳይ ኢዛስ ቃቴና፤ ኦዳይሲካ ኢዛ ማሬና።

ኢሳያሳ ቲንቢቴ 41:14

ኔኖ ጉጹኔዞ ያቆቤ፥ ኔኖ ቄሪ ኢስራኤሌ፥ ‹ያዮፋ ታኒ ኔና ማዳና› ጌስ። ኔና ዎዚዛይ ኢስራኤሌ ጌሻዛ።

ኢሳያሳ ቲንቢቴ 42:6

«ታኒ ጎዳይ ኔና ጺሎቴን ጼይጋዲስ፤ ታ ኔ ኩሼ ኦይካና፤ ታ ኔና ናጋና። ታኒ ኔና ካዎቴስ ጫቆ ቃላ፥ ኣይዛቤታስካ ፖኦ ሂስታና

ኢሳያሳ ቲንቢቴ 43:21

ታኒ ታስ ጊግሲዳ ዴሬይ ታ ጋላታ ኣዋጃና ማላ ታ ሃይሳ ኦና።

ኢሳያሳ ቲንቢቴ 43:5

«ታኒ ኔናራ ዲዛ ጊሻስ ያዮፋ፤ ታኒ ኔ ናይታ ኣርሼይ ሞኪዛ ባጋፌ ኤሃና፤ ኔና ኣርሼይ ዉሊዛ ባጋፌ ሺሻና።

ኢሳያሳ ቲንቢቴ 43:7

ታ ሱንን ጼይጌቲዳ ኡባ፥ ታ ቦንቾስ ታ ሜዳይታ፥ ታኒ ጊግሲዳይሳኔ ታ ኦዳይሳ ሃሚቴ» ጋና።

ኢሳያሳ ቲንቢቴ 44:2

ኔና ሜዳይ፥ ኔ ኣዬይ ኡሎን ኦዳይ፥ ኔና ማዲዛ ጎዳይ፥ ‹ታ ኣሽካራ ያቆቤ! ታኒ ዶሪዳ ዪሹሩኔ! ያዮፋ።

ኢሳያሳ ቲንቢቴ 45:11

«ኢስራኤሌ ጌሻይ፥ ኢዛ ሜዳ ጎዳይ ሲንፌ ሃናና ሃኖታ ጊሻስ፥ ‹ታ ናይታ ጊሻስ ታና ኦይቼቲ? ታ ኩሼ ኦሶታ ጊሻስ ኣዛዜቲ?

ኢሳያሳ ቲንቢቴ 48:17

ጎዳይ ኔና ዎዚዳ ኢስራኤሌ ጌሻይ፥ «ታኒ ጎዳ ኔ ጾሳይ፥ ኔና ጎኢዛዝ ታማርሲዛይሳ፥ ባናስ ቤሲዛ ኦጌራ ኔና ካሌዛይ ታና።

ኢሳያሳ ቲንቢቴ 48:20

ባቢሎኔ ቢታፌ ኬዚቴ፤ ባቢሎኔ ኣሳፔ ባቃቲቴ! ሃይሳ ኢሊሊሳን ኤሪሲቴ፤ ኣዋጂቴ፤ ቢታ ጋጻ ጋካናስ ዮቲቴ፤ «ጎዳይ ባ ኣሽካራ ያቆቤ ዎዚዴስ» ጊቴ።

ኢሳያሳ ቲንቢቴ 49:1

ኢንቴኖ ሃሩሮቶ፥ ታ ጊዛይሳ ሲዪቴ። ኢንቴኖ ሃሆን ዲዛ ካዎቴቶ፥ ሃይሳ ኤዝጊቴ። ታኒ ታ ኣዪ ኡሎን ዲሺን ጎዳይ ታና ጼይጊዴስ፤ ታ ዬሌቶንታ ዲሺን ታና ታ ሱንን ጼይጊዴስ።

ኢሳያሳ ቲንቢቴ 49:26

ኔና ኡንኤዛይቲ ባንታርካ ባ ኣሾ ማና፤ ዎይኔ ኡሻን ማቲዛ ማላ ባንታርካ ባ ሱን ማታና፤ ሄሳፌ ጉዬ ኣሳ ዜሬ ኡባይ፥ ታኒ ጎዳ፥ ኔና ኣሺዛይሳ፥ ኔና ዎዚዛይሳኔ ያቆቤ ዎልቃማ ጊዲዳይሳ ሄሳን ኤራና» ጌስ።

ኢሳያሳ ቲንቢቴ 51:13

ኔና ሜዳይሳ፥ ሳሎታ ቶሊዳይሳ፥ ሳኣስ ዮች ዬጊዳይሳ ኔ ባላዳሳ፤ ኔና ይሳናስ ጊጌቲዳ ሜንጼ ኢታዛ ጋሶፔ ዴንዲዳይሳን ኡባ ጋላስ ሺሮን ዳሳ፤ ሂስቲን ሄ ሜንጼ ኢታዛ ሃንቆይ ሃኢ ኣዋን ዲዜ?

ኢሳያሳ ቲንቢቴ 52:9

ኢንቴኖ ዬሩሳላሜን ቆሌቲዳ ሶሆቶ! ኢንቴ ኢሲ ቦላ ኢሊሊሳን ዬጺቴ፤ ጎዳይ ባ ዴራ ሚንዴስ፤ ዬሩሳላሜ ካታማካ ዎዚዴስ።

ኢሳያሳ ቲንቢቴ 62:12

ኢስቲ፥ «ጎዳይ ዎዚዳ ጌሻ ዴሬታ፤ ኔካ ዬጌታ ኣቶንታሮ ኮዬቲዛ ካታማዮ» ጌቴታና።

ኢሳያሳ ቲንቢቴ 63:16

ኣብራሃሜይ ኑና ኤሮንታ ኣጊኮ፥ ኢስራኤሌይካ ኑና ኣኬኮንታ ኣጊኮካ ኔኒ ኑስ ኣዋ። ኣቤት ጎዳዉ፥ ኔኒ ኑስ ኣዋ፤ ቤኒሶፌካ ዶሚዲ ኔ ሱንይ ኑና ዎዚዛይሳ።

ኢሳያሳ ቲንቢቴ 63:9

ኢስታ ሜቶ ኡባን ጬጪዴስ፤ ኢዛ ዱሳ ኤሪሲዛ ኪታንቻይ ኢስታ ኣሺዴስ፤ ኢዚ ባ ሲቆኒኔ ባ ማሮቴን ኢስታ ዎዚዴስ። ካሴ ኣዳ ዎዴ ኡባን ኢስታ ዴንዴሲኔ ቶኪዴስ።

ኤርማሳ ቲንቢቴ 31:3

ጎዳይ ኑስ ሃሆሶፔ ቆንጪዲ፥ «ታኒ ኢንቴና ሜርና ሲቆን ዶሳዲስ፤ ሄሳ ጊሻስ ታ ቃቴን ኢንቴና ታኮ ሺሻዲስ።

ኤርማሳ ቲንቢቴ 33:24

«ሃ ኣሳይ፥ ‹ጎዳይ ባ ዶሪዳ ናምኡ ካዎቴታ ዬጊ ኣጊዴስ› ጊ ሃሳይዛይሳ ኔ ኣኬካቤኪ? ኢስቲ ታ ዴራ ካዲ ካዎቴን ቆዲቤቴና» ጌስ።

ኤርማሳ ቲንቢቴ 33:26

ታኒ ያቆቤ ዜሬታኔ ታ ኣይሌ ዳዊቴ ዜሬታ ኣጋጋና፤ ዳዊቴ ዛሬፔ ኣብራሃሜ፥ ዪሳቃኔ ያቆቤ ዛሬታ ቦላ ካዎታና ማላ ዶሪኬ፤ ታኒ ኢስታስ ቃታና፤ ኢስታፌ ዲኤቲዳይሳካ ኢስታስ ዛራና» ጌስ።

ኤርማሳ ቲንቢቴ 50:34

ጊዶ ኣቲን ኢስታ ዎዚዛይ ሚኖ፤ ኢዛ ሱንይካ ጎዳ ኡባፌ ዎልቃማ ጾሳ፤ ኢስቲ ቢታስ ሼምፖ ኢማናስ ኬሂ ባጼቴስ፤ ጊዶ ኣቲን ባቢሎኔን ዲዛይታስ ሼምፖ ይሴስ» ጌስ።

ኤርማሳ ዚላስ 3:57

ታ ኔና ጼይጊዳ ዎዴ ኔ ታኮ ሺቃዳ፥ «ያዮፋ» ጋዳሳ።

ሂዚቄላ ቲንቢቴ 16:8

«ቃሴካ ታ ሄራ ኣ ባሼ ጼላዲስ፤ ኔ ጌሎ ጋኪዳ ጌላኦ ጊዲዳይሳ ቤኣዳ ታ ማይኦ ማጫራ ኔ ቦላ ዬጋዳ ኔ ካሎቴ ካማዲስ፤ ኔስ ጫቃዲስ፤ ኔናራ ቃላ ጌላዲስ፤ ኔ ታሳ» ጌስ ኡባ ሃሪዛ ጎዳይ።

ዳኔላ ቲንቢቴ 10:19

ኢዚካ ታና፥ «ኬሃ ዶሴቲዳይሶ! ኔስ ሳሮ ጊዳና፤ ባቦፋ ኣይኮይ ባ ሚና!» ጊዴስ። ኢዚ ታስ ዮቲን ታኒ ሚናዳ፥ «ታ ጎዶ! ኔኒ ታስ ሚኖቴ ኢሚዳ ጊሻስ ኣኔ ኔ ዮታናይሳ ታስ ዮታ!» ጋዲስ።

ዛካራሳ ቲንቢቴ 13:9

ሄ ኣቲዳ ኢሲ ኩሼ ኣሳ ታ ጌዴ ታማን ዬጋና፤ ቢራ ታማን ጌሺዛ ማላ ታ ጌሻና፤ ዎርቃ ማላካ ፓጫና፤ ኢስቲ ታ ሱን ጼይጋና፤ ታኒካ ኢስታስ ኮያና፤ ታ ኢስታስ፥ ‹ታ ዴሬታ› ጋና፤ ኢስቲካ፥ ‹ኑ ጎዳ› ጋና» ጊዴስ።

ሚልካሳ ቲንቢቴ 3:17

«ታኒ ኦዛ ጋላስ ኢስቲ ታስ ቡዞ ሚሽ ጊዳና» ጌስ ኡባፌ ዎልቃማ ጎዳ ጾሳይ፤ «ኣዋይ ባስ ኦዛ ና ኣሺዛ ማላ ታኒካ ኢስታ ኣሻና።

ሃዋሬታ ኦሶ 27:20

ዳሮ ዎዴ ጋካናስ ኣርሼካ፥ ጾሊንቴካ ቤኦንታ ኣጊዳ ጊሻሲኔ ጫርኮይካ ካሴፔ ሚኒ ሚኒ ቢዛ ጊሻስ ሃይሳፌ ጉዬ ኑ ኣታና ዳንዳዮኮ ጊዛ ቆፋን ኡፋይስ ቃንጺዶስ።

ሃዋሬታ ኦሶ 27:25

ሄሳ ጊሻስ ኢንቴኖ ሃ ኣሳቶ ኣይኮይ ባ፤ ጾሲ ታስ ሃይሳ ዮቲዳይሳ ፖላናይሳ ታ ኣማናይስ።

ኤፌሶኔ ኣሳስ 2:10

ሄሲካ ጾሲ ካሴ ኮይሮ ጊግሲ ዎዳ ሎኦ ኦሶ ኑኒ ኦና ማላ ዬሱስ ኪርስቶሳ ባጋራ ኑኒ ናምኣን ሜቲዳይታኔ ጾሳ ሜቴታ።

ዛሬ ማጻፋ 32:15

«ኢስራኤሌ ኣሳይ ኦርዲዴሲኔ ማካሊዴስ። ዳሮ ሚዲ ሞዴሲኔ ሞላቲዴስ፤ ባና ሜዳ ጾሳ ኣጊዴስ፤ ባና ኣሺዳይሳካ ካዉሺዴስ።

ዛሬ ማጻፋ 32:6

«ኢንቴኖ ኤያቶ! ቃሴካ ዎዚናይ ባይንዳይቶ! ኢንቴ ጎዳስ ኢሚዛ ዛሮይ ሃይሴ? ኢንቴና ሜዳ ኢንቴ ኣዋይ ኢዛ ጊዴኔ? ኢንቴና ሜዲ ሃይሳስ ጋዳይ ኢዛ ጊዴኔ?

ዛሬ ማጻፋ 32:9

«ኢስራኤሌይ ጎዳስ ጊሻ፤ ያቆቤይካ ኢዛስ ቡዞ ሚሻ።

2ጺምቶሳስ 2:19

ጊዶ ኣቲን፥ «ጎዳይ ባስ ጊዲዛይታ ኤሬስ።» ቃሴካ፥ «ጎዳ ሱን ጼይጊዛይ ዉሪ ኢታፔ ሃኮ» ጊዛ ማታሜይ ኢዛ ቦላ ዲዛ ላሜቶንታ ጾሳ ዮቻይ ላሜቲቤና።

Titosas 2:14

ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።

ዮሃኒሳ ኣጁታ 5:9

ኦራ ማዛሙሬ ሂዝጊ ዬጺዳ፤ «ኔኒ ኣስ ዱማ ዱማ ኮቻፌ፥ ዱማ ዱማ ቃላን ሃሳይዛይታፔ፥ ዱማ ዱማ ቆሞፌኔ ዱማ ዱማ ዴሬፔ ጾሳስ ዎዛናስ ሹኬቲዳ ጊሻስ ሄ ጻ ማጻፋዛ ኤካናሲኔ ማታሜታካ ዶያናስ ቤሲዛዴ ጊዳዳሳ።