ኢሳያሳ ቲንቢቴ 42:5 - ጋሞ ማጻፋ

⁵ ሳሎታ ሜዳይ፥ ኢስታ ሚጪዳይካ፥ ሳኣኔ ኢዚን ዲዛ ኡባ ጊግሲዳይ፥ ባ ዴሬስ ፔኖ ኢዚን ዴኢዛ ኣሳታስ ሼምፖ ኢሚዛ ጎዳ ጾሳይ፥

Geeshsha Maxaafa

⁵ Salota medhdhiday, istta miccidaykka, sa7anne izin diza ubbaa giigsiday, ba deres peeno izin de7iza asatas shemppo immiza GODAA Xoossay,

ኢሳያሳ ቲንቢቴ 42:5 ပူးပေါင်းရင်းမြစ်များ

ሜቴ ማጻፋ 1:1

ጾሲ ኮይሮ ሳሎኔ ሳኣ ሜዴስ።

ሜቴ ማጻፋ 2:7

ሄሳፌ ጉዬ ጎዳይ ቢታፌ ኢሲ ኣስ ሜዲ ኢዛ ሲን ዴኦ ሼምፖ ፑኒን ኣዴዚ ሼምፖራ ዲዛዴ ጊዲዴስ።

ኢዮቤ ማጻፋ 12:10

ሼምፖራ ፓጻ ዲዛ ሜቴ ኡባይኔ ኢሲ ኢሲ ኣሳ ሼምፖይ ጾሳ ማታ ጊዶን ዴስ።

ኢዮቤ ማጻፋ 27:3

ጾሲ ታና ሼምፖራ ዎዳ ዎዴይ ጋካናስ፥

ኢዮቤ ማጻፋ 33:4

ታና ሜዳይ ጾሳ ኣያና፤ ታስ ዴኦ ኢሚዳይ ኡባ ዳንዳይዛ ጾሳ ኣያና።

ኢዮቤ ማጻፋ 34:14

ጾሲ ባ ኣያናዛኔ ባ ሼምፖዛ ባኮ ዛሪ ኤካና ኮዪዳኮ፥

ዬ ማጻፋ 136:6

ቢታ ሃ ቦላን ሚጪዴስ፤ ኢዛ ሲቆይ ሜርናሳ።

ዬ ማጻፋ 33:6

ሳሎቲ ጎዳ ቃላን ሜቲዳ። ኢዛ ዶናፔ ኬዚዛ ፔኖን ሳሎን ዲዛ ሜቴቲ ሜቲዳ።

ዬ ማጻፋ 96:5

ዴሬ ኣሳይ ጎይኒዛ ጾሳቲ ኡባይ ኤቃ ጾሳታ፤ ጊዶ ኣቲን ጎዳይ ሳሎታ ሜዳ ጾሳ።

ኢሳያሳ ቲንቢቴ 37:16

«ኣቤት ጎዳዉ፥ ኡባፌ ዎልቃማ ጾሳዉ፥ ኪሩቤታፔ ጊዶን ኡቲዛ ኢስራኤሌ ጾሳዉ፥ ሳኣ ካዎቴታ ኡባ ቦላ ኔ ጻላ ጾሳ። ሳሎኔ ሳኣ ኔኒ ሜዳሳ።

ኢሳያሳ ቲንቢቴ 40:12

ሃታ ባ ኩሼ ኩጴን ማኪዳይ፥ ሳሎታ ታኪዳይ፥ ባና ዳቾን ማኪ ኦይኪዳይ፥ ዙማታ ባ ሜዛኔን፥ ዙምቡላታካ ሜዛኔን ዎዳይ ኦኔ?

ኢሳያሳ ቲንቢቴ 40:22

ኢዚ ቢታ ዩሾፔ ቦላራ ባ ኣራታን ኡቴስ፤ ቢታ ቦላ ዲዛ ዴሬይ ቦሌ ማላ፤ ሳሎታ ማጋላሻ ማላ ሚጬስ፤ ዱሳሶ ዱንካኔ ማላ ቶኬስ።

ኢሳያሳ ቲንቢቴ 40:26

ኢንቴ ኣይፌ ቁ ሂስቲዲ ፑዴ ሳሎ ጼሊቴ፤ ሃይታንታ ኡባ ሜዳይ ኦኔ? ሳሎ ጾሊንቴታ ኢሳ ኢሳ ኬሲዛይ፥ ኢስታ ሱንን ሱንን ጼይጊዛይ ኢዛ። ኢዚ ባ ጊታቴኒኔ ባ ኤራቴ ሚኖቴፌ ዴንዲዳይሳን ኢስታፌ ኢሶይካ ዬና።

ኢሳያሳ ቲንቢቴ 40:28

ኔ ኤራቤኪ? ኔ ሲያቤኪ? ጎዳይ ሜርና ጾሳ፤ ኢዚ ቢታ ኡባካ ሜዳይሳ። ኢዚ ዳቡሬና፤ ኣዛሌና፤ ኢዛ ኣኬካይካ ኦናንካ ፒልጌቴና።

ኢሳያሳ ቲንቢቴ 44:24

ኔና ኣዪ ኡሎን ሜዲ ዎዚዳ ጎዳይ፥ «ኡባ ሜዳ ሳሎታ ታርካ ፒዲሲዳይ፥ ሳኣካ ሚጪዳይ ታና ጎዳ።

ኢሳያሳ ቲንቢቴ 45:12

ሳኣ ኦዳይ ታና፤ ኣሲካ ኢዚ ቦላ ሜዲስ። ሳሎታ ታኒ ታ ኩሼን ቶላዲስ፤ ኢስታ ቦላ ሳሎ ሜታታ ዎዲስ።

ኢሳያሳ ቲንቢቴ 45:18

ሳሎታ ሜዳይ ኢዚ ጎዳ፤ ቢታ ጊግሲዲ ሜዳይ፥ ሳኣስ ዮች ዬጊዳይ፥ ኢዛ ኣሳ ዱሳሶ ጊዳና ማላ ኣቲን ጮ ሜላ ዎናስ ሜንታ ጎዳይ፥ ታኒ ጎዳ፤ ታፔ ሃራይ ዴና።

ኢሳያሳ ቲንቢቴ 48:13

ቢታስ ዮች ዬጊዳይ ታ ኩሼ፤ ሳሎታ ሚጪዳይ ታ ኡሻቻ ኩሼ። ታ ኢስታ ጼይጊዛ ዎዴ ኢስቲ ኡባይካ ኢሲ ቦላ ኤቄቴስ።

ኢሳያሳ ቲንቢቴ 57:16

ኣሳ ኣያናይ ታ ሲንን ዳቡሮንታ ማላ ታ ሜዳ ኣሳስ ፔኖይ ኤቆንታ ማላ ታ ሜርናስ ዋላሲኬ፤ ታ ኡባቶ ሃንቄቲኬ።

ኤርማሳ ቲንቢቴ 10:12

ባ ዎልቃን ሳኣ ሜዳይ፥ ባ ኣ ኤራቴን ኣላሜ ኤሲዳይ፥ ባ ኣኬካን ሳሎ ሚጪዳይ ጎዳ።

ኤርማሳ ቲንቢቴ 27:5

ታ ጊታ ዎልቃኒኔ ሚጬቲዳ ታ ኩሼን ሳኣኔ ሳኣ ቦላ ዲዛ ኣሲኔ ሜሄ ሜዲስ። ኢስታ ታ ዶሲዳዴስ ኢማና።

ኤርማሳ ቲንቢቴ 32:17

«ኣቤት ኡባፌ ዎልቃማ ጎዳዉ! ኔኒ ሳሎታኔ ሳኣ ኔ ጊታ ዎልቃኒኔ ሚጬቲዳ ኔ ኩሼን ሜዳሳ፤ ኔና ጾኒዛ ኢሲ ሚሺካ ዴና።

ኤርማሳ ቲንቢቴ 38:16

ካዎ ሴዴቂያሲ ኤርማሳስ፥ «ሼምፖ ኑስ ኢሚዳ ዴኦ ጾሲ ቤኢን ታ ኔና ዎኬ፤ ኔና ዎናስ ኮይዛይታስካ ታ ኣ ኢሚኬ» ጊዲ ቆታን ጫቂዴስ።

ሂዚቄላ ቲንቢቴ 18:4

ቤኢቴ ኣሳ ኡባ ሼምፖይ ታሳ፤ ዬሊዳይታ ሼምፖይ ታስ ጊዲዳ ማላ ኢስታ ናይታ ሼምፖይካ ታሳ፤ ናጋራ ኦዳ ሼምፖያ ሃይቃና።

ዳኔላ ቲንቢቴ 5:23

ሄሳፌ ቦላራካ ሳሎ ጎዳ ቦላ ኔ ኦቶሬታዳ ኔርካ ኔና ቁ ቁ ሂስታዳሳ፤ ጾሳ ኬፌ ዲኤቲ ዪዳ ዎርቃፌኔ ቢራፔ ኦሴቲዳ ሚሻታ ኔኒ ኤሂሳዳ፥ ኔኒ ኔ ሹሜቲ፥ ኔ ማቼቲኔ ኔ ላጌቲ ኢሲፌ ኢስታን ዎይኔ ኡሹ ኡዪዴታ፤ ሂስቲዲ ጼላናስ፥ ሲያናስ፥ ኣኬካናስ ዳንዳዮንታይታ ዎርቃፌ፥ ቢራፔ፥ ጻርቂማላፔ፥ ቢራታፔ፥ ሚፌኔ ሹቻፌ ኦሴቲዳ ኤቃ ጾሳታ ጋላቲዴታ፤ ኔ ሼምፖኔ ኔ ኦጌ ባ ኩሼን ኦይኪዳ ጾሳ ቦንቻቤካ።

ኣሞጼ ቲንቢቴ 9:6

ባ ዱሳሶ ሳሎ ኦዳይ፥ ሳሎካ ሳኣፔ ቦላን ሚንዳይ፥ ኣባ ሃ ኣዛዚዲ ቢታ ቦላ ጎጊሲዛይ ኢዛስ ሱንይ ጎዳ።

ዛካራሳ ቲንቢቴ 12:1

ሳሎ ሚጪዳ ጎዳይ፥ ሳኣ ሜዳ ጎዳይ ኣሳ ናይታስ ዴኦ ሼምፖ ኢሚዳ ጎዳይ ኢስራኤሌ ናይታስ ዮቲዳ ቃላይ ሃይሳፌ ካሊዛይሳ፤

ሃዋሬታ ኦሶ 17:24

ሃይሳ ኣላሜዛኔ ኢዛ ጊዶንካ ዲዛይሳ ኡባ ሜዳ ጾሲ ኢዚ ሳሎኔ ሳኣ ጎዳ፤ ሄሳ ጊሻስ ኢዚ ኣሳ ኩሼን ኬጼቲዳ ኬን ዴና።

ሃዋሬታ ኦሶ 17:25

ኢዚ ኣስ ኡባስ ዴኦኔ ሼምፖ፤ ቃሴካ ሃራ ዉርሲ ኢሚዛይሳ ጊዲዳ ጊሻስ ኢዛስ ፓጪዛዚ ባይንዳ ጊሻስ ኢዚ ኣሳ ኩሼፔ ማዶ ኤኬና።

Ibirawe 1:2

ቃሴ ሃይሳ ዉርሴ ዎዴ ቦላ ዉርሲ ላቲሲዳዴኔ ሃ ኣላሜዛ ሜዳ ባ ናዛ ባጋራ ኑስ ዮቲዴስ።