ኢሳያሳ ቲንቢቴ 42:4 - ጋሞ ማጻፋ

⁴ ኢዚ ቢታ ቦላ ሱሬ ፒርዳ ኤሃና ጋካናስ ዳቡሬና፤ ሂዶታካ ቃንጼና፤ ሃሩሮቲ ኢዛ ዎጋን ኣማኔታና» ጌስ።

Geeshsha Maxaafa

⁴ Izi biitta bolla suure pirda ehana gakkanaas daaburenna; hidotakka qanxxenna; haruroti iza wogan ammanettana» gees.

ኢሳያሳ ቲንቢቴ 42:4 ပူးပေါင်းရင်းမြစ်များ

ሜቴ ማጻፋ 49:10

ዴሬ ሃሪዛዴይ ያና ጋካናሼ፥ ካዎቴ ኣልጋይ ዩሁዳፔ፥ ሃላቃቴ ጉፌይ ኢዛ ኬፌ ሻኬቴና። ቃሴ ዴሬ ኣሳይ ኢዛስ ኣዛዜታና።

ዬ ማጻፋ 22:27

ሳኣ ጋጻ ጋካናስ ዲዛ ኣሳይ ኢዛ ጊሻስ ዩሺ ቆፓና፤ ጎዳኮ ሲማና። ኣሳ ዜሬ ኡባይ ኢዛስ ጎይናና።

ኢሳያሳ ቲንቢቴ 40:22

ኢዚ ቢታ ዩሾፔ ቦላራ ባ ኣራታን ኡቴስ፤ ቢታ ቦላ ዲዛ ዴሬይ ቦሌ ማላ፤ ሳሎታ ማጋላሻ ማላ ሚጬስ፤ ዱሳሶ ዱንካኔ ማላ ቶኬስ።

ኢሳያሳ ቲንቢቴ 40:28

ኔ ኤራቤኪ? ኔ ሲያቤኪ? ጎዳይ ሜርና ጾሳ፤ ኢዚ ቢታ ኡባካ ሜዳይሳ። ኢዚ ዳቡሬና፤ ኣዛሌና፤ ኢዛ ኣኬካይካ ኦናንካ ፒልጌቴና።

ኢሳያሳ ቲንቢቴ 41:5

ሃሩሮቲ ቤኢዲ ያዪዳ፤ ሳኣ ጋጻቲካ ኮኮሪዳ፤ ኢሲ ቦላ ሺቂዲ ሲን ዪዳ።

ኢሳያሳ ቲንቢቴ 42:10

ኢንቴኖ ዱጌ ኣባን ዎዛይቶ፥ ሄን ዲዛ ኡባቶ! ኢንቴኖ ሃሩሮቶ! ሄንካ ዲዛ ኡባቶ! ጎዳሲ ኦራ ማዛሙሬ ዬጺቴ፤ ቢታ ጋጻፔ ዶሚዲ ኢዛስ ጋላታ ማዛሙሬ ሺሺቴ።

ኢሳያሳ ቲንቢቴ 42:12

ኢስቲ ቦንቾ ጎዳስ ኢሜቶ፤ ኢዛ ጋላታይካ ሃሩሮታን ኣዋጄቶ።

ኢሳያሳ ቲንቢቴ 42:21

ጎዳይ ባ ጺሎቴ ጊሻስ ጊዲ፥ ባ ዎጋ ጊታኔ ቦንቾ ኬሲዳ ጊሻስ ኡፋዬቲዴስ።

ኢሳያሳ ቲንቢቴ 49:1

ኢንቴኖ ሃሩሮቶ፥ ታ ጊዛይሳ ሲዪቴ። ኢንቴኖ ሃሆን ዲዛ ካዎቴቶ፥ ሃይሳ ኤዝጊቴ። ታኒ ታ ኣዪ ኡሎን ዲሺን ጎዳይ ታና ጼይጊዴስ፤ ታ ዬሌቶንታ ዲሺን ታና ታ ሱንን ጼይጊዴስ።

ኢሳያሳ ቲንቢቴ 51:4

«ታ ባጋቶ ታ ጊዛይሳ ሲዪቴ፤ ታ ዴሬዞ ታ ጊዛ ኤዝጋ፤ ዎጋይ ታፔ ኬዛና፤ ታ ፒርዳይ ካዎቴታስ ፖኦ ጊዳና።

ኢሳያሳ ቲንቢቴ 51:5

ታ ጺሎቴይ ኤሶቲ ዬ ቦላ፥ ታ ኣቶቴይ ማቲሼ ዴስ፤ ታ ቄሴይ ካዎቴታስ ቱማ ፒርዳ ኤሃና፤ ሃሩሮቲ ታኮ ጼላና፤ ታ ቄሴካ ሂዶታ ኦና።

ኢሳያሳ ቲንቢቴ 55:5

ቤኣ፥ ኔኒ ኤሮንታ ካዎቴታ ጼይጋና፤ ኔና ኤሮንታ ካዎቴቲ ኔኮ ኤሶን ያና። ጋሶይካ ጎዳ ኔ ጾሳይ ኢስራኤሌ ጌሻይ ባ ቦንቾን ኔና ቁ ቁ ሂስቲዴስ» ጌስ።

ኢሳያሳ ቲንቢቴ 60:9

ቱሙካ ሃሩሮቲ ታናን ሂዶታ ኦቴስ፤ ኢዚ ኔና ባ ቦንቾ ማይዚዳ ጊሻስ፥ ጎዳ ኔ ጾሳ ቦንቾስ፥ ኢስራኤሌ ጌሻስ ሃኮፔ ኔ ኣቱማ ናይታ፥ ኢስታ ቢራራኔ ዎርቃራ ጋ ኤሃናስ ታርሴሴ ማርካቤቲ ሲንቲ ኬዛና።

ኢሳያሳ ቲንቢቴ 66:19

ታኒ ኢስታ ጊዶን ማላታ ኦና፤ ኢስታፌ ኣቲዳ ኢሲ ኢሲኔታ ጌዴ ካዎቴታኮ፥ ታርሴሴ፥ ፑጼ፥ ዎንዳፌን ኦሌቲዛ ኤሬቲዳ ሉዴታኮ፥ ቱባሌኔ ያዋኔ ሄሳካ ታ ጎባቴ ሲዮንታይታኮኔ ታ ቦንቾ ቤዮንታይታኮ ሃኮን ዲዛ ኣባ ጊዶን ዲዛ ሃሩሮታኮ ታ ዬዳና፤ ታ ቦንቾ ካዎቴታ ጊዶን ዮታና።

ኢሳያሳ ቲንቢቴ 9:7

ኢዛ ካዎቴ ኣኮቴሲኔ ኢዛ ሳሮቴስ ዛዋይ ዴና፤ ሃቺፌ ዶሚዲ ሜርና ጋካናስ ባ ካዎቴ፥ ሱሬ ፒርዳኒኔ ጺሎቴን ኤሳና፤ ሎኤ ኦይኪዲ ሚንና፤ ዳዊቴ ካዎቴ ኣራታን ኢዚ ኡታና፤ ዴራ ኡባ ሃራና፤ ኡባፌ ዎልቃማ ጎዳ ቃናቴይ ሄሳ ፖላና።

ዳኔላ ቲንቢቴ 9:24

«ማካላቴ ኤሳናስ፥ ናጋራ ዲጋናስ፥ ቆሆ ዉርሳናስ፥ ሜርና ጺሎቴ ኤሃናስ፥ ኣጁታኔ ቲንቢቴ ማታሜን ሾጫናስ፥ ጌሽ ጊዲዳ ጊዶ ቆልኣ ቲስታናስ ኔ ዴራ ጊሻሲኔ ኔ ጌሻ ካታማይ ጊሻስ ላፑን ታሙ ሳሚንታይ ኣዋጄቲዴስ።

ዛካራሳ ቲንቢቴ 2:11

ሄ ጋላስ ዳሮ ካዎቴቲ ጎዳኮ ሺቂዲ ኢዛ ዴሬ ጊዳና፤ ኢዚካ ኔ ጊዶን ዴኣና፤ ኡባፌ ዎልቃማ ጎዳይ ታና ኔኮ ኪቲዳይሳ ኔካ ኤራና።

ማርቆሳ ሚሺራቾ 3:3

ኢዚካ ኩሼይ ሲሊዳ ኣዴዛ፥ «ሄን ሺቂ ኡቲዳ ኣሳ ሲንን ዴንዳ ኤቃ» ጊዴስ።

ኦሮሜ ኣሳስ 16:26

ሃኢ ቃሴ ሃይሲ ቱማይ ቆንጪዴስ፤ ሜርና ጾሳ ኣዛዞን ዉሪካ ኣማኒዲ ኣዛዜታና ማላ ናቤታ ማጻፋ ባጋራ ዴሬቲ ዉሪካ ኢዛ ኤራና ማላ ሃኒዴስ።

1ቆሮንቶሴ ኣሳስ 9:21

ታኒ ታ ባጋራ ጾሳ ዎጋይ ዲዛዴኔ ኪርስቶሳ ዎጋስ ሃሬቲዛዴ ጊዲኮካ ዎጋይ ባይንዳይታ ኣሻናስ ኢስታ ማላ ዎጋይ ባይንዳዴ ጊዳዲስ።