ኢሳያሳ ቲንቢቴ 41:25 - ጋሞ ማጻፋ

²⁵ «ታኒ ፑዴሃ ባጋፌ ኢሳ ዴንዲስ፤ ኢዚካ ዬስ። ኣርሼይ ሞኪዛ ባጋራ ዪዛይሲ ታ ሱን ጼይጊዛይሳ፤ ማናይ ኡርቃ ዬዛ ማላ ኢዚ ካሌዛይታካ ዬስ።

Geeshsha Maxaafa

²⁵ «Tani pudeha baggafe issaa denththadis; izikka yees. Arshey mokkiza baggara yizayssi ta sunththaa xeygizayssa; manay urqqa yedhdhiza mala izi kaaleththizaytakka yedhdhees.

ኢሳያሳ ቲንቢቴ 41:25 ပူးပေါင်းရင်းမြစ်များ

2ሳሜላ ማጻፋ 22:43

ጉዱላ ማላ ኢስታ ሊቂሳ ጋጫዲስ፤ ኦጌን ዲዛ ኡርቃ ማላ ኢስታ ጊንዳዲሲኔ ዬታዲስ።

ኢሳያሳ ቲንቢቴ 10:6

ኢስታ ኣቆታ ቦንቃና ማላ፥ ባንታስ ዲኦ ቡሪ ሺሻና ማላ፥ ኢስቲ ኦጌ ኡርቃ ዬታና ማላ፥ ጾስ ኤሮንታ ካዎቴ ቦላ ኪታና። ታና ሃንቄዳ ኣሳ ቦላ ታኒ ኣሶሬታ ዬዳና።

ኢሳያሳ ቲንቢቴ 21:2

ያሺዛ ኣጁታ ታ ቤኣዲስ፤ ኣ ኢሚዛይሲ ኣ ኢሜስ፤ ዲኢዛይሲ ዲኤስ። ኤላሜ ዴንዳ! ሜዶኔ ጊዶ! ኢዛ ጋዳ ዋዬ ኡባ ታ ኤሳና።

ኢሳያሳ ቲንቢቴ 41:2

ኣርሼይ ሞኪዛ ባጋፌ ኢሳ ዴንዳይ፥ ጺሎቴን ባስ ሃጋዚሳና ጼይጊዳይ ኦኔ? ኢዚ ካዎቴታ ኢዛስ ኣ ኢሜስ፤ ኢዚ ኢስታ ጊ ማሻን ቢታ ኬሲዴስ፤ ባ ዎንዳፌን ጫርኮይ ላሊዳ ሱላ ማላ ኬሲዴስ።

ኢሳያሳ ቲንቢቴ 44:28

ቂሮሴካ፥ ‹ኢዚ ታ ሄንንቻ፤ ኢዚ ታ ሼኔ ፖላና› ጋና፤ ዬሩሳላሜይካ፥ ‹ሲማ ኤቁ› ጋና፤ ጾሳ ኬስ፥ ‹ኢዛ ዮቺ ዬጌቶ› ጋና» ጌስ።

ኢሳያሳ ቲንቢቴ 45:1

«ታ ቲይዳይሳስ፥ ኡሻቻ ታ ኦይኪዳይሳስ፥ ካዎታ ጊ ቢርሻና ማላኔ ካዎቴቲ ኢዛ ሲንን ሃሬታና ማላ፥ ፔንጌቲ ጎርዴቶንታ ማላ ኢዛ ሲንን ፔንጌታ ዶያናስ ቂሮሴስ ጎዳይ፥

ኢሳያሳ ቲንቢቴ 45:13

ታኒ ቂሮሴ ጺሎቴን ዴንና፤ ኢዛ ኦጌ ኡባ ጊጊሳና፤ ታ ካታማዮ ኢዚ ዛሪ ኤሳና፤ ዲኤቲዳ ታ ኣሳ ሚሽ ቃንጺሶንታ ጮ ኢዚ ሜላ ዬዳና› » ጌስ ጎዳይ ኡባፌ ዎልቃማ ጾሳይ።

ኤርማሳ ቲንቢቴ 1:14

ጎዳይ ታስ፥ «ፑዴሃ ባጋፌ ባሺ ቂዲ ሃ ቢታን ዲዛ ኣሳ ኡባ ቦላ ጉካና።

ኤርማሳ ቲንቢቴ 50:3

ፑዴሃ ባጋፌ ኢሲ ካዎቴይ ዪዲ ባቢሎኔ ቢታ ኦላና፤ ሄሳፌ ዴንዲዳይሳን ኣሲኔ ሜሄይ ባቃታና፤ ቢታዮካ ቡላ ኬሳና፤ ኦኒካ ኢዚን ዴና።»

ሚኪያሳ ቲንቢቴ 7:10

ታ ሞርኬዛካ ሄሳ ቤያንዱስ፤ ኢዛ ዬላታና። ታና፥ «ጎዳ ኔ ጾሳይ ኣዋን ዲዜ?» ጊዳሪ ኩንዴ ታ ኣይፌቲ ቤያና፤ ኦጌ ኡርቃ ማላ ኢዛ ዬታና።

ዛካራሳ ቲንቢቴ 10:5

ኢስቲ ኡባይካ ኢሲ ቦላ ኦጌን ዲዛ ኡርቃ ዬዛ ሚኖ ኦላንቻታ ማላ ጊዳና፤ ጎዳይ ኢስታራ ዲዛ ጊሻስ ፓራን ኦሌቲዛይታ ኢስቲ ጾናና።

ዮሃኒሳ ኣጁታ 16:12

ኡሱፑን ኪታንቻይ ቃሴ ባ ጹኣዛ ዎጋ ኤፊራጺሴ ሻፋን ጉሲዴስ፤ ኣርሼይ ሞኪዛ ባጋፌ ያና ካዎታስ ኦጌ ጊጊሳና ማላ ሻፋዚ ሜሊዴስ።