ኢሳያሳ ቲንቢቴ 41:20 - ጋሞ ማጻፋ

²⁰ ሄሳ ጊሻስ ኣሳይ ሄሳ ቤኣናኔ ኤራና፤ ጎዳ ኩሼይ ሃይሳ ኦዳይሳ፥ ኢስራኤሌ ጌሻይ ሜዳይሳ ኢስቲ ኢሲፌ ዩሺ ቆፓናኔ ኣኬካና» ጌስ።

Geeshsha Maxaafa

²⁰ Hessa gishshas asay hessa be7ananne erana; GODAA kushey hayssa ooththidayssa, Isra7eele Geeshshay medhdhidayssa istti issife yuushshi qoppananne akeekana» gees.

ኢሳያሳ ቲንቢቴ 41:20 ပူးပေါင်းရင်းမြစ်များ

ኢዮቤ ማጻፋ 12:9

ሃይሳ ኡባ ጊዶፌ ጾሳ ኩሼይ ሃይሳ ኦዳይሳ ኤሮንታይ ኦኔ?

ዬ ማጻፋ 109:27

ኣቤት ጎዳዉ! ሃይሳ ኔ ኩሼይ ኦዳይሳኔ ኔኒ ፖሊዳይሳ ታ ሞርኬቲ ኤሬቶ።

ኬሳ ማጻፋ 6:7

ታኒ ኢንቴና ታ ዴሬ ሂስታና፤ ታኒ ኢንቴ ጾሳ ጊዳና። ሄ ዎዴ ታ ኢንቴና ጊብጼ ኣሳ ኣይሌቴፌ ኬሲዳ ኢንቴ ጎዳ ሜርና ጾሳ ጊዲዳይሳ ኢንቴ ኤራና።

ኬሳ ማጻፋ 9:16

ታኒ ኔና ፓጻ ዎዳይ ኔና ታ ዎልቃ ቤሳናሲኔ ታ ሱን ቢታ ኡባ ቦላን ጼይጌታና ማላሳ።

ኢሳያሳ ቲንቢቴ 28:29

ሃይሲ ኡባይ ባ ዞሬን ማላሊሲዛዝ፥ ባ ኣ ኤራቴን ማላሊሲዛዝ ጊዲዳ ኡባፌ ዎልቃማ ጎዳፔ ሃኔስ።

ኢሳያሳ ቲንቢቴ 29:24

ኣያናን ባሊዳይቲ ሲሚዲ ኣኬካና፤ ዙዙሚዛይቲካ ቲሚርቴ ኤካና» ጌስ።

ኢሳያሳ ቲንቢቴ 40:5

ሄ ዎዴ ጎዳ ቦንቾይ ቆንጫና፤ ኣሾ ማይኢዳ ኡባይ ሄሳ ሃሳይዴስ» ጌስ።

ኢሳያሳ ቲንቢቴ 41:4

ሃይሳ ኦዳይኔ ፖሊዳይ ዬሌታ ቤኒሶፌ ጼይጊዳይ ኦኔ? ጎዳይ ኮይሮይታራካ ዉርሴይታራካ ዲዛይ ታና» ጌስ።

ኢሳያሳ ቲንቢቴ 43:15

ታኒ ጎዳይ ኢንቴ ጌሻይ፥ ኢስራኤሌ ሜዳ ኢንቴ ካዎ» ጌስ።

ኢሳያሳ ቲንቢቴ 43:21

ታኒ ታስ ጊግሲዳ ዴሬይ ታ ጋላታ ኣዋጃና ማላ ታ ሃይሳ ኦና።

ኢሳያሳ ቲንቢቴ 44:23

ጎዳይ ሃይሳ ኦዳ ጊሻስ ሳሎቶ ዬጺቴ፤ ጪማ ቢታቶ ኡፋይሳን ኢሊሊቴ። ኢንቴኖ ዙማቶ፥ ኢንቴኖ ዎራቶ፥ ሚቶ ኡባይ ኢሊሊቴ፤ ጋሶይካ ጎዳይ ያቆቤ ዎዚዴስ፤ ባ ቦንቾ ኢስራኤሌ ቦላ ቆንጪሲዴስ።

ኢሳያሳ ቲንቢቴ 49:23

ካዎቲ ኔና ዲቺዛ ኣዋታ ጊዳና፤ ኢስታ ማቼቲ ኔና ዲቺዛ ኣዬታ ጊዳና፤ ኢስቲ ጉፋኒዲ ኔስ ጎይናና፤ ኔ ቶሆ ቦላፌ ባናካ ላጫና፤ ኔካ ታኒ ጎዳ ጊዲዳይሳ ኤራና፤ ታናን ሂዶታ ኦዛይቲ ዬላቴቴና» ጌስ።

ኢሳያሳ ቲንቢቴ 66:14

ኢንቴ ሄሳ ቤኢዛ ዎዴ ኢንቴ ዎዚናይ ኡፋዬታና፤ ኢንቴ ሜቄይካ ማታ ማላ ጪሊላና፤ ቃሴ ጎዳ ኩሼይ ኢዛ ኣይሌታ ቦላ ዲዛይሲ ኤሬታና፤ ኢዛ ሃንቆይ ጊዲኮ ኢዛ ሞርኬታ ቦላ ቆንጫና።

ኢሳያሳ ቲንቢቴ 66:18

«ታኒ ኢስታ ኦሶኔ ኢስታ ቆፋ ኤሪዛ ጊሻስ፥ ካዎቴታ ኡባኔ ዱማ ዱማ ቃላን ሃሳይዛ ኡባታ ኢሲፌ ሺሻናስ ያና፤ ኢስቲካ ዪዲ ታ ቦንቾ ቤኣና።

ኢሳያሳ ቲንቢቴ 66:2

ሃይታ ኡባ ታ ኩሼይ ኦቤኔ? ሃይቲ ቤታና ማላ ኦዳይ ታና ጊዲኪና? ታኒ ኣሽኬ፤ ዎዚናይ ሜቂዳዴኔ ታ ቃላስካ ኮኮሪዛዴኮ ታ ጼላይስ።

ታይቦ ማጻፋ 23:23

ያቆቤ ናይታ ቦላ ኣይ ቢታይ፥ ኢስራኤሌ ቦላ ኣይ ሙሬኖይካ ኦና፤ ሄኮ ሃኢ ያቆቤሲኔ ኢስራኤሌስ፥ ‹ጾሲ ኢስቲ ኣይ ኦዳኮ ኣኔ ጼሊቴ!› ጌቴታና።

2ታሶሎንቄ ኣሳስ 1:10

ኢስቲ ቃጻዬታናይ ኢዚ ጌሻታ ኣቻን ቦንቼታናሲኔ ኣማኒዛይቲ ዉሪ ኢዛን ማላሌታና ማላ ኢዚ ዪዛ ጋላሳን ሃናና፤ ኢንቴካ ሄ ኣማኒዛ ኣሳራ ዳና፤ ጋሶይካ ኑ ኢንቴስ ማርካቲዳይሳ ኢንቴ ኣማኒዳ ጊሻሳ።