ኢሳያሳ ቲንቢቴ 41:13 - ጋሞ ማጻፋ

¹³ ጋሶይካ ታኒ ጎዳ ኔ ጾሳይ፥ ታ ኔና ማዳና፤ ያዮፋ ታ ኔ ኡሻቻ ኩሼዛ ኦይካና።

Geeshsha Maxaafa

¹³ Gaasoykka tani GODAA ne Xoossay, ta nena maaddana; yayyofa ta ne ushachcha kusheza oykkana.

ኢሳያሳ ቲንቢቴ 41:13 ပူးပေါင်းရင်းမြစ်များ

ዬ ማጻፋ 109:31

ጋሶይካ ኢስታ ቦላ ሃይቆ ፒርዳ ፒርዲዛይታፔ ኣሻናስ ማንቆታፔ ኡሻቻ ባጋራ ኢዚ ኤቄስ።

ዬ ማጻፋ 118:7

ጎዳይ ታና ማዳናስ ታናራ ዴስ፤ ታ ሞርኬታ ጾኔቴ ታኒ ኣይፌን ቤኣና።

ዬ ማጻፋ 63:8

ታ ሼምፖያ ሺጵ ጋ ካላዱስ፤ ኔ ኡሻቻ ኩሼይካ ታና ሚን ኦይኪዴስ።

ዬ ማጻፋ 73:23

ጊዶ ኣቲን ታኒ ኡባቶካ ኔናራ ዳይስ፤ ታ ኡሻቻ ኩሼዛካ ኔኒ ኦይካዳሳ።

ኬሳ ማጻፋ 14:13

ሙሴይ ኣሳ፥ «ባቦፍቴ፤ ሚኒ ኤቂቴ፤ ጎዳይ ሃች ኢንቴና ኣሻናይሳ ኢንቴ ቤያና። ሃች ኢንቴ ቤኢዛ ጊብጼ ኣሳ ናምኣን ሙሌካ ቤኤኬታ።

ኬሳ ማጻፋ 20:20

ሙሴይ ኣሳስ፥ «ጾሲ ኢንቴና ፓጫናስ፥ ኢዛ ያሺ ኢንቴ ዎዚናን ኩሚን ኢንቴ ናጋራ ኦንታ ማላ ዪዳ ጊሻስ ባቦፍቴ» ጊዴስ።

ኢሳያሳ ቲንቢቴ 41:10

ታኒ ኔናራ ዲዛ ጊሻስ ያዮፋ፤ ታኒ ኔ ጾሳ ጊዲዳ ጊሻስ ዳጋሞፋ። ታኒ ኔና ሚንናኔ ማዳና። ታ ጺሎቴ ኡሻቻ ኩሼን ዜምፒሳ ኦይካና።

ኢሳያሳ ቲንቢቴ 42:6

«ታኒ ጎዳይ ኔና ጺሎቴን ጼይጋዲስ፤ ታ ኔ ኩሼ ኦይካና፤ ታ ኔና ናጋና። ታኒ ኔና ካዎቴስ ጫቆ ቃላ፥ ኣይዛቤታስካ ፖኦ ሂስታና

ኢሳያሳ ቲንቢቴ 43:6

ታኒ ፑዴሃ ባጋ፥ ‹ሃማ› ዱጌሃ ባጋካ፥ ‹ዬዳ› ጋና፤ ታ ኣቱማ ናይታ ሃሆፔ፥ ታ ማጫ ናይታካ ቢታ ጋጻፔ፥

ኢሳያሳ ቲንቢቴ 45:1

«ታ ቲይዳይሳስ፥ ኡሻቻ ታ ኦይኪዳይሳስ፥ ካዎታ ጊ ቢርሻና ማላኔ ካዎቴቲ ኢዛ ሲንን ሃሬታና ማላ፥ ፔንጌቲ ጎርዴቶንታ ማላ ኢዛ ሲንን ፔንጌታ ዶያናስ ቂሮሴስ ጎዳይ፥

ኢሳያሳ ቲንቢቴ 51:18

ኢዛ ዬሊዳ ናይታ ኡባፌ ካሌዛይ ኢሶይካ ባዋ፤ ቃሴ ኢዛ ዲቺዳ ናይታ ኡባፌካ ኢዚ ኩሼ ኦይኪዛይ ኢሶይካ ባዋ።

ኤርማሳ ቲንቢቴ 30:10

«ሄሳ ጊሻስ ታ ኣይሌ ያቆቤ ዛሬቶ ያዮፍቴ! ኢንቴኖ ኢስራኤሌቶ ዳጋሞፍቴ! ኢንቴ ሃሆሶን ዲሺን ታኒ ኢንቴና ኣሻና፤ ኢንቴ ዛሬታካ ኢስቲ ዲኤቲዳ ቢታፌ ኬሳ ኤካና፤ ያቆቤ ዛሬቲ ሲሚዲ ሳሮኒኔ ዎፓን ኡታና፤ ኢስታ ያሺሳና ኣይ ሚሺካ ዴና።

ኤርማሳ ቲንቢቴ 46:27

«ታ ኦሳንቻ ያቆቤ ያዮፋ፤ ኢስራኤሌ ሺሮቶፓ፤ ታ ኔና ሃሆ ቢታፌ ኔ ዛሬካ ዲኤቲ ቢዳሶፔ ኣሻና። ያቆቤይካ ሲሚዲ ሳሮቴን ዎፑ ጊ ዳና፤ ኢዛ ባቢሳና ሚሺካ ዴና።

ሃጌ ቲንቢቴ 2:5

ኢንቴ ጊብጼፔ ኬዚዛ ዎዴ ታ ኢንቴስ፥ ‹ታ ኣያናይ ኢንቴናራ ዲዛ ጊሻስ ባቦፍቴ› ጊዳ ቃላይ ሃይሳ።

2ጺምቶሳስ 4:17

ጊዶ ኣቲን ቃላ ኪታይ ታ ባጋራ ኩሜ ዮቴታና ማላኔ ዴሬ ኣሳይ ዉሪ ሲያና ማላ ጎዳይ ታ ኣቻን ኤቂዲ ታና ሚንዴስ፤ ጋሞ ዶናፔካ ታና ኣሺዴስ።