ኢሳያሳ ቲንቢቴ 40:28 - ጋሞ ማጻፋ

²⁸ ኔ ኤራቤኪ? ኔ ሲያቤኪ? ጎዳይ ሜርና ጾሳ፤ ኢዚ ቢታ ኡባካ ሜዳይሳ። ኢዚ ዳቡሬና፤ ኣዛሌና፤ ኢዛ ኣኬካይካ ኦናንካ ፒልጌቴና።

Geeshsha Maxaafa

²⁸ Ne erabeekkii? Ne siyabeekkii? GODAY mernaa Xoossa; izi biittaa ubbaaka medhdhidayssa. Izi daaburenna; azallenna; iza akeekaykka oonankka pilggettenna.

ኢሳያሳ ቲንቢቴ 40:28 ပူးပေါင်းရင်းမြစ်များ

ሜቴ ማጻፋ 21:33

ኣብራሃሜይ ቤርሳቤሄን ታማርሲኬ ጌቴቲዛ ሚ ቶኪዲ ሄን ጎዳ ሜርና ጾሳ ጼይጊዲ ጎይኒዴስ።

ኢዮቤ ማጻፋ 38:18

ሳኣይ ኣይ ኬና ዳልጋ ጊዲዳኮ ኔ ኤራይ? ኣኔ ሃይሳ ኡባ ኤሪዛ ጊዲኮ ኔ ታስ ዮታ።

ዬ ማጻፋ 138:8

ጎዳይ ታስ ቆፒዳይሳ ፖላና፤ ኣቤት ጎዳዉ! ኔ ሲቆይ ሜርናሳ፤ ኔ ኩሼ ኦሶ ዬጋ ኣጎፋ።

ዬ ማጻፋ 139:6

ኔ ኤራቴይ ታና ኬሂፔ ማላሊሴስ፤ ታኒ ኣኬካናስ ዳንዳይዛይሳፌካ ቄስ።

ዬ ማጻፋ 145:3

ጎዳይ ጊታ፤ ጊታ ጋላታይ ኢዛስ ቤሴስ፤ ኢዛ ጊታቴይ ኣሳ ቆፋፔ ቦላ።

ዬ ማጻፋ 147:5

ኑ ጎዳይ ጊታ፤ ኢዚ ኬሂፔ ዎልቃማ፤ ኢዛ ኤራቴስ ዛዋይ ዴና።

ዬ ማጻፋ 90:2

ዙማቲ ሜታናፔ ካሴ፥ ዎይኮ ኔኒ ሳኣ ኦናፔ ካሴ ሜርናፔ ሜርና ጋካናሲ ኔኒ ጾሳ።

ኢሳያሳ ቲንቢቴ 37:26

«ታኒ ዳሮ ዎዴፔ ካሴ ቃቺዳይሳ፥ ታ ቤኒ ሃልቺዳይሳ ኔ ሲያቤኪ? ሃኢ ጊዲኮ ፖሌታና ማላ ኦዲስ፤ ኔኒካ ጊምቤቲዳ ካታማታ ላላዳ ሹቻ ዶሬ ኬሳና።

ኢሳያሳ ቲንቢቴ 40:21

ኢንቴ ሄሳ ኤሬኬቲ? ዎይኮ ሲዪቤኬቲ? ቤኒ ቤኒ ኢንቴስ ዮቴቲቤኔ? ሳኣይ ሜቶሶፌ ዶሚን ኢንቴ ኣኬኪቤኬቲ?

ኢሳያሳ ቲንቢቴ 42:4

ኢዚ ቢታ ቦላ ሱሬ ፒርዳ ኤሃና ጋካናስ ዳቡሬና፤ ሂዶታካ ቃንጼና፤ ሃሩሮቲ ኢዛ ዎጋን ኣማኔታና» ጌስ።

ኢሳያሳ ቲንቢቴ 45:22

«ኢንቴኖ ቢታ ጋጻን ዴኢዛ ኡባቶ! ታኮ ሲሚዲ ኣቲቴ። ታኒ ጾሳ፤ ታፔ ኣቲን ሃራይ ዴና።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ኢሳያሳ ቲንቢቴ 59:1

ሄኮ ጎዳ ኩሼይ ኢንቴና ኣሻናስ ቃሚቤና፤ ኢዛ ሃይ ሲያናፔ ቱሊቤና።

ኢሳያሳ ቲንቢቴ 66:9

ዬሌታና ማቲዳይሳ ዬሌቶንታ ማላ ታኒ ዲጋዚና?» ጌስ ጎዳይ። «ዬሊሺን ዬሊዛ ኡሎ ታ ጎርዳ ኤራዚና?» ጌስ ኔ ጎዳይ።

ኤርማሳ ቲንቢቴ 10:10

ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።

ኤርማሳ ቲንቢቴ 32:17

«ኣቤት ኡባፌ ዎልቃማ ጎዳዉ! ኔኒ ሳሎታኔ ሳኣ ኔ ጊታ ዎልቃኒኔ ሚጬቲዳ ኔ ኩሼን ሜዳሳ፤ ኔና ጾኒዛ ኢሲ ሚሺካ ዴና።

ኤርማሳ ቲንቢቴ 4:22

ጎዳይ፥ «ታ ኣሳይ ኤያ፤ ኢስቲ ታና ኤሬቴና። ኢስቲ ዩሺ ቆፖንታይታ፤ ኢስቲ ኣኬካይ ባይንዳይታ፤ ኢስቲ ኢታ ሚሽ ኦናስ ኤራንቻታ፤ ሎኦ ኦናስ ኤራይ ፓጪዳይታ» ጌስ።

ማርቆሳ ሚሺራቾ 16:14

ሄሳፌ ጉዬ ታማኔ ኢሲኔቲ ማዳ ቦላ ዲሺን ዬሱሲ ኢስታስ ቆንጪዴስ። ኢዚ ሃይቆፔ ዴንዲን ኢዛ ቤኢዳ ኣሳቲ ኢስታስ ዮቲን ሲዪዲ ኣማኖንታ ኣጊዳ ጊሻስ ኢስታስ ኣማኖይ ባይንዳይሳኔ ኢስታ ዎዚና ሙሜቴ ጊሻስ ኢስታ ቦሪዴስ።

ማርቆሳ ሚሺራቾ 9:19

ዬሱሲካ ኢስታስ ዛሪዲ፥ «ኢንቴኖ ኣማኖንታ ዬሌታቶ፥ ኣይዴ ጋካናስ ታ ኢንቴናራ ዳኔ? ቃሴ ኣይዴ ጋካናስ ታ ኢንቴና ዳንዳያኔ? ኣኔ ናዛ ሃ ኤሂቴ» ጊዴስ።

ሉቃሳ ሚሺራቾ 24:25

ኢዚካ ኢስታስ፥ «ኢንቴኖ ዎዚናን ዎንታይቶ! ኢንቴ ዎዚናይ ካሴ ናቤቲ ዮቲዳይሳ ኣማናናፔ ታኪዳይቶ!

ዮሃኒሳ ሚሺራቾ 14:9

ዬሱሲካ ኢዛስ፥ «ፒሊጶሳ! ሃይሳ ጋካናስ ታ ኢንቴናራ ዴኢንካ ኔ ታና ኤርኪ? ታና ቤኢዳዴይ ኣዋካ ቤዪዴስ፤ ሂስቲን ኔኒ ዋናዳ፥ ‹ኑና ኣዋ ቤሳ› ጋይ?

ዮሃኒሳ ሚሺራቾ 5:17

ዬሱሲካ ኢስታስ፥ «ታ ኣዋይ ኡባ ዎዴ ኦስ፤ ታኒካ ኦና» ጊዴስ፤

ኦሮሜ ኣሳስ 16:26

ሃኢ ቃሴ ሃይሲ ቱማይ ቆንጪዴስ፤ ሜርና ጾሳ ኣዛዞን ዉሪካ ኣማኒዲ ኣዛዜታና ማላ ናቤታ ማጻፋ ባጋራ ዴሬቲ ዉሪካ ኢዛ ኤራና ማላ ሃኒዴስ።

1ቆሮንቶሴ ኣሳስ 2:16

ሄሲካ፥ «ጎዳ ቆፋ ኤራናስ ዳንዳይዛይ ኦኔ? ኢዛ ዞራናስ ዳንዳይዛይ ኦኔ?» ጌቴቲ ካሴ ጌሻ ማጻፋን ጻፌቲዳ ማላ፤ ኑስ ጊዲኮ ኪርስቶሳ ዎዚናይ ዴስ።

1ቆሮንቶሴ ኣሳስ 6:16

ዎይኮ ላይማቲዛሪራ ኣቂዛዴይ ኢዚራ ኢሲ ኣሾ ጊዲዛይሳ ኢንቴ ኤሬኬቲ? «ናምኣይ ኢሲ ኣሾ ጊዴቴስ» ጌቴቲዴስ።

1ቆሮንቶሴ ኣሳስ 6:19

ኢንቴ ኣሳቴይ ኢንቴ ጋን ዲዛ ጺሎ ኣያናስ ዱሳሶ ጊዲዳይሳ ኢንቴ ኤሬኬቲ? ሄ ኣያናይካ ኢንቴ ጾሳፌ ኤኪዳይሳ፤ ኢንቴካ ኢንቴስ ጊዴኬታ።

1ቆሮንቶሴ ኣሳስ 6:9

ማካላንቻቲ ጾሳ ካዎቴ ጌሎንታይሳ ኤሬኬቲ? ሄሳ ማላ ዮኦን ባሌቶፍቴ። ላይማታና ቃቃቲዛይቲ፥ ኤቃ ኤቂዛይቲኔ ኣዴይ ኣዴራ ላይማቲዛይቲ፥

ዛሬ ማጻፋ 33:27

ሜርና ጾሳይ ኢንቴስ ዱሳሶ፤ ሜርናስ ዲዛ ኢዛ ቄሴቲ ኢንቴፌ ጋርሳራ ዲዲ ካፌቴስ፤ ኢንቴ ሞርኬታ ኢዚ ኢንቴ ሲንፌ ጎዳና፤ ኢንቴ ኢስታ ይሳና ማላ ኢዚ ኢንቴና ማዳና።

ፒሊጲሲዮሴ ኣሳስ 1:6

ኢንቴናን ሎኦ ኦሶ ዶሚዳይሲ ኢዚ ዬሱስ ኪርስቶሲ ዉርሴ ፒርዳስ ያና ጋካናስ ኢንቴና ዳንዳይሳናይሳ ታ ኣማናይስ።

1ጺምቶሳስ 1:17

ሄሳ ጊሻስ ሜርናስ ሃይቂ ኤሮንታ፥ ኣይፌን ቤቲ ኤሮንታ ባርካ ጻላ ጾስ ጊዲዳ ካዎስ ሜርናፔ ሜርና ጋካናስ ኢዛስ ቦንቾይኔ ጋላታይ ጊዶ። ኣሚን።

Ibirawe 9:14

ሜርና ኣያናን ባና ዎሶይ ባይንዳ ያርሾ ኦ ጾሳስ ሺሺዳ ኪርስቶሳ ሱ ኑኒ ዴኦ ጾሳስ ጎይናናስ ሃይቄ ኦሶፔ ኑና ኣይ ማላ ኣ ጌሻንዴ?

1ሳሜላ ማጻፋ 2:10

ጎዳራ ኤቄቲዛይቲ ሊቃና፤ ኢዚ ኢስታ ቦላ ሳሎፔ ጉማና፤ ጎዳይ ቢታ ጋጻ ጋካናስ ፒርዳና፤ ኢዚ ካዎዛስ ዎልቃ ኢማና፤ ኢዚ ቲዬቲዳይሳ ካጬ ቁ ቁ ሂስታና» ጋ ዎሳዱስ።