ኢሳያሳ ቲንቢቴ 40:22 - ጋሞ ማጻፋ

²² ኢዚ ቢታ ዩሾፔ ቦላራ ባ ኣራታን ኡቴስ፤ ቢታ ቦላ ዲዛ ዴሬይ ቦሌ ማላ፤ ሳሎታ ማጋላሻ ማላ ሚጬስ፤ ዱሳሶ ዱንካኔ ማላ ቶኬስ።

Geeshsha Maxaafa

²² Izi biitta yuushoppe bollara ba araatan uttees; biitta bolla diza derey boole mala; salota magalasha mala miccees; duussaso dunkaane mala tokkees.

ኢሳያሳ ቲንቢቴ 40:22 ပူးပေါင်းရင်းမြစ်များ

ሜቴ ማጻፋ 1:6

ሄሳፌ ጉዬ ጾሲ፥ «ቦላራ ዲዛ ሃ ጋርሳራ ዲዛ ሃፌ ሻኪዛ ሳሎ ጉፋንይ ሃኖ» ጊን ሃኒዴስ። ጾሲ ሳሎ ጉፋን ጊግሲዲ፥ ሳሎ ጉፋንፌ ቦላራ ዲዛ ሃ ጋርሳራ ዲዛ ሃፌ ሻኪዴስ።

ኢዮቤ ማጻፋ 22:14

ሳሎ ቦላን ኢዚ ሲሜሬቲሺን ፒ ጊዳ ሻራይ ኢዛ ካሚዛ ጊሻስ ኢዚ ቤያናዉ ዳንዳዬና› ጋሳ።

ኢዮቤ ማጻፋ 26:7

ጾሲ ፑዴሃ ባጋራ ዲዛ ሳሎዛ ጫርኮ ቦላ ሚጪዴስ፤ ቢታካ ኣይኮይ ባይንዳሶን ኩሎቲ ዳና ማላ ኦዴስ።

ኢዮቤ ማጻፋ 36:29

ጊዶ ኣቲን ጾሲ ሻራ ዎስቲ ሚጪዛኮ፥ ዎልቃን ጊዶን ኡቲዲ ኢዚ ዋኒ ሃሳይዛኮ ኦኒ ኤራናዉ ዳንዳይዜ?

ኢዮቤ ማጻፋ 37:18

ጾሲ ሳሎ ሴሪዳ ማስቶቴ ማላ ሚጪኮ፥ ኔኒ ኢዛ ማታን ኡታዳ ማዳናዉ ዳንዳያይ?

ኢዮቤ ማጻፋ 9:8

ኦኒካ ማዶንታ ዲሺን ሳሎታ ሚጪዳይ ኢዛ፤ ኢዚ ኣባ ዳምባላ ቦላ ሄሜቴስ።

ዬ ማጻፋ 104:2

ኔኒ ኣፋላ ማላ ፖኦ ቁማኣዳሳ፤ ሳሎታካ ዱንካኔ ማላ ቶላዳሳ።

ዬ ማጻፋ 18:11

ባና ማን ካሚዴስ፤ ኢዛ ዱንካኔዛ ፒ ጊዳ ኢራራ ሻራይ ዶዲዴስ።

ዬ ማጻፋ 19:4

ጊዶ ኣቲን ኢስታ ሃሳያ ጬንጉርሲ ሳኣ ኡባን ላሌታና፤ ኢስታ ቃላይካ ቢታ ጋጻ ጋካና። ጾሲ ኣርሼስ ሳሎን ሶሆ ጊግሲዴስ።

ዬ ማጻፋ 2:4

ሳሎን ባ ኣራታ ቦላ ኡቲዳይሲ ኢስታ ቦላ ሚጬስ፤ ጎዳይ ኢስታ ቂስ።

ዬ ማጻፋ 29:10

ጎዳይ ዲኦ ሃ ቦላ ባ ኣራታ ዎዲ ኡቲዴስ፤ ጎዳይ ባ ካዎቴ ኣልጋን ኡቲዲ ሜርናስ ሃሬስ።

ዬ ማጻፋ 68:33

ቤኒሶፔ ዶሚዲ ዲዛ ሳሎታፔ ቦላራ ቢዛይሳስ ዬጺቴ፤ ኢዚ ባ ዎልቃማ ጬንጉርሳ ጉንን ዮቲሺን ኤዝጊ ሲዪቴ።

ሌሚሶ ማጻፋ 8:27

ጎዳይ ሳሎታ ሚጪዳ ዎዴኔ ጊታ ኣባታፔ ቦላራ ሳሎ ጉፋን ጊግሲዳ ዎዴ ታኒ ሄን ዴኣይስ።

ኢሳያሳ ቲንቢቴ 19:1

ጊብጼ ጊሻስ ዮቴቲዳ ቃላይ፥ «ቤኢቴ፥ ጎዳይ ኤሶቲዛ ሻራ ቶጊዲ ጊብጼ ዬስ። ጊብጼ ኤቃ ጾሳቲ ኢዛ ሲንን ኮኮሬቴስ፤ ጊብጼ ዎዚናይ ኢስታ ጊዶን ሴሬስ» ጌስ።

ኢሳያሳ ቲንቢቴ 37:16

«ኣቤት ጎዳዉ፥ ኡባፌ ዎልቃማ ጾሳዉ፥ ኪሩቤታፔ ጊዶን ኡቲዛ ኢስራኤሌ ጾሳዉ፥ ሳኣ ካዎቴታ ኡባ ቦላ ኔ ጻላ ጾሳ። ሳሎኔ ሳኣ ኔኒ ሜዳሳ።

ኢሳያሳ ቲንቢቴ 40:15

ቤኢቴ ካዎቴቲ ጎምቦ ጊዶን ጾኪዳ ሃ ማላ፤ ኢስቲ ሜዛኔ ቦላ ዲዛ ጉዱላ ማላ ቆዴቴቴስ፤ ሃሩሮታ ሊቆ ቢታ ማላ ጌዳሬስ።

ኢሳያሳ ቲንቢቴ 40:17

ካዎቴቲ ኡባይ ኢዛ ሲንን ኣይኮካ ጊዴቴና፤ ኢስቲ ኣይኮራካ ጋኪ ቆዴቶንታ ሃዳ ሚሻ ማላ።

ኢሳያሳ ቲንቢቴ 42:4

ኢዚ ቢታ ቦላ ሱሬ ፒርዳ ኤሃና ጋካናስ ዳቡሬና፤ ሂዶታካ ቃንጼና፤ ሃሩሮቲ ኢዛ ዎጋን ኣማኔታና» ጌስ።

ኢሳያሳ ቲንቢቴ 42:5

ሳሎታ ሜዳይ፥ ኢስታ ሚጪዳይካ፥ ሳኣኔ ኢዚን ዲዛ ኡባ ጊግሲዳይ፥ ባ ዴሬስ ፔኖ ኢዚን ዴኢዛ ኣሳታስ ሼምፖ ኢሚዛ ጎዳ ጾሳይ፥

ኢሳያሳ ቲንቢቴ 44:24

ኔና ኣዪ ኡሎን ሜዲ ዎዚዳ ጎዳይ፥ «ኡባ ሜዳ ሳሎታ ታርካ ፒዲሲዳይ፥ ሳኣካ ሚጪዳይ ታና ጎዳ።

ኢሳያሳ ቲንቢቴ 51:13

ኔና ሜዳይሳ፥ ሳሎታ ቶሊዳይሳ፥ ሳኣስ ዮች ዬጊዳይሳ ኔ ባላዳሳ፤ ኔና ይሳናስ ጊጌቲዳ ሜንጼ ኢታዛ ጋሶፔ ዴንዲዳይሳን ኡባ ጋላስ ሺሮን ዳሳ፤ ሂስቲን ሄ ሜንጼ ኢታዛ ሃንቆይ ሃኢ ኣዋን ዲዜ?

ኢሳያሳ ቲንቢቴ 66:1

ጎዳይ፥ «ሳሎይ ታስ ኣራታ፤ ሳኣይካ ታስ ዬዛሶ፤ ሂስቲን ኢንቴ ታስ ኬጻና ኬኔ ታ ሼምፓና ሶይ ኣዋይሴ?

ኤርማሳ ቲንቢቴ 10:12

ባ ዎልቃን ሳኣ ሜዳይ፥ ባ ኣ ኤራቴን ኣላሜ ኤሲዳይ፥ ባ ኣኬካን ሳሎ ሚጪዳይ ጎዳ።

ዛካራሳ ቲንቢቴ 12:1

ሳሎ ሚጪዳ ጎዳይ፥ ሳኣ ሜዳ ጎዳይ ኣሳ ናይታስ ዴኦ ሼምፖ ኢሚዳ ጎዳይ ኢስራኤሌ ናይታስ ዮቲዳ ቃላይ ሃይሳፌ ካሊዛይሳ፤

ታይቦ ማጻፋ 13:33

ኔፍሌሜ ባጋ ጊዲዳ ኤናቄ ናይታ ኑኒ ሄን ቤይዶስ፤ ኑኒ ኢስታ ኣቻን ቄሪ ጉምባሮ ሚሳቲዶስ፤ ኢስቲካ ኑና ሄሳ ጼሎንታ ኣጌቴና» ጊዳ።