ኢሳያሳ ቲንቢቴ 37:20 - ጋሞ ማጻፋ

²⁰ ሃኢካ ኣቤት ጎዳዉ፥ ኑ ጾሳዉ ኔኒ ጎዳይ ጻላ ጾሳ ጊዲዳይሳ ሳኣ ካዎቴቲ ኡባይ ኤራና ማላ ኑና ኢዛ ኩሼፔ ኣሻ!» ጊ ዎሲዴስ።

Geeshsha Maxaafa

²⁰ Ha7ikka abeet GODAWU, nu Xoossawu neni GODAY xalla Xoossa gididayssa sa7a kawoteththati ubbay erana mala nuna iza kusheppe ashsha!» gi woossides.

ኢሳያሳ ቲንቢቴ 37:20 ပူးပေါင်းရင်းမြစ်များ

1ካዎታ ማጻፋ 8:43

ኔኒ ኔ ዲዛሶን ሳሎን ዳሼ ሲያ፤ ኔ ኣሳቲ ኢስራኤሌቲ ኤሪዛ ማላ ሳኣን ዲዛ ኣሳይ ኡባይ ኔ ሱን ኤራና ማላኔ ኔስ ያያና ማላ፥ ቃሴ ታኒ ኬጺዳ ሃ ጾሳ ኬይ ኔስ ጎይኖሶ ጊዲዳይሳ ኢስቲ ኤራና ማላ፥ ሄ ካሬ ቢታ ኣሲ ኔና ዎሲዛይሳ ኢዛስ ፖላ።

1ካዎታ ማጻፋ 8:59

ሃች ሃች ዴኦስ ኮሺዛ ማላ፥ ጎዳይ ታና ባ ኣሽካራኔ ባ ዴራ ኢስራኤሌ ማዳና ማላ፥ ታኒ ጎዳ ሲንን ዎሳዳ ጊዳ ሃ ቃላቲ ቃማኔ ጋላስ ጎዳ፥ ኑ ጾሳኮ ሺቄቶ።

1ካዎታ ማጻፋ 8:60

ሄሲካ ሳኣን ዴኢዛ ኣሳይ ኡባይ ጾሲ ጻላ ጎዳ ጊዲዳይሳኔ ኢዛፔ ኣቲን ሃራ ጾሲ ባይንዳይሳ ኢስቲ ኤራና ማላሳ።

ዬ ማጻፋ 46:10

ሼምፒ ኡቲቴ፤ ታኒ ጾስ ጊዲዳይሳ ኤሪቴ፤ ካዎቴታ ቦላ ታ ቁ ቁ ጋና፤ ቢታ ቦላካ ታ ቁ ቁ ጋና።

ዬ ማጻፋ 59:13

ኔ ሃንቆን ኢስታ ይሳ፤ ኢስታ ሙሌራ ዲፒ ሂስታ፤ ሄ ዎዴ ጾሲ ያቆቤ ዜሬ ኣይሲዛዴኔ ሳኣ ጋጻ ጋካናስ ዲዛ ዴራ ሃሪዛዴ ጊዲዳይሳ ኣሲ ኡባይ ኤራና።

ኢሳያሳ ቲንቢቴ 25:9

ሄ ጋላስ ኢስታስ፥ «ቤኢቴ ኑ ጾሳይ ሃይሳ፤ ኑኒ ኢዛን ኣማኔቲዶስ፤ ኢዚካ ኑና ኣሺዴስ፤ ሃይሲ ጎዳ፤ ኑኒ ኢዛን ኣማኔቲዶስ፤ ኢዚ ኣሺዳይሳን ኡፋዬቶስ፤ ኡፋይሳን ሆምቦጮስ» ጋና።

ኢሳያሳ ቲንቢቴ 33:22

ጎዳይ ኑስ ፒርዲዛ ዳና፤ ጎዳይ ኑስ ዎጋ ኢሚዛዴ፤ ጎዳይ ኑስ ካዎ፤ ኑና ኣሻናይካ ኢዛ።

ኢሳያሳ ቲንቢቴ 35:4

ዎዚናን ያሻይ ዲዛይታ «ሚኒቴ! ያዮፍቴ! ኢንቴ ጾሲ ዪዲ ሃሎ ኬሳና፤ ኢዚ ኢንቴና ኣሻናሲኔ ሃሎ ኬሳናስ ያና» ጊቴ።

ኢሳያሳ ቲንቢቴ 37:16

«ኣቤት ጎዳዉ፥ ኡባፌ ዎልቃማ ጾሳዉ፥ ኪሩቤታፔ ጊዶን ኡቲዛ ኢስራኤሌ ጾሳዉ፥ ሳኣ ካዎቴታ ኡባ ቦላ ኔ ጻላ ጾሳ። ሳሎኔ ሳኣ ኔኒ ሜዳሳ።

ኢሳያሳ ቲንቢቴ 42:8

«ታኒ ጎዳ፤ ሃይሲ ታ ሱን፤ ታ ቦንቾ ሃራስ ኣ ኢሚኬ፤ ታ ጋላታካ ኤቃ ጾሳታስ ሼኬ።

ኢሳያሳ ቲንቢቴ 45:5

ታኒ ጎዳ፤ ታፔ ሃራይ ኦኒካ ዴና፤ ታፔ ሃራ ጾሲ ዴና፤ ኔ ታና ኤሮንታ ኣጊኮካ ታ ኔና ሚንና።

ሂዚቄላ ቲንቢቴ 36:23

ኢንቴ ኢስታ ማታን ቱኒሲን ካዎቴታ ጊዶን ቱኒዳ ጊታ ታ ሱን ጌሻቴ ታኒ ቤሳና። ኢስቲ ጼሊሺን ኢንቴ ባጋራ ታኒ ታ ጌሻቴ ቆንጪሲዛ ዎዴ ካዎቴቲ ታኒ ጎዳ ጊዲዳይሳ ኢስቲ ሄ ዎዴ ኤራና። ታኒ ኡባ ሃሪዛ ጎዳይ ሃይሳ ዮታይስ።

ሂዚቄላ ቲንቢቴ 39:21

«ካዎቴታ ጊዶን ታኒ ታ ቦንቾ ቆንጪሳና፤ ካዎቴቲ ኡባይ ታኒ ኢስታ ቦላ ኤሂዳ ቂጻቴኔ ታ ኢስታ ቦላ ዴጼዳ ኩሼ ቤኣና።

ኢዩኤሌ ቲንቢቴ 2:17

ጎዳስ ኦዛ ቄሴቲካ ያርሾ ያርሺዛሶዛሲኔ ኣሲ ሲሜሬቲዛሶ ጊዶን ኤቂዲ ዬኬቶ፤ ጎዳዉ! ኔኒ ኔ ዴሬዛስ ቃታ፤ ካዎቴቲ ኢስታ ጾሳይ ኣዋን ዲዜ? ጊዲ ኑና ካናሲኔ ኢስቲ ኑ ቦላ ሚጪ ካኣና ማላ ኔ ኢስታ ኦፋ» ጌቶ።

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።