ኢሳያሳ ቲንቢቴ 32:14 - ጋሞ ማጻፋ

¹⁴ ሚጻቲ ካይዛና፤ ዳሮ ሺሮቲዛ ካታማያ ዲሚ ጋና፤ ሚጻቲኔ ቃቶቲ ሜርናስ ጎንጎሎ፥ ሃርዲዳቲ ጉፒዛሶሆኔ ዉዴይ ሄሜቲዛሶ ጊዳና።

Geeshsha Maxaafa

¹⁴ Miixati kayzana; daro shirotiza katamaya dimmi gaana; miixatinne qatoti mernaas gongolo, hardidati guppizasohonne wudey heemettizaso gidana.

ኢሳያሳ ቲንቢቴ 32:14 ပူးပေါင်းရင်းမြစ်များ

2ካዎታ ማጻፋ 25:9

ጎዳ ኬ፥ ካዎቴ ኬኔ ዬሩሳላሜን ዲዛ ኬታ ኡባ ጹጊዴስ፤ ኤሬቲዳ ጊታ ኬታካ ታማን ጹጊዴስ።

2ታሪኬ ማጻፋ 33:14

ሄሳፌ ጉዬ ሚናሴይ ዙሌን ዲዛ ጊዮኔ ፑልቶዛስ ኣርሼይ ዉሊዛ ባጋፌ ዶሚዲ ሞሌ ፔንጌ ጋካናስ ዲዛ ዳዊቴ ካታማስ ካሬ ባጋራ ዲዛ ጊምቤዛ ኦፌሌ ዙምቡላ ጊዶ ዬጊዲ ካሴይሳፌ ቁ ሂስቲ ጊምቢዴስ፤ ጊምቤቲ ኡቲዳ ዩሁዳ ካታማታ ኡባን ኦላ ጋዳዋታ ዎዴስ።

ናሂሚያ ማጻፋ 3:26

ሄሳፌ ካሊ ዲዛይሳ ፓሮሴ ና ፓዳያይ፥ «ኦፌሌ» ዙምቡላን ዲዛ ጾሳ ኬ ኦሳንቻቲ ሃ ፔንጌ ጌቴቲዛሶፔ ቢዲ ኣርሼይ ኬዚዛ ባጋ ጋካናስ ዲዛ ጊምቤዛ ዛሪ ኦዴስ።

ዬ ማጻፋ 104:11

ባዞ ዶኣቲ ኡባይ ኢዛፔ ኡዬቴስ፤ ሃሪዲዳቲካ ሳሞስ ኢዛፔ ኡዪ ኣሌቴስ።

ኢሳያሳ ቲንቢቴ 22:2

ሃኔ ዎጫማይ ኩሚዳ ካታማዬ! ሺሮይኔ ዲርባይ ኩሚዳ ካታማዬ! ኔፔ ሃይቂዳይቲ ማሻን ሃይቂቤቴና፤ ዎይኮ ኦላን ሃይቂቤቴና።

ኢሳያሳ ቲንቢቴ 24:10

ላሌቲዳ ካታማያ ካይዛዱስ፤ ኬ ፔንጌቲካ ጎርዴቲዳ።

ኢሳያሳ ቲንቢቴ 24:12

ካታማያ ሙሌራ ላሌታዱስ፤ ፔንጌቲካ ሜቄሬቲ ኩንዲዳ።

ኢሳያሳ ቲንቢቴ 25:2

ኔኒ ካታማዮ ሹቻ ዶሬ ኦዳሳ፤ ጊምቤቲዳ ካታማዮካ ላላዳሳ፤ ሃይሳፌ ሲንን ጊምቤቲዳ ኣላጋታ ካታማቲ ዴቴና፤ ሲሚዲ ሙሌካ ኦሴቴቴና።

ኢሳያሳ ቲንቢቴ 27:10

ጊምቤቲዳ ካታማያ ካይዛዱስ፤ ባዞ ቢታ ማላ ኦሌቲዳሶ ጊዳዱስ፤ ማራቲ ሄን ሄሜቲዲ ሄን ኢቻና፤ ኢዚ ሃጋታካ ፖቂ ማና።

ኢሳያሳ ቲንቢቴ 3:26

ጺዮኔ ፔንጌቲ ካሎ ጋዴን ዎ ኡታዳ ዬኪዛ ማጫሳ ማላ ዬካናኔ ዚላላና።

ኢሳያሳ ቲንቢቴ 5:9

ኡባፌ ዎልቃማ ጎዳይ ታኒ ታ ሃይራ ሲዪሺን፥ «ጊታ ኬቲ ካይዚ ኣታና፤ ሄ ሎኦ ኬታን ዴኣናስ ኣሲ ያና።

ኢሳያሳ ቲንቢቴ 6:11

ታኒካ፥ «ኣቤት ጎዳዉ! ሃይሲ ኣይዴ ጋካናስ ሃናኔ?» ጋዲስ። ኢዚካ ዛሪዲ ታስ፥ «ካታማቲ ኢስታን ዴኢዛ ኣሲ ዪን ኢስቲ ላሌታና ጋካናስ፥ ኬቲካ ኡባይ ካይዛና ጋካናሲኔ ቢታይካ ሙሌራ ኣይኮይ ባይንዳ ቡላ ጊዳና ጋካናሳ።

ኢሳያሳ ቲንቢቴ 7:23

ሄ ዎዴ ኢሲ ሺ ቢራን ዋሼቲዛ ኢሲ ሺ ዎይኔ ቱራቲ ቶኬቲዳሶሆቲ ኡባይ ኣጉንኔ ኪንዲቾ ጻላ ጊዳና።

ኤርማሳ ቲንቢቴ 14:6

ሃርዲዳቲ ኣይኮይ ባይንዳ ዙምቡላታ ቦላ ኤቂዳ፤ ዎራካናታ ማላ ሃ ኮዪዲ ሌሶቴቴስ። ኢስታስ ሚዛ ሚሺ ይዳ ጋሶን ኢስታ ኣይፌይ ጼላናስ ዳቡርዴስ» ጊዴስ።

ኤርማሳ ቲንቢቴ 33:4

ጎዳ ኢስራኤሌ ጾሳይ ባቢሎኔታራ ዲዛ ኦላን ቢታ ዶሪዲ ማሻን ቆሂዛ ኦላ ቴቃናስ ላሌቲዳ ሃ ካታማይ ኬታሲኔ ዩሁዳ ካዎቴ ኬታ ጊሻስ፥

ኤርማሳ ቲንቢቴ 52:27

ካዎዚካ ኢስታ ሄን ኤሬቢላን ዲፒ ሂስቲ ዎዴስ፤ ዩሁዳይካ ሄሳ ማላን ባ ቢታፌ ዲኤታ ባዱስ።

ኤርማሳ ቲንቢቴ 6:5

ሄሳ ጊሻስ ዴንዲቴ! ኣኔ ኦማርስ ኦሎስ፤ ሂስቲዲ ኢዚ ሚጻካ ኣኔ ላሎስ› ጊዲ ማቄቲዳ» ጌስ።

ሆሴኤ ቲንቢቴ 2:3

ኢዛ ሲሞንታ ኢጺኮ ኢዛ ባ ኣዬይ ኡሎፔ ካሎ ዬሌቲዳ ማላ ታ ኢዞ ጺሬ ካሎ ኣሻና። ባዞ ማላኔ ሜላ ቢታ ማላ ታ ኢዞ ኦና። ታ ኢዞ ሃ ሳሞን ዎና።

ሚኪያሳ ቲንቢቴ 3:12

ሄሳ ጊሻስ ኢንቴ ጌዶን ጺዮኔይ ጎሻ ቢታ ማላ ጎዬታና፤ ዬሩሳላሜይካ ቆሌቲዳ ኬ ዶሬ ጊዳና፤ ጾሳ ኬይ ዲዛ ዙማይካ ሻራፋ ማታይ ኢዛ ቦላ ዲጪዳ ዙማ ጊዳና።

ሶፎናሳ ቲንቢቴ 2:15

ካሴ ኡፋይሳን ዲዛ ካታማያ ሃኖ፤ ኢዛካ ባ ዎዚናን፥ «ታ ጻላ ዳይስ፤ ታፔ ሃራይ ኦኒካ ዴና» ጊዳራ ሂስቲን ሃኢ ዋናዳ ዎራ ዶኣቲ ጉሪዛሶ ባዞ ቢታ ጊዳ ኣታዴ? ኢዚ ኣቻራ ኣ ቢዛ ኡባይ ኢዞ ቂሼ ባ ኩሼ ዉጼስ።

ሶፎናሳ ቲንቢቴ 2:7

ሄሲካ ዩሁዳፔ ጫሻ ኣቲዳይታስ ጊዳና፤ ኢስቲካ ሄን ባስ ኣቆታ ዴማና፤ ጋዴይ ቃሚሺን ኣስቄሎና ካታማን ዲዛ ኬታን ኣቃና፤ ጎዳይ ኢስታ ጾሳይ ኢስታ ናጋና፤ ኢስታፌ ዲኤቲዳይሳካ ኢስታስ ዛራና።»

ሉቃሳ ሚሺራቾ 21:20

«ኦላ ኣሳይ ዬሩሳላሜ ጊዶሺን ቤዪኮ ኢዚስ ይዛ ዎዴይ ማቲዳይሳ ኤሪቴ።

ሉቃሳ ሚሺራቾ 21:24

ባጋ ኣሳይ ማሻን ሃይቃና፤ ባ ዴሬፔ ሃራ ዴሬ ዲኤታና፤ ዬሩሳላሜይካ ጾስ ኤሮንታ ዴሬታ ዎዴይ ፖሌታና ጋካናስ፥ ጾስ ኤሮንታ ኣሳታን ዬቲዳሮ ጊዳና።