ኢሳያሳ ቲንቢቴ 31:5 - ጋሞ ማጻፋ

⁵ ካፎይ ቦላራ ኣላንዛ ማላ ኡባፌ ዎልቃማ ጎዳይ ዬሩሳላሜ ካማና፥ ናጋናኔ ኣሻና፤ ኢዚ ቦላራ ኣዲ ኢዞ ኣሻና» ጌስ።

Geeshsha Maxaafa

⁵ Kafoy bollara aalanththiza mala Ubbaafe Wolqqama GODAY Yerusalaame kammana, naagananne ashshana; izi bollara aadhdhidi izo ashshana» gees.

ኢሳያሳ ቲንቢቴ 31:5 ပူးပေါင်းရင်းမြစ်များ

ሜቴ ማጻፋ 1:2

ሄ ዎዴ ሳኣይ ሎኢ ጊጊቤናኔ ኣይኮይካ ባይንዳ ሜላ ዴስ፤ ጪማሶሆታ ማይ ጎዚ ኦይኪዴስ፤ ጾሳ ኣያናይ ሃፌ ቦላራ ማይኢ ኡቲዴስ።

2ካዎታ ማጻፋ 19:34

ታ ጊሻሲኔ ታ ኣይሌ ዳዊቴ ጊሻስ ጋዳ ሃኖ ካታማዮ ታኒ ጎንዳላ ኣሻና› ጌስ።»

2ታሪኬ ማጻፋ 32:22

ሄሳ ኦዲ ጎዳይ ሂዝቂያሳኔ ዬሩሳላሜን ዴኢዛ ኣሳ ኣሶሬ ካዎ ሴናኪሬሜ ኩሼፔኔ ሃራ ሞርኬታ ኡባ ኩሼፔ ኣሺዴስ፤ ሂስቲዲ ኢስታ ዩሾን ዲዛ ኣሳ ኡባፌ ኢስታ ናጊዴስ።

ዬ ማጻፋ 37:40

ጺሎቲ ጎዳ ጉዬ ኣዳ፤ ሄሳ ጊሻስ ኢዚ ኢስታ ማዴሲኔ ኣሼስ፤ ኢታታ ኩሼፔካ ዎ ኤኬስ።

ዬ ማጻፋ 46:5

ጾሲ ኢዚ ጊዶን ዲዛ ጊሻስ ሄ ካታማያ ቃጹኩ፤ ዎንታ ማላዶራ ጾሲ ኢዞ ማዳና።

ዬ ማጻፋ 46:6

ካዎቴቲ ማካላን ዴንዲዳ፤ ካዎቲካ ኩንዲዳ፤ ኢዚ ባ ቃላ ቁ ሂስቲ ሲሲዴስ፤ ቢታይካ ሴሪዴስ።

ዬ ማጻፋ 91:4

ኢዚ ባ ዋንጎታን ኔና ካማና፤ ኢዛ ቄፌታ ጋርሳን ኔኒ ቆቴታ ኣታና፤ ኢዛ ኣማኔቴይ ኔስ ጎንዳሌኔ ዜምፖ ጊዳና።

ኬሳ ማጻፋ 12:27

ኢንቴ ኢስታስ፥ ‹ሃይሲ ጎዳ ቦንቻናስ ያርሺዛ ፓዚጋ ያርሾ፤ ኣይስ ጊኮ ጎዳይ ጊብጼ ቢታን ኢስራኤሌ ኣሳ ኬ ኣጊ ኣዲ ጊብጼ ኣሳ ዎዲ ኑና ኣሺዳ ጊሻሳ› ጊቴ» ጊዴስ። ሄሳፌ ጉዬ ኣሳይ ቢታ ቦላ ጉፋኒ ጎይኒዴስ።

ኬሳ ማጻፋ 19:4

‹ታኒ ጊብጼ ኣሳ ቦላ ኣይ ኦዳኮ ቃሴ ጎሌ ካፎይ ባ ና ባ ቄፌን ቶኪዛ ማላ ታኒ ኢንቴና ዎስታ ቶካዳ ታኮ ኤሂዳኮ ኢንቴ ኢንቴ ኣይፌራ ቤዪዴታ።

ኢሳያሳ ቲንቢቴ 10:14

ኣሲ ባ ኩሼ ካፎ ኬን ዬዲዛ ማላ ታኒካ ታ ኩሼ ካዎቴታ ኣቆታን ዬዳዲስ። ቃሴ ኣሲ ዶጌቲ ኣቲዳ ጱጱሌታ ሺሺዛ ማላ ታኒካ ዴሬ ኡባ ሺሻዲስ። ፓላናስ ባ ቄፌ ሚጪዳይ ዴና፤ ዋሳናስ ባ ዶና ዶይዳይ ዴና» ጊዴስ።

ኢሳያሳ ቲንቢቴ 26:1

ሄ ጋላስ ሃ ዬይ ዩሁዳ ቢታን ዬጼታና። ኑስ ሚኖ ካታማይ ዴስ፤ ጾሲ ኢዛ ጊምቤታኔ ሚጻታ ኣቶቴስ ኦዴስ።

ኢሳያሳ ቲንቢቴ 27:3

ታኒ ጎዳይ ኢዛ ናጋይስ፤ ታኒ ኡባ ጋላስ ሃ ኡሻይስ፤ ኦማርሲኔ ጋላስ ኢዛ ናጋይስ፤ ሄሳ ጊሻስ ኦኒኔ ኢዛ ቆሄና።

ኢሳያሳ ቲንቢቴ 35:4

ዎዚናን ያሻይ ዲዛይታ «ሚኒቴ! ያዮፍቴ! ኢንቴ ጾሲ ዪዲ ሃሎ ኬሳና፤ ኢዚ ኢንቴና ኣሻናሲኔ ሃሎ ኬሳናስ ያና» ጊቴ።

ኢሳያሳ ቲንቢቴ 37:35

ታኒ ታ ቦንቾ ጊሻሲኔ ታ ኣሽካራ ዳዊቴ ጊሻስ፥ ሃ ካታማዮ ካማ ኣሻና» ጊዴስ።

ኢሳያሳ ቲንቢቴ 38:6

ኔናኔ ሃ ካታማዮ ኣሶሬ ቢታ ካዎዛ ኩሼፔ ኣሻና፤ ታኒ ሃ ካታማይ ቦላ ዪዛይሳ ቴቃና› ጌስ» ጊዴስ።

ዛካራሳ ቲንቢቴ 9:14

ጎዳይ ኢስታ ቦላ ቆንጫና፤ ኢዛ ዪሻይ ዎልቃን ማላ ፖፖልኡ ጋና፤ ኡባፌ ዎልቃማ ጎዳይ ጹሩምባ ፑናና። ዱጌሃፔ ኬዚዛ ጎቴ ጫርኮ ማላ ኢዚ ባና።

ዛካራሳ ቲንቢቴ 9:8

ታኒ ጊዲኮ ታ ኬ ቦንቂዛ ዎልቃማታፔ ናጋና፤ ሃይሳፌ ጉዬ ኡንኤዛይ ታ ዴራ ላቴና። ታኒ ሃኢ ሚና ናጋይስ።

ዛሬ ማጻፋ 32:11

ጎሌ ካፎይ ባ ጪዬታ ፒራ ታማርሲዛ ማላ፥ ባ ቄፌ ሚጫዳ ጋካ ኦይካ ኣሺዛ ማላ፥ ጎዳይ ባ ቄፌን ሃጵዲ ኢስታ ኣሺዴስ።