ኢሳያሳ ቲንቢቴ 31:3 - ጋሞ ማጻፋ

³ ጊብጼ ኣሳይ ኣሳፔ ኣቲን ጾስ ዴቴና፤ ኢስታ ፓራቲካ ኣሾፔ ኣቲን ኣያና ጊዴቴና። ጎዳይ ባ ኩሼ ሚጪዛ ዎዴ ኢዛ ማዲዛዴይ ጴታና፤ ማዴቲዛዴይካ ኩንዳና፤ ናምኣይካ ኢሲፌ ያና።

Geeshsha Maxaafa

³ Gibxe asay asappe attiin Xoos deettenna; istta paratikka ashoppe attiin ayana gidettenna. GODAY ba kushe micciza wode iza maaddizaadey dhuphettana; maadettizaadeyka kundana; nam7ayka issife dhayana.

ኢሳያሳ ቲንቢቴ 31:3 ပူးပေါင်းရင်းမြစ်များ

2ታሪኬ ማጻፋ 32:8

ኢዛራ ዲዛይቲ ኣሾ ማይኢዳ ኣስ ጊዲሺን ኑናራ ዲዛይ ጊዲኮ ኑና ማዲዛኔ ኑ ሞርኬታ ኦሊዛ ጎዳ ኑ ጾሳ» ጊዲ ሚንዴስ። ዩሁዳ ካዎ ሂዝቂያሲ ዮቲዳ ቃላን ኣሳይ ሚኔቲዴስ።

ዬ ማጻፋ 118:8

ኣሳን ኣማኔቴፌ ጎዳን ኣማኔቴይ ሎኦ።

ዬ ማጻፋ 33:17

ታኒ ፓራን ጾናና ጊ ናጎይ ሃዳ፤ ኢዚ ባ ዎልቃ ሚኖቴን ኦናካ ኣሻናዉ ዳንዳዬና።

ዬ ማጻፋ 9:20

ኣቤት ጎዳዉ! ኔ ኢስታ ዳጋን፤ ኢስቲ ኣስ ጊዲዳይሳ ኔኒ ኢስታ ኤሪሳ።

ኢሳያሳ ቲንቢቴ 10:3

ኢንቴና ጾሞሲዛ ዎዴ ኢንቴ ኣዋ ጌላንዴቲ? ሃኮፔ ባሺ ዪዛ ዎዴ ኣይ ሃናንዴቲ? ማዶ ዴማናስ ኦናኮ ባቃታንዴቲ? ኢንቴ ኣቆታ ኣዋን ቆታንዴቲ?

ኢሳያሳ ቲንቢቴ 20:4

ኣሶሬ ካዎይ ጊብጼፔ ዲኤቲዳ ጪማታኔ ዬላጋታ፥ ቶጵያፔ ቤቲ ዪዳይታ ካሎኔ ጫማ ኣንታ ኤኪ ባና፤ ኢስቲ ዱጫ ካሎ ቃሪ ዬጊዲ ዬዴሬሼ ጊብጼታ ካዉሻና።

ኢሳያሳ ቲንቢቴ 20:6

ሄ ዎዴ ኣባ ማታን ዴኢዛ ዴሬይ፥ ‹ካሴ ኢስቲ ጬቄቲዳይቲ፥ ኣሶሬ ካዎፔ ኣታናሲኔ ላኣ ኬዛናስ ኑ ኢስታ ጊዶን ቆቴቲዳይታ ኣዚ ጋኪዳኮ ኣኔ ጼሊቴ፤ ሂስቲን ኑኒ ዋኒ ኬሲ ኤኪ ኣታኔ? ጋና› » ጊዴስ።

ኢሳያሳ ቲንቢቴ 30:16

ቃሴካ፥ ‹ቺ! ኑኒ ፓራን ኡቲ ባቃታና› ጊዴታ፤ ሄሳ ጊሻስ ኢንቴ ባቃታና። ዛሪዲካ ኢንቴ፥ ‹ኑኒ ፒላታ ፓራን ኬሲ ኤኪ ባና› ጊዴታ፤ ሄሳ ጊሻስ ኢንቴና ዬዴዛይቲ ፒላታታ ጊዳና።

ኢሳያሳ ቲንቢቴ 30:5

ኢስታስ ዬላቴኔ ካዉሻቴ ጻላ ጊዳና ኣቲን ማዶ ዎይኮ ዎ ኢስታስ ኤሆንታ ኣይኮ ጎኣካ ኢስታስ ኢሞንታ ኣሳታ ጋሶን ኡባይካ ዬላታና» ጌስ።

ኢሳያሳ ቲንቢቴ 30:7

ኢዚ ማዶስ ሙሌካ ጎኣይ ባይንዳ ዴሬ ኢስቲ ጊብጼ ባና፤ ሄሳ ጊሻስ ታኒ ኢዚ ሱን «ኣይኮካ ጎኦንታሮ ኤራኣቤ» ጋ ጼይጋና።

ኢሳያሳ ቲንቢቴ 36:6

ሄኮ ኔኒ ኣሲ ኢዛ ኦይኪ ዳርቲን ሜቂዲ ማዱንዛ ማቃ ሚሳቲዛ ጊብጼን ኣማኔታዳሳ፤ ጊብጼ ካዎ ፓሮኔይካ ኢዛን ኣማኔቲዛ ኡባስ ሄሳ ማላ።›

ኢሳያሳ ቲንቢቴ 36:9

ኔኒ ጊብጼ ፓራ-ጋሬታኒኔ ቶጋንቻታን ኣማኔቲዛ ጊዲኮ ታ ጎዳ ኦላንቻታፔ ኢሲ ላፋ ቡቴዛ ኔ ዎስታ ዛራኔ?

ኢሳያሳ ቲንቢቴ 9:17

ሄሳ ጊሻስ ጎዳይ ናቴ ናይታን ኡፋዬቴና፤ ዪኦታሲኔ ኣምኤታስ ቃቴና፤ ኡባይካ ኢታ ኦዛይታኔ ጾሳ ያሻቴ ባይንዳይታ፤ ኡባ ኣሳ ዶናፔ ሃራሲዛ ቃላይ ኬዜስ፤ ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኤርማሳ ቲንቢቴ 15:6

«ኔ ታና ኣጋዳሳ፤ ጉዬ ጉዬ ባሳ፤ ሄሳ ጊሻስ ታኒ ኔ ቦላ ታ ኩሼ ዴንዳ ኔና ይሳና፤ ሃይሳፌ ጉዬ ኔስ ቃቲኬ።

ኤርማሳ ቲንቢቴ 17:5

ጎዳይ፥ «ኣሳን ኣማኔቲዛይ፥ ኣሾ ማይኢዳ ኣሳን ጬቄቲዛይ፥ ባ ዎዚና ጎዳፔ ሃሲዛይ ቃንጌቲዳዴ።

ሂዚቄላ ቲንቢቴ 28:2

«ሃይሶ ኣሳ ናዉ! ጺሮሴ ሃላቃስ ኡባ ሃሪዛ ጎዳይ፡ «ኔ ዎዚናይ ኦቶሮን ኩሚዲ፥ ‹ታኒ ጾሳ፤ ጾሳ ኣራታን ኣባስ ጊዶ ኣዳን ኡታዲስ› ጊዴስ። ኣይኮስካ ኔኒ ታኒ ጾሳ ማላ ኣ ኤራንቻ ቆፒኮካ ኔኒ ኣሳ ኣቲን ጾስ ዳካ።

ሂዚቄላ ቲንቢቴ 28:9

ሂስቲን ኔኒ ኔና ዎዛይታ ሲንን፥ ‹ታኒ ጾሳ› ጋንዲ? ኔና ዎዛይታ ኩሼን ኔ ጌላሼ ኔኒ ኣሳ ኣቲን ጾስ ዳካ።

ኣሞጼ ቲንቢቴ 2:15

ዎንዳፌ ኦይኪዳዴይ ባ ዲዛሶን ሚኒ ኤቂዲ ኦላ ዛሬና፤ ፒላታ ኦላንቻይካ ዎጺ ኣቴና፤ ቶጋንቻይካ ባ ሼምፖ ኣሼና።

Maatosa 15:14

ኢስታ ኣጋጊቴ፤ ኢስቲ ቆቄቲ ካሌዛ ቆቄታ ጊዲዳ ጊሻስ፥ ቆቄቲ ቆቄ ካሌኮ ናምኣይ ኢሶይ ኢሳራ ኦይኬቲዲ ኣፎን ዉላና» ጊዴስ።