ኢሳያሳ ቲንቢቴ 30:6 - ጋሞ ማጻፋ

⁶ ኔጌቤን ዲዛ ሜዶሳታ ጊሻስ ጎዳይ ዮቲዳ ቃላይ ዎዳላ ጋሞቲኔ ማጫ ጋሞቲ ዲዛሶን፥ ማርዜራ ዲዛ ሾሻቲኔ ጾንጌቲዛ ሾሻቲ ዲዛሶን፥ ሜቶይኔ ጬጬይ ኩሚዳ ቢታራ ኣ ቢዲ፥ ኢስቲ ጎኦንታ ዴሬታኮ፥

Geeshsha Maxaafa

⁶ Negeben diza medosata gishshas GODAY yootida qaalay wodalla gaammotinne macca gaammoti dizason, marzera diza shooshshatinne xongettiza shooshshati dizason, metoynne ceecey kumida biittara aadhdhi biidi, istti go7ontta deretakko,

ኢሳያሳ ቲንቢቴ 30:6 ပူးပေါင်းရင်းမြစ်များ

ሜቴ ማጻፋ 12:9

ሄሳፌ ጉዬ ኣብራሜይ ሄፔ ዴንዲ ቢዲ ኔጌቤ ጌቴቲዛ ባዞ ጋኪዴስ።

1ካዎታ ማጻፋ 10:2

ጊታ ኣዣባን ሺቶ፥ ኬሂ ዳሮ ዎርቃኔ ኣልኦ ሹቻ ዳሮ ጋሜላታን ጫናዳ ዬሩሳላሜ ጋኪዳፔ ጉዬ ሶሎሞኔኮ ጌላዳ ባ ዎዚናን ዲዛ ኦይሻ ኡባ ሺሻዱስ።

2ታሪኬ ማጻፋ 16:2

ሄሳ ጋሶን ካዎ ኣሲ ጾሳ ኬኔ ባ ካዎቴ ኬ ቡቁራ ሚንጂዛሶፔ ዎርቃኔ ቢራ ኤኪዲ ዳማስቆ ካታማን ዴኢዛ ኣራሜ ካዎ ቤኒ-ሃዳዴስ ኩሼ ጌን ዬዲዴስ።

2ታሪኬ ማጻፋ 9:1

ሳባ ካዎያ ሶሎሞኔ ጎባቴ ሲያዳ፥ ዴጾ ኦይሻታ ኤካዳ ኢዛ ፓጫናስ ሳዎ፥ ኬሂ ዳሮ ዎርቃኔ ኣልኦ ሹቻታ ጋሜላታን ጫናዳ ዳሮ ኣዣባራ ዬሩሳላሜ ጋካዳ ሶሎሞኔ ሲን ኣዱስ። ሂስታዳ ባ ዎዚናን ዲዛይሳ ኡባ ሶሎሞኔስ ዮታዱስ።

ኢዮቤ ማጻፋ 39:11

ኢዛ ሚኖቴን ኔ ኣማኔታይ? ኔስ ዴጺዛ ኦሶዛ ኢዚ ኦና ማላ ኢዛስ ኣጋ ኤራይ?

ኬሳ ማጻፋ 1:14

ዎልቃማ ኦሶን፥ ሲሚንቶኒኔ ጹቤ ሜን፥ ቃሴ ጎሼ ጎይሶን፥ ኢስታ ዱሳን ኡንኤዳ፤ ዳቡርሲዛ ኦሶ ኡባ ቃታይ ባይንዳ ኢስታ ኦሲሲዳ።

ኢሳያሳ ቲንቢቴ 14:29

ኢንቴኖ ፊሊስጼሜ ኣሳቶ፥ ኢንቴና ሾጪዳ ጉፌይ ሜቂዳ ጊሻስ ኡባቲ ኡፋዬቶፍቴ፤ ሾሻ ጋርሳፌ ሃሶ ሾሺ ኬዛና፤ ኢዛ ዜሬካ ጾንጌቲዛ ማርዜራ ዲዛ ሃሶ ሾሽ ጊዳና።

ኢሳያሳ ቲንቢቴ 15:7

ሄሳ ጊሻስ ኢስቲ ሃሪዳ ኣቆታኔ ኢስቲ ሺሺዳ ሃሮ ኣሃያ ሻፋ ቶኪ ፒንቴስ።

ኢሳያሳ ቲንቢቴ 19:4

ቃሴ ሜንጼ ኢታ ኣሳ ኩሼን ታ ጊብጼታ ኣ ኢማና፤ ባቢሲዛ ካዎይ ኢስታ ሃራና» ጌስ ጎዳይ፥ ኡባፌ ዎልቃማ ጾሳይ።

ኢሳያሳ ቲንቢቴ 35:9

ሄን ጋሞይ ዴኤና፤ ዳፊ ሚዛ ዶኣይካ ኢዛን ኬዜና፤ ሄይታንቲ ሄን ቤቴቴና፤ ዎዜቲዳይቲ ጻላ ሄራ ባና።

ኢሳያሳ ቲንቢቴ 5:30

ሄ ጋላስ ኢስቲ ጊታ ኣባ ዳምባላ ማላ፥ ኢስራኤሌ ቦላ ጉማና፤ ኦኒካ ዱጌ ዛሪ ቢታ ጼሊኮ ማኔ ሜቶ ቤኣና፤ ፖኦይካ ሻራን ካሜታና።

ኢሳያሳ ቲንቢቴ 57:9

ዎጋራ ዛይቴ ኤካዳ፥ ሺቶ ኢዛ ቦላ ጉጃዳ ሞሎኬ ጌቴቲዛ ኤቃ ጾሳኮ ባዳሳ፤ ኔስ ኪቴቲዛይታ ሃኮ ዴሬ ኪታዳሳ፤ ዱጌ ሲኦሌ ጋካናስ ካንዳሳ።

ኢሳያሳ ቲንቢቴ 8:22

ሄሳፌ ጉዬ ኢስቲ ዱጌ ቢታ ጼላና፤ ኢስቲ ጼላናይሲካ ዋዬ፥ ማኔ ፒ ጊዳ ባቢሲዛ ሚሽ ጻላ፤ ኢስቲ ጊርዲ ጊዳ ማን ዬጌታና።

ኤርማሳ ቲንቢቴ 11:4

« ‹ሃይሲ ኣዛዞዚ ቤኒ ኢንቴ ኣዋታ ጊብጼ ቢታፌ፥ ቢራታ ሴሪሲዛ ጮጬፔ ኬሲዛ ዎዴ ታ ቃላ ሲዪዳኮ፥ ታ ኣዛዞ ናጊዳኮ ኢስቲ ታ ናይታ፤ ታኒ ኢስታ ጎዳ ጊዳና ማላ ታኒ ኢስታስ ኢሚዳ ቃላ።

ኤርማሳ ቲንቢቴ 2:6

ኢስቲካ፥ ‹ኑና ጊብጼፔ ኬሲዳይ፥ ባዞን ሳሚዳ ኦጌራ፥ ኩንዱኩርጮ ቢታራ፥ ሜላኔ ማ ቢታራ፥ ኣሲ ኣንታሶራ ኑና ካሌ ኤሂዳ ጎዳይ ኣዋን ዲዜ?› ጊ ኦይቺቤቴና።

ሂዚቄላ ቲንቢቴ 20:46

«ሃይሶ ኣሳ ናዉ! ዱጌሃ ባጋ ሲማዳ ጼላ፤ ዱጌሃ ባጋ ዴራ ቦላ ዮታ፤ ዱጌሃ ባጋን ዲዛ ዎራ ቦላ ቲንቢቴ ዮታ።

ሆሴኤ ቲንቢቴ 12:1

ኤፍሬሜይ ጫርኮ ሄንንቻ፤ ጋላስ ኩሜ ኣርሼይ ሞኪዛ ባጋ ጫርኮ ካሌስ፤ ዎርዶኔ ማካላ ዳሪሴስ። ኣሶሬ ዴራራ ጫቆ ቃላ ጌሌስ፤ ዎጋራ ዛይቴ ጊብጼ ቢታ ዬዴስ።

ሆሴኤ ቲንቢቴ 12:2

ጎዳይ ዩሁዳ ዴራ ቦላ ሺሺዛ ሞቶይ ዴስ፤ ኢዚ ያቆቤ ኢዛ ሃኖታ ማላ ቃጻያና። ኢዛ ኦሶ ማላ ኢዛስ ኢማና።

ሚኪያሳ ቲንቢቴ 6:14

ኔ ማናሺን ካላካ፤ ኔ ቃንይ ጮ ሜላ ዳና፤ ኔ ሺሻናሺን ኣይኮካ ኔስ ሺቄና፤ ኔ ሺሺዳይሳ ታኒ ማሻሲኔ ቶራስ ኣ ኢማና።

ዛካራሳ ቲንቢቴ 6:6

ካሬ ፓራቲ ጎቺዛ ጋሬይ ፑዴሃ ባጋ፥ ቦ ፓራቲ ጎቺዛ ጋሬይ ኣርሼ ጌሎሶ ባጋ፥ ማሳራ ፓራቲ ጎቺዛ ፓራይ ዱጌሃ ባጋራ ዲዛ ዴሬ ቤቴስ» ጊዴስ።

ዛካራሳ ቲንቢቴ 9:9

ሃኔ ጺዮኔ ናዬ ኬሃ ኡፋዬታ። ሃኔ ዬሩሳላሜ ናዬ ኡፋይሳን ኢሊላ፤ ጺሎኔ ኣሺዛ ኔ ካዎይ ኣሽኬ ጊዲዲ ሃሬዮኔ ሃሬይ ጉቴ ቶጊዲ ኔኮ ዬስ።

ታይቦ ማጻፋ 21:8

ሄ ዎዴ ጎዳይ ሙሴስ፥ «ኔኒ ጻርቂማላ ሾሽ ቆጻ ኬሳዳ ቱሳ ማላ ኣዱሳ ሚ ቦላ ካቃ፤ ሾሺ ዱኪዳ ኣሲ ዉሪካ ሄሳ ቤኢዲ ኣታና» ጊዴስ።

Maatosa 12:42

ዱጌሃ ዴሬ ካዎያ ሶሎሞኔ ኤራቴ ሲያናስ ቢታ ጋጻፔ ዴንዳዳ ዪዳ ጊሻስ ፒርዳ ጋላስ ኢዛ ሃይሳ ሃ ዬሌታራ ዴንዳዳ ሃ ዬሌታ ቦላ ፒርዳና። ሄኮ ሶሎሞኔፔ ኣዛዴይ ሃይሳን ዴስ።

ዛሬ ማጻፋ 17:16

ሄ ካዎዚ ዳሮ ፓራ ባስ ሺሻናስ ቤሴና፤ ጎዳይ ኣሳይ ጊብጼ ሲሞንታ ማላ ኣዛዚዳ ጊሻስ ሄፔ ፓራ ሻማናስ ኣሳ ዬዶፎ።

ዛሬ ማጻፋ 4:20

ኢንቴ ጊዲኮ ታማይ ኢዛን ኤጺዛ ቢራታ ጮጬ ሚሳቲዛ ጊብጼፔ ኢንቴና ጎዳይ ሾዲ ኬሲዳይ ኢንቴ ኢዛስ ዱማ ዴሬ ጊዳና ማላሳ።

ዛሬ ማጻፋ 8:15

ማርዜ ሾሻይኔ ማሲማሶይ ኩሚዳ ኬሂ ሂርጊሲዛ ባዞራ ኢንቴና ካሌዴስ፤ ኢዚ ኢንቴስ ሜላ ባዞን ሚኖ ዛላፌ ሃ ፑልቲሲዴስ።