ኢሳያሳ ቲንቢቴ 30:26 - ጋሞ ማጻፋ

²⁶ ጎዳይ ሜቂዳ ባ ዴራ ኮሊሺን፥ ማዱንዳይሳ ፓሺን፥ ኣጊናይ ኣርሼ ማላ ፖኣና። ኣርሼስ ኢሲ ጋላሳ ፖኦይካ ላፑን ጋላሳ ፖኦ ማላ ጊዳና።

Geeshsha Maxaafa

²⁶ GODAY meqqida ba deraa koolishin, madunththidayssa paththishin, aginay arshe mala poo7ana. Arshes issi gallassa poo7oykka laappun gallassa poo7o mala gidana.

ኢሳያሳ ቲንቢቴ 30:26 ပူးပေါင်းရင်းမြစ်များ

ኢዮቤ ማጻፋ 5:18

ጾሲ ማዱንኮካ ዛሪዲ ፓስ፤ ኢዚ ሜንስ፤ ባ ኩሼን ዛሪዲ ኮሌስ።

ኢሳያሳ ቲንቢቴ 11:9

ጌሺ ጊዲዳ ታ ዙማ ቦላ ቆሄቴና ዎይኮ ኦኒካ ዬና፤ ሃ ኣባ ኩሚዛ ማላ ሳኣ ኡባይ ጎዳ ኤሮን ኩማና።

ኢሳያሳ ቲንቢቴ 19:22

ጎዳይ ጊብጼ ቦሻን ሾጫና፤ ዛሪዲካ ኢስታ ፓና፤ ኢስቲካ ጎዳኮ ሲማና፤ ኢዚካ ኢስታ ዎሳ ሲዪዲ ኢስታ ፓና።

ኢሳያሳ ቲንቢቴ 24:23

ኡባፌ ዎልቃማ ጎዳይ ጺዮኔ ዙማኒኔ ዬሩሳላሜን ጪማታ ሲንን ቦንቾን ካዎታና፤ ሄ ዎዴ ኣጊናይ ሻጴታና፤ ኣዋ ኣይፌይካ ዬላታና።

ኢሳያሳ ቲንቢቴ 30:13

ሃይሲ ሃ ናጋራዚ ጳልቄቲ ኩንዳናኔ ቆፖንታ ዲሺን ኩንዲዛ ጊታ ጊምቤ ማላ ኢስታስ ጊዳና።

ኢሳያሳ ቲንቢቴ 30:14

ሜቄሬቶይሳ ጊዶፌ ታማ ቦንቆ ካሺዛ ኮንኣይ፥ ሃ ዱቂዛ ኮንኣይ ያናሼ ጋካናስ፥ ኣይኮይካ ኣቶንታ ቲፌቲዛ ማና ሚሻ ማላ ቲፌታና» ጌስ።

ኢሳያሳ ቲንቢቴ 33:24

ጺዮኔን ዲሼ፥ «ታ ሳኬታዲስ» ጋና ኣሲ ዴና፤ ሄን ዴኢዛ ኣሳታ ናጋራይ ኣቶ ጌቴታና።

ኢሳያሳ ቲንቢቴ 57:18

ታኒ ኢዛ ኦጌታ ቤኣዲስ፤ ጊዲኮካ ታ ኢዛ ፓናኔ ካሌና፤ ኢዛሲኔ ኢዛ ጊሻስ ዬኪዛ ጌሻታ ታ ሚንና።

ኢሳያሳ ቲንቢቴ 58:8

ኔ ሄሳ ኦኮ ኔ ፖኦይ ዎንታ ጻልቄ ማላ ጫራና፤ ፓጻቴ ኔስ ኤሶን ጋካና፤ ጺሎቴ ኔፔ ሲንራ ባና፤ ጾሳ ቦንቾይ ኔና ጋራዳና።

ኢሳያሳ ቲንቢቴ 61:1

ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

ኤርማሳ ቲንቢቴ 30:17

ኢንቴና ጊዲኮ ታኒ ዛራዳ ፓዪሳና፤ ኢንቴ ማዱንካ ፓና። ጋሶይካ ኢስታስ፥ ‹ካቲዳሮ፤ ኦኒካ ኮዮንታ ጺዮኖ› ጊዳ ጊሻሳ» ጌስ ጎዳይ።

ኤርማሳ ዚላስ 2:13

«ሃኔ ዬሩሳላሜ! ታ ኔ ጊሻስ ኣይ ጋናስ ዳንዳያዚና? ታ ኔና ኣዛራ ጊናሳ ጼሎ? ሃኔ ዶሴቲዳ ጺዮኔ ጌላኦዬ! ታ ኔና ዎስታ ሚንናስ ዳንዳያዚና? ኔ ማዱንይ ኣባፌካ ጪማቴስ፤ ኔና ፓናስ ዳንዳይዛይ ኦኔ?

ሆሴኤ ቲንቢቴ 6:1

ዴሬዚ፥ «ሃ ዪቴ፥ ኣኔ ጎዳኮ ሲሞስ! ኢዚ ኑና ሜንዳ ማላ ኢዚካ ኑና ዛሪዲ ኮላና፤ ኢዚ ኑና ማዱንዳ ማላ ዛሪዲካ ኢዚ ኑ ማዱን ፓና።

ሆሴኤ ቲንቢቴ 6:2

ናምኡ ጋላሳታፔ ጉዬ ኢዚ ኑና ቤጎና፤ ሄን ጋላስ ኢዚ ኑና ዴንና፤ ኑኒካ ኢዛ ሲንን ፓጻ ዳና።

ኣሞጼ ቲንቢቴ 9:11

«ጮ ኩንዲ ላሌቲዳ ኬ ማላ ጊዲዳ ዳዊቴ ዜሬታ ካዎቴስ ታኒ ዛራ ኤሳና ዎዴይ ያና፤ ታኒ ጊምቤዛ ዛራ ጊምባና፤ ላሌቲዳይሳካ ኦራጺሳና፤ ካሴይሳ ዛራ ኦና።

ዛካራሳ ቲንቢቴ 12:8

ሄ ጋላስ ኢስታ ጊዶን ዳሮ ላፋ ጊዲዳይ ዳዊቴ ማላ ሚኖ ጊዳና፤ ዳዊቴሶ ኣሳይ ቃሴ ኢስታፌ ሲን ሲን ቢዛ ጾሳ ማላኔ ጎዳ ኪታንቻ ማላ ጊዳና፤ ዬሩሳላሜን ዲዛይታስ ጎዳይ ጎንዳሌ ጊዳና።

ዛካራሳ ቲንቢቴ 14:7

ሄ ጋላሳይ ጋላሲኔ ቃማይ ባይንዳ ጎዳይ ኤሪዛ ዱማ ጋላስ ጊዳና፤ ሄ ጋላሲ ፖኦይ ፖኦሺን ዴኣና።

ሚልካሳ ቲንቢቴ 4:2

«ታ ሱንስ ባቢዛ ኢንቴስ ቃሴ ጺሎቴ ኣርሼይ ባ ቄፌ ጋርሳን ፓዛዝ ኤካ ያና፤ ኢንቴካ ቢርሺ ዬዲዳ ጋሎ ማራ ማላ ጺኬቲሼ ኬዛና።

ዛሬ ማጻፋ 32:39

«ታኒ ጻላ ጾስ ጊዲዳይሳ ኤሪቴ፤ ታፔ ሃራ ጾሲ ዴና፤ ዎዛይካ ፓጻ ዎዛይካ ታና፤ ታኒ ማዱንይሲኔ ፓይስ፤ ታ ኩሼፔ ኦኒካ ኢንቴና ኣሼና።

ዮሃኒሳ ኣጁታ 21:23

ጾሳ ቦንቾይ ኢዚስ ፖኢዛ ጊሻሲኔ ዶርሳዚ ኢዚ ፖኦ ጊዲዳ ጊሻስ ሄ ካታማይስ ኣርሼይ ዎይኮ ኣጊናይ ፖኢሳናስ ኮሼና።

ዮሃኒሳ ኣጁታ 22:5

ሄሳፌ ጉዬ ቃማይ ዴና፤ ጎዳ ጾሲ ኢስታስ ፖኢዛ ጊሻስ ታማ ፖኦይ ዎይኮ ኣርሼ ፖኦይ ኢስታስ ኮሼና፤ ኢስቲ ሜርናፔ ሜርናስ ካዎታና።