ኢሳያሳ ቲንቢቴ 29:22 - ጋሞ ማጻፋ

²² ሄሳ ጊሻስ ኣብራሃሜ ዎዚዳ ጎዳይ ያቆቤሶስ፥ «ያቆቤይ ሃይሳፌ ጉዬ ዬላቴና፤ ኢዛ ሲንካ ላሜቴና።

Geeshsha Maxaafa

²² Hessa gishshas Abrahaame wozzida GODAY Yaaqoobesos, «Yaaqoobey hayssafe guye yeellatenna; iza sinththika laamettenna.

ኢሳያሳ ቲንቢቴ 29:22 ပူးပေါင်းရင်းမြစ်များ

ሜቴ ማጻፋ 48:16

ኢታ ሚሻ ኡባፌ ታና ኣሺዳ ኪታንቻይ፥ ሃ ናይታ ኣንጆ። ታ ሱንይኔ ታ ኣዋታ ኣብራሃሜኔ ዪሳቃ ሱንይ ኢስታን ጼይጌቶ። ኢስቲ ቢታ ቦላን ጮራቴቶ» ጊ ኣንጂዴስ።

ኢሳያሳ ቲንቢቴ 41:14

ኔኖ ጉጹኔዞ ያቆቤ፥ ኔኖ ቄሪ ኢስራኤሌ፥ ‹ያዮፋ ታኒ ኔና ማዳና› ጌስ። ኔና ዎዚዛይ ኢስራኤሌ ጌሻዛ።

ኢሳያሳ ቲንቢቴ 45:17

ኢስራኤሌይ ጊዲኮ ጎዳን ሜርና ኣቶቴ ኣታና፤ ኢንቴካ ሜርናስ ዬላቴኬታኔ ካዉዬኬታ።

ኢሳያሳ ቲንቢቴ 45:25

ጊዶ ኣቲን ኢስራኤሌ ዜሬ ኡባይ ጎዳን ጺላና፤ ቦንቾካ ዴማና።

ኢሳያሳ ቲንቢቴ 50:7

ኡባ ሃሪዛ ጎዳይ ታና ማዲዛ ጊሻስ ታኒ ካዉይኬ፤ ሄሳ ጊሻስ ታ ኣይፌሶ ዳልዳቻ ሹቻ ማላ ኦዲስ፤ ታኒ ዬላቶንታይሳ ኤራይስ።

ኢሳያሳ ቲንቢቴ 51:11

ጎዳይ ዎዚዳይቲ ሲማና፤ ዬጺሼካ ጺዮኔ ጌላና፤ ሜርና ኡፋይሳ ካላቻ ሁኤን ጎጻና፤ ኢስቲ ኢንጄኔ ኡፋይሳ ዱስ ዴማና፤ ጬጬይኔ ዬሆይ ኢስታፌ ባቃታና።

ኢሳያሳ ቲንቢቴ 51:2

ኢንቴ ኣዋ ኣብራሃሜኮ፥ ኢንቴና ዬሊዳ ሳራኮ ጼሊቴ። ኢዚ ባርካ ዲሺን ታኒ ኢዛ ጼይጋዲስ፤ ታኒ ኢዛ ኣንጃዲሲኔ ዳርሳዲስ።

ኢሳያሳ ቲንቢቴ 54:4

«ኣይኮይ ባ ባቦፋ፤ ኔ ዬላታካ፤ ሂርጎፋ፤ ኔ ካዉያካ፤ ኔ ዬላጋቴ ዬላ ኔኒ ዶጋና፤ ኔ ኣምኤቴ ቦሮካ ሃይሳፌ ሲንን ሃሳኣካ።

ኢሳያሳ ቲንቢቴ 63:16

ኣብራሃሜይ ኑና ኤሮንታ ኣጊኮ፥ ኢስራኤሌይካ ኑና ኣኬኮንታ ኣጊኮካ ኔኒ ኑስ ኣዋ። ኣቤት ጎዳዉ፥ ኔኒ ኑስ ኣዋ፤ ቤኒሶፌካ ዶሚዲ ኔ ሱንይ ኑና ዎዚዛይሳ።

ኤርማሳ ቲንቢቴ 30:10

«ሄሳ ጊሻስ ታ ኣይሌ ያቆቤ ዛሬቶ ያዮፍቴ! ኢንቴኖ ኢስራኤሌቶ ዳጋሞፍቴ! ኢንቴ ሃሆሶን ዲሺን ታኒ ኢንቴና ኣሻና፤ ኢንቴ ዛሬታካ ኢስቲ ዲኤቲዳ ቢታፌ ኬሳ ኤካና፤ ያቆቤ ዛሬቲ ሲሚዲ ሳሮኒኔ ዎፓን ኡታና፤ ኢስታ ያሺሳና ኣይ ሚሺካ ዴና።

ሂዚቄላ ቲንቢቴ 37:24

« ‹ታ ኣይሌ ዳዊቲ ኢስታ ቦላ ካዎታና፤ ኡባሲካ ኢሲ ሄንንቻይ ዳና፤ ኢስቲ ታ ዎጋ ካላና፤ ታ ማራካ ሚን ናጋና።

ሂዚቄላ ቲንቢቴ 37:28

ታ ኬይ ሜርናስ ኢስታ ጊዶን ዲዛ ዎዴ ኢስራኤሌታ ጌሺዛይ ታና ጎዳ ጊዲዳይሳ ካዎቴቲ ኤራና› ጌስ» ጊዴስ።

ሂዚቄላ ቲንቢቴ 39:25

«ሄሳ ጊሻስ ኡባ ሃሪዛ ጎዳይ፥ ‹ሃኢ ያቆቤይ ጎዴቲዳሶፔ ታኒ ኢዛ ዛራዳ ኢሻልሳና፤ ኢስራኤሌ ኣሳ ኡባስ ታ ቃታና፤ ታ ጌሻ ሱን ጊሻስ ታኒ ሚሼታና።

ኢዩኤሌ ቲንቢቴ 2:27

ኢስራኤሌ ኣሳቶ ታኒ ኢንቴ ጊዶን ዲዛይሳኔ ጎዳ ኢንቴ ጾሲ ታና ጻላ ጊዲዳይሳኔ ታፔ ሃራይ ባይንዳይሳ ኢንቴ ኤራና፤ ሄሳፌ ጉዬ ታ ዴሬዛ ዬላይ ጋኬና» ጊዴስ።

ሉቃሳ ሚሺራቾ 1:68

«ዪዲ ባ ኣሳ ኣሺዳ ጊሻስ ኢስራኤሌ ጾሲ ጋላቴቶ።

ዮሃኒሳ ኣጁታ 5:9

ኦራ ማዛሙሬ ሂዝጊ ዬጺዳ፤ «ኔኒ ኣስ ዱማ ዱማ ኮቻፌ፥ ዱማ ዱማ ቃላን ሃሳይዛይታፔ፥ ዱማ ዱማ ቆሞፌኔ ዱማ ዱማ ዴሬፔ ጾሳስ ዎዛናስ ሹኬቲዳ ጊሻስ ሄ ጻ ማጻፋዛ ኤካናሲኔ ማታሜታካ ዶያናስ ቤሲዛዴ ጊዳዳሳ።