ኢሳያሳ ቲንቢቴ 28:15 - ጋሞ ማጻፋ

¹⁵ ኢንቴ፥ «ኑኒ ሃይቆራ ጫቄቲዶስ፤ ዱፎራካ ሲጌቲዶስ፤ ዎርዶ ኑስ ዜምፖሶኔ ቆቴቲዛሶ ኦዶስ፤ ዎልቃማ ቦሻይ ፒቲ ኤኪ ቢሼ ኑና ቦቻናስ ዳንዳዬና» ጊ ኦቶሬቲዴታ።

Geeshsha Maxaafa

¹⁵ Intte, «Nuni hayqora caaqettidos; duuforakka sigettidos; wordo nuus zempposonne qotettizaso ooththidos; wolqqama boshay pitti ekki bishe nuna bochchanaas dandayenna» gi otorettideta.

ኢሳያሳ ቲንቢቴ 28:15 ပူးပေါင်းရင်းမြစ်များ

ሜቴ ማጻፋ 37:20

ሃ ዪቴ! ኢዛ ዎዲ ሃ ኦላታፔ ኢሳ ጊዶ ዬጎስ። ሄሳፌ ጉዬ፥ ‹ኢታ ዶኣይ ኢዛ ሚዴስ› ጋና፤ ሂስቲዲ ኢዛ ኣጉሞይ ፖሌቲን ኣኔ ቤኣና» ጊዳ።

ኢዮቤ ማጻፋ 5:23

ኔ ጎዪዛ ጋዴን ኔና ሹቺ ዋዪሴና፤ ዶኣታራካ ኔ ሳሮን ዳና።

ኤራንቻታ ማጻፋ 8:8

ኣሲ ባ ሼምፖ ናጊ ኣሻናስ ዳንዳዬና፤ ዎይኮ ባ ሃይቃና ጋላሳ ቦላ ማታይ ዲዛ ኣሲ ዴና፤ ኦላ ጋላስ ኦኒካ ኦላ ዬጊዲ ጉዬ ሲሞንታይሳ ማላ ኢታ ኦሶይካ ባናራ ሜዜቲዳይታ ዬዴና።

ኢሳያሳ ቲንቢቴ 28:18

ኢንቴ ሃይቆራ ጫቄቲዳ ጫቆይ ኣታና፤ ኢንቴ ዱፎራ ሲጌቲዳ ሲጋይ ላሌታና፤ ዎልቃማ ቦሻይ ፒቲ ኤኪ ቢሼ ኢንቴናካ ፒቲ ኤኪ ባና።

ኢሳያሳ ቲንቢቴ 28:2

ቤኢቴ፥ ጎዳስ ዎልቃማኔ ሚኖ ጊዲዳ ኢሶይ ዴስ፤ ሄሲካ ሻቻ ኡሾ ማላ፥ ይሲዛ ጎቴ ጫርኮ ማላ፥ ዎልቃማ ዳምባላ ማላኔ ዎልቃማ ኢራ ማላ ዎልቃን ኢዚ ኢዞ ዱጌ ቢታን ዬጋና።

ኢሳያሳ ቲንቢቴ 29:15

ባንታ ሃልቾ ጎዳፔ ጌንናስ ዱጌ ጪማ ኦላን ዎዛይታስ ባንታ ኦሶ ማን ኦዛይታስ «ኑና ኦኒ ቤኣኔ? ኑና ኦኒ ኤራኔ?» ጊዛይታስ ኣዬ ኣና!

ኢሳያሳ ቲንቢቴ 3:12

ዬላጋቲ ታ ዴራ ኡንኤቴስ፤ ማጫሳቲካ ኢስታ ሃሬቴስ፤ ታ ዴሬዞ! ኢንቴና ካሌዛይቲ ኢንቴና ባሌዳ፤ ኢንቴ ቢዛ ኦጌፔካ ኢንቴና ካሬ ኬሲዳ።

ኢሳያሳ ቲንቢቴ 30:10

ኣጁታ ቤኢዛይታ፥ «ሃይሳፌ ጉዬ ኣጁታ ቤኦፒቴ» ጋና፤ ናቤታ፥ «ሃይሳፌ ጉዬ ኑስ ቱማ ቲንቢቴ ዮቶፒቴ፤ ኑና ኡፋይሲዛዚኔ ሚቺዛዝ ዮቲቴ።

ኢሳያሳ ቲንቢቴ 30:12

ሄሳ ጊሻስ ኢስራኤሌ ጌሻይ፥ «ኢንቴ ሃ ቃላ ካዳ ጊሻስ፥ ጌኔን ኢንቴ ኣማኔቲዳ ጊሻሲኔ ባሌን ዜምፒዳ ጊሻስ፥

ኢሳያሳ ቲንቢቴ 30:28

ኢዛ ፔኖይካ ቆ ጋኪዲ ሜጪ ኤፊዛ ኪጻ ሃ ማላ፤ ካዎቴታካ ይሶ ዛይዛሬን ዛይዛሬስ፤ ኣሳ ዶናን ኦጌ ባሌዛ ቢጻላ ባርሴስ።

ኢሳያሳ ቲንቢቴ 30:9

ሃይቲ ጎዳ ኣዛዞ ሲያና ኮዮንታይቲ፥ ማካላንቻ ዴሬኔ ባሌዛ ናይታ።

ኢሳያሳ ቲንቢቴ 44:20

ኤያ ዎዚናይ ኢዛ ባሌን ኢዚ ቢዲን ቃምኤስ፤ ባና ኣሻና ዳንዳዬና፤ «ሃይሲ ታስ ኡሻቻ ኩሼን ዲዛይ ዎርዶ ጊዴኔ? ጋናስ ዳንዳይቤና።»

ኢሳያሳ ቲንቢቴ 59:3

ኢንቴ ኩሼይ ሱን፥ ኢንቴ ቢራይካ ቆሆን ሙሌቲዴስ፤ ኢንቴ ዶናይ ዎርዶ ሃሳይዴስ፤ ኢንጻርሳቲ ኢታ ዮኦ ሲሲዳ።

ኢሳያሳ ቲንቢቴ 59:4

ጺሎቴን ሞቲዛይ ባዋ፤ ቱማቴን ፒርዲዛይ ኦኒካ ዴና። ሃዳ ዮኦን ኣማኔቴቴስ፤ ዎርዶ ሃሳዬቴስ፤ ሺሮ ቃንቲዲ ኢታቴ ዬሊዳ።

ኢሳያሳ ቲንቢቴ 9:15

ጪማቲኔ ቦንቼቲዳይቲ ሁኤ፤ ዎርዶ ታማርሲዛ ናቤቲ ጎይና።

ኤርማሳ ቲንቢቴ 13:25

ኢንቴ ታና ዶጊዳ ጊሻሲኔ ዎርዶ ጾሳታን ኣማኔቲዳ ጊሻስ ኢንቴ ሳማይኔ ኢንቴ ቃዳይ ሃይሳ።

ኤርማሳ ቲንቢቴ 14:13

ሂስቲን ታኒ፥ «ኣቤት ኡባፌ ዎልቃማ ጎዳዉ! ኣዬ ኣና! ናቤቲ ኢስታስ፥ ‹ኢንቴ ኦላ ቤኤኬታ ዎይኮ ኮሻይ ኢንቴና ዴሜና፤ ታኒ ኢንቴስ ዉርሴ ጋካናስ ሳሮቴ ኢማና› ጌቴስ» ጋዲስ።

ኤርማሳ ቲንቢቴ 16:19

ታስ ሚኖቴኔ ሚጻ ጊዳዳ ሜቶ ጋላስ ታ ሺቃ ኣቲዛሶ ጊዲዳ ጎዳዉ! ካዎቴቲ ሳኣ ጋጻፔ ኔኮ ዪዲ፥ «ካሴ ኑ ኣዋቲ ባና ኣይኮካ ማዶንታ ኤቃ ጾሳታስ ጎይኒዳ።

ኤርማሳ ቲንቢቴ 44:17

ኑኒ ኦና ጊዳ ሚሽ ኡባ ኦስ፤ ኑኒ፥ ኑ ኣዋቲ፥ ኑ ካዎቲኔ ኑ ሃላቃቲ ዩሁዳ ካታማታኒኔ ዬሩሳላሜ ኦጌታን ካሴ ኦዳ ማላ፥ ኑኒካ ሳሎ ካዎዮ ጌቴቲዛ ኤቃ ጾሳይስ ኤጻኔ ጩዋሶስ፤ ኡሻ ያርሾካ ኢዚስ ያርሾስ፤ ኑኒ ካሴ ሄሳ ኦዛ ዎዴ ኑስ ቲርፓ ካ ዴስ፤ ኑኒ ሎኦ ዱስ ዴኢዶስ ኣቲን ኣይኮ ኢታካ ቤኢቤኮ።

ኤርማሳ ቲንቢቴ 5:12

ኢስቲ ጎዳ ቦላ ዎርዶ ሃሳይዳ፤ «ኢዚ ኑና ኣይኮካ ኦና፤ ኢታ ሚሺካ ኑ ቦላ ጋኬና፤ ኦላኔ ኮሻ ኑኒ ሙሌካ ቤኦኮ።

ኤርማሳ ቲንቢቴ 5:31

ናቤቲ ዎርዶ ቲንቢቴ ዮቴቴስ፤ ቄሴቲካ ኢስታ ዞሬን ኣይሴቴስ። ታ ኣሳይካ ሄሳ ማላ ሚሽ ዶሴስ! ሂስቲን ዉርሴን ኢንቴ ኣይ ኦኔ?» ጌስ።

ሂዚቄላ ቲንቢቴ 13:16

ዬሩሳላሜስ ቲንቢቴ ዮቲዳይቲኔ ሳሮይ ባይንዳ ዲሺን ሳሮቴ ኣጁታ ኢዚስ ቤኢዳ ኢስራኤሌ ናቤቲ ይዳ› ጋይስ።

ሂዚቄላ ቲንቢቴ 13:22

ታኒ ቆሆንታ ጺሎዛ ኢንቴ ዎርዶራ ጬጪሲዳ ጊሻስ፥ ናጋራንቻይ ባ ኢታ ኦጌፔ ሲሚዲ ባ ሼምፖ ኣሾንታ ማላ ኢንቴ ኢዛ ኢዛ ናጋራን ሚንዴታ።

ሂዚቄላ ቲንቢቴ 22:28

ኢዚ ናቤቲ ጎዳ ኣኖን ቲዪዛ ማላ ዎርዶ ኣጁታኒኔ ሙሬኖን ኢስታስ ቡሪ ሺሼቴስ፤ ኢስታስ ጎዳይ ዮቶንታ ዲሺን፥ ‹ኡባ ሃሪዛ ጎዳይ ሃይሳ ማላ ጌስ› ጌቴስ።

ሂዚቄላ ቲንቢቴ 8:12

ቃሴ ጾሲ ታና፥ «ሃይሶ ኣሳ ናዉ! ኢስራኤሌ ኬ ጪማቲ ኢሶይ ኢሶይ ቆልኣ ጊዶን ማሶን ባንታ ኤቃ ሚስሌ ኬን ኢስቲ ኦዛይሳ ቤያይ? ጋሶይካ ኢስታ፥ ‹ጎዳይ ኑና ቤዬና፤ ጎዳይ ቢታ ኣጊዴስ› ጌቴስ» ጊዴስ።

ዳኔላ ቲንቢቴ 11:22

ሄሳፌ ጉዬ ኢዛራ ኤቄቲዛ ዳሮ ኦላንቻቲ ኢዛ ሲንፌ ፒቴቲ ያና፤ ጫቄዛ ሃላቃዚካ ሃይቃና።

ዳኔላ ቲንቢቴ 9:27

ሃላቃዚ ዳሮ ኣሳራ ኢሲ ሳሚንታስ ጫቄታና፤ ሳሚንታስ ባጋ ቦላ ያርሾዛኔ ካ ኢሞታ ዲጋና፤ ኢስታሶሆን ባሽ ኤሂዛ ቱናቴ ጾሳ ኬ ጌልና፤ ሄሲካ ሃናናይ ሄ ባሻ ካሌዛይሳ ቦላ ኣዋጄቲዳ ቂጻቴይ ፖሌታና ጋካናሳ» ጊዴስ።

ሆሴኤ ቲንቢቴ 2:18

ሄ ዎዴ ዶኣታራ፥ ካፎታራኔ ቢታ ቦላ ጎሼቲዛ ሜቴ ኡባታራ ታ ኢንቴ ጊሻስ ጫቄታና። ኡባይካ ሳሮን ዳና ማላ ኦላ፥ ቶራኔ፥ ማሻ ቢታ ቦላፌ ታ ዲጋና።

ኣሞጼ ቲንቢቴ 2:4

ጎዳይ ዩሁዳ፥ «ዩሁዳ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ፤ ኢስቲ ታ ዎጋ ካዳ፤ ታ ኣዛዞታካ ናጎንታ ኢጺዳ፤ ካሴ ኢስታ ኣዋቲ ጎይኒዳ ኤቃ ጾሳታ ካሊዲ ኢስቲ ባሌቲዳ።

ኣሞጼ ቲንቢቴ 6:13

ኢንቴ ሎዲባሬ ካታማ ጾኒዳ ጊሻስ ኡፋዬቲዴታ፤ «ቃርናይሜ ካታማዮ ኑኒ ኑ ዎልቃን ኦይኪዶስ» ጊዲ ጬቄቴታ።

ዮናሳ ቲንቢቴ 2:8

ሃዳ ኤቃታ ካሊዛይቲ ዉሪ ኔናን ጎዳን ኣማኔታናይሳ ኣጊዳ።

ሶፎናሳ ቲንቢቴ 1:12

ሄ ዎዴ ታ ዬሩሳላሜ ጊዶዛ ጾምፔራ ኮያና፤ ኣይኮ ሂርጋይ ባይንዳ ባ ጊ ኡቲዳይታ፥ ዎይኔ ኡሹ ጋጪ ኤኪቺን ኦርጮ ቦላ ኣቲዳ ዎይኔ ኡሻ ማላ ጊዲዳይታ፥ ‹ኢታ ጊዲን ዎይኮ ሎኦ ጊዲን ጎዳይ ኣይኮካ ኦና› ጊዛይታ ታ ቃጻያና።