ኢሳያሳ ቲንቢቴ 27:8 - ጋሞ ማጻፋ

⁸ ኦላኒኔ ዲኦን ኔ ኢዞ ቃጻያዳሳ፤ ኣርሼይ ሞኪዛ ባጋ ጫርኮይ ጫርኪዛ ማላ ዎልቃማ ጎቴ ጫርኮን ኔ ኢዞ ጎዳዳሳ።

Geeshsha Maxaafa

⁸ Olaninne di7on ne izo qaxxayadasa; arshey mokkiza bagga carkoy carkiza mala wolqqama gote carkon ne izo gooddadasa.

ኢሳያሳ ቲንቢቴ 27:8 ပူးပေါင်းရင်းမြစ်များ

ኢዮቤ ማጻፋ 23:6

ሂስቲን ጾሲ ባ ጊታ ዎልቃራ ታና ፒርዳንዴሻ? ኣካይ፤ ታ ጊዛይሳ ኢዚ ኤዝጋና።

ዬ ማጻፋ 103:14

ኑኒ ኣዛፔ ሜቲዳኮ ኢዚ ኤሬስ፤ ኑኒ ቢታ ጊዲዳይሳካ ኢዚ ኣኬኬስ።

ዬ ማጻፋ 103:9

ኢዚ ኡባ ዎዴ ኑ ሞሮስ ሞቴና፤ ሜርናስካ ሃንቄቴና።

ዬ ማጻፋ 38:1

ኣቤት ጎዳዉ! ኔ ሃንቆን ታና ሴሮፓ፤ ኔ ዪሎን ታና ሙሮፓ።

ዬ ማጻፋ 6:1

ኣቤት ጎዳዉ! ዪሎን ታና ሴሮፓ፤ ዎይኮ ኔ ሃንቆን ታና ቃጻዮፓ።

ዬ ማጻፋ 76:10

ኔኒ ኣስ ሃንቂኮካ ሄሲ ኔ ቦንቾስ ጊዴስ፤ ኦላፔ ኣቲዳይቲ ኔ ባኣሌ ቦንቻና።

ዬ ማጻፋ 78:38

ጊዶ ኣቲን ኢዚ ኢስታ ማሪዛዴ ጊዲዳ ጊሻስ ኢስታ ኢታቴ ኣቶ ጊዴስ፤ ኢስታካ ይሲቤና፤ ዳሮ ዎዴ ባ ሃንቆዛ ኢስታ ቦላፌ ቴቂዴስ፤ ባ ሃንቆዛ ቦሻ ኡባ ኢስታ ቦላ ዬዲቤና።

ኢሳያሳ ቲንቢቴ 1:5

ማካላ ቦላ ማካላ ጉጂዲ ኢንቴ ኣይስ ዛሪ ዛሪ ቃጻዬቴቲ? ኢንቴ ሁኤይ ሙሌ ሳኬቲዴስ፤ ኢንቴ ዎዚናይካ ዳቡርዴስ።

ኢሳያሳ ቲንቢቴ 10:12

ጎዳይ ጺዮኔ ዙማ ቦላኔ ዬሩሳላሜ ቦላ ባ ኦና ኦሶ ኡባ ፖሊዳፔ ጉዬ፥ «ኣሶሬ ካዎ ኢዛ ዎዚና ኦቶሬቴ ጊሻሲኔ ኢዚ ካ ኣይፌን ጼሊዛ ጊሻስ ታ ኢዛ ቃጻያና» ጌስ።

ኢሳያሳ ቲንቢቴ 50:1

ጎዳይ፥ «ታኒ ኢንቴ ኣዮ ኣንጃ ዬዲዳ ዋራቃታይ ኣዋን ዲዜ? ዎይኮ ታ ኢንቴና ኣይ ታልኣ ኤኪዳዴስ ባይዛዲና? ቤኢቴ ኢንቴ ኢንቴ ናጋራ ጊሻስ ባይዜቲዴታ፤ ኢንቴ ሞሮ ጊሻስ ኢንቴ ኣያ ኣንጄታ ባዱስ።

ኢሳያሳ ቲንቢቴ 54:7

«ጉ ዎዴ ታኒ ኔና ኣጋዲስ፤ ጊዶ ኣቲን ጊታ ቃታን ታ ኔና ዛራ ሺሻና።

ኢሳያሳ ቲንቢቴ 57:16

ኣሳ ኣያናይ ታ ሲንን ዳቡሮንታ ማላ ታ ሜዳ ኣሳስ ፔኖይ ኤቆንታ ማላ ታ ሜርናስ ዋላሲኬ፤ ታ ኡባቶ ሃንቄቲኬ።

ኢሳያሳ ቲንቢቴ 64:5

ሱሬ ሚሽ ኡፋይሳን ኦዛይታኔ ኔ ኦጌ ቆፒዛይታ ኔኒ ማዳሳ፤ ጊዶ ኣቲን ኑኒ ኢስታ ቦላ ፓጬይ ባይንዳ ናጋራ ኦዳ ጊሻስ ሄኮ ኔኒ ኑ ቦላ ሃንቄታዳሳ፤ ሂስቲን ኑኒ ዋኒ ኣታና ዳንዳይዞኒ?

ኤርማሳ ቲንቢቴ 10:24

ኣቤት ጎዳዉ! ታና ሴራ፤ ጊዶ ኣቲን ጊናራ ጊዶ። ታኒ ሙሌራ ዮንታ ማላ ኔኒ ሃንቆራ ታ ቦላ ዮፓ፤

ኤርማሳ ቲንቢቴ 30:11

ታኒ ኢንቴና ኣሻናስ ኢንቴናራ ዳይስ፤ ታኒ ኢንቴና ካዎቴታ ጊዶን ላላዲስ፤ ሄ ካዎቴታ ሙሌራ ይሳና፤ ጊዶ ኣቲን ኢንቴና ሙሌራ ይሲኬ፤ ታኒ ቂጻቴይ ባይንዳ ጮ ኣጊኬ፤ ጊዲኮካ ታኒ ኢንቴና ጊናራ ቃጻያና» ጌስ ጎዳይ።

ኤርማሳ ቲንቢቴ 4:11

ሄ ዎዴን ሃ ኣሳሲኔ ዬሩሳላሜስ፥ «ባዞን ዲዛ ኣይኮይ ባይንዳ ዙምቡላታፔ ጹጊዛ ጫርኮይ ታ ዴራ ቦላ ጫርካና፤ ጊዶ ኣቲን ሄሲ ካ ሱራጋናሲኔ ጌሻናስ ጊዴና።

ኤርማሳ ቲንቢቴ 4:27

ጎዳይ፥ «ሙሌ ቢታይ ቡላታና፤ ጊዶ ኣቲን ታኒ ኢዞ ሙሌራ ይሲኬ።

ኤርማሳ ቲንቢቴ 46:28

ታ ኔናራ ዲዛ ጊሻስ ታ ኦሳንቻ ያቆቤ ባቦፋ። ታ ኔና ኢዛን ላሊዳ ካዎቴ ኡባ ሙሌራ ይሲኮካ ኔና ጊዲኮ ሙሌራ ይሲኬ። ታ ኔስ ቤሲዛ ቂጻቴ ቃጻያና ኣቲን ሜላ ኣጊኬ» ጌስ ጎዳይ።

ኤርማሳ ዚላስ 3:31

ጎዳይ ኣሴ ሜርናስካ ዬጊ ኣጌና።

ኤርማሳ ዚላስ 3:32

ኢዚ ኣሳ ቦላ ሜቶ ኤሂኮካ ባ ሜርና ሲቆን ሲሚ ቃቴስ፤

ሂዚቄላ ቲንቢቴ 19:12

ጊዶ ኣቲን ሃንቆን ቃሌታዱስ፤ ዱጌ ቢታን ኦሌታዱስ፤ ኣርሼይ ሞኪዛ ባጋ ጫርኮይ ኢዞ ሜሊሲዴስ፤ ኢዛ ኣይፊዳ ኣይፌዛ ቆቆፊዴስ፤ ሚኖ ኢዚ ሃጋቲ ዳጋሚዳ፤ ታማይካ ኢስታ ሚዴስ።

ሆሴኤ ቲንቢቴ 13:15

ኢዚ ባ ኢሻታ ጊዶን ዱሬ ጊዲኮካ ጎዳፔ ኪቴቲዳ ጫርኮይ ኣርሼይ ሞኪዛ ባጋራ ባዞ ቢታፌ ዴንዲዲ ያና። ፑልቶይ ቶኣና፤ ሃ ኦላይካ ሜላና፤ ኢዛስ ዲዛ ኣልኦ ኣቆታይ ሚንጃ ኬፌ ቦንቄታና።

ሆሴኤ ቲንቢቴ 4:1

ሃኖ ቢታይ ቦላ ዲዛ ኣሳ ኡባ ቦላ ጎዳይ ሺሺዛ ሞቶይ ዴስ። ሄሳ ጊሻስ ኢስራኤሌ ኣሳዉ! ኢዚ ኢንቴና ጊዛይሳ ሲዪቴ፤ «ሃኖ ቢታይ ቦላፌ ኣማኔቴይ፥ ሲቆይኔ ጾስ ኤሮይ ይዴስ።

1ቆሮንቶሴ ኣሳስ 10:13

ኣሳ ቦላ ጋኪዳ ፓጬፔ ሃራ ኣዛ ፓጬይ ኢንቴ ቦላ ጋኪቤና፤ ጾሲ ኣማኔቲዛ ጾስ ጊዲዳ ጊሻስ ኢንቴ ዳንዳዮንታ ኢንቴ ዎልቃፌ ቦላራ ኢንቴ ፓጬቴና ማላ ኢዚ ኢንቴና ኣጋጌና፤ ጊዶ ኣቲን ኢንቴ ፓጬቲዛ ዎዴ ሄ ፓጬዛ ኢንቴ ዳንዳያና ማላ ዎልቃ ኢሚዲ ፓጬፔ ኢንቴ ኬሲ ኤካና ኦጌ ኢዚ ኢንቴስ ጊጊሳና።

1ጴጽሮሳ ኪታ 1:6

ሃኢ ጉ ዎዴስ ዱማ ዱማ ፓጬቲ ኢንቴና ዋዪሲኮካ ኢንቴ ሄሳን ኡፋዬቲቴ።