ኢሳያሳ ቲንቢቴ 26:19 - ጋሞ ማጻፋ

¹⁹ ጊዶ ኣቲን ሃይቂዳ ኔ ኣሳይ ፓጻና፤ ኢስታ ኣሃይካ ዴንዳና። ኢንቴኖ ቢታ ጋርሳን ዲዛይቶ! ዴንዲቴ ኡፋይሳን ዬጺቴ፤ ኔ ጻዛይ ቢታ ያኪሲዛ ማላዶ ጻዛ ማላ ሳኣይ ሚቲዳይታ ዛራ ጩታና።

Geeshsha Maxaafa

¹⁹ Gido attiin hayqqida ne asay paxana; istta ahaykka dendana. Intteno biitta garsan dizaytoo! Dendite ufayssan yexxite; ne xaazay biitta yakkissiza maalado xaaza mala sa7ay mittidayta zaara cuttana.

ኢሳያሳ ቲንቢቴ 26:19 ပူးပေါင်းရင်းမြစ်များ

ኢዮቤ ማጻፋ 14:8

ኣይኮካ ጻጶቲ ቢታ ጊዶን ጪሚኮካ፥ ኣኖይካ ቢታ ጊዶን ሙሲኮ፥

ኢዮቤ ማጻፋ 29:19

ጻጶቲ ኡባ ዎዴ ሃ ዴሚዛ ማላኔ ሃጋቲካ ጻዛን ጪሊሊዛ ሚ ማላኮሺን።

ዬ ማጻፋ 110:3

ኔኒ ኔ ሞርኬታራ ኦሌቲዛ ጋላስ ኔ ኦላንቻቲ ባ ሼኔን ኔ ሚሌን ኤቃና፤ ዎንታ ማላዶ ኣዋ ማላ ጌሻቴን ጶላሼ ኔ ናቴቴ ኣሳይ ኔኮ ያና።

ዬ ማጻፋ 22:15

ታስ ቆይ ኮንኣ ማላ ሜሊዴስ፤ ታ ኢንጻርሳይ ጎንጊራራ ኦይኬቲዴስ፤ ኔኒ ታና ሃይቂዳ ኣሳ ማላ ጉዱላን ዬጋዳሳ።

ዬ ማጻፋ 22:29

ሳኣ ቦላ ዲዛ ዱሬቲ ኢዛስ ጎይናና። ባና ሃይቆፔ ኣሻናዉ ዳንዳዮንታ ቢታን ባና ኣሲ ኡባይ ኢዛ ሲንን ጉልባታና።

ዬ ማጻፋ 71:20

ኔኒ ታ ቦላ ዳሮ ሜቶ ኤሃዳሳ፤ ጊዲኮካ ኔኒ ታና ጪማ ኦላፌ ጎቻ ኬሳዳሳ፤ ታ ዴኦ ዛራ ኦራዳሳ።

ዬ ማጻፋ 88:11

ኔ ሜርና ሲቆይ ዱፎን ኔ ኣማኔቴይካ ባሻሶን ዮቴቲዜ?

ኢሳያሳ ቲንቢቴ 18:4

ጎዳይ ታስ፥ «ታ ጮኡ ጋ ኡታና፤ ሴታ ጋላስ ኣዋ ሴላን ጾልቄቲዛ ሚሻ ማላ ቦኔ ሆምቤ ማላ፥ ሻራፔ ቡኪዛ ኢራ ማላ ጊዳዳ ታ ጼላና» ጊዴስ።

ኢሳያሳ ቲንቢቴ 25:8

ሃይቆ ኢዚ ሜርናስ ሚታና፤ ኡባ ሃሪዛ ጎዳይ ኣሳ ኡባ ኣይፌፔ ኣፉን ቁጫና፤ ባ ዴራ ካዉሻቴ ቢታ ኡባፌ ዲጋና። ሃይሳ ጎዳይ ሃሳይዴስ።

ኢሳያሳ ቲንቢቴ 51:17

ጎዳ ኩሼፔ ሃንቆ ኡሹ ኡዪዳሬ፥ ኦርጮካ ኣሾንታ፥ ኣስ ጋንዲጋርሲዛ ኡሹ ጺጺ ሂስታ ኡዪዳሬ፥ ሃኔ ዬሩሳላሜ ዴንዳ! ዴንዳ፥ ዴንዳ ኤቃ!

ዳኔላ ቲንቢቴ 12:2

ኢስቲ ሃይቂን ቢታይ ሚዳይቲ ዉሪካ ዴንዳና፤ ኢስታ ጋርሳፌ ባጋይቲ ሜርና ዴኦስ፥ ባጋይቲ ሜርና ካዉሻሲኔ ዋዬስ ዴንዳና።

ሆሴኤ ቲንቢቴ 13:14

ታኒ ኔና ዱፎ ዎልቃፌ ኣሻና፤ ሃይቆፔካ ዎዛና። ሃይቆ! ኔ ዎዛ ዎልቃይ ኣዋን ዲዜ? ዱፎዞ! ኔኒ ኣስ ይሲዛ ዎልቃይ ኣዋን ዲዜ? ታኒ ኢዛስ ቃቲኬ።

ሆሴኤ ቲንቢቴ 14:5

ታኒ ኢስራኤሌ ኣሳስ ፑሴ ኢራ ማላ ጊዳና፤ ኢስቲካ ሎኦ ጪሻ ማላ ጪያና፤ ሊባኖሴ ዚጋ ማላ ጻጶ ዬዳና።

ሆሴኤ ቲንቢቴ 6:2

ናምኡ ጋላሳታፔ ጉዬ ኢዚ ኑና ቤጎና፤ ሄን ጋላስ ኢዚ ኑና ዴንና፤ ኑኒካ ኢዛ ሲንን ፓጻ ዳና።

ዛካራሳ ቲንቢቴ 8:12

ዜሬይ ሎኦ ሞካና፤ ዎይኔ ሚይ ኣይፋና፤ ቢታይካ ካ ኢማና፤ ሳሎይካ ኢራ ኢማና፤ ሄይታ ዉርሳካ ሃን ሃይሳን ኣቲዛ ዴሬዛስ ጺንጾ ሂስቲ ኢማና።

Maatosa 27:52

ዱፎቲ ዶዬቲዳ፤ ካሴ ሃይቂዳ ጾሳ ኣሳፔ ዳሪዛ ባጋይ ዴንዲዴስ።

Maatosa 27:58

ኢዚ ጲላጾሳ ሲን ሺቂዲ ዬሱሳ ኣሃ ኢዛስ ኢማና ማላ ዎሲን ጲላጾሲካ ኢዛስ ኢማና ማላ ኣዛዚዴስ።

ሃዋሬታ ኦሶ 24:15

ኢስቲካ ኡፋይስ ኦዛ ማላ ታኒካ ናጋራንቻቲኔ ጺሎቲ ሃይቆፔ ዴንዳናይሳ ጾሳን ኣማኔታይስ።

1ቆሮንቶሴ ኣሳስ 15:20

ጊዶ ኣቲን ኪርስቶሲ ሃይቂዳይታስ ኡባስ ባይራ ጊዲዲ ሃይቆፔ ቱሙ ዴንዲዴስ።

ኤፌሶኔ ኣሳስ 5:14

ጋሶይካ ኡባ ቤሲዛይ ፖኦ፤ ሄሳ ጊሻስ፥ «ኔኖ፥ ስኪዛይሶ ቤጋ! ሃይቆፔ ዴንዳ! ኪርስቶሲ ኔስ ፖኢሳና» ጌቴቲዴስ።

ዛሬ ማጻፋ 32:2

ታ ኢሚዛ ቲሚርቴይ ኢራ ማላ ቡኮ፤ ታ ሃሳያይካ ጻዛ ማላ ጾኬቶ፤ ማታ ቦላ ሎዲ ጊ ቡኪዛ ኢራ ማላ ቡኮ፤ ካ ጫሬቻ ቦላ ፑሴ ማላ ዎ።

ዛሬ ማጻፋ 33:13

ዮሴፌ ቆሞታ ጊሻስ ሙሴይ፥ «ጎዳይ ሳሎፔ ቡኪዛ ኢራን፥ ቢታፌ ፑዴ ኬዚዛ ፑልቶን ኢንቴ ቢታ ኣንጆ።

ዛሬ ማጻፋ 33:28

ሄሳ ጊሻስ ኢስራኤሌ ኣሳይ ሳሎፔ ኢራይ ኢዚን ቡኪዛ ቢታይን፥ ካኔ ዎይኔ ኡሺ ኢዚን ኩሚዳ ቢታይን ሂርጋይ ባይንዳ ሳሮን ዴኣና።

ፒሊጲሲዮሴ ኣሳስ 3:10

ኪርስቶሳኔ ኢዚ ሃይቂ ዴንዲዳ ዴን ዎልቃ ታ ኤራና ማላ ኢዛ ዋዬካ ታ ኢዛራ ጊሼታና ማላኔ ሃይቆንካ ታ ኢዛ ሚሳታና ማላ ኣሞታይስ።

ፒሊጲሲዮሴ ኣሳስ 3:21

ኢዚካ ኡባ ባፔ ጋርሳን ሃሪሳና ዳንዳይዛ ባ ዎልቃን ዳቡራንቻ ጊዲዳ ኑ ኣሳቴ ቦንቼቲዳ ባ ኣሳቴ ሚሳቲሲዲ ላማና።

1ሳሜላ ማጻፋ 2:6

«ጎዳይ ዎሲኔ ፓስ፤ ዱጌ ዱፎን ጌልሲኔ ኬሴስ።