ኢሳያሳ ቲንቢቴ 26:15 - ጋሞ ማጻፋ

¹⁵ ኣቤት ጎዳዉ! ኔኒ ካዎቴ ዳርሳዳሳ፤ ኔኒ ዴራ ዳርሳዳሳ። ኔኒ ቦንቼታዳሳ፤ ቢታ ዛዋ ኡባካ ኣሳዳሳ።

Geeshsha Maxaafa

¹⁵ Abeet GODAWU! Neni kawoteththaa darsadasa; Neni deraa darsadasa. Neni bonchchettadasa; biittaa zawa ubbaaka aassadasa.

ኢሳያሳ ቲንቢቴ 26:15 ပူးပေါင်းရင်းမြစ်များ

ሜቴ ማጻፋ 12:2

«ታኒ ኔና ጊታ ካዎቴ ኦና፤ ቃሴካ ኣንጃና፤ ኔ ሱን ጊታሳና፤ ኔካ ሃራታስ ኣንጆ ጊዳና።

ሜቴ ማጻፋ 13:16

ታኒ ኔ ዜሬ ቢታ ኣጬ ማላ ዳርሳና፤ ኦኒካ ቢታ ኣጬ ታይባና ዳንዳይኮ ኔ ዜሬካ ታይቤታና።

1ካዎታ ማጻፋ 8:46

«ናጋራ ኦንታ ኣሲ ባይንዳ ጊሻስ ኢስቲ ናጋራ ኦን ኔኒ ኢስታ ቦላ ሃንቄታዳ ሞርኬታስ ኢስታ ኣ ኢሚን ሞርኬቲካ ኢስታ ዲኢዲ ሃኮ ዎይኮ ማታ ጊዲን ባንታ ቢታ ኤኪ ኤፊን፥

2ካዎታ ማጻፋ 17:23

ጎዳይ ባ ኣይሌታ ናቤታ ባጋራ ኢስታስ ካሴ ሚን ዮቲዳ ማላ ባ ሲንፌ ኢስታ ዲጋና ጋካናስ ኢስቲ ናጋራ ኦሶ ጉጂ ጉጂ ቢዳ፤ ሄሳ ጊሻስ ኢስራኤሌ ዴሬይ ባ ዴሬፔ ዲኤቲ ኣሶሬ ዴሬ ቢዴስ፤ ሃኢካ ሄን ዴስ።

2ካዎታ ማጻፋ 17:6

ሆሴኤይ ካዎቲዳ ኡዱፉን ላይን ኣሶሬ ካዎይ ሳማሪያ ኦይኪዴስ። ኢስራኤሌ ኣሳ ዲኢ ኤኪዲ ኣሶሬ ዴሬ ዴን ኤፊዴስ። ሄይታካ ኣላሄን፥ ጎዛን ሃቦሬ ሻፋ ማታኒኔ ሜዶኔ ካታማታን ኤፊ ዎዴስ።

2ካዎታ ማጻፋ 23:27

ሄሳ ጊሻስ ጎዳይ፥ «ታኒ ኢስራኤሌ ታ ሲንፌ ዲጎይሳ ዩሁዳካ ታ ሲንፌ ዲጋና፤ ታኒ ዶሪዳ ዬሩሳላሜ ካታማዮ፥ ‹ታ ሱን ሄን ዴኣና› ጋዳ ታኒ ካሴ ዮቲዳ ጾሳ ኬዮ ታ ዬጋ ኣጋና» ጊዴስ።

ናሂሚያ ማጻፋ 9:23

ኢስታስ ቆዳይ ሳሎ ጾሊንቴ ማላ ዳሪዳ ናይታ ኢማዳሳ፤ ካሴ ኢስታ ኣዋታስ ኔ ኢማና ጋ ቃላ ጌሊዳ ቢታ ኢስቲ ጾኒ ላታና ማላ ኦዳሳ።

ኢዮቤ ማጻፋ 12:23

ካዎታካ ጊታሳና፤ ዛሪዲካ ይሳና፤ ካዎቴካ ዳርሳና፤ ዛሪዲካ ላላና።

ኢሳያሳ ቲንቢቴ 10:22

ኔኖ ኢስራኤሌ! ኔ ኣሳይ ኣባ ሻሚንታ ማላ ጊዲኮካ ጫሻ ኣቲዳይቲ ጻላ ሲማና። ጺሎቴን ኩሚዳ ጊታ ባሺ ኣዋጄቲዴስ።

ኢሳያሳ ቲንቢቴ 33:17

ኔ ኣይፌቲ ካዎዛ ፑላቴ ቤኣና፤ ሃኮን ሚጬቲ ዲዛ ቢታካ ቤኣና።

ኢሳያሳ ቲንቢቴ 40:5

ሄ ዎዴ ጎዳ ቦንቾይ ቆንጫና፤ ኣሾ ማይኢዳ ኡባይ ሄሳ ሃሳይዴስ» ጌስ።

ኢሳያሳ ቲንቢቴ 44:23

ጎዳይ ሃይሳ ኦዳ ጊሻስ ሳሎቶ ዬጺቴ፤ ጪማ ቢታቶ ኡፋይሳን ኢሊሊቴ። ኢንቴኖ ዙማቶ፥ ኢንቴኖ ዎራቶ፥ ሚቶ ኡባይ ኢሊሊቴ፤ ጋሶይካ ጎዳይ ያቆቤ ዎዚዴስ፤ ባ ቦንቾ ኢስራኤሌ ቦላ ቆንጪሲዴስ።

ኢሳያሳ ቲንቢቴ 6:12

ታኒ ጎዳይ ኣሳ ሃሳና ጋካናሳ፤ ቢታካ ኣይኮይ ባይንዳ ባዞ ኬሳና ጋካናሳ።

ኢሳያሳ ቲንቢቴ 60:21

ኔ ኣሳይ ኡባይ ጺሎ ጊዳና፤ ቢታዮካ ሜርናስ ላታና፤ ኢስቲ ታ ቦንቾ ቆንጪሳናስ ታኒ ቶኪዳ ፑቴታኔ ታ ኩሼ ኦሶታ።

ኢሳያሳ ቲንቢቴ 9:3

ኔኒ ካዎቴ ዳርሳዳሳ፤ ኢስታስ ኡፋይሳ ቦላ ኡፋይስ ጉጃዳሳ፤ ኣሳይ ካ ሺሺሼኔ ዲኢ ኤኪዳ ሚሽ ጊሼቲሼ ኡፋዬቲዛ ማላ ኢስቲካ ኔ ሲንን ኡፋዬታና።

ኤርማሳ ቲንቢቴ 30:19

ኢስታፌ ጋላታ ዬይኔ ኢሊሊሳ ጬንጉርሲ ሲዬታና፤ ታኒ ኢስታ ዳርሳና፤ ኢስታ ቆዳይካ ፓጬና፤ ታኒ ኢስታ ቦንቼቲዳ ዴሬ ኦና፤ ኢስቲ ካቲዳይታ ጊዴቴና።

ኤርማሳ ቲንቢቴ 32:37

«ታ ሚኖ ሃንቆኒኔ ጊታ ቦሻን ታ ኢስታ ጎዳ ዬዲዳ ቢታ ኡባፌ ሺሻና፤ ሂስታዳ ሃሶሆ ዛራ ኤሃዳ ሳሮቴን ታ ኢስታ ዎና።

ሂዚቄላ ቲንቢቴ 36:24

« ‹ታኒ ኢንቴና ካዎቴታ ጊዶፌ ኬሳና፤ ዴሬ ኡባፌ ታ ሺሻና። ሂስታዳ ኢንቴና ኢንቴ ቢታ ዛራ ኤሃና።

ሂዚቄላ ቲንቢቴ 5:12

ኔ ኣሳፔ ኢሲ ኩሼይ ካታማ ጊዶን ኢታ ሃርጌኒኔ ኮሻን ሃይቃና፤ ናምኣን ኩሼይ ካታማ ጊምቤፌ ካሬራ ማሻን ዉራና፤ ኣቲዳ ሄን ኩሼዛ ታኒ ጫርኮስ ላላናኔ ማሻ ሾዳ ዬዴና።

ታይቦ ማጻፋ 23:10

ጉዱላ ማላ ጮሪዳ ያቆቤ ዜሬ ቆዲ ዳንዳያናይ ኦኔ? ዎይኮ ኢስራኤሌስ ጪጎዛካ ቆዲ ካንናይ ኦኔ? ጺሎ ኣሳታ ሃይቆ ታ ሃይቃና፤ ታ ዉርሴይካ ኢስታ ዉርሴ ማላ ጊዶ» ጊዴስ።

ሉቃሳ ሚሺራቾ 21:24

ባጋ ኣሳይ ማሻን ሃይቃና፤ ባ ዴሬፔ ሃራ ዴሬ ዲኤታና፤ ዬሩሳላሜይካ ጾስ ኤሮንታ ዴሬታ ዎዴይ ፖሌታና ጋካናስ፥ ጾስ ኤሮንታ ኣሳታን ዬቲዳሮ ጊዳና።

ዮሃኒሳ ሚሺራቾ 15:8

ዳሮ ኣይፌ ኢንቴ ኣይፊሺን ታ ኣዋይ ቦንቼቴስ፤ ኢንቴ ታና ካሊዛይታ ጊዲዳይሲ ሄሳን ኤሬታና።

ዮሃኒሳ ሚሺራቾ 17:1

ዬሱሲ ሄሳ ጊዳፔ ጉዬ ፑዴ ሳሎ ቁ ጊ ጼሊዲ፥ «ታ ኣዋዉ! ሄኮ ሃኢ ሳቴይ ጋኪዴስ፤ ኔ ናይ ኔና ቦንቻና ማላ ኔኒ ኔ ናዛ ቦንቻ።

ዛሬ ማጻፋ 10:22

ቤኒ ኢንቴ ኣዋቲ ዱጌ ጊብጼ ዎዛ ዎዴ ኢስታስ ቆዳይ ላፑን ታሙ ጻላ፤ ሃኢ ጊዲኮ ጎዳ ኢንቴ ጾሳይ ኢንቴ ቆዳ ሳሎ ጾሊንቴ ማላ ዳርሲዴስ።

ዛሬ ማጻፋ 28:25

ጎዳይ ኔ ሞርኬታ ሲንን ኔኒ ጾኔታና ማላ ኦና፤ ኔኒ ኢስታ ቦላ ኢሲ ኦጌራ ባናሺን ኢስታፌ ኣታናስ ላፑናሶራ ባቃታና፤ ቢታ ቦላ ዲዛ ካዎቴቲ ኡባይ ኔ ቦላ ጋኪዛይሳ ቤኢዲ ሂርጋን ኮኮራና።

ዛሬ ማጻፋ 28:64

ጎዳይ ኔና ኩሜ ኣላሜን ዲዛ ኣሳ ጊዶን ቢታስ ጋጻፔ ጋጻ ጋካናስ ላላና፤ ሄን ኔኒኔ ኔ ኣዋቲ ካሴ ጎይኒ ኤሮንታ ሚፌኔ ሹቻፌ ኦሴቲዳ ኤቃ ጾሳታስ ኢንቴ ጎይናና።