ኢሳያሳ ቲንቢቴ 25:4 - ጋሞ ማጻፋ

⁴ ኔኒ ሂዬሳታስ ዜምፖ፤ ሜቶታንቻታስ ሜቶ ዎዴ ኔኒ ዜምፖ፤ ጎቴ ጫርኮፌ ጌሚ ኣቲዛሶ፤ ኣዋ ሴላፔ ኩዋቲዛሶ ጊዳዳሳ። ጋሶይካ ሜንጼ ኢታታ ፔኖይ ኬ ጎዳራ ኢጬቲዛ ጎቴ ጫርኮ ማላ።

Geeshsha Maxaafa

⁴ Neni hiyeesatas zemppo; Metotanchchatas meto wode neni zemppo; gote carkofe geemmi attizaso; awa seelappe kuwattizaso gidadasa. Gaasoykka menxe iitata peenoy keeththa godara icettiza gote carko mala.

ኢሳያሳ ቲንቢቴ 25:4 ပူးပေါင်းရင်းမြစ်များ

ዬ ማጻፋ 107:41

ጊዶ ኣቲን ኢዚ ሜቶታንቻታ ኢስታ ዋዬፔ ኬሲዴስ፤ ዶርሳ ዉዴ ማላ ጮራ ናይታካ ኢስታስ ኢሚዴስ።

ዬ ማጻፋ 119:31

ኣቤት ጎዳዉ! ታኒ ኔ ዮቲዳይሳ ሚን ኦይካዲስ፤ ኔ ታና ዬላስ ኣ ኢሞፋ።

ዬ ማጻፋ 12:5

ጎዳይ፥ «ሂዬሳቲ ኡንኤቲዳ ጊሻሲኔ ሜቶታንቻታ ዋሶ ጊሻስ ሃኢ ታኒ ዴንዳና፤ ታኒ ኢስቲ ኣሞቲዛ ሳሮቴን ኢስታ ዎና» ጌስ።

ዬ ማጻፋ 121:5

ጎዳይ ኔና ናጊዛይሳ፤ ጎዳይ ኔስ ኡሻቻ ባጋራ ኩዋ ጊዳና።

ዬ ማጻፋ 35:10

ታ ኩሜ ኣሳቴይ ኔና፥ «ኣቤት ጎዳዉ! ቆሄቲዳይታ ቆሂዛይታ ኩሼፔ ኣሺዛይ፥ ሂዬሳታኔ ሜቶታንቻታ ቦንቂዛይታ ኩሼፔ ናጊዛይ ሃራ ኔ ማላይ ኦኔ?» ጋና።

ዬ ማጻፋ 55:8

ታኒ ጎቴፔኔ ኡሾፔ ኣቲዛሶ ኤሶታዳ ጋካና ሺን» ጋዲስ።

ዬ ማጻፋ 72:13

ሂዬሳታሲኔ ማንቆታስ ኢዚ ቃቴስ፤ ሜቶታንቻታ ሼምፖካ ኢዚ ሃይቆፔ ኣሼስ።

ዬ ማጻፋ 72:4

ሜቶቲዳይታ ጊሻስ ኢዚ ሞቴታና፤ ሂዬሳታ ኢዚ ኣሻና፤ ኡንኤዛይሳካ ኢዚ ሊቂሳና።

ዬ ማጻፋ 9:10

ኔ ሱን ኤሪዛይቲ ኔናን ኣማኔቴቴስ፤ ኣይስ ጊኮ ጎዳዉ! ኔኒ ኔና ኮይዛይታ ዬጋ ኣጋቤካ።

ዬ ማጻፋ 91:1

ኡባፌ ቃ ጎዳን ዜምፒ ዴኢዛይ፥ ኡባ ዳንዳይዛ ጾሳ ኩዋን ኣቄስ።

ኢሳያሳ ቲንቢቴ 11:4

ጊዶ ኣቲን ሂዬሳታስ ጺሎ ፒርዳና፤ ሳኣ ቦላ ማንቆታስ ሱሬ ፒርዳና፤ ባ ኢንጻርሳ ጻምኣን ሳኣ ሾጫና፤ ባ ዶና ፔኖን ኢታታ ዎና።

ኢሳያሳ ቲንቢቴ 14:32

ሄ ካዎቴታፔ ኪቴቲ ዪዛ ቃስታኔታስ ኣይ ጊ ዛራኔ? ‹ጎዳይ ጺዮኔ ሚን ኤሲዴስ፤ ዋዬ ኤኪዳ ዴሬይ ኢዚ ጋርሳን ሼምፖሶ ዴሚዴስ› ጊ ዛሮ።»

ኢሳያሳ ቲንቢቴ 16:3

ሞኣቤ ኣሳይ ዩሁዳ ኣሳስ፥ «ኑስ ዞሬ ኢሚቴ፤ ኑስ ፒርዲቴ፤ ሴታ ጋላስ ኢንቴ ኤሾን ኦማርሳ ማ ማላ ኑና ካሚቴ። ባቃቲዳይታ ቆቲቴ፤ ጎዴቲዳይታካ ኣ ኢሞፍቴ።

ኢሳያሳ ቲንቢቴ 17:10

ኔና ኣሺዛ ጾሳ ባላዳሳ፤ ኔ ኢዛን ቆቴታ ኣቲዛ ኔ ዛላካ ኣኬካቤካ፤ ሄሳ ኔኒ ዶሬቲዳ ኣታኪልቴ ቶኪኮካ፥ ኦራ ዜሬ ኔ ዜሪኮካ፥

ኢሳያሳ ቲንቢቴ 27:5

ዎይኮ ታኮ ዪዲ ታና ባንታስ ቆቴቲዛሶ ኬሴቶ፤ ታናራ ጊጌቶ፤ ኤ ታናራ ጊጌቶ» ጌቴታና።

ኢሳያሳ ቲንቢቴ 28:6

ኢዚ ፒርዲዛይታስ ሱሬ ፒርዳ ፒርዲዛ ኣያና ኦላ ካታማ ፔንጌፌ ዛሪዛይታስ ዎልቃ ጊዳና።

ኢሳያሳ ቲንቢቴ 29:19

ኣሽኬቲ ጎዳን፥ ሂዬሳቲ ኢስራኤሌ ጌሻን ዛሪ ዛሪ ኡፋዬታና።

ኢሳያሳ ቲንቢቴ 29:20

ሜንጼ ኢታቲ ኡባይ ዉራና፤ ቂልጪዛይቲ ቲምኢ ጋና፤ ኢታ ኦናስ ዛማዲ ኡቲዳይቲ ያና።

ኢሳያሳ ቲንቢቴ 29:5

ጊዶ ኣቲን ዳሮ ኔ ሞርኬቲ ጉዱላ ሱላ ማላ፥ ሜንጼ ኢታቲ ጫርኮን ቢዛ ሃፓ ማላ ጊዳና፤ ቆፋይ ባይንዳ ዲሺን፥

ኢሳያሳ ቲንቢቴ 32:2

ኣሲ ሁኤን ሁኤን ጫርኮፌ ጌሚዛሶሆ፥ ጎቴፔካ ባቃቲ ኣቲዛሶሆ ጊዳና፤ ባዞ ቢታን ሃ ፑልቶ ማላ፥ ሳሜቲዳ ቢታን ዎጋ ዛላ ኩዋ ማላ ጊዳና።

ኢሳያሳ ቲንቢቴ 33:16

ሄሳዴይ ቃሶሆን ዳና፤ ዙማ ሚጻይ ኢዛስ ሺቂ ኣቲዛሶ ጊዳና፤ ኢዛስ ቁማይ ኢሜታና፤ ሃካ ኢዛስ ፓጬና።

ኢሳያሳ ቲንቢቴ 33:2

ኣቤት ጎዳዉ! ኑና ማራ፤ ኑኒ ኔና ሂዶታ ኦዶስ፤ ማላዶ ማላዶ ኑስ ዎልቃ ጊዳ፤ ሜቶ ዎዴካ ኑና ኣሺዛዴ ጊዳ።

ኢሳያሳ ቲንቢቴ 37:36

ሄ ጋላሳ ኦማርሲ ጎዳ ኪታንቻይ ኬኢዲ፥ ኣሶሬ ኣሳይ ዱንካኒ ዲዛሶን፥ 185,000 ኣቱማሳታ ዎዴስ። ሂስቲን ኣሳይ ማላዶ ሱሪዲ ቤኢዛ ዎዴ ሃይቂዳ ኣሳ ኣሃይ ሄን ኩሚዴስ።

ኢሳያሳ ቲንቢቴ 49:25

ጊዶ ኣቲን ጎዳይ፥ «ቱሙካ ኦላንቻቲ ዲኢ ኤፊዳ ሚሽ ኬሲ ኤካናስ፥ ሜንጼ ኢታታ ኩሼፔ ዲኤቲዳይታ ኣሻናስ ዳንዳዬቴስ፤ ኔናራ ኦሌቲዛይታራ ታ ኦሌታና፤ ኔ ናይታካ ታኒ ኣሻና።

ኢሳያሳ ቲንቢቴ 57:13

ኔኒ ማዶ ዴማናስ ዋሲዛ ዎዴ፥ ኣኔ ኔ ሺሺዳ ኤቃ ጾሳቲ ኔና ኣሼቶ! ኢስታ ኡባካ ጫርኮይ ኤኪ ኤፋና፤ ጉ ፔኖይ ኢስታ ላሊ ይሳና፤ ጊዶ ኣቲን ታና ባስ ባቃታሶ ኦዳ ኣሲ ቢታዮ ላታና፤ ታ ጌሻ ዙማዮ ባስ ሚሽ ኦና» ጌስ።

ኢሳያሳ ቲንቢቴ 66:2

ሃይታ ኡባ ታ ኩሼይ ኦቤኔ? ሃይቲ ቤታና ማላ ኦዳይ ታና ጊዲኪና? ታኒ ኣሽኬ፤ ዎዚናይ ሜቂዳዴኔ ታ ቃላስካ ኮኮሪዛዴኮ ታ ጼላይስ።

ኢሳያሳ ቲንቢቴ 8:14

ኢዚ ጌሻሶሆ ጊዳና፤ ጊዶ ኣቲን ኢዚ ዩሁዳ ቢታ ኣሳሲኔ ኢስራኤሌ ኬ ኣሳስ ጲዛ ሹቺኔ ኩንዲሲዛ ዛላ ጊዳና፤ ዬሩሳላሜን ዲዛ ኣሳስ ኢዚ ጊቴኔ ዎጺማዴ ጊዳና።

ኤርማሳ ቲንቢቴ 16:19

ታስ ሚኖቴኔ ሚጻ ጊዳዳ ሜቶ ጋላስ ታ ሺቃ ኣቲዛሶ ጊዲዳ ጎዳዉ! ካዎቴቲ ሳኣ ጋጻፔ ኔኮ ዪዲ፥ «ካሴ ኑ ኣዋቲ ባና ኣይኮካ ማዶንታ ኤቃ ጾሳታስ ጎይኒዳ።

ሂዚቄላ ቲንቢቴ 38:9

ኔኒ፥ ኔ ኦላንቻቲኔ ኔናራ ዲዛ ዳሮ ካዎቴቲ ጎቴ ጫርኮ ማላ ዴንዳና፤ ሻራ ማላ ኢንቴ ቢታ ካማና።

ሶፎናሳ ቲንቢቴ 3:12

ጎዳ ሱንን ኣማኔቲዛ፤ ኣሽኬታኔ ባንታና ካዉሺዛይታ፤ ታ ኢንቴ ጊዶን ኣሻና።

ያቆቤ ኪታ 2:5

ታ ሲቆ ኢሻቶ! ኣኔ ሲዪቴ፤ ኢስቲ ኣማኖን ዱሬታ ጊዳና ማላ ጾሲ ባና ዶሲዛይታስ ሂዶታ ኢስታስ ኢሚዳ ካዎቴ ኢስቲ ላታና ማላ ሃይሳ ሃ ኣላሜዛን ዲዛ ማንቆታ ዶሪቤኔ?