ኢሳያሳ ቲንቢቴ 25:1 - ጋሞ ማጻፋ

¹ ኣቤት ጎዳዉ! ኔኒ ታ ጾሳ። ታኒ ኔና ቁ ቁ ሂስታና፤ ኔ ሱንካ ሳባና። ጋሶይካ ቤኒፔ ቆፌቲዳይሳ ማላሊሲዛ ሃኖ ኩሜ ኣማኔቴን ኦዳሳ።

Geeshsha Maxaafa

¹ Abeet GODAWU! Neni ta Xoossaa. Tani nena dhoqqu dhoqqu histtana; ne sunththaaka sabbana. Gaasoykka benippe qofettidayssa malalisiza hano kumeththa ammaneteththan ooththadasa.

ኢሳያሳ ቲንቢቴ 25:1 ပူးပေါင်းရင်းမြစ်များ

ዬ ማጻፋ 111:4

ኢዚ ባ ማላሊሲዛ ኦሶታ ሃሳኤታና ማላ ኦዴስ። ኢዚ ኪያኔ ማሪዛ ጎዳ።

ዬ ማጻፋ 118:28

ኔኒ ታ ጾሳ፤ ታኒ ኔና ጋላታና፤ ኔኒ ታ ጾሳ፤ ታኒ ኔና ጊታሳና።

ዬ ማጻፋ 145:1

ኣቤት ታ ካዎ ጾሳዉ! ታኒ ኔና ቁ ቁ ሂስታና፤ ኔ ሱን ሜርናስካ ጋላታና።

ዬ ማጻፋ 146:2

ታ ዴኦ ላይ ኡባን ታኒ ጎዳ ጋላታና፤ ታኒ ሼምፖራ ፓጻ ዲዛ ዎዴ ኡባን ታ ጾሳ ሳባና።

ዬ ማጻፋ 31:15

ታ ዴኦ ላይይ ኔ ኩሼና፤ ታና ጎዲዛ ታ ሞርኬታ ኩሼፔ ኔ ታና ኣሻ።

ዬ ማጻፋ 40:5

ኣቤት ታ ጎዳዉ! ኔኒ ዳሮ ማላሊሲዛ ኦሶ ኦዳሳ፤ ኔናራ ሊኬቲዛይ ኦኒኔ ባዋ! ኔኒ ኑስ ቆፒዳ ሎኦ ቆፋ ኦኒኔ ቆዳናዉ ዳንዳዬና፤ ሄሲ ታኒ ዮቲን ዉሪዛዝ ጊዴና።

ዬ ማጻፋ 40:6

ኔኒ ያርሾኔ ሙጹዋታ ኮያቤካ፤ ጹጊዛ ያርሾኔ ናጋራ ያርሾካ ኔኒ ሳሞታቤካ፤ ጊዶ ኣቲን ሲያና ማላ ታስ ሃይታ ዶያዳሳ።

ዬ ማጻፋ 46:10

ሼምፒ ኡቲቴ፤ ታኒ ጾስ ጊዲዳይሳ ኤሪቴ፤ ካዎቴታ ቦላ ታ ቁ ቁ ጋና፤ ቢታ ቦላካ ታ ቁ ቁ ጋና።

ዬ ማጻፋ 75:2

ጾሲ፥ «ታ ባራ ዎዳ ዎዴን ሱሬ ፒርዳ ፒርዳናይ ታና።

ዬ ማጻፋ 78:4

ሄ ዮኦታ ኑኒ ኢስታ ናይታፔ ቆቶኮ፤ ጎዳስ ቤሲዛ ጋላታ፥ ኢዛ ዎልቃኔ ማላሊሲዛ ኢዛ ኦሶ ዪዛ ዬሌታታስካ ኑኒ ዮታና።

ዬ ማጻፋ 89:1

ኣቤት ጎዳዉ! ኔ ሜርና ሲቆ ጊሻስ ታኒ ሜርናስ ዬጻና፤ ኔ ኣማኔቴ ዬሌታ ኡባስ ታ ኣዋጃና።

ዬ ማጻፋ 98:1

ጎዳስ ኦራ ማዛሙሬ ዬጺቴ፤ ጋሶይካ ኢዚ ማላሊሲዛ ሚሽ ኦዴስ፤ ኢዛ ኡሻቻ ኩሼይኔ ኢዛ ጌሻ ቄሴይ ኢዛስ ጾኖ ኢሚዴስ።

ዬ ማጻፋ 99:5

ኢዚ ዱማ ጊዲዳ ጊሻስ ጎዳ ኑ ጾሳ ቁ ቁ ሂስቲቴ፤ ኢዛ ቶሆ ጋርሳንካ ጉፋኒዲ ኢዛስ ጎይኒቴ።

ኬሳ ማጻፋ 15:2

ጎዳይ ታስ ዎልቃኔ ዬ፤ ኢዚ ታና ኣሺዴስ። ኢዚ ታ ጾሳ፤ ታኒ ኢዛ ሳባና። ኢዚ ታ ኣዋ ጾሳ፤ ታኒ ኢዛ ቁ ቁ ሂስታና።

ኢሳያሳ ቲንቢቴ 11:5

ጺሎቴ ኢዛስ ጼሳ ዳንጮ ጊዳና፤ ኣማኔቴይ ኢዛስ ዳባላ ዳንጮ ጊዳና።

ኢሳያሳ ቲንቢቴ 12:1

ሄ ዎዴ ኔኒ፥ «ኣቤት ጎዳዉ፥ ካሴ ኔ ታ ቦላ ሃንቄታዳሳ፤ ሃኢ ጊዲኮ ኔኒ ኔ ሃንቆዛፔ ሲማዳ ታና ሚንዳ ጊሻስ ታ ኔና ሳባይስ።

ኢሳያሳ ቲንቢቴ 26:13

ኣቤት ጎዳዉ ኑ ጾሳዉ! ኔፔ ሃራ ኣላጋ ጾሳቲ ኑና ሃሪዳ፤ ኑኒ ጊዲኮ ኔ ሱን ጻላ ቦንቾስ።

ኢሳያሳ ቲንቢቴ 26:8

ኣቤት ጎዳዉ! ኔ ዎጋ ኦጌራ ሄሜቲሼ ኑኒ ኔና ሂዶታ ኦዶስ፤ ኔ ሱንኔ ኔ ጊታቴ ኑ ዎዚናስ ኣሞ።

ኢሳያሳ ቲንቢቴ 28:29

ሃይሲ ኡባይ ባ ዞሬን ማላሊሲዛዝ፥ ባ ኣ ኤራቴን ማላሊሲዛዝ ጊዲዳ ኡባፌ ዎልቃማ ጎዳፔ ሃኔስ።

ኢሳያሳ ቲንቢቴ 40:27

ያቆቤ ኔ ኣይስ ሄሳ ጋይ? ኢስራኤሌ ኔ ኣይስ ሄሳ ሃሳያይ? «ታ ኦጌይ ጎዳፔ ጌሚዴስ፤ ታ ፒርዳይ ጾሳ ኣቻን ዉዱ ጌቴቲቤና» ኣይስ ጋይ?

ኢሳያሳ ቲንቢቴ 46:10

ዉርሴን ሃናናይሳ ኮይሮታ፥ ቡሮፔ ያናይሳ ቤኒ ዮታዲስ፤ ‹ታ ሃልቾይ ሚኖ፤ ታና ኡፋይሲዛዝ ኡባ ታ ኦና› ጋዲስ።

ኢሳያሳ ቲንቢቴ 46:11

ኣርሼይ ሞኪዛ ባጋፌ ቦንቂዛ ኣርጋን፥ ሃሆ ቢታፌ ታ ቆፋ ፖሊዛ ኣስ ታኒ ጼይጋና። ታ ዮቲዳይሳ ታ ኦና፤ ታ ሃልቺዳይሳ ታ ፖላና።

ኢሳያሳ ቲንቢቴ 49:4

ጊዶ ኣቲን ታኒ፥ «ታኒ ሜላ ጮ ዳቡራዲስ፤ ጎኣይ ባይንዳ ጮ ሃዳ ሚሻን ታ ዎልቃ ዉርሳዲስ፤ ጊዲኮካ ታ ኦሶዛስ ኩሼ ዛራናይ ጎዳ፤ ታ ዋጋይካ ታ ጾሳ ማታና» ጋዲስ።

ኢሳያሳ ቲንቢቴ 49:5

ሃኢ ታኒ ጎዳ ኣይፌ ሲንን ቦንቼታዲስ፤ ጾሳይ ታስ ዎልቃ ጊዲዴስ፤ ታኒ ያቆቤ ኢዛኮ ዛራና ማላ፥ ኢስራኤሌ ኢዛኮ ሺሻና ማላ ኦዳ ጎዳይ ሃኢካ ዛሪዲ፥

ኢሳያሳ ቲንቢቴ 61:10

ታኒ ጎዳን ኬሂፔ ኡፋዬታይስ፤ ታ ሼምፖያካ ታ ጾሳን ሆምቦጫዉስ፤ ሚሺራይ ባ ሁኤን ካላቻ ጎጺዛ ማላ፥ ሚሺራያካ ባና ኢንቁን ሴሌዛ ማላ ኣቶቴ ማይኦ ታና ማይዚዴስ፤ ጺሎቴ ሴሎካ ታ ቦላ ጎጲዴስ።

ኢሳያሳ ቲንቢቴ 7:13

ኢሳያሲ፥ «ኢንቴኖ ዳዊቴ ዛሬቶ፥ ሲዪቴ! ኢንቴ ኣሳ ሳሌዛይሲ ጉጺን ጾስ ሳሌናስ ዴንዲዴቲ?

ኢዩኤሌ ቲንቢቴ 2:26

ኢንቴ ቡሮ ዳሮ ሚዲ ካላና፤ ኢንቴስ ማላሊሲዛ ሚሻታ ታ ኦዳ ጊሻስ ኢንቴ ታና ጎዳ ኢንቴ ጾሳ ጋላታና፤ ሃይሳፌ ጉዬ ታ ዴራ ዬላይ ጋኬና።

ታይቦ ማጻፋ 23:19

ጾሲ ኣሳ ማላ ዎርዶቴና፤ ኢዛ ቆፋይ ኣሳ ቆፋ ማላ ላሜቴና፤ ኢዚ ባ ኢሚዳ ሂዶታ ኡባ ፖሌስ፤ ኢዚ ባ ዮቲዳ ኡባ ኦስ።

ኤፌሶኔ ኣሳስ 1:11

ዉርሲካ ባ ሼኔ ማላ ኦዛ ኢዛ ሼኔን ኮይሮካ ኢዚ ቆፒ ዎዳይቲ ኑኒ ኢዛን ዶሬቲዶስ።

ዮሃኒሳ ኣጁታ 15:3

ጾሳ ኦሳንቻ ሙሴ ዬኔ ዶርሳዛ ማዛሙሬ፥ «ኡባ ዳንዳይዛ ጎዳ ጾሶ! ኔ ኦሶይ ጊታኔ ማላሊሲዛዛ፤ ዴሬ ካዎዞ! ኔ ኦጌይ ሊኬኔ ቱማ።

ዮሃኒሳ ኣጁታ 19:11

ሄሳፌ ጉዬ ሳሎይ ዶዬቲዳይሳ ታ ቤያዲስ፤ ቃሴካ ቦ ፓራካ ቤያዲስ፤ ሄ ፓራዛ ቶጊዳይሲ ኣማኔቲዳዴኔ ቱማንቻ ጌቴቲዛዴ፤ ኢዚ ቃሴ ቱማ ፒርዴሲኔ ኦሌቴስ።

ዮሃኒሳ ኣጁታ 7:12

«ኣሚን! ሳባይ፥ ጊታቴ፥ ኤራቴ፥ ጋላታይ፥ ቦንቾይ፥ ዎልቃይኔ ሚኖቴ ኑ ጎዳስ ጾሳስ ሜርናፔ ሜርናስ ጊዶ። ኣሚን!» ጊዳ።