ኢሳያሳ ቲንቢቴ 22:23 - ጋሞ ማጻፋ

²³ ታኒ ኢዛ ኣማኔቲዛሶሆን ሽኬ ማላ ኤሳና፤ ኢዚ ባ ኣዋ ኬስ ቦንቾ ኣራታ ጊዳና።

Geeshsha Maxaafa

²³ Tani iza ammanettizasohon dhishke mala essana; izi ba aawa keeththas bonchcho araata gidana.

ኢሳያሳ ቲንቢቴ 22:23 ပူးပေါင်းရင်းမြစ်များ

ኢዝራ ማጻፋ 9:8

ጎዳዉ ኑ ጾሳዉ! ኔኒ ኑ ኣይፌ ፖኢሳዳሳ፤ ሄኮ ሃኢ ጉ ዎዴ ኔ ሲንን ቦንቾ ዴሚዲ ኑፔ ጉቲ ኣይሌቴ ቃምባራ ጋርሳፌ ኬዚዲ ሃኖ ጌሻ ቢታይ ቦላ ኑ ሳሮን ዳና ማላ ኦዳሳ፤ ኑኒ ኣይሌቴ ቃምባራ ጋርሳን ኩንዲኮካ ኔ ኑስ ኦራ ዴኦ ኢማዳሳ።

ኣስቴሪ ማጻፋ 10:3

ኣይሁዳ ዴሬ ኣስ ማርዲኪዮሲ ካዎ ኣርጼኪሲሴፔ ቦንቾን ናምኣን ማራን ዴስ፤ ኢዚ ኣይሁዳቲ ሳሮቴኒኔ ሂርጋይ ባይንዳ ዳና ማላ ኬሂ ዳቡርዳ ኣስ ጊዲዳ ጊሻስ ኢዚ ኣይሁዳታንካ ኬሂ ቦንቼቲዳኔ ዶሴቲዳ ኣሳ።

ኣስቴሪ ማጻፋ 4:14

ኔኒ ሃይሳ ማላ ዎዴን ጮኡ ጊኮ ኣይሁዳታስ ማዶይኔ ኣሻናይ ሃራሶፔ ያና። ኔኒኔ ኔ ኣዋ ኬ ኣሳይ ጊዲኮ ያና፤ ቃሴካ ኔኒ ጎዳቶ ጊዲዳይ ሃይሳ ማላ ዎዴሳኮኔ ኦኔ ኤሪዛይ?» ጊዛ ዛሮ ዬዲዴስ።

ኢዮቤ ማጻፋ 36:7

ጾሲ ጺሎ ኣሳታ ናጌስ፤ ካዎታ ማላ ቦንቾ ኣልጋን ኡቲሴስ፤ ሜርናስ ኢስታ ቁ ቁ ሂስቴስ።

ኤራንቻታ ማጻፋ 12:11

ኣ ኤራንቻ ቃላይ ጪካ ማላ ሆጼ፤ ቃሴ ኢዛ ቶሴቲካ ኣዳፌ ሽኬቲዳ ሽኬ ማላ፤ ሄይቲካ ኢሲ ሄንንቻፌ ኢሜቲዳይታ።

ኢሳያሳ ቲንቢቴ 22:24

ቄሪ ጻሮፔ ቢዲ ባ ጋካናስ ሶን ዲዛ ሚሽ ኡባ ኮጫን ካቂዛ ማላ ኢዛ ኣዋ ኬ ቦንቾ ኡባይ ናይታፔ ቢዲ ና ና ጋካናስ ኢዛ ቦላ ቃጴታና» ጊዴስ።

ኢሳያሳ ቲንቢቴ 22:25

ጎዳይ ኡባፌ ዎልቃማ ጾሳይ፥ «ሄ ጋላስ ኣማንዛሶን ኤቂዳ ሽኬይ ሾዴታና፤ ሜቂ ዎና፤ ኢዛ ቦላ ካቄቲዳ ኡባይ ኩንዲዲ ሜቄሬታና» ጊዴስ፤ ሃይሳ ጎዳይ ዮቲዴስ።

ዛካራሳ ቲንቢቴ 10:4

ዩሁዳፔ ጉላን ዎዛ ሹቺ፥ ዱንካኔ ቶሊዛ ሽኬይ፥ ኦላ ቶራይኔ ዴሬ ኡባ ሃሪዛይ ኬዛና።

ዮሃኒሳ ኣጁታ 3:21

ታኒ ጾናዳ ታ ኣዋራ ኢዛ ኣልጋን ኡቲዳይሳ ጾኒዳዴይ ታናራ ኢሲፌ ታ ኣልጋን ኡታና ማላ ታ ኦና።

1ሳሜላ ማጻፋ 2:8

ኢዚ ማንቆ ጉዱላፌ ዴንስ፤ ኣይኮይካ ባይንዳ ማንቆዛ ቁ ቁ ሂስቴስ፤ ባ ሹሜታራካ ኢሲፌ ኡቲሴስ፤ ቦንቾ ኣራታካ ላቲሴስ። ጋሶይካ ቢታ ዮቻቲ ጎዳሳ፤ ኢዚ ኣላሜ ኢስታ ቦላ ዎዴስ።