ኢሳያሳ ቲንቢቴ 19:2 - ጋሞ ማጻፋ

² «ታኒ ጊብጼታ ኢሳ ኢሳ ቦላ ዴንና፤ ኢሻይ ኢሻራ፥ ሾሮይ ሾሮራ፥ ካታማይ ካታማራ፥ ካዎይ ካዎራ ኦሌታና።

Geeshsha Maxaafa

² «Tani Gibxeta issaa issaa bolla denththana; ishay ishara, shooroy shoorora, katamay katamara, kawoy kawora olettana.

ኢሳያሳ ቲንቢቴ 19:2 ပူးပေါင်းရင်းမြစ်များ

1ካዎታ ማጻፋ 16:21

ሄ ዎዴ ኢስራኤሌ ኣሳይ ናምኡ ኬዚ ሻኬቲዴስ። ኣሳፔ ባጋይ ጊናቴ ና ቲቢኔ ካዎና ኮዪን ባጋይ ቃሴ ኦሚሬ ካዎናስ ኮዪዴስ።

2ታሪኬ ማጻፋ 15:6

ጾሲ ኢስታ ዱማ ዱማ ሜቶን ዬጊዳ ጊሻስ ዴሬይ ካዎቴ ቦላ፥ ካታማይካ ካታማ ቦላ ዴንዲዲ ኢሶይ ኢሳ ይሴስ።

ኢሳያሳ ቲንቢቴ 3:5

ዴሬይ ዴሬ ቦላ፥ ኣሲ ኢሶይ ኢሳ ቦላ፥ ሾሮይ ሾሮ ቦላ፥ ዬላጋ ናይቲ ጪማታ ቦላ፥ ሹፉሮይ ቦንቼቲዳይታ ቦላ ዴንዳና።

ኢሳያሳ ቲንቢቴ 9:21

ሚናሴይ ኤፍሬሜ ማና፤ ኤፍሬሜይካ ሚናሴ ማና፤ ኢስቲ ኢሲፌ ጊዲዲ ዩሁዳ ቦላ ዴንዳና። ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኤርማሳ ቲንቢቴ 46:12

ካዎቴቲ ኔ ዬላቴ ሲያና፤ ኔ ዬሆይ ቢታ ኩማና፤ ኦላንቻይ ኦላንቻራ ኦይኬቲ ኩንዳና» ጌስ ጎዳይ።

ኤርማሳ ቲንቢቴ 51:46

ዎሬይ ቢታይን ሴቴቲሺን ሂዶታ ቃንጾፍቴኔ ባቦፍቴ፤ ካዎይ ካዎ ቦላ ዴንዲዛይሳ፥ ማካላቴ ቢታይ ቦላ ዲዛይሳ ኢሲ ዎሬይ ሃ ላይን፥ ሃራይ ላይ ካሊዲ ያና።

ሂዚቄላ ቲንቢቴ 38:21

ታኒ ታ ዙማታ ኡባን ጎጌ ቦላ ማሻ ጼይጋና፤ ኢሳ ኢሳ ማሻይ ኢዛዴ ኢሻ ቦላ ሼምፓና፤ ታኒ ኡባ ሃሪዛ ጎዳይ ሃይሳ ዮታይስ።

ዛካራሳ ቲንቢቴ 8:10

ሃይሳፌ ካሴ ኣሳስ ዳሞዛይ ኢሜቲ ኤሬና፤ ሜሄስካ ኪራይ ኢሜቲ ኤሬና። ሞርኬይ ዲዛ ጊሻስ ኦኒካ ባ ኦሶ ዎጋራ ኦ ኤሬና፤ ካሴ ታኒ ኣሳይ ላጌይ ላጌ ቦላ ዴንዳና ማላ ኦዳ ጊሻስ ሄሲ ሃኒዴስ።

Maatosa 10:21

«ኢሻይ ባ ኢሻ ሃይቆስ ኣ ኢማና፤ ኣዋይ ባ ና ቦላ፥ ናይቲ ባና ዬሊዳይታ ቦላ ማካላቴን ዴንዲዲ ሃራ ኣሳን ዎሳና።

Maatosa 10:36

ኣሳስ ሞርኬይ ሶ ኣሳ ጊዳና።

Maatosa 12:25

ዬሱሲካ ኢስታ ቆፋ ኤሪዲ፥ «ባ ጊዶን ኢሶይ ኢሳፌ ሻኬቲዛ ካዎቴ ዉሪካ ኩንዳና፤ ባ ጊዶን ሻኬቲዛ ካታማይ ዎይኮ ኬ ኣሲ ሚኔና።

Maatosa 24:7

ዴሬይ ዴሬ ቦላ፥ ካዎይ ካዎ ቦላ ዴንዳና፤ ዱማ ዱማ ዴሬን ኮሻይኔ ቢታ ቃ ሃናና።

ማርቆሳ ሚሺራቾ 3:24

ባ ጊዶን ሻኮይ ዲዛ ካዎቴ ሚናናስ ዳንዳዬና።

ዳናታ ማጻፋ 7:22

ሄ ጼቱ ጌዶኔ ኣሳይ ባ ዛዬ ዛዬ ፑኒዳ ዎዴ ሞርኬታ ኦላንቻቲ ባንታ ጊ ማሻን ኢሶይ ኢሳ ዎና ማላ ጎዳይ ኦዴስ፤ ሄሳ ጊሻስ ኣቲዳ ኦላንቻቲ ዜሬራ ባጋራ ጌዴ ቤቲ-ሲጼ ጌቴቲዛ ካታማራ ኣ ቢዲ ጻባታ ማታን ዲዛ ኣቤሊ-ማሆሌ ጋካናስ ባቃቲዳ።

ዳናታ ማጻፋ 9:23

ሄሳፌ ጉዬ ጾሲ ኣቢሜሌኬሲኔ ሴኬሜ ኣሳ ጊዶን ኢታ ኣያና ኪቲዴስ፤ ሴኬሜ ኣሳይካ ኣቢሜሌኬ ቦላ ማካሊ ዴንዲዴስ።

1ሳሜላ ማጻፋ 14:16

ቢኒያሜይ ኣይሲዛ ጊቢኣን ዲዛ ሳኦሌ ዛቤቲ፥ ፊሊስጼሜ ኦላንቻቲ ዱማ ዱማ ባጋራ ላሌቲሺን ቤኢዳ።

1ሳሜላ ማጻፋ 14:20

ሄሳፌ ጉዬ ሳኦሊኔ ኢዛ ኦላንቻቲ ኢሲ ቦላ ኦላስ ቢዳ፤ ኢስቲካ ፊሊስጼሜቲ ባንታ ማሻን ቡሳኬቲሼ ጊታ ሺሮ ጋርሳን ዲዛይሳ ቤኢዳ።