ኢሳያሳ ቲንቢቴ 17:8 - ጋሞ ማጻፋ

⁸ ኢስቲ ባንታ ኩሼን ኦዳ ያርሾሶሆታ ጼሌቴና፤ ኢስቲ ባንታ ኤቃታስ ኤጻኔ ጩኣሲዛሶሆታሲኔ ኣሼሪስ ጎይናና ኤሲዳ ቱሳታስ ቦንቾ ኢሜቴና።

Geeshsha Maxaafa

⁸ Istti bantta kushen ooththida yarshosohota xeellettenna; istti bantta eeqatas exaane cu7asizasohotassinne Asheeris goynnana essida tuussatas bonchcho imettenna.

ኢሳያሳ ቲንቢቴ 17:8 ပူးပေါင်းရင်းမြစ်များ

2ሳሜላ ማጻፋ 22:42

ኢስቲ ማዶ ዴማናስ ዋሲዳ፤ ጊዶ ኣቲን ኢስታ ማዲዳይ ዴና፤ ኢስቲ ጎዳኮ ዋሲዳ፤ ጊዶ ኣቲን ኢዚ ኢስታስ ዛሪቤና።

2ታሪኬ ማጻፋ 14:5

ቃሴ ጎይኒዛ ቃሶሆታኔ ኤጻኔ ጩዋሲዛ ሶሆታ ዩሁዳ ካታማ ኡባፌ ይሲዴስ። ሂስቲን ኢዛ ካዎቴ ላይን ቢታይ ዎፓ ዴሚዴስ።

2ታሪኬ ማጻፋ 31:1

ሃይሲ ኡባይ ፖሌቲዳፔ ጉዬ ሄን ዲዛ ኢስራኤሌ ኣሳይ ዩሁዳ ካታማታ ዪዲ ጎይኔቲዛ ሹቻታ ሜንሬ ዬጊዳ፤ ኣሼሮ ጌቴቲዛ ኤቃ ጾሳይ ሚስሌታ ቃንጼሬ ኦሊዳ፤ ቃሴካ ዩሁዳ ቢታን፥ ቢኒያሜ ቢታን፥ ኤፍሬሜ ቢታኒኔ ሚናሴ ቢታን ዲዛ ዙምቡላታ ቦላ ጎይኒዛሶታኔ ያርሾ ያርሺዛሶሆታ ይሲዳ፤ ኢስራኤሌ ኣሳይ ሄሳ ኡባ ኦዳፔ ጉዬ ባንታ ካታማ ካታማኔ ባንታሶ ባንታሶ ሲሚዳ።

2ታሪኬ ማጻፋ 34:4

ኢዛ ኣዛዞን ኣሳይ ባኣሌስ ያርሺዛሶሆታኔ ኢስታ ቦላ ዲዛ ኤጻኔ ጩዋሲዛሶታካ ላሊዳ፤ ኣሼሪ ሚስሌታ፥ ማሲ ጊግሲዳ ኤቃታኔ ሴሪሲ ሜዳ ሚስሌታ ኪንቼሬ ሊቂሲዲ ኢስታስ ያርሺዛ ኣሳታ ዱፎ ቦላ ላሊዳ።

ኬሳ ማጻፋ 34:13

ኢስቲ ያርሺዛሶሆታ ላሊቴ፤ ኢስቲ ጎይኒዛ ሹቻታካ ሜንሬቴ፤ ቃሴ ኣሼሮ ጌቴቲዛ ኢስታ ማጫ ኤቃ ጾሳይ ሚስሌታካ ሜንሬ ዬጊቴ።

ኢሳያሳ ቲንቢቴ 1:29

ካሴ ኢንቴ ዶሲዛ ካሻታን ኢንቴ ዬላታና፤ ካሴ ኢንቴ ዶሪዳ ኣታኪልቴሶሆታን ኢንቴ ካዉያና።

ኢሳያሳ ቲንቢቴ 10:20

ሄ ዎዴ ኢስራኤሌ ዛሬፔ ጫሻ ኣቲዳይቲ፥ ያቆቤ ኬፌ ኣቲዳይቲ ሃይሳፌ ጉዬ ባንታና ሾጪዳይታ ቦላ ዜምፔቴና፤ ጊዶ ኣቲን ጎዳን ኢስራኤሌ ጌሻን ቱማፔ ኣማኔታና።

ኢሳያሳ ቲንቢቴ 17:9

ሄ ዎዴ ኢስራኤሌ ኣሳ ጋሶን ቦሼቶንታ ኣቲዳ ሚኖ ካታማቲ ዎራኔ ኣይኮይ ባይንዳሶ ጊዳና።

ኢሳያሳ ቲንቢቴ 2:8

ኢስታ ቢታን ኤቃ ጾሳቲ ኩሚዳ፤ ባንታ ኩሼን ኦ ኬሲዳ ሚሻስ ጎይኔቴስ።

ኢሳያሳ ቲንቢቴ 27:9

ያቆቤይ ያርሾ ያርሺዛሶ ሹቻታ ቦቂንታ ሹቻ ማላ ጋጪ ሊቂሲሺን ኣሼሮ ጌቴቲዛ ኤቃ ጾሳይ ሚስሌኔ ኤጻኔ ጩዋሲዛ ሶሆታ ኢስቲ ዲዛሶሆታፔ ሾዲ ኦሊሺን ሄ ጋላስ ሞሮይ ኣቶ ጌቴታና፤ ሄሲ ኢዚ ባ ናጋራ ዲጎይሳስ ኩሜ ኣይፌ ጊዳና።

ኢሳያሳ ቲንቢቴ 30:22

ሄሳፌ ቢራን ሜሼቲዳ ኢንቴ ኤቃ ጾሳታኔ ዎርቃን ሜሼቲዳ ሚስሌታ ኢንቴ ሞራና፤ «ኑፔ ሃኪቴ» ጊዲ ቱና ጫርቃ ማላ ኢንቴ ዎራ ዬጋና።

ኢሳያሳ ቲንቢቴ 37:19

ኢስታ ጾሳታ ታማን ጹጊዳ፤ ኢስታ ጾሳቲ ዎኒካ ሚፌኔ ሹቻፌ ኣሳ ኩሼን ማሴቲ ኬዚዳ ሚስሌፔ ኣቲን ጾሳታ ጊዴቴና።

ኢሳያሳ ቲንቢቴ 41:29

ቤኢቴ ኢስቲ ኡባይካ ሃዳ፤ ኢስታ ኦሶስካ ጎኣይ ዴና፤ ኢስታ ሚስሌቲካ ኣይኮይ ባይንዳ ጫርኮ ማላ» ጌስ።

ኢሳያሳ ቲንቢቴ 44:15

ኣሲ ኤሶስ ጎኤቴስ፤ ኢዛፔ ጉ ኤኪዲ ታማን ኤ ሆኤስ፤ ኡኬካ ኢዛን ኡኬስ፤ ኢዛፔ ማሲዲ ኤቃ ጾስ ጊጊሴስ፤ ኢዛስካ ጎይኔስ። ኤቃ ጾስ ኦስ፤ ኩንዲዲካ ኢዛስ ዚጌስ።

ኤርማሳ ቲንቢቴ 17:2

ኢስታስ ናይቲካ ኣቶንታ ጪሊላ ሚታ ጋርሳኒኔ ቃ ዙምቡላታ ቦላ ዲዛ ያርሾሶታኔ ኣሼሮ ጌቴቲዛ ኤቃ ሚስሌዮ ቆፔቴስ።

ሂዚቄላ ቲንቢቴ 36:25

ታኒ ኢንቴና ጺሎ ሃን ኣራጫና፤ ኢንቴካ ጌያና፤ ሂስታዳ ታ ኢንቴና ኢንቴ ኤቃ ጾሳታ ኡባፌኔ ኢንቴ ቱናቴ ኡባፌ ጌሻና።

ሆሴኤ ቲንቢቴ 14:8

ኤፍሬሜ! ታሲኔ ኤቃ ጾሳታስ ኣይ ጋይቶቴ ዲዜ? ኔ ዎሳ ሲዪዛይኔ ኔና ናጊዛይ ታና፤ ታኒ ኡባ ዎዴ ጪሊሊ ኡቲዳ ሚ ማላ፤ ኔ ኣይፊዛይ ታፔ ዴንዲዳይሳና» ጌስ።

ሆሴኤ ቲንቢቴ 14:9

ኣ ኤራንቻይ ሃ ዮኦታ ኣኬካና። ኣኬኪዛዴይ ሃ ዮኦታ ኤራና፤ ጎዳ ኦጌይ ሱሬ፤ ጺሎቲ ኢዛን ሄሜቴቴስ። ናጋራንቻቲ ጊዲኮ ኢዛን ጴቴቴስ።

ሶፎናሳ ቲንቢቴ 1:3

ጎዳይ፥ «ኣሴኔ ሜዶሳታ ይሳና፤ ሳሎ ካፎታኔ ኣባ ጊዶን ዲዛ ሞሌታ ታ ይሳና፤ ታ ኣሳ ዜሬ ቢታ ቦላፌ ይሲዛ ዎዴ ኢታቲ ላሌቲዳ ቡራ ዶሬ ማላ ጊዳና» ጌስ።

ዛካራሳ ቲንቢቴ 13:2

«ታኒ ሄ ዎዴ ቢታፌ ኤቃ ጾሳታ ሱን ይሳና፤ ሄሳፌ ናምኣን ኢስቲ ቆፌቴቴና፤ ኢስታ ናቤታኔ ቱና ኣያናታ ቢታይ ቦላፌ ታ ዲጋና።

ዛሬ ማጻፋ 7:5

ሄሳ ጊሻስ ኢንቴ ኢስቲ ያርሾ ያርሺዛሶዛ ላሊቴ፤ ኢስቲ ጎይኒዛ ቱሳ ማላታ ሹቻታ ኪንቼሬ ዬጊቴ፤ ኣሼሮ ጌቴቲዛ ኤቃ ጾሳይ ሚስሌዛ ቲንቼሬ ዬጊቴ፤ ማሴቲ ጊጊዳ ኤቃ ጾሳታ ሚስሌታካ ታማን ጹጊቴ።