ኢሳያሳ ቲንቢቴ 16:12 - ጋሞ ማጻፋ

¹² ሞኣቤይ ፑዴ ባ ዙምቡላ ቦላ ኬዚኮካ ዳቡራ ጻላ፤ ኢዛ ዎሳስ ባ ኤቃ ኬ ጌሊኮካ ጎኣይ ዴና።

Geeshsha Maxaafa

¹² Mo7aabey pude ba zumbulla bolla kezikkoka daabura xalla; iza woosas ba eeqa keeth gelikkoka go7ay deenna.

ኢሳያሳ ቲንቢቴ 16:12 ပူးပေါင်းရင်းမြစ်များ

1ካዎታ ማጻፋ 11:7

ሄሳፌ ጉዬ ሶሎሞኔይ ሃራሲዛ ሞኣቤታ ጾሳ ካሞሼሲኔ ኣሞኔታ ጾሳ ሞሎኬስ ዬሩሳላሜፔ ኣርሼይ ሞኪዛ ባጋን ዲዛ ዙምቡላታ ቦላ ጎይኒዛሶታ ጊግሲዴስ።

1ካዎታ ማጻፋ 18:29

ሴታ ጋላሲ ኣን ኦማርሳ ያርሾ ሺሺዛ ዎዴይ ጋካናስ ኢስቲ ሃፓኔ ቡራ ቲንቢቴ ሃሳይዳ ሺን ኣይኮ ዛሮካ ዴሚቤቴና፤ ኢስታ ጬንጉርሳ ሲዪዲ ዛሮ ኢሚዛይ ባዋ።

2ካዎታ ማጻፋ 19:12

ካሴ ታ ኣዋቲ ይሲዳ ካዎቴታ ጎዛኔን፥ ካራኔን፥ ኤራፋሴን ሄሳካ ታላሳሬን ዲዛ ኤዴኔ ኣሳታ ኢስታ ኤቃ ጾሳቲ ኢስታ ኣሺዶ?

2ካዎታ ማጻፋ 3:27

ሄሳፌ ጉዬ ኢዛፔ ካሊ ካዎታናይሳ ባስ ባይራ ናዛ ኤኪ ቢዲ ካታማይ ጊምቤዛ ቦላ ጹጌቲዛ ያርሾ ሂስቲ ያርሺዴስ፤ ኢስራኤሌ ቦላ ዎልቃማ ሃንቆይ ጋኪዴስ፤ ሂስቲን ኢስቲ ሄፔ ኬዚዲ ጉዬ ባ ዴሬ ሲሚዳ።

ሌሚሶ ማጻፋ 1:28

«ሄ ዎዴ ኢስቲ ታና ጼይጋና፤ ታ ጊዲኮ ኢስታስ ኮይኬ፤ ኢስቲ ታና ሚን ኮያና፤ ጊዶ ኣቲን ታና ዴሜቴና።

ኢሳያሳ ቲንቢቴ 15:2

ዲቦኔ ኣሳይ ጾሳ ኬ ኬዚዴስ፤ ዬካናስ ፑዴ ዙምቡላታ ቦላ ኬዚዴስ፤ ሞኣቤ ኣሳይ ኔቦ ጊሻሲኔ ሜዴባ ጊሻስ ዋሴስ፤ ሁኤይኔ ቡቻይ ሚልጺ ጊ ሜዴቲዴስ።

ኢሳያሳ ቲንቢቴ 16:13

ጎዳይ ሞኣቤ ጊሻስ ካሴቲ ዮቲዳ ቃላይ ሃይሳ።

ኢሳያሳ ቲንቢቴ 26:16

ኣቤት ጎዳዉ! ኢስቲ ሜቶቲዳ ዎዴ ኔኮ ዪዳ፤ ኔኒ ኢስታ ሴሪዳ ዎዴ፥ ሳሱኪ ኔና ዎሴቴስ።

ኢሳያሳ ቲንቢቴ 37:38

ሳናኪሬሚ ባ ጾሳ ኒስራኬ ኬን ጎይኒሼ ዴኢሺን፥ ኢዛ ናይቲ ኣዲራሜሌኬይኔ ሳርሳሬይ ማሻን ኢዛ ዎዳ። ሂስቲዲ ኣራራቴ ቢታ ባቃቲዳ። ኢዛ ና ኣሴራዶኔይ ኢዛሶሆን ካዎቲዴስ።

ኢሳያሳ ቲንቢቴ 47:13

ኔ ኤኪዳ ዞሬ ኡባይ ኔና ዳቡራራ ኣሺዴስ፤ ኣጊናፔ ኣጊና ጋካናስ ጾሊንቴ ጼሊ ካዪዛይቲ፥ ጾሊንቴ ታይቢዛይቲ ኣኔ ሃ ዬቶ፤ ኔና ጋኪዛ ሜቶፔ ኣኔ ኢስቲ ኔና ኣሼቶ።

ኤርማሳ ቲንቢቴ 10:5

ኢስታ ኤቃ ጾሳቲ ኢስታ ካ ጊዶን ዶኣ ዳጋንናስ ኤሲዛ ሚስሌ ማላ። ሃሳያናስ ዳንዳዬቴና። ሄሜታናስ ኢስቲ ዳንዳዮንታ ጊሻስ ኣሳይ ኢስታ ቶኬስ። ኢስቲ ኢታ ጊዲን ዎይኮ ሎኦ ሚሽ ኢንቴ ቦላ ኦናስ ዳንዳዮንታ ጊሻስ ኢስታስ ሙሌካ ያዮፍቴ» ጌስ።

ኤርማሳ ቲንቢቴ 48:13

ኢስራኤሌ ኣሳይ ቤቴሌን ኣማኔቲ ዲሼ ዬላቲዳይሳ ሞኣቤ ኣሳይካ ባ ጾሳን ካሞሼን ዬላታና።

ኤርማሳ ቲንቢቴ 48:35

ቃሶሆታ ቦላ ያርሺዛይታኔ ባንታ ኤቃ ጾሳታስ ኤጻኔ ጩዋሲዛይታ ታኒ ሞኣቤ ቢታፌ ይሳና።

ኤርማሳ ቲንቢቴ 48:46

ሞኣቤ ኔስ ኣዬ ኣና! ካሞሼስ ጎይኒዛ ዴሬይ ዉሪ ዉሪዴስ። ኔ ኣቱማ ናይቲ ኡባይ ዲኤቲዳ፤ ማጫ ናይቲ ኡባይካ ዲኤቲ ቢዳ።

ኤርማሳ ቲንቢቴ 48:7

ኢንቴ ኦዳ ኦሶኒኔ ኢንቴ ኣቆታን ኢንቴ ኣማኔቲዛ ጊሻስ ኢንቴካ ዲኤታና፤ ካሞሼይካ ባ ቄሴታራኔ ባ ሹሜታራ ዲኤቲ ባና።

ታይቦ ማጻፋ 21:28

ሃሴቦኔፔ ታማይ ኬዚዴስ፤ ላጮይካ ሲሆኔ ካታማፔ ኬዚዴስ፤ ሞኣቤ ዴሬን ኤሬ ጌቴቲዛሶዛ ይሲዴስ፤ ኣርኖኔ ቦላ ጌዜ ቢታን ዲዛ ሃላቃታካ ዲፒ ሂስቲዴስ።

ታይቦ ማጻፋ 22:39

ሄሳ ጊሻስ ባላሜይ ባላቄራ ጌዴ ቂሪያቴ ሁጾቴ ካታማ ቢዴስ።

ታይቦ ማጻፋ 22:41

ዎንቴ ጋላስ ማላዶ ባላቄይ ባላሜ ኢስራኤሌ ኣሳፔ ባጋይ ቤቲዛሶ ፑዴ ባሞቲ ባኣሌ ጌቴቲዛ ዙማ ቦላ ኬሲዴስ።

ታይቦ ማጻፋ 23:14

ሄሳፌካ ፑዴ ፒዝጋ ዙማ ሁኤን ዲዛ ጾፊሜ ዴምባ ኤፊዴስ፤ ሄንካ ላፑን ያርሾ ያርሺዛሶ ጊግሲዲ ኢሲ ኢሲ ያርሺዛሶዛ ቦላ ኢሲ ኢሲ ኮርማ ቦራኔ ርሾ ያርሺዴስ።

ታይቦ ማጻፋ 23:28

ሄሳ ጊሻስ ባላቄይ ባላሜ ጌዴ ባዞ ጊናራ ዲዛ ፔኦሬ ዙማ ሁኤ ኤኪ ኬዚዴስ።

ታይቦ ማጻፋ 24:17

ታኒ ኢዛ ቤኣይስ፤ ጊዶ ኣቲን ሃኢ ጊዴና፤ ታ ኢዛ ጼላይስ፤ ጊዲኮካ ሃኢ ማታን ጊዴና፤ ጾሊንቴይ ያቆቤፔ ቤታና፤ ካዎቴ ጉፌይ ኢስራኤሌፔ ኬዛና፤ ሞኣቤ ዜሬኔ ሴቴ ዜሬታ ኡባ ዲፒ ሂስቲ ይሳና።